مر اليوم بدون أي أحداث جديده وحل المساء وكانت نورا غارقه في المذاكره حيث كانت تفترش ارضيه الغرفه بكتبها وتجلس بجوارها وواضعه قلم خلف اذنها وقامت برفع شعرها بطريقه عبثيه ووضعت قلم فيه لمنعه من السقوط دخل حسام إلي الغرفه
حسام:الله ينور يا اسطي
نورا وهي تنظر له شرذا:اسطي إيه يا دكتور
حسام:مهو بمنظرك ده تبقي مش اسطي بس لا تبقي بليه وقام بأخذ القلم الذي وضعته خلف اذنها
نورا متفاجأه:أنت لقيته فين أنا كنت بدور عليه
حسام:لا دا أنت حالتك صعبه أوي
نورا:ده بدل ما تعملي شاي ولا نسكافيه ولا تجيب لي سندوشتات حلاوه بالقشطة عشان اركز
حسام:سندوشتات أنت متاكده إن مامتك من تركيا وأنت بتدرسي في الجامعه الامريكيه
نورا:أه والنعمه يا عم تحب اجيب لك البوطاقه ولا كارنيه الكليه هتلاقيه تحت في العروبيه
حسام وهو ينظر لها بإشمئزاز:نورا إرجعي إعملي إللي كنت بتعمليه وماتتكلميش معايا لحد ما امتحاناتك تخلص وشخصيه جعفر إللي لبساكي دي تنصرف
نورا:ماشي بكره تندم يا جميل وغمزت له
حسام:بيئه
مر الليل وحل النهار ليعلن عن بدايه يوم جديد يحمل الكثير من الأحداث لابطالنا
في الصباح ذهبت نورا وسو إلي الجامعه لأداء الإمتحانات
نورا:أنا مش مصدقه إن النهارده آخر يوم في الامتحانات
سو:أخيرا وعمرو هيفك الحظر إللي عملوه عليا أنا ومصطفي ده كان فاضل شويه ويمنع التليفونات كمان
نورا:وياربته جه بفايده إنت هتشيلي علي الأقل مادتين ثلاثه
سو:حرام عليكي يا نورا أنا عايزه اخلص بقي
نورا:إن شاء الله يا حبيبتي بس لو شيلتي أي مواد هنخلي مصطفي يتجوزك وتقعدي في البيت ونخلص من عارك
دخلت نورا وسو إلي لجنه الامتحانات
في مكان اخر بعد الظهيره يرن هاتف ياسمين
ياسمين:دكتور عمرو
عمرو:إزيك يا ياسمين
ياسمين:ياسمين كده علي طول من غير أنسه
عمرو:هو فيه صديق بينادي صديقته بالألقاب
ياسمين:لا بس هو إحنا أصدقاء
عمرو :لو معندكيش مانع
ياسمين:معنديش يا دكتور
عمرو:لا دكتور إيه بقي
ياسمين:ماشي يا عمرو
عمرو:أنا نازل دلوقت رايح المطعم هتعرفي توصلي ولا اجي لك
ياسمين:لا هعرف أجي أنا قربت أوصل
عمرو:اوك هستناكي
واغلق عمرو الهاتف وهو يغني
كان يوم حبك أجمل صدفه
لما قابلتك مره صدفه
ياللي جمالك أجمل صدفه
ياللي جمالك أجمل صدفه
كان يوم حبك صدفه
وصل عمرو إلي المطعم وجلس في إنتظار ياسمين
وصلت بعده ياسمين بدقائق
ياسمين:مساء الخير يا عمرو
وقف عمرو ومد يده ليصافحها :مساء الخير يا ياسمين
ياسمين:اتأخرت عليك
عمرو:لا أبدا أنا إللي بحب أوصل قبل معادي
حضر الجارسون واعطاهم قائمه الطعام
عمرو:ممكن اختار لك أنا
ياسمين بإبتسامه:اوك
اختار عمرو الطعام وجلسوا ياكلوا ويتحدثوا
عمرو:هه تحبي تتكلمي دلوقت
ياسمين:اه
عمرو:وأنا كلي أذان صاغيه
ياسمين:أنا بنت زي أي بنت نفسي أحب واتحب بس للأسف حبيت إللي ما يستهلوش
عمرو:إزاي
ياسمين:لما كنت في الجامعه حبيت واحد مكنش زميلي كان صديق اخو صاحبتي واتعرفنا علي بعض وحبيته وبقي هو كل حياتي وبعدين لقيته سابني عشان يتجوز واحده قريبته لأنها غنيه واخوها صاحب الشركه إللي بيشتغل فيها
عمرو:يبقي مكنش بيحبك
ياسمين:عرفت بس متأخر أوي بعد ما جرحني وسابني عشانها ويوم ما قابلتك شفتهم مع بعض وهو جه يكلمني من وراها وكان عايزنا نرجع لبعض بس من غير ما هي تعرف او أي حد يعرف يعني جواز في السر أو حتي من غير جواز زي ما احب
حسيت اني كنت غبيه قوي لما حبيت واحد زي ده وضربته بالقلم وسيبته ومشيت وأنا منهاره ومكنتش شايفه قدامي غير صورته وذكرياتنا سوا وانهارت في البكاء
عمرو:أهدي يا ياسمين الحمد لله إن ربنا ظهره لك علي حقيقته عشان لو كنت بتفكري فيه تنسيه خالص وتمحيه من حياتك
ياسمين:تفتكر هينفع يا عمرو أنسي أول حب ليا في حياتي
عمرو:أول حب بتبقي قلوبنا لسه خضرا بنخاف عليها من الفراق وبنتمسك باللي بنحبهم حتي لو جرحونا وبنضحي بحاجات كتير عشان العلاقه تنجح وبعد كل محاولاتنا العلاقه برده بتفشل وبعدها بننسي ولما نفتكرها نضحك على نفسنا ثم إبتسم وقال :
علي رأي الأستاذ تامر حسني
ولا وجع القلب يا قلبي
بكره الأيام تعدي
نضحك ونقول مش مقعول أنا كنت بعمل كده
وكان يغني ويخبط بيده علي الطاوله
ابتسمت ياسمين
عمرو:أيوه بقي محدش واخد منها حاجه
ياسمين:أنت فعلا دكتور نفساني شاطر وأنا هدفع ثمن الغدا بدل الفيزيتا
عمرو:ليه يعني قاعده مع سوسن
ياسمين:خلاص ما تزعلش يبقي لك عزومه عندي
عمرو:أفهم من كده إننا هنتقابل تاني
ياسمين:إيه زهقت مني بالسرعه دي
عمرو:قطع لسان إللي يقول كده دا أنا عايز اقابلك بكره وبعده بكره وبعده
ياسمين:خلاص هبقي أكلمك ونحدد معاد تاني
عمرو:هتكلميني عشان نحدد معاد بس
ياسمين:أمال
عمرو:أنا عايز نتكلم علي طول حتي لو مش هنتقابل
ياسمين:اوك لما تحب تكلمني ابقي كلمني تليفوني معاك
عمرو:معايا ده في قلبي
ابتسمت ياسمين وأنصرفوا
في الجامعه خرجت نورا وسو من الامتحان وسو تبكي كالعاده
نورا:يادي النيله نفسي مره نطلع من الإمتحان ماتغيطيش يا بومه
سو:أه طبعا ما أنت مقفله الاسئله كلها هتفكري فيا ليه
ثم رن هاتف سو برقم مصطفي
سو:الو يا مصطفي
مصطفي:اه مدام قولتي مصطفي تبقي عكيتي الدنيا
سو:اه
مصطفي:ولا يهمك يا موزتي تعالي اعزمك علي الغدا في أحلي محل بيتزا وكمان هنروح الملاهي
سو:وهي تقفز من الفرحه:حبيبي يا صاصا
نورا:دلوقتي ضحكتي يا ختي
سو:اقفل يا صاصا نورا هتقر علينا
نورا:أنا هقر عليكوا علي إيه أنت والاهبل بتاعك
سو:اه عشان هيعزمني علي بيتزا وعلي الملاهي
نورا :يامسكينه أنا وحسام حبيبي هنسافر باريس نعمل شهر عسل
سو:باريس يا بنت المحظوظه أمتي
نورا:بعد بكره
سو:إيه يعني هخلي مصطفي يعمل لي شهر عسل في باريس
نورا :لما تبقوا تتجوزوا يا عالم يا فقر
مرت الأيام وسافر نورا وحسام لتمضيه شهر العسل في باريس وأقترب عمرو من ياسمين كثيرا خلال تلك الفتره وأصبح يتحدث معها يوميا وشعر بحبها يغزو قلبه وقرر أن يصارحها بحبه وعاد حسام ونورا إلي أرض الوطن وهما يحملان سعاده ممكن أن تغمر العالم كله
حسام وهم في طريقهم إلي المنزل:نورا حبيبتي اصحي بقي قربنا نوصل
نورا:سيبني انام شويه يا بيبي
حسام وهو يقبل رأسها:حبيبتي أنت نايمه من أول ما ركبنا الطياره قومي بقي عندي ليكي مفاجأه لسه عارفها دلوقت
نورا وهي تفتح عيونها ببطء:مفاجأه إيه
حسام:مبروك يا نوري أنت نجحتي وجبتي جيد جدا وانا قررت تعينك في المستشفي في قسم الحسابات
نورا وهي تعانقه:بجد أنا نجحت وأنت وافقت إني اشتغل معاك في المستشفي ده أحلي خبر في حياتي
حسام:ياه للدرجه دي الشغل فارق معاكي
نورا:طبعا يا حبيبي أنت ماتتصورش أنا كنت ببقي زهقانه إزاي وأنا قاعده في البيت
حسام:اه بس إعملي حسابك هتروحي معايا وتيجي معايا واخرك في التعامل هيبقي معايا أنا وثريا وعمرو ومصطفي وكمان عمرو ومصطفي في أضيق الحدود
نورا:حاضر يا سي السيد
حسام:مش عاجبك ولا إيه
نورا:لا عاحبني يا حبيبي أنا اقدر أتكلم
حسام:طب يلا عشان وصلنا
نورا:طب ممكن طلب كمان
حسام:خير يا طماعه
طماعه ليه يعني هو أنا طلبت إيه
حسام:اطلبي إللي بتحلمي بيه يا عمري
نورا:أنا كفايه عليا وجودك جنبي وأمسكت السلسله التي ترتديها وقبلتها
حسام:عجبتك السلسله يا نوري
نورا:حلوه أوي واحلي حاجه إنها بإسم نوري
حسام:عشان أنت نوري أنا وبس
نورا:وأنت حبيبي وعيوني ونور عيني
حسام:احم كفايه بقي إحنا في العربيه وماضمنش نفسي ممكن أعمل إيه ما قولتيش عايزه طلب ايه
نورا:ممكن سو تيجي تشتغل معايا
حسام:هي عايزه تشتغل ولا عايزه تبقي جنب مصطفي
نورا:خلاص بقي يا سمسم هتبقي أنت ومصطفي عليها
حسام:خلاص ماشي من يوم السبت هتنزلوا الشغل وهخلي مدام عايده تفهمكوا الشغل
نورا:حبيبي يا سمسم
ومرت الأيام واستلمت نورا وسو العمل في المستشفي
وصارح عمرو ياسمين بحبه وكانت هي متوقعه ذلك ولكن كانت تشعر بمشاعر متضاربه
ياسمين:هو أنا فرحت ليه لما قالي إنه بيحبني هو أنا وقعت في حبه لا طبعا أنا فرحانه عشان الخطه
نجحت وقدرت اوقعه في حبي وقربت أول خطوه عشان أنتقم من حسام واخليه يندم إنه سابني وراح اتجوز العيله إللي اتجوزها
فوقي لنفسك يا ياسمين لو عمرو راح منك مش هتلاقي حد يحبك زيه
أنا مش بحبه وهو لما يعرف الحقيقه مش هيفضل يحبني أنا عايزه انتقم والحب ده ملوش مستقبل
ياتري ياسمين هتكمل في خطتها ولا قلبها هينتصر علي عقلها؟
أنت تقرأ
حبك طريقي
Romansقاصر عانت كثيرا ترفض الحب والزواج قبل أن تتم السن كي لا تعيد الماضي وهو مجروح من حبيبته رافض للحب ولكن ظهرت له فجاه فاحبها رغم عنه
