حبك طريقي

الفصل الثاني عشر

حسام لنورا:هنشوف يا نورا والجواز هيتم وساعتها هتدفعي ثمن القلم ده غالي أوي
نظرت له نورا ببرود وانصرفت وصعدت غرفتها
خرج حسام خلفها من المكتب وذهب إلي الحديقه حيث يجلس علاء وثريا
حسام:بعد إذن حضرتك يا أبيه انا ماشي
علاء:ماشي يا حسام
حسام:حضرتك زعلان مني
علاء:طبعا يا حسام مكنتش أتوقع إنك تستغل غيابي وتعمل كده
حسام:أنا آسف يا أبيه ياريت تقدر تسامحني
علاء:أنت هزيت ثقتي فيك يا حسام
حسام بحزن:أنا مش عارف أقول لحضرتك إيه عن اذنكم وانصرف حسام وهو يقول لنفسه:حسابك ثقل معايا أوي يا نورا وكمان أبيه علاء زعل مني يارب أنا مش عارف أعمل إيه
عند ثريا وعلاء
ثريا:أنت زعلان بجد منه
علاء:مش عارف يا ثريا أزعل منه ولا ازعل عليه هو بيحبها وهي تعباه معاها وهو بيعمل أي حاجه عشان يقربها منه  مش عارف آخره العند ده إيه
ثريا:بس انت قسيت عليه
علاء:بكره يعرفوا قيمه إللي أنا بعمله ده
في مكان آخر داخل منزل ياسمين
ياسمين تتصل برقم مجدي
مجدي:ألو اهلا بيكي
ياسمين:أنت قطعت ليه وماتصلتش بيا
مجدي:انا لسه بخطط لهم
ياسمبن:كل ده بتخطط لهم
مجدي:اتقلي شويه
ياسمين:لما أشوف آخرتها معاك
واغلقت ياسمين الخط وهتفت أمتي ييجي اليوم إللي أشوفك فيه مهزوم يا حسام
وتمر الأيام ويأتي عمرو الي نورا لجلسات علاجها وكان ينقل لها أخبار حسام وينقل لحسام اخبارها وفي يوم رن هاتف حسام فكان نائم بالفيلا الخاصه به
حسام وهو نائم:ألو
مصطفي:حسام فوق يا حسام
حسام:عايز إيه يا زفت علي الصبح أنا مش هاجي النهارده
مصطفي:علاء باشا تعب أوي ونقلوه المستشفي
حسام  بفزع:إيه بتقول إيه يا مصطفي بابا ماله
مصطفي:تعالي بسرعه يا حسام
حسام:أنا جاي حالا
قام حسام وارتدي ملابسه علي عجل وفجاه رن هاتفه مره أخري ونظر إليه وجد رقم هاتف نورا
حسام:ألو
نور بصريخ:أبيه علاء تعبان أوي يا حسام وانا قاعده لوحدي مش عارفه أعمل إيه
حسام:أهدي واجهزي انا جاي اخدك حالا ونروح له
نزل حسام من فيلته واتجه إلي فيلا علاء المنياوي ووجد نورا تنتظره في الحديقه
حسام:نورا
ركضت عليه نورا وهي تبكي:حسام يلا بسرعه نروح المستشفي
اخذها حسام واتجه إلي السياره وجلست نورا بجواره وهي تبكي
حسام ينظر لها:مين إللي قالك
نورا:عمرو إتصل بيا
حسام:طيب أهدي يا حبيبتي إن شاء الله خير
نظرت له نورا وذادت في البكاء
وصل حسام ونورا إلي المستشفي وذهبوا إلي غرفه الطوارئ حيث وجدوا ثريا وعمرو يقفوا خارجها
حسام بلهفه يتوجه لثريا:ثريا بابا ماله
ثريا:مش عارفه يا حسام أنا لقيت مصطفي بيتصل بيا وبيقولي إنهم كلموه في مكتب علاء وقالوا له إنه تعبان أوي وراح له بعربيه إسعاف وجابه علي هنا ولسه مخرجش
حسام : وليه مكلمنيش أنا معقول يكون لسه زعلان مني
ثريا:مش وقته الكلام ده يا حسام
حسام:أنا هدخل أطمن بنفسي
عمرو:استني بس يا حسام هتدخل تعمل إيه ما مصطفي جوه ودكتور حسين جوه وأنت متوتر وممكن توترهم معاك
ظفر حسام في ضيق وهو يضع يده علي راسه وينظر لنورا التي تقف تبكي في صمت
خرج مصطفي وذهب إليه حسام:إيه يا مصطفي بابا ماله
مصطفي:أهدي يا ريس مفيش حاجه هو شويه إرهاق علي قولون عصبي عملوا له أعراض ذبحه بس الحمد لله علاء باشا زي البمب وصحته كويسه جدا
حسام:أنا عايز ادخله
مصطفي:هو دقايق وهننقله اوضه عاديه أنا عايزك أنت ونورا لوحدكم علي أما علاء باشا يتنقل اوضته
نظر حسام الي مصطفي:في إيه يا مصطفي
مصطفي:ما تقلقش مفيش حاجه تعالي بس معايا وهات نورا في ايدك
ذهب حسام إلي نورا وجدها شارده تنظر إلى الفراغ وتبكي في صمت أقترب منها حسام وأمسك يدها وهتف :تعالي معايا يا نورا
ثربا:رايحين فين يا حسام
حسام:فيه إيه يا ثريا مش هخطفها يعني راجعين تاني
ثريا:ماشي يا حسام مش هنتكلم هنا
اخذ حسام نورا واتجه إلي مكتب مصطفي فوجدوا مصطفي ينتظرهم
حسام:في إيه يا مصطفي بابا حالته خطيره
مصطفي:لا يا حسام أهدي
حسام:أمال فيه إيه ماتنطق
مصطفي:بصوا بقي لعب العيال إللي انتم فيه ده لازم ينتهي علاء باشا حالته النفسيه وحشه جدا من إللي أنتم بتعملوه وإللي حصل له النهارده عشان زعله منكم انت يا دكتور حسام خنت ثقته فيك وزعله منك كان عقاب ليه قبل ما يكون عقاب ليك وأنت يا أنسه نورا مش ناويه تنطقي بقي انت خلتيه يشيل ذنبك ويفتكر إن إللي حصل لك بسببه حرام عليكوا المهزله دي لازم تنتهي ويا تتنيلوا تتجوزوا يا تفضوها سيره وتتطلقوا وكل واحد يروح لحاله
حسام:بغض النظر عن طوله لسانك إللي هحاسبك عليها بعدين بس أنت كلامك صح إحنا في وسط عنادنا مع بعض نسينا أبيه علاء ومخدناش بالنا إنه ممكن يزعل مننا
نورا:تنظر في صمت
مصطفي:  وأنت يا أنسه
نورا:أنا مش عارفه أعمل إيه أنا مش هستحمل فراق تاني كفايه مامي ودادي راحوا مني ثم انهارت في البكاء
أقترب منها حسام وحضنها:هش أهدي يا حبيبتي إن شاء الله مش هيحصل حاجه وحشه
مصطفي اقترب منه ونزع يده من عليها:إيه يا عم انت ما صدقت ابعد عنها
حسام ينظر له بغصب:ماشي يا دكتور مصطفي
مصطفي:أنا عايز أسمع منكم قرار دلوقت والقرار ده إللي هتبلغوه لعلاء باشا
حسام:أنا هتجوزك يا نورا
نورا :أنا موافقه بس بشرط
حسام:شرط إيه
نورا:الجواز هيبقي صوري لحد ما أبيه علاء يبقي كويس وبعد كده تبقي تطلقني ونقوله إننا مش متفقين
حسام بغضب:نعم يا أختي جواز إيه إللي صوري
نورا:هو ده إللي عندي
مصطفي  وهو يحاول تهداته :خلاص يا حسام وافق عشان علاء باشا يقوم بالسلامة
حسام:طيب والشرط إللي هو حطه إنه مفيش جواز طول ما الهانم مش بتتكلم
مصطفي:خليه عليا الشرط ده مهو مش معقول هنقوله إنها نطقت فجأه يعني
نورا:أه وأنا مش هنطق إلا لما أرضي عنك
حسام بصدمه:كمان ترضي عني ماشي يا نورا
مصطفي:خلاص بقي يلا عشان نطمن علي علاء باشا
ذهبوا إلي غرفه علاء حيث يجلس عمرو وثريا وعلاء يرقد على الفراش
ثريا بإبتسامه :مكنتش أعرف أنك بتعرف تخطط كده يا علاء ده أنا صدقت
علاء:هما إللي خلوني أعمل كده دي مكانتش جوازه دي أنا نفسي أطمن عليهم وأشوف اولادهم
عمرو:زمان مصطفي دلوقت بيديهم إللي فيه النصيب أنا خايف عليه من حسام لحسن ده غبي وايده طارشه
علاء بضحك :الله يكون في عونه بس حسام مش هيعمل له حاجه
ثريا:ما شفتش حسام وهو هيموت ويدخل لك ده كان بيقول بابا
علاء:مهو أنا باباه ولا أنت ناسيه
وهنا دخل حسام ونورا إلي غرفته ركض إليه حسام وإرتمي في حضنه
حسام:بابا حبيبي ألف سلامه عليك أنا آسف أنا غلطان أعمل فيا إللي إنت عايزه بس بلاش تزعل مني تاني
علاء وهو يمسح علي رأسه:خلاص يا حسام أنا مش زعلان منك ونظر إلي نورا
علاء:تعالي يا نورا
اقتربت منه نورا وأرتمت في حضنه وانهارت في البكاء وبدأت شهقاتها تعلو
علاء:أهدي يا حبيبتي أنا كويس الحمد لله
ابتعدت عنه نورا ونظرت له بحزن
قام حسام بالحديث:أبيه علاء إحنا كنا طمعانين في كرمك
علاء:إيه يا حسام
حسام:أنا ونورا عايزين حضرتك تحدد معاد فرحنا
علاء ببسمه انتصار:فرح إيه يا حسام أنا قولت مفيش فرح إلا لما نورا تتكلم
عمرو:تسمح لي يا علاء باشا أتكلم
علاء:اتفضل يا عمرو
عمرو:نورا هتاخد وقت لحد ما تخف وتبقي كويسه حضرتك عارف العلاج النفسي بياخد وقت وبعدين واضح إنهم متفقين وهي موافقه علي الجواز مش مجبوره ولا حاجه
حسام:أيوه فعلا إحنا متفقين مش كده يا موري
نظرت له نورا بابتسامه وهزت رأسها بمعني نعم
ثريا:ياريت توافق يا علاء عايزين نفرح بيهم بقي
علاء:ماشي يا ثريا إن شاء الله الفرح آخر الشهر ده بس بشرط
حسام:إللي تأمر بيه يتنفذ
علاء:هتتجوزوا معانا في الفيلا
حسام:ليه يا أبيه ما أنا الفيلا بتاعتي جاهزه
علاء:معلش اتجوزوا الأول معانا وبعدين ابقوا روحوا فيلتك
حسام في نفسه:حلوه أوي فكره الجواز معاهم دي أبقي سلمي لي بقي يا نوري علي الجواز الصوري
حسام:وأنا موافق يا أبيه
علاء ينظر لنورا:وأنت يا نورا:حركت راسها بمعني نعم
علاء:خلاص مبروك يا اولاد
اقترب حسام من نورا وقام بتقبيلها علي جبهتها وقال:مبروك دخولك القفص يا روحي
علاء:ولد أبعد عنها
حسام:حاضر يا ابيه هبعد عنها وهتف بصوت منخفض :ده إيه الجوازه المنظوره دي
مرت الأيام وخرج علاء من المستشفي وبدأت نورا وثريا يجهزوا للفرح
في يوم كانت نورا جالسه تشاهد فساتين الزفاف لكي تختار منهم وتجلس ثريا بجوارها وجدت رساله على هاتفها فتحتها وجدتها من حسام
غمضي عيونك وعدي لحد ١٠
قامت نورا من مكانها وهي تنظر حولها وجدت رساله اخري
ما تضيعيش الوقت يلا غمضي وابداي العد
ثريا:في إيه يا نورا بتتلفتي ليه
اعطتها نورا الهاتف وقرأت الرسائل
ثريا:طب مستنيه إيه يلا غمضي
أغمضت نورا عيونها وبدأت بالعد في سرها
إنتهت من العد وفتحت عيونها وجدت حسام يقف أمامها وهو يحمل فستان زفاف رائع الجمال وهتف:لازم تكوني أميره في اليوم ده
نظرت نورا إلي الفستان واخذته منه بفرحه وهي تضعه عليها وتلف بيه وكأنها طفله يوم العيد وأحضر لها والدها فستان العيد
ابتسم حسام لبرائتها ولفرحتها وقال:هتبقي أحلي حوريه وأمسك يدها وقبلها
ثريا:إيه الرومانسيه دي كلها
واحتضنت نورا وقالت لها:ألف مبروك يا حبيبتي
حسام: أنا همشي بقي عشان ورايا شغل كتير
مرت الأيام سريعا وجاء اليوم الموعود يوم الزفاف كانت نورا تقف أمام المرأه تنظر لنفسها غير مصدقه ما يحدث ولكن هناك شئ بداخلها يشعرها بالفرحه دخلت عليها ثريا
ثريا وهي تحضنها:ما شاءالله عليكي يا حبيبتي ألف مبروك
دخل عليهم علاء:ونظر لها والدموع في عيونه:مبروك يا أحلي بنوته النهارده أحلي يوم في عمري فرح إبني وبنتي وقبلها من رأسها ثم مسح دموعه يلا ننزل العريس مستني
في الأسفل حيث يقام الحفل يقف حسام وهو في أبهي صوره ويرتدي حله سوداء وقميص أبيض ويقف في إنتظار نزول نورا
حسام في ضيق وهو يحدث عمرو:هي ليه موافقتش إني أجيبها من فوق
عمرو:هي أصرت إن علاء باشا يدخلها
حسام:ماشي اما نشوف اخرتها معاها
فجأه أظلم المكان إلا من علي المسرح وظهرت نورا تقف كأنها حوريه من الجنه واشتغلت الموسيقي وقامت نورا بالغناء
أنا هعمل فيك جميل عرفاك قليل الحيله اه وبجد صعبت عليا
أنا هطلع بنت أصيله مش هبقي معاك بخيله اه وهحنن قلبي شويه اه
هرحم عنيك من إللي مبكيك وإللي مخليك هتموت عليا
وارجع من تاني أسامحك تاني وأصدق تاني إنت انت ليا
أنا هعمل فيك جميل عرفاك قليل الحيله اه وبجد صعبت عليا
نظر حسام بدهشه وفرحه ونظر إلي عمرو الواقف بجواره وقال:تاني يا عمرو اتفقت معاها عليا
عمرو وهو يرجع للخلف:قلبك أبيض بقي يا ريس النهاردة فرحك ومش هيرضيك أحضر فرحك متخرشم
ابتسم حسام وذهب إلي نورا واحتضنها وحملها وهي في حضنه ودار بها وتعالت أصوات الصراخ والتصفيق
نزل حسام علي قدم ونصف وفتح علبه مخمليه فيها طقم الماس وهتف لها:تقبلي تتجوزيني
نورا:تهز رأسها بمعني نعم
البسها حسام الطقم ثم أشار للدي جي وعزفت موسيقي اغنيه عمرو دياب وغني حسام بصوته
أعمل إيه في اللي أنا حبيته وإللي القلب أختاره
وإللي معاه من يوم ما لقيته جنه قلبي وناره
والله وآدي حال الدنيا والله بنحب في ثانيه وإللي بنحبه يا قلبي روحنا ملك ايديه
حتي انتهت الاغنيه وجلسوا في مكانهم وحولهم سو وعمرو ومصطفي وأقترب منهم علاء وهو مصطنع الجديه ونظر لنورا
علاء:حمد الله علي السلامه يا انسه أنورين مكنتش اعرف إن جوازك من حسام هيخليكي تنطقي كنت جوزتك ليه من زمان
نورا بتلعثم:يا أبيه أنا
قاطعها علاء وقال:هتقولي إيه مفكرتيش فيا واحساسي بالذنب نحيتك
عمرو:ارجوك يا أبيه
نظر له علاء:أبيه من يوم ما قلت أبيه  وبطلت تقول بابا وكأنك كبرت علياوانت حالك معوج وأنا بقي هعرف اظبطك
حسام:أنا عمري ما أكبر عليك يا أبيه
علاء ينظر الي عمرو ومصطفي:أنتم بقي
مصطفي مقاطعه:إحنا إيه يا باشا إحنا كنا عملا ليك ونفذنا كل إللي قلت عليه
علاء:ماشي يا مصطفي بس من النهارده أنا ولي امركم كلكم ونظر لعمرو وسو :أنا اتكلمت مع ليلي هانم وأنا المسئول عنكم وانت يا مصطفي
مصطفي:ده شئ يشرفني يا باشا
علاء:انت هتيجي تطلب أيد سو مني
مصطفي:نعم اطلبها إزاي وانا خطيبها
علاء:لا اعتبر الخطوبه دي كان لم تكن
مصطفي:منك لله يا حسام أنت ومراتك
علاء:وأنت يا حسام بيه ونورا هانم حسابكم معايا بعدين
نظر علاء إلي سو وقال:سو
سو:نعم يا أنكل
علاء:قولي لي بابا. سو:نعم يا بابا
علاء:ما اشوفكيش النهارده إلا جنب مامتك أو جنب ثريا او جنب نورا علي الكوشه والولد الاهبل إللي إسمه مصطفي ده أوعي يقرب منك
سو:حاضر يا بابا
أنصرف علاء وذهب وجلس بجوار ثريا
حسام نظر لنورا وقال:عجبك كده
نورا:وانا مالي
حسام:ياسلام انت السبب في كل ده
نورا:وانت البرئ إللي مش بيغلط
حسام:ماشي يا نورا اما نطلع اوضتنا
نورا:علي فكره إحنا لسه علي اتفاقنا
حسام:إتفاق إيه
نورا:انت نسيت جوازنا هيبقي صوري
حسام:أنا مانسيتش أنت إللي نسيتي إني اتجوزتك عشان أبيه علاء طلب كده مني بس وأنت أصلا مش من النوع إللي يعجبني
نورا بصدمه:تمام يا دكتور