سمعت صوت هرجه طلعت وياريتني ما طلعت.
ابراهيم: والله ياعمي انا جاي نبي حقي ما طلبتش حاجه مستحيله ولدي عطوه ليا ومعش تشوفوني•
ماما: كيف الكلام هذا القانون جا معاها خلاص•
بابا: اسسس كلام رجاله ما تدخلش فيه•
ماما: مش كلام رجاله هذا يبي ياخذ ولد بنتي•
بابا: ولده مش ولد بنتك مسمى علي اسمه مش علي اسم بنتك ولا هو من اسم عيلتنا•
انا: "قعدت نبحت في بابا كيف يكسرني هكي" بابا هذا ولدي•
ابراهيم: "بعد شافني تغرين ملامحه وحن بس تأثير زياد كان قوي عليه"•
بابا: جيبي العيل•
انا: بابا•
بابا: قتلك جيبي العيل كلمه وحده•
ماما: اسمعي كلام بوك وامشي•
انا: خشيت للدار رفعت جو وكان راقد وطلعتله دبش والدموع ملايات عيوني كيف بابا يلي عمره ما زعلني يدير فيا هكي•
وطلعت عطيته جو،
ابراهيم: "خذاه مني وقعد يبحت فيا كأنه بيملى عينه مني"
بابا: خلاص توكل ولدك وخذيته معش عندك شي عندنا•
_________
احمد: "منفصل" تي خلاااااص سكري فمك•
الهام: ما تقوليش سكري فمك من امتى تأخذ فيه البلا الأحرف هذا،،ومخليه ليا في دار النوم أخرى مش متحشم،،تحسابني هبله تقولي دواء راس•
أحمد: ياعن#&** "ومسكها من شعرها" قتلك سكري خاربك تفهمي ولا لا•
الهام: تي حول يا#&*&•
أحمد: تردي عليا أنا يا بنت الحرام"وبدأ فيها ضرب"•
الهام:"تمت تعيط وماحد حز عليها"•
((وهذا أحمد يلي دارت المستحيييل عشانه))•
__________
انا: "كملتها بكاء وما طلعتش من الدار بككل"
اماني: عليش تبكي•
أميرة: شن رايك انتي خطيها بلا غباء•
اماني: ولله كان تبي ولدها رآه ريحت روحها•
أنا: "بصوت تعبان'' اماني اطعلي من قدام وجهي احسنلك•
أميرة: امولي أهدي خلاص يصير خير•
انا: "انهرت" تي كيف نهدا ولدي رآه مازال ما حسيتيها انتي بس تو يقعد عندك عيال وتحسي بيا،،نااار والعه فيا جواا•
أميرة: "عيونها تعبن دموع لأن مش عارفه كيف تساعدني"•
__________
أنت تقرأ
ابتسامة حزن
Novela Juvenil______روايات باللهجة الليبيه_______ ((----للكاتبه لولو المغربي.----))
