حبك طريقي

الفصل الثامن

صرخت نورا وركضت لتحتضن سيده يبدوا عليها إنها في العقد الخامس من عمرها يتسم وجهها بالطيبه
نورا:داده عزيزه
فتحت داده عزيزه زراعيها واخذت نورا في أحضانها وسط ابتسامه فرحه من ثريا وحسام وعلاء
نورا ببكاء في حضن داده عزيزه:وحشتيني اوي يا داده سبتيني ليه ومشيتي
داده عزيزه:وهي تمسح دموعها ما تزعليش مني يا حبيبتي أنا سافرت لما قفلوا الفيلا وبنتي أصرت إني اقعد معاها بس لما علاء باشا بعت لي مقدرتش أبعد عنك وجيت
نورا:أوعي تسبيني تاني يا داده
علاء :طيب يا نورا مش هتاخدي داده عزيزه توريها اوضتها
نورا :أكيد طبعا يلا يا داده
علاء:نورا
نورا:نعم يا ابيه
إعملي حسابك إن شاء الله كتب كتابك انت وحسام بعد بكره
نوراوهي تنظر لحسام :إن شاء الله يا أبيه وتصعد نورا الدرج مع داده عزيزه
حسام :ممكن يا أبيه نستني شويه علي موضوع كتب الكتاب ده نورا كانت تعبانه ولسه راجعه من المستشفي
علاء بجديه :انا عارف يا حسام إنها كانت تعبانه أنا بقول كتب كتاب بس مابقولش فرح هنكتب الكتاب واما ارجع من ايطاليا هنعمل الفرح
حسام: وحضرتك عرفت إزاي إنها كانت تعبانه
علاء:اظن إنها كانت في المستشفي إللي أنا رئيس مجلس إدارتها وهي أختي يبقي إزاي مش هعرف
حسام يهز رأسه بمعني نعم:صح يا أبيه عندك حق
علاء:خلاص أعمل حسابك تكلم مصطفي عشان يبقي شاهد علي العقد وأنا هبقي أكلم الأستاذ حسن العمري المحامي
حسام:تمام يا أبيه أنا هروح عشان عايز ارتاح شويه
علاء:ماشي يا حسام مع السلامه
ثريا بإبتسامه:حمد لله على سلامتك يا حبيبى انت رجعت بدري مش قولت هترجع بالليل
علاء وهو يلمس علي وجنتها:أصلك وحشتيني أوي فخلصت شغل بسرعه ورجعت لك علي طول
ثريا:وأنت كمان وحشتني أوي
علاء وهو يحملها:لا كده بقي خطر إحنا نطلع اوضتنا لأن فيه كلام كتير أوي عايز اقولهولك
وصعدوا إلي غرفتهم
في غرفه نورا
داده عزيزه:إيه إللي إنت بتقوليه ده يا بنتي انا مستحيل اوافق على إللي إنت عايزه تعمليه ده
نورا:أنا مش ممكن استني لما يجوزوني لحسام أنا مش عايزه أتجوز يا داده
عزيزه:ليه بس يا بنتي دا شكله محترم وابن حلال وأنت بتقولي إن علاء باشا هو إللي مربيه وأنه بيحبك
نورا بتنهيده:كل إللي بتقوليه ده كويس بس انا خايفه مش عايزه إللي حصل يتكرر تاني أنت فاكره زينات وإللي عملته فيا أنا مش عايزاهم يعرفوا حاجه مش عايزه يكون ليا نقطه ضعف حسام ده كويس وبيحبني بس عصبي ومتهور وايده سابقه دماغه تفتكري مش ممكن بعد كده يرجعني المصحه لأنه الوصي عليا
عزيزه:مصحه إيه بس يا بنتي أنت قعدتي في المصحه دي اسبوع بس
نورا:ولو حتي يوم الورق إللي كان مع زينات وانا خبيته ممكن يرجعوني بيه المصحه
عزيزه:وانت شايفه إن إللي إنت عايزه تعمليه ده صح
نورا:أه يا داده هسافر ومش هرجع إلا لما أتم السن إللي مايخليش حد واصي علياوممكن استقر هناك وافضل أنت عارفه إن ناناه أنورين كان نفسها أعيش معاها وماتخافيش يا داده أول أما أوصل هبعت لك تيجي تعيشي معايا
عزيزه:مش عارفه والله يا بنتي
نورا:إن شاء الله خير يا داده
ومضي اليوم وحل الصباح بدون أي أحداث جديده
في الصباح في غرفه الطعام يجلس علاء وثريا وتدخل عليهم نورا
نورا:صباح الخير
علاء وثريا:صباح النور
ثريا:رايحه فين يا حبيبتي انت لسه تعبانه
نورا:لا يا يويا أنا الحمد لله كويسه بس لازم أروح الجامعه عشان عندي محاضرات مهمه وفيه حاجات فاتتني عايزه اجيبها من سو
علاء:هتروحي لوحدك ولا أقول لحسام يوصلك
نورا بتوتر:لا لا انا هروح بسرعه عشان ما اتاخرش
علاء:ماشي يا نورا ماتتاخريش عشان نجهز لكتب الكتاب
نورا بضيق:حاضر يا ابيه عن إذنكم
يرن هاتف علاء يبتسم ويرد:
علاء:الو
.......................
علاء:اه خليك معاها
............................
علاء:كلمني وقتها علي طول
..............................
علاء:اوك مع السلامه
ثريا:خير يا حبيبي فيه حاجه
علاء مبتسما:لا يا حبيبتي دي حاجه في الشغل انا نازل بقي عشان ما اتأخرش
ثريا:اوكي يا حبيبي
عند نورا:يرن هاتف نورا
نورا:ألو عمرو
عمرو:أيوه يا نورا أنت فين
نورا:أنا راكبه تاكسي وهستناك في الكافيتريا إللي قدام الجامعه
عمرو:طيب أنا ربع ساعه وهكون عندك
أغلق عمرو الهاتف
وصلت نورا الي الكافيتريا وظلت تنتظر عمرو
بعد وقت قليل وصل عمرو الي الكافتريا وجد نورا جالسه
عمرو:نورا إزيك
نورا:عمرو الحمد لله هه عملت ايه
عمرو:حجزت لك التذكره ومعاد الطياره بعد ساعتين
نورا:أوك يلا بينا عشان مانتاخرش
عمرو:راجعي نفسك يا نورا
نورا:خلاص يا عمرو مفيش وقت للتراجع هما إللي خلوني أعمل كده
عمرو:خلاص يا نورا يلا بينا
ذهب حسام إلي فيلا علاء المنياوي ووجد ثريا عند الباب وهي ذاهبه إلي المستشفي
حسام:يويا حبيبتي رايحه المستشفي
ثريا:أه وانت لسه ماروحتش لحد دلوقت
حسام:أنا هروح بس قولت اجي أطمن علي نورا الأول
ثريا:بس نورا مش هنا
حسام: امال هي فين
ثريا:راحت الجامعه
عمرو:راحت الجامعه وهي تعبانه
ثريا:هي راحت عشان تشوف إللي فاتها
حسام بضيق:راحت لوحدها
ثريا:لا راحت مع سو
حسام:تنهد في ضيق:ماشي أنا رايح لها
ذهب حسام إلي الجامعه وقام بالإتصال بنورا ولكن لم تكن تجيب ثم أصبح الهاتف غير متاح
حسام وهو يظفر بضيق:ماشي يا نورا مش بتردي وكمان بتقفلي التليفون اوك
قام حسام بالإتصال بمصطفي
مصطفي:باشا حبيبي ماجتش المستشفي ليه يا ريس
حسام:مش وقته يا زفت معاك رقم سو
مصطفي:عايزه ليه يا كبير
حسام:بكلم نورا تليفونها غير متاح وهي مع سو في الجامعه وكنت عايز أطمن عليها
مصطفي:ماشي هبعت لك الرقم علي الواتس بس أبقي افتكر الجمايل دي
حسام:اخلص يا زفت
اغلق حسام الخط ثم وصلت له رساله برقم سو وقام بالإتصال بها
يو:ألو مين معايا
حسام:ألو أنسه سو أنا دكتور حسام
سو:أهلا يا دكتور
حسام:أهلا بيكي هي نورا معاكي
سو:نورا لا مجاتش النهارده هي قالت لي الصبح إنها تعبانه ومش هتقدر تيجي هو حضرتك ما تعرفش
حسام:اه أصلي ما روحتش الفيلا النهارده وبتصل بيها تليفونها غير متاح قلت يمكن تكون معاكي في الجامعه خلاص هروح اشوفها في الفيلا شكرا ليكي
سو:أوك يا دكتور مع السلامه
زفر حسام بضيق وكور قبضته وهتف وهو يجز علي إسنانه:ماشي يا نورا بس لما اشوفك
ظل حسام يحاول الإتصال بنورا ولكن لم يصل لها وبعد مرور بعض الوقت رن هاتفه برقم علاء
حسام:ألو  أبيه علاء
علاء بنبره جاده:حسام روح هات نورا من المطار
حسام بصدمه:مطار مطار إيه وبتعمل إيه هناك
علاء:مش وقته يا حسام نفذ إللي بقولك عليه
حسام:حاضر يا ابيه سلام
توجه حسام الي سيارته وقادها بسرعه جنونيه إلي المطارودلف إلي قاعه الإنتظار وجد نورا تجلس وهي تضع رأسها بين يديها أقترب منها حسام
حسام:قومي معايا يا انسه
نظرت له نورا:عايز مني إيه أبعد عني بقي أنا هربت وسبتك وبرده جاي ورايا
حسام بغضب وهو يمسك يديها بقوه غير مهتم بتالمها:قومي معايا من غير ولا كلمه وجذبها من زراعها بقوه ودفعها امامه حتي وصلوا إلى السياره نزعت يده من يدها وقالت بحده
نورا:أبعد عني سيب ايدي
حسام وهو ينظر إلي عيونها بحده:كنت هتهربي معاه
نورا:بتحدي اه كنت ههرب معاه وبحبه وهتجوزه
قاطعها صفعه علي وجهها من حسام وجذبها من زراعها بقوه ودفعها داخل السياره وقال لها بحده حسابك معايا بقي ثقيل اوي يا نورا واغلق الباب عليها ودار حول السياره وجلس امام مقعد السائق وأدار المحرك وذهب إلي الفيلا
في الفيلا حيث يجلس علاء وثريا في صمت وقطع صمتهم دخول حسام ونورا
قام علاء وأقترب من نورا وقام بصفعها صفعه قويه جعلتها تسقط على الارض فركض عليها حسام ورفعها ووقف ببنها وبين علاء وقال
حسام:بعد إذن حضرتك يا أبيه أنا عايز اكتب الكتاب دلوقت
علاء :تمام يا حسام إتصل بمصطفي عشان يبقي شاهد علي العقد وأنا هكلم الاستاذ حسن العمري المحامي
نورا كانت تقف شارده كأنها في عالم اخر ولم تفيق إلا علي كلمه المأذون بارك الله لهما وبارك عليهما وجمع بينكما في خير
قام مصطفي بتقديم التهنئه لحسام ونورا وانصرفواجميعا وتركوا نورا مع حسام
اقترب حسام من نورا وهتف ببرود:مبروك يا عروسه
نظرت له نورا ولم تجب عليه
حسام:أوعي تفتكري إن إللي حصل ده هيعدي بالساهل أنا لسه ما حسبتكيش على إللي عملتيه
نظرت له نورا وقالت:لو سمحت أجل أي حاجه عايز تعملها لبعدين أنا تعبانه وعايزه ارتاح
اقترب منها حسام بقلق وأمسك يدها:مالك حاسه بحاجه عارفه تتنفسي اجيب لك البخاخه
نرا:شكرا مش عايزه حاجه عايزه ارتاح بس
وقف حسام ورفعها لتقف امامه وقام بتقبيلها علي وجنتها ثم قال:ماشي يا حبيبتي تصبحي على خير
تركته نورا وصعدت الدرج إلي غرفتها واتجه حسام إلي الجنينه حيث يجلس علاء وثريا
علاء:إيه يا عريس رايح فين
حسام:مفيش يا ابيه هروح ارتاح شويه
ثريا:امال نورا فين
حسام:طلعت اوضتها ترتاح شويه
علاء:اقعد يا حسام عايز أتكلم معاك في موضوع
حسام:خير يا ابيه
هنا رن هاتف علاء
علاء:الو ايوه
.......................علاء:إيه بتقول إيه
حسام:خير يا ابيه
علاء:الحق مراتك يا حسام نورا انتحرت
حسام:إيه وركض إلي الداخل ولحقه علاء وثريا
صعد حسام إلي غرفه نورا وطرق الباب بعنف
حسام:نورا نورا افتحي يا نورا
واكن لم يجد رد
قام حسام بكسر الباب ودخلوا وجدوا نورا ملقاه علي الارض وتنزف من يديها
حسام بصدمه:نورا نورا
علاء:أهدي يا حسام واقترب منها علاء بحملها
حسام :لا يا أبيه هشيلها أنا
وحملها حسام ووضعها علي السرير وقام بفحص زراعها
حسام:الحمد لله الجرح سطحي بعد إذنك يا ثريا هاتي شنطه الاسعافات من الحمام
ذهبت ثريا واحضرت شنطه الاسعافات وقام حسام بتطهير الجرح ولف ذراعها بضماده طبيه
علاء:هي مش بتفوق ليه يا حسام
حسام:مش عارف هي مفيش فيها حاجه
ثريا:يمكن هي إللي مش عايزه تفوق
طرقت سعاد الباب:علاء باشا في واحد عايز يقابل حضرتك تحت
علاء:مين يا سعاد
سعاد:إسمه عمرو
حسام:عمرو وكمان ليه عين يبجي لحد هنا
علاء:أهدي يا حسام تعالي معايا تحت
ثريا:خليكي مع نورا
ثريا:حاضر
نزل حسام وعلاء ووجدوا عمرو في انتظارك
دخل حسام مندفعا وقام بلكم عمرو بضربه جعلت يسقط علي الأرض وهتف وكمان ليك عين تيجي لحد هنا يا كلب
علاء وهو يجذب حسام ليبعده عنه:أهدي يا حسام وافهم
حسام:أفهم إيه يا أبيه دا الكلب إللي كان عايز يهرب معاها
عمرو وهو يقف ويضع يده اسفل ذقنه متالما:اه اهدي يا عم انت دكتور ولا ظابط الله يكون في عونك يا نورا
أقترب منه حسام يحاول لكمه مره أخري:اخرس الإسم ده ما يجيش على لسانك تاني
علاء وهو يجذب حسام من زراعه ممكن تهدي شويه عشان اعرفكوا علي بعض
حسام ينظر إلي عمرو بغضب:عارفه كابتن عمرو الضابط البحري اخو سو
علاء:لا ده دكتور عمرو اخصائي الأمراض النفسية والعصبيه والدكتور المتابع لحاله نورا
حسام بصدمه:إيه بتقول ايه يا ابيه

نهايه الفصل الثامن