حبك طريقي

الفصل الخمسون والأخير

علاء بصدمه :بتقولي ايه يا نور
نور :اللي سمعته يا بشمهندس بعد اذنكم يا جماعه انا هطلع عشان ارتاح شويه
نورا :استني يا نور انا هطلع معاكي يلا يا سيري عشان اغيرك علي الجرح
سيرين :اه نور تتخطف وترجع سليمه وانا اللي اتبهدل واترمي من التاكسي
نور :الف سلامه عليكي يا حبيبتي
صعدت نورا ونور وسيرين الي غرفه نور وعلاء يقف وهو مصدوم من رفض نور لطلبه
دكتور حسام :تعالي يا علاء عايزك في المكتب وانت يا عمرو
دلف حسام وعمرو وعلاء الي غرفه المكتب
حسام :انت غلطت يا علاء ولازم تدفع ثمن غلطك
وانت اللي اخترت عقابك
علاء :ازاي يا بابا
حسام :انت اختارت عقابك ببعدك عن نور
من 28 سنه الكلام ده قالهولي ابيه علاء الله يرحمه
عمرو :ليه يا بابا
انا هحكي لكم حكايه
سرد حسام لهم ما حدث بينه وبين نورا من خلاف وفراق
عمرو :معقول يا بابا انت وماما انفصلتوا خمس سنين ماما كانت مفهمانا ان حضرتك كنت مسافر
حسام :لما ابيه علاء قالي كده كان قصده اني انا اللي اخترت وبايدي اغير اختياري بس انا فهمت غلط ومشيت وبعدت ومكانش عقابي اني ابعد عن نورا بس انا كان عقابي اني اتحرمت منكم 5 سنين ومكنتش اعرف بوجودكم وبعدت عن ابيه علاء وعن ثريا انا كنت زيك يا علاء عصبي وايدي سابقه دماغي وكان عندي عزه نفس اني حتي لما غلطت اعترفت بغلطي مره واحده وماقبلتش ان نورا ترفض اعتذاري ومشيت مع اني لو كنت حاولت مره تانيه مكانش حصل كل ده
علاء :انا فهمت حضرتك تقصد ايه من كلامك ده اني لازم استحمل واقبل رفض نور ليا واستحمل اللي هتعمله فيا
حسام :ايوه صح ولانك معملتش فيها شويه فلازم تستحمل اكتر وانا متأكد انها بتحبك وهترجع لك
عند نورا ونور وسيري
نورا :انا عايزه احكي لك حكايه يا نور
سردت نورا أيضا ماحدث معها ومع حسام
سيرين :ايه معقول يا مامي انت وبابي اطلقتوا قبل ما انا اجي يعني لو مكنتوش رجعتوا لبعض مكنتش انا جيت
نورا :هو ده اللي طلعتي بيه من كلامي
سيري لا طبعا فيه حاجه تانيه ازاي سعاد اخدت السلسله اديتها للي اسمه مجدي ده والسلسله معاكي
نورا :بعد اللي حصل سعاد حاست بالذنب وجات وطلبت مني اسامحها لأنها مكنتش تعرف ان هو ناوي يعمل كده كانت فكراه هياخد السلسله يبعها وياخد فلوسها ولقيتها جايبه السلسله معاها لأنها كانت عارفه المكان اللي كان مخبيها فيه ورجعت لي السلسله تاني
سيري : اه خلاص فهمت مفيش حاجه تانيه
نور :انا فاهمه قصدك يا عمتي بس انت شايفه اني اسامحه بالسهوله دي انت ما تعرفيش هو عمل فيا ايه
نورا :انا مش بقولك سامحيه بالعكس انا بقولك ادبيه وعلميه الأدب بس بشويش عشان لو زهق ممكن يعمل زي ابوه ويمشي
نور :تمام يا عمتي استني عليا يا باشا
عند حسام وعلاء وعمرو
حسام :يلا يا علاء قوم هات حاجاتك من الشقه اللي كنت فيها وتعالي عشان تبقي قريب من الهدف
علاء :حاضر يا بابا بعد اذنك
بعد انصراف علاء توجه حسام الي عمرو
حسام :عمرو اتصل بمراد
عمرو :ليه يا بابا ناوي علي ايه
حسام :مفيش هنحرك الدنيا شويه هيرجعونا للشغل القديم
ذهب علاء واحضر اشياءه من شقته ووصل الي الفيلا ثم صعد لغرفه نور فلم يجدها علم بأنها بغرفه والدته ولكنه وجد مذكراتها فجلس يقرأ فيها
ازيك يا مذكراتي معلش غبت عنك الايام اللي فاتت تيته عزيزه ماتت وانا كنت في دنيا تانيه بس لما فتحت عيوني لقيته قدامي تصدقي علاء باشا يبقي ابن عمتي تفتكري الدنيا هتضحك لي
النهارده احلي يوم في عمري انا مش مصدقه علاء طلب يخطبني معقول الدنيا هتديني كل اللي بتمناه
انا خايفه عمر الدنيا ما ضحكت لي الا لما صحيت علي كابوس
انا هيتجوز انا وعلاء يوم الخميس هبقي عروسه وكمان لحبيبي ياه ده كان حلم بعيد اوي عني معقول في يوم وليله هبقي مراته ياه نفسي اترمي في حضنه وانام علي صدره وابص لعيونه طول حياتي
مش قلت لك الدنيا لما بتضحك لي لازم افوق علي كابوس احلي حلم في حياتي بقي كابوس علاء مش بيحبني بيحب سمر اللي ماتت وانا كمان النهارده مت معاها
مكنتش اعرف انك قاسي اوي كده انا خلاص هنساك بس ياريت اقدر انساك
خلاص هي دي النهايه علاء طلقني عشان اكتشف خيانه سمر سمر اخدته مني وهو بيحبها وهو بيكرها
علاء لنفسه :معقول كنت اعمي للدرجه دي ومش شايف حبك ليا انا عمري ما هضيعك من ايدي تاني يا نور
دلفت نور الي الغرفه
نور :انت بتعمل ايه هنا
علاء :كنت جاي اقولك تصبحي على خير
نور :اتفضل يا باشمهندس عشان عايزه انام
علاء :طب مفيش وانت من اهله
نور :لا مفيش
علاء :معلش الصبر حلو ياحلو تصبحي علي عيوني يا عيوني
خرج علاء من الغرفه واغلقت نور الباب
نور لنفسها :ياه ربنا يقويني عليك انا شويه كمان وكنت هترمي في حضنه
مرت الليله وحل الصباح كانت نور تخرج من غرفتها وجدت علاء يقف أمامها ومعه ورده
علاء :صباح الورد
نور :نعم
علاء :انا قررت اني ابقي الشوفير بتاع حضرتك من النهارده يا هانم
نور :شكرا مستغنين عن خدماتك
علاء :لا طبعا ما ينفعش اصل خايف عليكي للناس الوحشين يخطفوكي تاني
نزلت نور وخلفها علاء الي الأسفل لغرفه الطعام
حسام :خلاص يا علاء انت هتوصل نور واياد هيوصل سيري
علاء :إياد ليه
حسام :اه مهو انت مكنتش موجود إياد طلب مني ايد سيري وانا وافقت وهنعمل الخطوبه مع فرح عمرو وجاسر وحسام
علاء :طيب يلا يا نور هانم عشان ما نتأخرش
نور بامتعاض :اف يلا
وصل نور وعلاء الي السياره وفتحت نور الباب الخلفي وجلست
علاء :حلو اوي كده عشان اقدر اشوف عيونك واشبع منهم
وصل علاء ونور الي الشركه
دلف جاسر الي مكتب علاء
جاسر :مراد هبيجي النهارده عشان نكمل الصفقه ونخلص العقود
علاء :انا الواد ده بقي تقيل على قلبي
قطع حديثهم سماع صوت ضحكات عاليه من مكتب نور
جاسر :ايه الصوت ده
علاء :اكيد الزفت ده وصل
خرج علاء الي مكتب نور
مراد :باشا انا جاي في معادي بالظبط
علاء :ومدخلتش علي طول ليه
مراد :كنت بصبح علي نور
علاء :اتفضل وانا هحصلك
توجه علاء الي نور :ممكن افهم ايه اللي كان بيضحكك اوي كده
نور :عادي يعني أصله دمه خفيفي اوي
علاء :تمام وانا بقي هسيح لك دمه الخفيف ده
ثم دلف الي المكتب
جاسر :هه تشرب ايه يا مراد
مراد :ياريت قهوه مظبوطه
جاسر :حالا هطلب من البوفيه
مراد :لا انا عايز من القهوه اللي بتعملها نور أصلها حلوه اوي
ضرب علاء بيده علي المكتب ضربه قويه :نور هنا بتشتغل مديره مكتب رئيس مجلس الاداره مش بتشتغل في البوفيه ولو مش عايز من البوفيه يبقي مفيش
مراد :اوكيه من غير عصبيه من البوفيه
رفع علاء سماعه الهاتف :3 قهوه مظبوط من البوفيه لو سمحتي وتخلي نادر هو اللي يدخلها
مر الاجتماع وخرج مراد ثم جاسر ثم علاء
مراد :ارجو انك ما ترفضيش
نور :اوعدك هفكر وارد عليك
مراد :هستني ردك
علاء بعصبيه :نور تعالي علي المكتب
مراد :متنسيش سلام
دلفت نور الي المكتب
نور :افندم
علاء :كان بيقولك ايه الزفت ده وايه اللي هتفكري فيه
نور :وده يهم حضرتك في ايه
علاء بصوت عالي :نور ما تخلنيش اتجنن انطقي يلا
نور :عازمني علي الغدا بكره
علاء :نعم وانت هتروحي
نور :انا لسه بفكر بس ليه لا
علاء :اسمعي بقي انا صبري له آخر
نور :مش فاهمه
اقترب منها علاء وباغتها بقبله
نور لنفسها :ياه  انا كنت بتمنى كده من زمان ياه يا علاء
علاء لنفسه :معقول انا كنت غبي اوي كده وحرمت نفسي من الحب ده كله
فاقت نور وضربته صفعه علي وجهه ثم ركضت للخارج
وضع علاء يده مكان الصفعه ثم ابتسم :مقبوله منك يا نوري
نور في الخارج لنفسها :انا ليه فرحت اوي كده لا كده بقي خطر لو عمل كده تاني انا هنهار واعترف اني لسه بحبه
مر اليوم وفي المساء كانت نور تجلس في غرفتها فسمعت طرقات علي الباب
نور :ادخل
دلف علاء الي الغرفه
نور :ياريت تكون جاي تعتزر علي اللي عملته النهارده
علاء وهو يقترب منها :انا فعلا جاي اعتزر بس جاي اعتزر عشان معملتش كده من زمان
نور :من فضلك يا باشمهندس اطلع بره يا إما هصوت والم عليك الناس
علاء :ياريت تصوتي وييجوا يقفشونا وبابا يحكم اننا نرجع لبعض
نور :اطلع بره
علاء :لا ده كان زمان انا مش هطلع بره الا لما اخلص كلامي
نور وهي تصطنع القوه :اتفضل خلصني
علاء :نور انا بطلب منك فرصه اخيره ولو مرضتيش هاجي بكره وبعده وبعده ومش هيأس لحد ما تسامحيني ونفتح صفحه جديده مع بعض ارجوكي يا نور انا مش هقدر ابعد عنك تاني وتركها علاء وخرج من الغرفه ثم سمعت نور صوت رساله ففتحتها وجدتها اغنيه ارسلها لها علاء

ياللى زعلان مني ومخاصمني
ومش عايز تاني تكلمني
واخد علي خاطرك اوي مني يا حبيبي انا اسف
ده انت عمري وعمري مفيش بعده
ومسهر عيني كده في بعده
ومطول ليلي وانا مواعده
وعامل مش عارف
سامحنى يا اللى قلبي وعيوني
مبطلوش عليك يسألوني
بلاش تسيبني وحياة هوانا سماح
يا حب عمري خليك معايا
بلاش تروح وتعند كفايه
تعالى شوف ايه بعدك حصلي
لو سمحت سامحنى المرادي
يا واحشني بشكل مهوش عادي
بقى هنت عليك للدرجا دي توبة نبعد توبة
قلبى عاشق على بابك غنى
وبيحلم يرجع للجنه
وحياه الحب اللى ما بيننا توبه من دي النوبه

مرت الايام وجاء يوم زفاف عمرو وثريا وحسام ونورا وجاسر ومروه وخطوبه إياد وسيرين
كانت نور ترتدي فستان من اللون الزهري كانت تبدو فيه كالملاك وعلاء يحاول التقرب منها ولكنها كانت تحاول البعد عنه جلست نور مع نورا وحسام وثريا وجلس بجوارها علاء فنظرت نور الي الجهه الاخري ثم اتي مراد وجلس بجوارهم فابتسمت نور ثم ذهبت بجوار سيرين
مراد :الف مبروك يا عمي انا كنت حابب اكلم حضرتك في موضوع ومفيش مناسبه احسن من دي افاتح حضرتك فيها
حسام :خير يا مراد
مراد :انا بطلب ايد نور من حضرتك
نظر له علاء بغضب :بتقول ايه انت مش عارف ان نور تبقي مراتي
مراد :لا اللي اعرفه انك طلقتها
حسام :استني بس يا علاء بص يا مراد انا مش هينفع اديك كلمه الا لما اخد رأيها
علاء :تاخد رأي مين يا بابا
حسام :وبعدين بقى اسكت
مراد :انا حاسس انها موافقه يا عمي
علاء :لا ده انت اتجننت بقي ونهض علاء واتجه الي نور وامسكها من زراعها وجعلها تنظر اليه
حسام :انت صحيح موافقه علي الزفت اللي اسمه مراد ده
نور :وانت مالك أوافق او لاء
علاء :يعني انت موافقه عليه
نور :اه موافقه
علاء :كده ماشي ونزل علاء وحملها علي كتفه راسها عند ظهره وقدمها عند وجهه
نور :بتعمل ايه انت اتجننت
علاء :اه اتجننت
نور :نزلني
علاء :انت لسه في العده وانا رديتك دلوقت يعني انت مراتي
نور :وانا مش موافقه
علاء :مش مهم المهم انا موافق
حملها علاء وسط صريخها وطلبها منه أن يقوم بانزالها وتوجه بها الي حسام
نور :خليه ينزلني يا انكل
حسام :ايه يا باشا رايح فين
علاء :انا بعد اذنك يا بابا رديت نور وهنروح نقضي شهر العسل
ثريا :الف مبروك يا حبايبي ده احلي خبر
حسام :استني انا حجزت لك في الفندق هنا جناح زي اخواتك عشان شهر العسل مبروك يا باشا
مراد :مبروك يا باشا ما تزعلش مني ده كان اتفاق بيني وبين عمي حسام
علاء :معلش يا مراد حسابنا بعدين
نورا :مبروك يا نور
نور :انتم يعني خلاص اتفقتوا عليا
علاء :ومفيش حد هيقدر يخليني اسيبك عن اذنكم
أخذها علاء وصعد بها الغرفه وانزلها
علاء :مبروك عليا النور اللي هينور عمري
نور :بس انا لسه ما سامحتكش
علاء :مش مهم شويه شويه هتسامحيني واخذها معه في عالم من الحب والسعاده
بعد مرور 5 سنوات
يقف حسام أمام المرآه يصفف شعره وتقترب منه نورا
نورا :مين يصدق ان ثريا بقي عندها 4 سنين العيال دي كبرتنا اوي
حسام :اه عندك حق وبرده ثريا بقي لها 3 سنين متوفيه
نورا :ربنا يرحمها يا حبيبي انا متأكده انها في مكان احسن وبعدين الحمد لله انها اطمنت علي نور وشافت بنتها ثريا ويلا بقي ياجدو ثريا مستنيه تحت عشان نطفي الشمع
نزلوا الي الأسفل وجدوا الجميع  في انتظارهم فاليوم عيد ميلاد ثريا ابنت علاء ونور فهي تشبه نور ولكن بعيون علاء وعاشوا جميعا في سعاده لأنهم اختاروا ان يكون الحب هو طريقهم

النهايه