ابتسامة حزن

ابتسامة حزن/الحلقة"21"

إبراهيم بصوت عالي:أمل...ارقي فوق...تو نلحقك.
انا:كنك.
إبراهيم:ارقي قلت.

رقيت فوق وقعدت نستنى فيه..

سمعت صوته منفصل لوطه..قربت شوي عشان نسمع.

إبراهيم:مفش داعي للدوه الفاضيه...كل حد وعليش متعود.
علي:خلاص ياراجل ريحنا هذي امك راه.
إبراهيم:عارفها امي...لكن ما تجش تدير هكي.
علي:صاح يا امي مش شورك بيهن انتي...خلي بينهن وبين رجالتهن...كيف هيا كيف أفنان...خطيهن.
عمتي:ايووه صبو مع الصبايا انت وخوك..تقول ساحراتكم.
إبراهيم:ما ينفعش الكلام معاك انتي.

وسمعت صوته قرب خشيت جوا بسرعه...

جاني فوق...وما بش يحكي شي.

وكان باين عليه راقيله...قعمز في الصالة وقعد يدخن...

جيته صبيت قدامه مبش يبحت فيا.

انا:إبراهيم...
إبراهيم:خشي جوا...ما نبش ندير حاجه نندم عليها.
انا:بس انا شن درت.
إبراهيم:"عزق الطفايه في الساس"قتلك خشي جوا.

خشيت وصكرت الدار...وقعدت نبكي.

________

معتز:ها يا دكتور شن الوضع.
الدكتور:وضعه توا مستقر...وان شاء الله رح يتحسن أكثر.
خالي محمد:ان شاء الله...معتز رن ع محسن قالي بعد يتحسن قولي.
معتز:باه.

خالي محسن:الو.
معتز:ها عمو...شن الجو.
خالي:تمام الحمد لله...شن أمورك انت.
معتز:تمام والله.
خالي:شن وضع جمال.
معتز:توا الدكتور قال وضعه مستقر..ورح يتحسن اكثر.
خالي:باهي تمام الحمد لله.
معتز:ماشي توا سلام.
خالي:سلام.

سناء:شن قالك.
خالي:وضعه مستقر..
سناء:الحمد لله.

_______

إبراهيم:"يدق ع الباب"امل...امل.
انا:خش الباب مفتوح.

فتح الباب وخش...قعمز على حافة السرير.

انا:"درت وجهي شور الساس ما نبيش يعرف اني كنت نبكي".
إبراهيم:تبكي.
انا:لا.
إبراهيم:بحتي فيا باهي.
انا:نبش.
إبراهيم:تبش عينك...بحتي فيا.

بحتت فيه وطبست رأسي.

إبراهيم:آسف...بس انتي غلطتي...عشان هكي انفصلت عليك.
انا:شن درت.
إبراهيم:توا انا قبل ما نطلعو مش قتلك ما تلبسش قصير.
انا:اها..ولبست طويل.
إبراهيم:ورفعتي كمامك...و طبقتي الجينز...وطلعتي بيهن قدام خوتي وباتي وهكي غلط.
انا: ما فطنتش عادي تصير الواحد يغلط.
إبراهيم:ماهو الي خلاني نمشي الموضوع ان افنان مرات علي حتى هيا صارلها نفس الموقف.
انا:هههه..صح افنان ليش ما جت اليوم.
إبراهيم:"ارتبك و وجهه تغير" اا مش عارف تقريباً عند هلها خوها مريض.
انا:اها ربي يشفيه..."ودرت وجهي للساس اخرى"
إبراهيم:مازلتي زعلانه...خلاص عليش هذا كله.
انا:نبي نطلب منك طلب صغير.
إبراهيم:اطلبي عيوني نعطيهن لك.
انا:نبيك تشيلني لحوش جدي.
إبراهيم:انتي حتى حوش هلك مازلتي ما مشيتيله.
انا:ما اصلا ولد خالي دار حادث يوم فرحنا.
إبراهيم:اها..باه بكره نشيلك ع العصر..
انا:تمام.
إبراهيم:باهي ديريلي شاهي مدخنين على قولتك...ما تهنتش على الشاهي من وجهك.
انا:ههه احسن.