ابتسامة حزن

ابتسامة حزن/الحلقة"37"

طولت جوا وإبراهيم المسكين خايف ومرتبك.

وبعد ثلاث ساعات طلعت الدكتوره.

إبراهيم:ها شن صار...شن وضعها.
الدكتورة:مبروك ولد... و وضعها تمام ما تخافش عليها.
إبراهيم:الحمدلله.

فرحن البنات بالخبر وباركو لبعضهم...وشوي وجت الممرضه وفي يدها البيبي..

خذاه إبراهيم...باسه وأذن في وذنه.

سهى:شن بتسميه.
إبراهيم:مش انا الي بنسميه...لان اتفقنا امل تسمي الولد وانا البنت.
سهى:اها..بس ماما قالت ما تسموش فرج "علي عمي"
إبراهيم:مش عارف هيا حرة كان تبي تسمي فرج ما نقوللهش لا.
أماني:عادي اسم فرج مش شين.

رن إبراهيم علي سراج جاء خذا البنات وهو قعد معايا..

خش عليا..

إبراهيم:شن جوك يا احلى ماما.
انا:ههه تمام الحمدلله.
إبراهيم:تعرفي اليوم عطيتيني احلى هديه.
انا:كنت بنعطيك هديه ثانيه عشان عيد ميلادك بس ربي عطاك جمال.
إبراهيم:بتسميه جمال.
انا:اها.
إبراهيم:علي من.
انا:علي واحد نعرفه من زمان...شخصيته حلوى...وحبيت نسمي عليه بلكي يطلع زيه.
إبراهيم:يطلع زي باته..شني مش عتاجبتك شخصيتي.
انا:ههههه ما نقدرش نسمي عليك..لو نقدر كنت سميته إبراهيم.
إبراهيم:لا عادي اصلا حتى انا عاجبتني شخصية جمال.
انا:جمال من¿¿.
إبراهيم:جمال ولد خالك.
انا:"قعدت ساكته"
إبراهيم:انحببك يا أحلى أم فالكون.
انا:وانا نمووت فيك يا احلى بابا.
إبراهيم:"قرب مني"

شوي جمال تمى يبكي.

إبراهيم:لا من اولها هكي.
انا:هههه.
إبراهيم:"بحت فيه"اسكت بلا دلع.
انا:حرام عليك.
إبراهيم:حرام عليه هوا.
انا:ههه باهي اطلع...نبي نرضعه.
إبراهيم:عادي رضعيه قدامي شن المشكله راجلك انا.
انا:إبراهيم اطلع ما نقدرش قدامك.
إبراهيم:منش طالع.
انا:باه خليه يموت من الجوع.
إبراهيم:يا هبله ولدك.
انا:مش شوري.
إبراهيم:ههه باهي طالع..

وصبى إبراهيم وطلع قعد برا.

______

وفي الصبح إبراهيم جاب ورقة الخروج وطلعنا.

وصلت للحوش...وقابلتني عمتي.

عمتي:"خذت مني جمال"ماشاءالله مبرووك..
انا:يبارك فيك.
عمتي:شن سميتوه
انا:جمال.
عمتي:باه ما شاء الله اسم سمح.

وخشينا للحوش ولقيت البنات موتياتلي سرير في حوش عمي لوطه.

وكلهم فرحو بجمال و عجبهم الاسم...

وع العصر جت ماما واميرة ونجاة "مرت بابا"..

خشت ماما سلمت عليا وخذت جمال في يدها..

وأول ما خشت نجاة بحتت في ماما بعصبيه...وهي بحتت فيا وهمستلي

ماما:مشي توا سلمي عليها ما تحشمينش قدام العرب.
انا:"ما بتش نحكي"

جت نجاة سلمت عليا وباركتلي ومشت قعمزت جنب ماما.

اماني:اميرة.
أميرة:نعم.
اماني:تعالي نبيك.
اميرة:"صبت ومشتلها في المطبخ"
اماني:تعالي في الجنان مانبش حد يسمع.
اميرة:"طلعت وراها"كنك.
اماني:شن تبي جايه هذي.
اميرة:بابا قال شيلوها معاكم.
اماني:والله نوريها الحقيرة.
اميرة:شن تبي تديري.
اماني:اصبري عليا بس...

مشت أماني دارت قهوه او واحد من الفناجين حطت فيه ملح وميه زهر 😅 "ما تعلقوش ع الفكرة من ابتكاراتي الحركات هذينا"

وحطت الفناجين علي شكل مثلث واحد قدام او وراه اثنين...ومشت مدت عليها اول وحده عشان تاخذ الفنجان هذكا.

انا:"لاحظت ابتسامة خبث علي وجة اماني عرفتها دايرة حاجه...وبعد شربت نجاة القهوه فهمت ومسكت ضحكتي بالغصب".

اميرة:مية الوليه شرقت.
اماني:هههه خليها تموت.
اميرة:شن درتي انتي.
اماني:ههههه...ملح ومية زهر.
اميرة:ههههه يا خبيثه علي من تخطر.
اماني:استني شوي خليها تعذب شوي وبعدين شيليللها ميه.
اميرة:هههه حرام عليك.

خذت اميرة ميه وشالتها لها وخشت اماني قعمزت مقابله نجاة وتعطي فيها نظرات متاع الي مازال ما شفتي شي.

ونجاة فهمت ان أماني هي الي دارتها.

وانا خلاص نبي نمووت من الضحك معش نقدر نمسك روحي.

ماما:كنك بسم الله.
انا:ههههه لالا شي ما شفتش جمال شن دار توا ضحكني.
ماما:راقد العيل كنك انتي.
انا:ما كني شي.
اماني:هههه خلي الي يضحك يضحك يا ماما.

وطلعت..وانا لحقتها.

طلعنا للجنان.

انا:شن درتي يا سامطه.
اماني:.....
انا:هههههه ازي عليك خبث فيك.
اماني:تستاهل مازال ياما جايها.

وجاء إبراهيم.

إبراهيم:شن تديري هنا انتي.
انا:نهدرزو.
إبراهيم:خشي جوا صقع..تو تمرضي.
انا:حاضر.

وخشيت..

واماني قعدت في الجنان...تفتش في فون سراج...شافت صورته قعدت تبحت فيه وحست بشعور غريب ما فهمتش.

سراج:مرايفه عليا.
اماني:لا.
سراج:ياعنجد الصراحه.
اماني:تبيني نكذب عليك خير.
سراج:ههه سمعتك توا تحكي مع امل...ليش الخبث هذا كله شن دارتلك المسكينة.
اماني:خذت مني بابا...وجرحت قلب ماما.
سراج:هذي مرت باتك.
اماني:اها..
سراج:باهي اهدي ليش راقيلك.
اماني:سراج نبي فوني...ما رنش امس.
سراج:لا ما رنش...ما نبش نشوف دموعك.
اماني:الجرح قوي ودموعي مستحيل ينشفن.
سراج:ما نبيهنش ينزلن علي حد غيري.
أماني:وليش بينزلن عليك.
سراج: اماني عطيني فرصه.
اماني:لالا..ما نبش نغلط مرة ثانية.
سراج:مش رح تغلطي صدقيني...انا انحببك..بس عطيني فرصه وحده...ولو غلطت مرة فوتيني.
اماني:"صبت تبي تخش"
سراج:"مسك يدها وشدها شوره"مفيش خشوش جوا لازم تعطيني قرار.
اماني:سراج فوتني.
سراج:اماني انا انحبببك..

إبراهيم:"انصدم لما شافه ماسك يدها ويحكي معاها...وبصوت عالي"سراااج.
سراج:"طلق يد اماني"خشي جوا بسرعه.
اماني: اا.
سراج:خشي قلت بسرعه..." وبحت في إبراهيم" نعم شن في.
إبراهيم:.....

#يتبع