حبك طريقي

الفصل الثاني والأربعون

تمت الخطوبه وسط جو عائلي حيث تمت خطوبه علاء ونور وخطوبه عمرو وثريا وخطوبه حسام ونورا وخطوبه جاسر ومروه وكان الاحتفال صغير يضم العائله فقط حيث أرادت نور عدم أقامه حفل كبير لحزنها علي وفاه جدتها عزيزه وبعد اعلان الخطوبه وجلس كل حبيب مع حبيبه كانت سيرين تقف حزينه وعيونها مليئه بالدموع اقترب منها إياد
إياد :عقبالك يا انسه سيرين
سيرين وهي تحاول أن تداري دموعها :ميرسي عقبالك انت كمان يا باشمهندس
إياد :هو انت زعلانه ولا انا بيتهيألي
سيرين :لا طبعا معقول هزعل في يوم زي ده وابيه علاء وابيه عمرو بيخطبوا اكتر ناس قريبين مني
إياد :تسمحي لي اقابلك بكره
سيرين :ما احنا بتقابل كل يوم
إياد :مش قصدي في الشركه
سيرين :امال ايه
إياد :تسمحي لي اعزمك على الغدا بكره
سيرين وهي تنظر لجاسر وهو يقبل يد مروه :اوك يا بشمهندس وقت البريك نتغدى سوا
إياد :بريك ايه انت ناسيه ان بكره الجمعه اجازه وانا عرفت ان انكل حسام حاجز للعرسان بكره عشان يتغدوا بره ومفيش حد هيكون موجود تسمحي لي بقي تتغدى معايا بكره في اي مكان تختاريه
سيرين :لا اختار انت المكان والوقت وانا موافقه
إياد :تمام هكلمك بكره واتفق معاكي
عند نور وعلاء
نور :مبروك يا بشمهندس
علاء :_______________
نور :علاء علاء
علاء :هه كنت بتقولي حاجه
نور :لا انت مش معايا خالص
علاء :لا ابدا معاكي
نور :مبروك
علاء :مبروك علينا
نور :تعرف اول مره شفتك في الاسانسير شدتني ليك وخصوصا عيونك الزرقا دي
نظر لها علاء وصمت
نور :انا مش عارفه انا بقولك الكلام ده ازاي بس انت كنت حلم بعيد عني كنت بحلم بيه كل يوم وبحلم بقربك ليا ويوم ما عمتي نورا قالت لي انك خطبتني مكنتش مصدقه حسيت اني ملكت الدنيا بأيدي ووصلت لنجوم السما
امسك علاء يدها وقبل يدها وصمت
نور :انت فيك حاجه يا حبيبي
نظر لها علاء :حبيبك
نور بخجل :ايوه حبيبي وقلبي وامسكت يده ووضعت راسها عليها وأماني وحياتي الجايه كلها
ابتسم لها علاء واخذ يده من يدها :معلش يا نور انا تعبان شويه وعايز اطلع ارتاح
نور :مالك حاسس بحاجه
علاء :لا متقلقيش انا بس عايز ارتاح
نور :اه طبعا اتفضل ارتاح
صعد علاء الي غرفته وظلت نور بمفردها
عند نورا وحسام
حسام :مبروك عليكي انا يا نورا
نورا :مغرور اوي
حسام :طبعا لازم اتغر تفتكري لو مكنتش اخدت فيكي ثواب وخطبتك كان فيه حد هيبصلك
نورا :نعم
حسام :اه
نورا :ليه وانت ماتعرفش ان دكتور احمد كان متقدم ليا
حسام :بقولك ايه ولا دكتور احمد ولا غيره وماتنطقيش اسم اي راجل غيري فاهمه
نورا :انت بتغير عليا بقي
حسام :طبعا يا نوري انا بس بحب انكشك بس انا بحبك من زمان وعمري ما كنت هسمح انك تبقي لحد غيري
عند عمرو وثريا
عمرو :مبروك يا يويا
ثريا بخجل :الله يبارك فيك عمرو :احلي حاجه فيكي كسوفك ده وخدودك الحمرا
ثريا :ما تكسفنيش بقى
عمرو :بحبك
ثريا :وانا كمان
عمرو :وانت كمان ايه
ثريا :يوه بقي ما تكسفنيش
عمرو :هي نور قاعده لوحدها ليه
ثريا :مش عارفه تعالي نروح لها
عند جاسر ومروه :جاسر :اخيرا يا حبيبتي
مروه :اخيرا يا حبيبي
جاسر :ان شاء الله الفرح يبقي في أسرع وقت وهيبقي فرح كبير مش علي الضيق كده
مروه :انا ما يهمنيش الفرح اهم حاجه ابقي معاك
عند نور
إياد ومديحه
مديحه :احنا لازم نمشي بقي يا نور
نور :ليه يا ماما خليكي معايا الليله دي
مديحه :انت عارفه ما ينفعش اسيب اياد لوحده
نور :ماشي يا ماما
وانصرفت مديحه واياد وظلت نور بمفردها حتى اقترب منها عمرو وثريا
عمرو :قاعد لوحدك ليه يا جميل امال الباشا راح فين
نور :حس بشويه تعب فطلع يرتاح
ثريا :طب مجتيش قعدتي معانا ليه
نور :انا كمان هطلع انام زمان ماما ثريا نامت هطلع انام معاها
عند ثريا
علاء :مش قادر يا يويا حاسس اني بضحك عليها وبظلمها
ثريا :ادي لنفسك وقت وقرب منها هتحبها وهتلاقي حبك لسمر كان مش حقيقي
دلفت نور الي الغرفه
ثريا :تعالي يا حبيبتى
نور :انا افتكرتك نمتي
ثريا :انا هنام اهه بس علاء كان بيقولي تصبحي على خير
علاء :تصبحوا على خير وخرج وأغلق الباب ونامت ثريا ونور
ومرت الايام وكانت نور تحاول الاقتراب من علاء واقتربت سيرين من إياد وفي يوم اختفي علاء ولم يذهب إلى الشركه وكانت نور تشعر بالقلق عليه واتصلت بعمرو
عمرو:نور صباح الخير
نور :صباح الخير يا عمرو ما شفتش علاء النهارده
عمرو :لا هو مجاش الشركه
نور :لا وانا قلقانه عليه اوي
عمرو :ما تقلقيش تلاقي عنده اجتماع بره او في مشوار شغل
نور :لما بيبقي عنده اجتماع انا بكون معاه او علي الاقل ببقي عارفه
عمرو :ما تقلقيش هو مش عيل صغير ان شاء الله هتلاقيه داخل عليكي الشركه دلوقت
نور :يارب
أغلق عمرو الهاتف وذهب الي حسام
عمرو :انت تعرف علاء فين
حسام :ليه هو تايه
عمرو :انا مش بهزر الباشا سره معاك قولي هو فين مراحش الشركه لحد دلوقت ونور قلقانه عليه
حسام بتنهيده :النهارده ذكري وفاه سمر وهو عندها دلوقت
عمرو :احنا مش هنخلص بقي من الموال ده هو لسه حابس نفسه في الماضي
حسام :انت عارف انه عمره ما هيقدر ينساها
عمرو :ونور ذنبها ايه انت مش عارف هي بتحبه قد ايه ولو فضل كده هيضيعها من ايده انا مش عارف والله هو مش قادر ينساها ليه انا قلت له قبل كده انها مكانتش تستاهل حبه ده دي كانت بترسم عليه هو وعمار في نفس الوقت
حسام :بلاش الكلام ده يا عمرو انت فاكر لما قولت له الكلام ده ضربك وفضلتم متخاصمين شهور
عمرو :وانا مش هسمح له انه يظلم نور معاه وهثبت له ان سمر دي كانت خاينه
حسام :انا هروح له دلوقت واشوفه وانت طمن نور
عمرو :تمام يا حسام هقولها انه راح معاك مشورا مهم
ذهب حسام الي علاء وجده يجلس عند قبر سمر وهو يبكي
علاء :متزعليش مني انا عمري ما هخونك او احب غيرك انا بتاعك انت بس يا سمر وعمري ما هكون لغيرك
حسام :كنت عارف اني هلاقيك هنا
علاء :حسام ايه اللي جابك
حسام :انت نسيت نفسك والوقت سرقك احنا داخلين على المغرب لازم نرجع نور قلقانه عليك اوي
علاء :انا مش عايز اروح مش عايز اشوف حد انتم ليه مستكترين عليا اليوم الوحيد اللي بقضيه معاها
حسام :لا يا علاء مش مستكترينه عليك بس نور ذنبها ايه
علاء :وانا ذنبي ايه
حسام :انت خطبتها وهتتجوزها ماينفعش عقلك وقلبك يكونوا مع غيرها
علاء :انا خطبتها عشان تيته ثريا
حسام :برده هي ملهاش ذنب في كده
قطع حديثهم رنين هاتف حسام
حسام :الو ايوه يا عمرو
عمرو :لقيت علاء
حسام :اه معايا اهه
عمرو:هاته وتعالي علي المستشفي حالا
حسام :ايه نوى حصل لها حاجه
علاء :نور مالها
عمرو :لا مش نور دي تيته ثريا تعبانه وجابوها علي المستشفي
حسام :ايه تيته ثريا احنا جايين حالا
علاء :تيته ثريا مالها
حسام :تيته ثريا تعبت ونقلوها المستشفي
علاء :يلا بينا بسرعه علي هناك
صعد كلا منهم الي سيارته وقادوها الي المستشفي قام علاء بالاتصال بنور
نور بلهفه :علاء انت فين تيته ثريا تعبانه اوي
علاء :متخافيش يا نور انا جاي حالا
نور :بسرعه يا علاء انا خايفه اوي
علاء :مسافه السكه وهكون عندك
أغلقت نور الهاتف وظلت تبكي وتدعوا الله أن تكون بخير
في المستشفى تجلس نورا وفي حضنها نور تبكي وتقف سيرين وثريا ونورا وفي داخل الغرفه نجد ثريا علي الفراش معها حسام وعمرو يقوموا بفحصها
خارج الغرفه يأتي علاء وحسام
علاء :ماما تيته ثريا عامله ايه
نورا :مش عارفه يا حبيبي باباك لسه ماطلعش من جوه
هتف علاء باسم نور
علاء :نور
نظرت له نوى وهي تبكي :تيته ثريا يا علاء انا خايفه اوي
امسك علاء يدها :ما تخافيش ان شاء الله خير
خرج حسام وعمرو
نورا :ايه يا حسام
حسام :الحمد لله بس ثريا قلبها تعبان ولازم تعمل عمليه بسرعه
نور :لا ماما ثريا كويسه قلبها كويس مش تعبان لا يا ماما
علاء :اهدي يا نور
اقترب منها حسام :اهدي يا حبيبتي هي كويسه بس هي محتاجه للعمليه دي عشان تبقي احسن
نور :لا يا انكل هما قالوا لي كده علي تيته عزيزه وسابتني وراحت
حسام :لا يا حبيبتي ثريا كويسه حتي هي عايزه تشوفك انت وعلاء
علاء :انا هدخل لها يلا يا نور
دلف علاء ونور الي غرفه ثريا
ركضت نور وارتمت في حضن ثريا ووضعت ثريا يدها علي راسها
ثريا :انا كويسه يا حبيبتي متخافيش
علاء :كده يا يويا تخوفينا عليكي
ثريا :انا كويسه الحمد لله وكنت عارفه بموضوع العمليه بس مكنتش عايزه اعملها الا لما اطمن علي نور
علاء :وخلاص اطمنتي يا يويا
ثريا :مش هطمن الا لما تتجوزوا
علاء :ايه
ثريا :ايوه يا علاء انا مش هعمل العمليه الا لما تتجوزوا
علاء :لا يا يويا ما ينفعش العمليه تتأخر
ثريا :وليه تتأخر اتجوزوا بسرعه عشان اعمل العمليه
ايه رايك يا نور نخلي الفرح الخميس الجاي
نور :هه اللي تشوفوه
علاء :لو ده اللي هيريحك انا موافق
خرج علاء
حسام :ايه يا علاء
علاء :فرحي انا ونور يوم الخميس الجاي