ابتسامة حزن

ابتسامة حزن/الحلقة"13"

طلعت إيناس وما طولتش برا جت وجهها متغير...و ما يتفسرش.

انا:كنك.
ايناس:قالتلك ماما البسي حاجة كويسه واطلعي خوات صاحب أحمد وامه جايات يسألن عليك.
انا:شنيييي.
إيناس:عدي توا وبعدين قولي مش موافقه...عارفتك تحبي معتز.
انا:من قالك انحبه خلاص انا وياه انتهينا.
إيناس:امل ما تغلطش غلطتي.
انا:اطلعي خلاص تو نوتي روحي ونطلع.

لبست احسن حاجه عندي ودرت مكياج خفيف...ودست علي قلبي وطلعت..

عطتني أماني سفرة القهوة و خشيت بيها.

مديت عليهن.

وطلعت لان ما قدرتش نتحمل أكثر...خشيت للدار سكرت على روحي وتميت نبكي...وااعره تحبي شخص من قلبك ويخونك والاصعب منها انك تكوني مجبوره تمثلي على روحك انك نسيتي.

اليوم كله وانا قاعده في الدار ومكملتها بكاء...جت إيناس تدق ع الباب.

صبيت فتحتلها ورديت تغطيت طول بيش ما تشوفنش نبكي.

إيناس:امولي تبكي انتي.
انا:ههه لا عليش بنبكي تعبانه بس.
إيناس:اها...باهي يبيك أحمد.
انا:قوليله راقده مريضه.
إيناس:امل احكيلي ما تكتمش شي في قلبك.
انا:خليني بروحي بس.

ومشى اليوم وانا في الدار ما طلعتش وكل ما نتذكر نفس الموقف...نقعد نبكي كأنه صار توا.

_________

في الليل كلهم رقدو وانا قعدت واعيه بروحي نراجع في الإمتحان إلي ما قريتش فيه بكل.

كملت قرايه وع الفجر فتحت فوني بنكسد ع النت....لقيت مكالمات من ارقام غريبه ومعتز...ورسائل.

وطبعاً ما ركزتش علي شي غير اني فتحت رسائل معتز.

ولقيتهن..

"انحبك"
"وينك رايحه...ليش ما تردي عليا"
"سناء حكتلي...انتي فاهمه الموضوع غلط مفش حاجه من الي في بالك"
"انحبببك"

قريت الرسائل اكثر من مره وكل مره نقراهن نزيد نتعذب اكثر من يلي قبلها..بس قررت نبدأ بداية جديدة مستحيل نرد لمعتز...يعني بنكذب عيني ويلي شفته.
_____________
كسدت ع الفيس شوي ورن فوني.

انا بصوت مهزوز:الو..
معتز:انحبك...مرايف عليك حبيبي ليش تديري فيا هكي.
انا:شكلك غالط في الرقم انا أمل مش إيمان.
معتز:والله فاهمه غلط...تي انحبك انا.
انا:معتز انا انخطبت.
معتز:كيييف¿¿•لالا مستحيل انتي ما تقدرش تعيشي بدوني ورح ترجعيلي انا متأكد.
انا:تحلم.

وسكرت الخط.

يعني صح الخطبه مازالت ماتمت وحتى انا مازلت ما وافقت ومش رح نوافق بس فكرت لو قتله هكي يفوتني..

صليت الفجر و وتيت روحي للمدرسة...وعيت البنات ومشينا للمدرسة.

كملت الامتحان...وطلعت...لقيت نسمه حتى هيا طالعه...استنيت البنات لكن طولن..