إبراهيم:"فتح الباب" خشي تو نلحقك.
خشيت غيرت ومشيت للمطبخ ندير في العشاء.
_______
إبراهيم:ايوه.
أحمد:تي وينك يا راجل.
إبراهيم:هههه المدام قالت احمد خلطته مش كويسه فوته.
أحمد:ههههه والله.
إبراهيم:هذا هو هههه...ماليش واجد مروح.
أحمد:غريبه قبل غليين عليها عيت جدها.
إبراهيم:اها...اصلا اليوم تعبانه شوي.
أحمد:اها...باه رد بالك منها بس.
إبراهيم:ان شاء الله.
أحمد:ماشي سلام.
إبراهيم:سلام.
_____
وخش عليا لقاني في المطبخ.
صبا ورايا وضمني.
إبراهيم:"طبس قريب من وذني وهمسلي بصوت حنون وهادي" حبيبي احكيلي شن صار اليوم.
انا:ماصار شي.
إبراهيم:ليش كنتي تبكي.
انا:لا بس تعبت شوي.
إبراهيم:متأكدة..
انا:إبراهيم ما نبش نحكي توا..
إبراهيم:اوكي براحتك...امتى ما تحسي روحك تمام احكيلي.
انا:خلاص توا امشي تفرج ع الTv لحد ما نجيبلك العشاء.
إبراهيم:تمام...ماشي ماتطوليش.
انا:حاضر.
حطيت العشاء...وتعشينا ولميت المطبخ..
إبراهيم:طالع خمس دقايق تو نجيك.
انا:تمام...نرجى فيك.
دوشت ولبست اول روب لبسته قدامه لونه وردي ممسوح...وخشيت للدار قمزت ودهنت جسمي كريمه...وقعدت نستنا فيه.
سمعت صوت المفتاح صبيت قدام الباب...
إبراهيم:هههه بالك معايا حد.
انا:من الي يبي يجي في الليل.
إبراهيم:مزال بدري.
خش وسكر الباب...وشدني من خصري.
إبراهيم:خاطري نعرف بس شن خطرلك اليوم.
انا:"لفيت يديا على رقبته وقربت منه" مش مهم شن خطرلي...بس نبي نعيش كل لحظه حلوه معاك.
إبراهيم:انحبك يا هبله.
انا:نموووت فيك.
إبراهيم:"باسني..ورفعني خششني للدار و....."
"وهكي بديت مرحله جديده من حياتي...كنت البنت والاخت وبعدين الحبيبه وتوا الزوجه...صح واعره انك تتقبلي شي انتي مش مقتنه بيه...بس كان لازم نتقبله...لان ما عندش خيار ثاني...لازم نوهم روحي اني انحبه...لان خلاص نحن متزوجين ومش بالساهل ننهي هالعلاقه"
_____________
وبعد اسبوعين....
كنت مكسده مع خوات إبراهيم...
هدرزنا على مواقفنا زمان.
سهى:صح انتي وإبراهيم كيف تعرفتو.
انا:........... "وطبعاً زودت كلام من عندي على أساس كنت انحبه من الاول"
سجود:الله قصتكم حلوه.
إسراء:مش غير حلوه....تجننن.
انا:هههه وقصة سهى تجنن ربي يكملك ع خير.
سهى:يسلمو...
شوي جاني إبراهيم...
إبراهيم:أمل تعالي هاكي.
انا:نعم.
إبراهيم:إيناس تبيك.
أنت تقرأ
ابتسامة حزن
Teen Fiction______روايات باللهجة الليبيه_______ ((----للكاتبه لولو المغربي.----))
