ومعش قدرت نمسك روحي حسيت قلبي يوجع فيا حسيت روحي بننفجر وفعلاً انفجرت وقعدت نبكي وكان صوتي عالي بس ما دورتش لان الكل كان راقد.
وفجأة سمعت صوت..مار عليا.
جمال:امل كنك عليش تبكي شن في.
انا:لا ما نبكش بس عيوني يوجعن فيا.
جمال:أمل بلا عبط احكي في حد ضايقك😒.
انا:جمال قتلك مافي شي...نبي نخش الجو صقع😒.
وكنت بنخش جوا بس هو وقف قدامي.
جمال:تعالي فوق خير الجو هنا مش تمام اي حد ممكن يضايقك.
انا:الي هنا كلهم زي خوتي يعني مستحيل يفكرو يضايقوني.
جمال:انتي ليش تحبي تعاندي.
انا:قعدت ساكته.
جمال:هي امشي معاي فوق.
انا:جمال ما نقدرش توا الوقت متأخر تو يفهموني غلط.
جمال:باهي خشي بسرعه ومعش بنشوفك هنا الحوش مليان شباب غلط تقعدي في الجنان بروحك.
انا:حاضر..سلام.
جمال:سلام.
.....
خشيت صليت الفجر و قعدت واعيه ما جانش نوم بكل انفكر😔...ليش هم هكي يعني يهتمو بالبنت لحد ما تحبهم ويفوتوها💔...يعني معتز وبعدين جمال خوه...ليش يهتمو بيا للدرجه هذي...والله معش فهمت شي 😕.
وقعدت انفكر لحد ما رحت في النوم.
.......
نضت راسي يبي يطربق تقول سكرانه.
خشيت دوشت و مشيت للمطبخ...
إيمان:وين النوم هذا كله يا عروس😒.
انا:ابتسامة صفره😏 ((ناقصتك أصلا)).
إيناس:ما رقدتيش امس شفتك صليتي وقعدتي واعيه.
انا:اها.
منيه:من سعيد الحظ الي مسهرك تفكري فيه😅.طلعت وسيبتهن يحكن بلا ما نرد عليهن مشيت اتكيت ع رجل حني.
حني:كنك يا بنيتي...شن متعبك...كان مريضه نشيلوك نعاينوك.
انا:عندك علاج لوجع القلب يا حني💔.
حني:الصبر بس يا بنيتي و ربك تو يفرجها ان شاء الله.
انا:ان شاء الله.
إيناس:مصح وجك تحكي لحنك هكي.
حني:عادي غير خطيها انتي بس...من قهايرك وعلايلك تشكي.
إيناس:انقانك بريئه يا حني ما فهمتش قصدها.
حني:كيف؟؟.
إيناس:ههههه لا شي...وبحتت فيا...صبي نبيك😒.مشت للدار وانا لحقتها.
انا:كنك.
إيناس:انتي الي كنك.
انا:جوي تمام تعبانه شوي بس.
إيناس:تعبانه شوي...متأكده.
انا:اها متأكده شني التحقيق هذا.
إيناس:خلاص امشي بلا براده.
....طلعت وسيبتها ف الدار ومشيت جنب حني وقعدت انتفرج ع Tv....تغدينا وبعد الغداء برمت ع الحوش و البنات برمن ع المطبخ وضمنه و بخرنا الحوش...ودرنا قهوه وقعدنا مكسدات جنب حني.
أنت تقرأ
ابتسامة حزن
Novela Juvenil______روايات باللهجة الليبيه_______ ((----للكاتبه لولو المغربي.----))