ابتسامة حزن

ابتسامة حزن/الحلقة"16"

انا ببكاء و بصوت عالي: قتلك حول خطاني ما سدش الي درته شن تبي تدير اخرى خلاص..الي بيناتنا انهتى وانا توا مش لك انا توا لواحد ثاني افهمها.

شوي وخش واحد للمربوعه....ومن الخوف معش عرفت شن ندير.

جمال:يا حيوان وصلت بيك للدرجه هذي.
معتز:تي فاهم غلط انت.

جمال شد معتز وضربه بوكس ومن قوة الضربه طاح.

جمال بحت فيا:امشي خشي جوا.
انا:اا جمال اهدا.
جمال بصوت عالي:قتلك جوا.
انا:حااضر.."وطلعت نجري"

ونا برى نسمع فيهم متعاركين...مشيت نجري لسناء

انا:سناء صبي بسرعه.
سناء:بشويش كنك.
انا:صبي شوفيهم متعاركين.
سناء صبت:تي من.
انا:معتز وجمال امشي شوفيه جمال ضربه.

طلعت سناء بسرعه.

وخشت لقت معتز طايح وجمال منفصل ويضرب فيه ما كأنش خوه.

سناء:"شدة جمال من ع معتز"كنكم انتم..راكم خوت.
جمال:ال¥/$#** مش عارفته شن دار.
سناء:"بحتت في معتز لقت وجهه كله دم"هييي حي عليا..هذا شني..تي معقوله مهما يكون داير..معقوله تضربه هكي يهودي انت.
جمال:ومازال اخرى كان عاودها بنقتله.
وطلع لقاني مصبيه قدام الباب.

جمال:خشي جوا ومعش بنشوفك فيها المربوعه.
انا:نعم.
جمال:خشي جوا ولا وتي روحك نشيلك لهلك.
انا:باهي حاضر تو نخش.

خشيت قعدت مع حني نرجى في سناء تجي.

سناء:شن داير انت.
معتز:ما درت شي تعرفي تخطيني.
سناء:الحق عليا جايه ندافع عليك مفروض خليته يكسرك.
معتز:اصلا كله منك.
سناء:كييف¿¿•
معتز:خطيني بالله خشي جوا.
سناء:احكيلي.
معتز:تو نحكيلك بعدين خشي جوا ما عندش لك رأس.

________

شوي وجتني سناء في الدار.

انا:شن صار.
سناء:اليهودي هذا ضاربه ضربه شنه ع وجهه مخليه كله دم.
انا:هيييي ما نحسبش جمال وااعر هكي.
سناء:شن دار هوا.
انا:..........
سناء:هييي معقوله..لا يستاهل..كان قلتيلي من الاول راه ما دافعتش عليه بكل.
انا:حرام عليك.
سناء:حرمت عيشتك مازلتي تخافي عليه.
انا:مازال ولد خالي راه ما تغير شي.
سناء:يعني عشان هو ولد خالك بس...لا صدقتك.
انا:مفش داعي تصدقي.
سناء:جمال شن قالك بعد طلع
انا:هههههه قالي معش تخشي للمربوعه...ولا وتي روحك نشيلك لهلك
سناء:ههههه شني جو المتزوجين.
انا:هههه ما نحكيلك.

شوي ورن فوني.

انا:ياهلا.
اماني:شن جوك غلاي.
انا:شن صاير...الصوت الحلو والجو الرايق..
اماني:ماشيين للحب.
انا:صااااح...
اماني:اها..وماما قالتلك بيش تجي غادي انتي وعيت جدي.
انا:اها باه تو نشوف مرات ما نحصلش سياره.
اماني:ديري جوك الي عليا درتها.
انا:باه خلاص تو نشوف.
اماني:باهي اقلبي وجهك تو تكمليلي الرصيد..سلمي ع الي يلاك.
انا:يوصل.
_______