ابتسامة حزن

ابتسامة حزن/الحلقة"36"

إبراهيم:خير شن في.
انا:مافي شي اا مرايفه عليك.
إبراهيم:والله...من حفظها لك...اكيد في حد قاللك قوليها له.
انا:معقوله..يعني مش من حقي نرايف علي حبيبي.
إبراهيم:هههه لا من حقك...بس توا نبي نحكيلك موضوع.
انا:احكي.
إبراهيم:ما نبكش تخافي تمام.
انا:باهي احكي بس.
إبراهيم:احمد خوك ضرب واحد وقبضو عليه.
انا:كيف¿¿
إبراهيم:قتلك مت تخافيش انا.
انا:تي كيف تبيني ما نخافش خويا هذا.
إبراهيم:عارف يا عمري بس الموضوع مش مستاهل الراجل تو يطلع من المستشفى...ويتنازل.
انا:وشن عرفك انه رح يتنازل.
إبراهيم:لانه غلطان.
انا:كيف فهمني¿¿.
إبراهيم:.......
انا:هيي الغبي ما يضربه إلا قدام الشرطه
إبراهيم:هههه وانا نقول لمن طالعه...المهم ما تخافيش اهدي تمام.

اماني:خش يا إبراهيم عليش مصبي برا.
إبراهيم:لا نازل لوطه مع الشباب.
اماني:لا نحن الي نازلين...

وطلعت وشدت إسراء معاها.
اماني:هيا يا وجه الفضايح.

طلعن وسكرن الباب.

إبراهيم:"بحت فيا لاستغراب"شن في.
انا:مافي شي..اا نحطلك تتعشى.
إبراهيم:لالا ما نبش توا.
انا:"خشيت وسيبته"
إبراهيم:والله مانك طبيعيه.

________

رن فون اماني.

اماني:يا هلا..شن جوك بيبي.
حمزة منفصل:مش تمام بكل شن قايللك انا مش قتلك مافيش مشي كيف تفهمي.
اماني:ومن قالك مشيت.
حمزة:تحسابيه يمشي عليا الجو هذا..
اماني::معش عرفت شن تقول"تي اصبر بس خليني نفهمك"وصبت طلعت للجنان عشان البنات ما يسمعنش"
حمزة:ما تفهميني شي خلاص الي بيننا انتهى.
اماني:حمزة كنك انت مش لعبة هيا.
حمزة:انتي الي خليتيها لعبة...شوفي نصيبك

وسكر.

اماني:"قعمزت في الجنان وتمت تبكي"

ديما يقولو حب وزاج الاقارب ما يجيب إلا الوجع...وفعلاً كل وحده فينا صار معاها نفس الشي...حبينا وخططنا لمستقبلنا معاهم وفي الاخير ينهوها بكلمة"شوفي نصيبك".

صح هو شعور واااعر انك تحبي شخص اكثر من نفسك وفي الأخير يتخلى عنك.

_______

وطلعت سجود لقت اماني في الجنان تبكي.

سجود:موني كنك.
اماني:لالا مافي شي...متضايقه شوي.
سجود:متعاركه مع حمزة.
اماني:"تمت تبكي اخرى" قالي شوفي نصيبك.
سجود:خلاص يا عمري عادي فوتيه...في مليون واحد يتمناك.
اماني:انا نبيه هو ما نبيش المليون.
سجود:خلاص يا عمري وسعي بالك.."وشدتها شورها وحضنتها"

شوي خش سراج للحوش.

اماني:"انصدمت لان انا قلتلها عنده شغل وبايت برا".
سراج:"بحت في اماني لقاها تبكي وحالتها حاله" سجود خشي جوا.
سجود:حاضر.
أماني:"صبت تبي تخش حتى هيا"
سراج:"مسك يدها"خليك نبي نحكي معاك.
اماني:شن تبي مش ناقصتك حتى انت"وماسكه دموعها بالغصب ما تبيش تبكي"
سراج:"خضنها بالقوة"ابكي.
اماني:سراج حول خطاني ما نبش نبكي.
سراج:ابكي عشان تريحي.
اماني:"معش تحكمت في روحها وتمت تبكي"
سراج:"شادها بين يديه بدون ما يحكي اي شي...المسكين صعبه عليه يشوف حبيبته تبكي عشان واحد ثاني...سمع صوت إبراهيم نازل من فوق" تعالي معايا..
أماني:وين.
سراج:"مسك يدها وخش من باب المطبخ"
أماني:سراج خلاص نبي نخش.
سراج:تمام هشي بس هذا رح يقعد معايا"وخذا فونها"
اماني:نعم..لالا هات نبيه.
سراج:خوصي فوني انا وخشي.
اماني:نبي فوني.
سراج:"مدلها فونه وطلع".
اماني:اووف حتى بعد يبي يدير حاجه كويسه يخربها في الأخير.

وخشت من عند المطبخ وسراج جاء من الباب الثاني.

إبراهيم:"بحت في سجود وشك فيهم لان سراج كان طول الوقت يبحت في اماني".
سجود:سراج جبت الي قتلك عليها.
سراج:ما قلتيلي علي شي.
سجود:"فنصت فيه" سراج بلا براده.
سراج:"فهم الموضوع"اها هههه نبصر معاك جبتها.
إبراهيم:مافي شي في يدك شن جبت.
سراج:اا قاعد في السياره.
إبراهيم رقاله:تعال نبيك.
سراج:هي جايك شوي بس.
إبراهيم:تعال توا.

وطلع للجنان..

______

سجود:هييي شكله شافكم.
سهى:شن شاف.
اماني:عادي وضع طبيعي شافني نبكي وسكتني شن المشكله.
إسراء:اووه شكله عندنا عصارفير جدد.
سجود:تي مش هكي وانتن مستعجلات...تي امبدري كانت زعلانه وهو شافها سكتها وشافهم إبراهيم بس.
أماني:اها.

_______

إبراهيم:سراج قول الحق فكني من لعب العيال.
سراج:تي كنك شن في.
إبراهيم:انتي الي قولي شن في.
سراج:كيف¿
إبراهيم:شن في بينكم.
سراج:من هذوما.
إبراهيم:سراج فكني من البراده.
سراج:تي مافي شي ياراجل.
إبراهيم:عليا انا.
سراج:"دار روحه يحكي ع الفون" ايوا...شن جوك...تمام والله الحمد لله...شن امورك...كيف...هي جايك توا.
إبراهيم:شن في.
سراج:واحد صاحب داير مشكله نمشي نشوفه نحكو بعدين"وصبا طلع بسرعه"
إبراهيم:تم اوكي.

________

جاني إبراهيم فوق لقى حالتي حاله.

إبراهيم:كنك تحسي في حاجه.
انا:إبراهيم بطني خلاص معش نقدر نتحمل.
إبراهيم:مش موعدك الاسبوع الجاي.
انا:اها...دير حل معش نقدر نتحمل.
إبراهيم:"ارتبك ومعش عرف شن يدير"باهي استني شوي بس تو نجي

نزل إبراهيم لوطه وكلم سهى.

إبراهيم:ارقي بسرعه شوفيها.
سهى:كنها شن تحس.
إبراهيم:تي شن عرفني انا امشي شوفيها.

جني اماني وسهى فوق.

اماني:امولي شن تحسي.
انا:بطني ليه قوية.

إبراهيم يكلم في سهى من الصاله:سهى لبسنها تو نشيلها للمستشفى توا.
سهى:حاضر.

لبست ع السريع وشالني إبراهيم ومعايا سهى واماني.

اول ما وصلت الدكتورة قالتلهم ولاده خششوها بسرعه.

الدكتورة:ليش طولتو بيها.
إبراهيم:دكتورتها قالت الاسبوع الجاي موعدها.
الدكتورة:اها"وخشت للغرفة"

طولت جوا وإبراهيم المسكين خايف ومرتبك.

وبعد ثلاث ساعات طلعت الدكتوره.

#يتبع

شني قولكم ولد ولا بنت وشن الاسم..

الحلقتين الثانيات رح انزلهم في الليل الساعه 12:00.
♥♥♥