حبك طريقي

الفصل الثلاثون

جاسر وهو يحاول تهدئتها :ما تخافيش انا هرد عليه وافهمه
اخذ الهاتف من يد سيرين واجاب
علاء :سيري حبيبتي معلش كان عندي اجتماع هاجي حالا عشان اروحك
جاسر :انا جاسر يا باشا سيري معايا وانا هروحها
علاء :انت نزلت امتى ورحت لسيري ليه وهي مش بترد ليه
جاسر :اهدي يا باشا هي بس تعبت شويه واتصلت بيك وانت كنت مشغول فكلمتني وانا روحت لها وخلاص احنا قربنا نوصل
علاء :تعبانه مالها
جاسر :ماتقلقش هي خلاص بقت كويسه
علاء :لا انا مش مطمن انا جاي حالا على البيت
جاسر :تمام احنا خلاص وصلنا
وأغلق جاسر الهاتف ونظر لسيرين :لما نوصل ما تقوليش لعمتي او عمو حسام حاجه لو سالوكي قولي انك تعبتي شويه
سيرين :حاضر
عند علاء خرج من مكتبه الي مكتب السكرتيره:الغي اي مواعيد انا نازل ومش هرجع تاني النهارده
السكرتيره سلمي :تحت امر حضرتك
اتجه علاء الي الاسانسير ردلف اليه وعند وصول الاسانسير الي الدور السابع توقف ودلفت اليه الفتاه التي التقي بها في الصباح
علاء :مساء الخير ايه الصدفه الحلوه دي
نظرت له الفتاه وادارت وجهها
علاء وهو يمد يده لها:مهندس علاء
نظرت الفتاه ليده ثم نظرت له فتوقف الاسانسير فخرجت منه وتركته بمفرده داخله
علاء :تمام احب اللعب مع الثقيل ونزل من الاسانسير
واتجه الي سيارته وقادها الي منزله
وصل سيرين وجاسر الي المنزل ودلفوا وجدوا حسام ونورا في غرفه الجلوس وجدوا جاسر وهو يسند سيرين ويبدوا على وجهها التعب
نورا لهفه وذهبت إليهم:سيري حبيبتي مالك ايه اللي حصل
جاسر :ما تقلقيش يا عمتي هي بس تعبت شويه وانا روحت اجيبها من الجامعه
حسام :ومكلمتنيش ليه يا حبيبتي او اي حد من اخواتك
جاسر :ليه يا عمي هو انا مش زي أخواتها ولا ايه وبعدين هي كلمت علاء بس هو كان عنده اجتماع فكلمتني وانا روحت لها
هنا نزل عمرو من على الدرج وذهب إليهم :سيري حبيبتي مالك
سيرين :مفيش حاجه يا ابيه انا كويسه
عمرو :تعالي اطلعك اوضتك واطمن عليكي
سيرين بابتسامه :هو انت مش لاقي حد تكشف عليه هتعمل دكتور عليا
عمرو :كده ماشي يا سرسور
سيرين بغضب :انا مش بحب الكلمه دي يا موري
عمرو :اه بدال قولتي موري تبقى بقيتي كويسه
سيرين :اه بقيت كويسه وهوفر بقى تمن الكشف
ضحك الجميع
هنا دخل علاء
علاء وهو يتوجه لسيرين :سيري حبيبتي عامله ايه دلوقتي
سيرين :ما تخافش يا ابيه انا زي البمب
علاء وهو يقبلها من راسها :الف سلامه عليكي يا قلبي
عمرو :انا لو مش متأكد انكم اخوات كنت قولت ان بينكم قصه حب ملتهبه
علاء :اطلع انت منها ولا عشان مش لاقي حد يحبك
جاسر :كفايه عليه نورا يا باشا انا بحس انه هو اللي اخوها مش انا
حسام :يلا يا سيري اطلعي ارتاحي يا حبيبتي لحد ما مامي تحضر الغدا
نورا :حالا والاكل يكون جاهز
صعدت سيرين الي الأعلى ودلف حسام الي مكتبه
علاء لجاسر :عايز اعرف ايه اللي حصل وموضوع انها تعبت دي تشوف غيره سيري شكلها معيطه انا حاسس ان الموضوع كبير
جاسر :كنت عارف انه مش هيدخل عليك انا هحكي لك
قام جاسر بسرد ما حدث لعلاء
علاء وهو يكور يده بغضب :ازاي الواد ده يتجرا ويعمل كده
عمرو :ناوي على ايه يا باشا
علاء :اتصل بحسام وخليه يقابلنا في الشركه وعايز اعرف الواد ده الاقيه فين دلوقت
جاسر :تمام يا باشا انا هقوم اجيب لك خط سيره ونتقابل بعد ساعه في الشركه
في المستشفى
حسام كان في الكافتيريا مع نورا
حسام :بس بقى ماقولكيش كانت هتبقى رحله ايه عنب وكلها موزز بس عمتك بقى مارضيتش تديني الاجازه ولبستني في رئيس العصابه جوزها
نورا :انت جايبني هنا الكافتيريا عشان تقولي الكلام ده
حسام :مهو انت صاحبي يانونه
نورا :صاحبك كتر خيرك يا دكتور انا قايمه ورايا شغل
حسام وهو يمسك يدها:استنى بس ما تزعليش انا كنت بهزر
نورا :ماشي يا حسام هزر براحتك
هنا رن هاتف حسام برقم علاء
حسام :علاء باشا
علاء :عايزك في الشركه حالا
حسام :خير يا باشا انت عارف ان التزويغ من المستشفى صعب
علاء :ليه يعني مهو ابويا وامي مش في المستشفى
حسام :اه بس ابويا وامي وخالك عمرو هنا وبيعملوا عليا دوريه كل نص ساعه
علاء :من غير رغي كتير ربع ساعه والاقيك عندي هنا
وأغلق الهاتف
حسام :طب وبعدين بقى احلها ازاي دي ثم امسك يد نورا
حسام :نونه حبيبتي
نورا :اخلص عايز ايه
حسام :انا لازم امشي دلوقت مش عارف علاء عايزني ليه بس شكلها حاجه مهمه
نورا :والمطلوب
حسام :غطي غيابي يا قمر انا معنديش عمليات ولو حد سأل عليا قولي له أي حاجه المهم مايعرفوش اني مشيت
نورا :حاضر يا حسام اما اشوف اخرتها معاك
حسام وهو يقبل يدها :حبيبتي والله ثم انصرف
نورا :اه يا تاعب قلبي لو مكنتش بحبك
في الشركه
دخل حسام الي مكتب علاء فوجد جاسر وعلاء وعمرو
حسام :اه العصابه متجمعه يبقى فيه مصيبه
علاء :اقعد يا زفت واسمع علاء لجاسر :يعني هو دلوقت فين
جاسر :في نادي...... بيلعب باسكت
علاء :تمام يلا بينا
حسام :مين اللي امه داعيه عليه ورايحين له كده
جاسر :تعالي واحنا هنفهمك في الطريق
بعد مرور عده ساعات في منزل حسام
نورا :الاولاد اتاخروا أوي يا حسام
سيرين :فعلا يا مامي من بعد ما خرجوا بعد الغدا وهما ماجوش
نورا :وتليفوناتهم مقفوله
حسام :يمكن عمرو عنده عمليه
نورا :لا عمرو معندوش عمليات النهارده انا مش مطمنه
قاطعهم رنين هاتف نورا
نورا دي سو :الو ايوه يا حبيبتي
سو :الحقي
ني يا نورا العيال محجوزين في القسم
نورا :العيال مين
سو :جاسر وحسام وعمرو وعلاء
نورا :ايه ليه عملوا ايه
سو :بيقولوا ضربوا ولد اسمه مهاب واصحابه والعيال في المستشفى
اغلقت نورا الهاتف وهي مزهوله
حسام :في ايه يا نورا
سردت نورا لحسام ما سمعته من نورا
سيرين :انا السبب
نورا وحسام :انت السبب ليه
قصت لهم سيرين ما حدث معها
حسام بغضب :يعني جاسر جه وحل الموضوع والولد اتفصل من الجامعه ايه اللي خلاهم يروحوا يضربوه
نورا :وبعدين يا حسام هنعمل ايه
حسام :مش هنعمل حاجه هنسيبهم يتعلموا الأدب
والتقت حسام الهاتف وقام بالاتصال بمصطفي
مصطفى :ايوه يا حسام
حسام :ما تبعتش حد للعيال دي يا مصطفى ولا تبعت محامي خليهم يتربوا عشان يحرموا يعملوا بلطجيه
مصطفى :انا قولت كده برده
حسام :تمام يا مصطفى سلام
نورا :حرام عليك يا حسام هتسيب العيال في القسم لحد الصبح
حسام :المفروض انهم محترمين اثنين دكاتره واثنين مهندسين المفروض انهم رجال أعمال محترمه لما يعملوا بلطجيه ويروحوا يضربوا الناس يبقى لازم يتحملوا نتيجه غلطهم والموضوع ده خلص يا نورا وماتتكلميش فيه تاني الليله دي
وصعد حسام الي غرفته وظلت نورا وسيرين في الأسفل
في القسم حيث يجلس كلا من حسام وجاسر وعمرو وعلاء
حسام :بس انا مكنتش متوقع ان جاسر بيعرف يضرب كده
عمرو :طبعا يا ابني تربيه الباشا
علاء :كلكم كنتم كويسين والعيال دي اتعلم عليها صح
عمرو :تفتكر ابوك عرف
حسام :اه اهو انا مش خايف من القسم ولا الحبس قد ما انا خايف من رئيس العصابه ابوكوا
علاء :اكيد زمانه عرف
عمرو :تتوقع هيعمل ايه
علاء :مش عارف بس اللي متأكد منه اننا هنبات الليله دي هنا وهو مش هيبعت لنا حد
حسام :يعني انام بقى وابقوا صحوني لما ييجي معاد عرض النيابه
جاسر :شكلك متعود على الأقسام والنومه فيها
حسام :لا النبي اول مره ادخله على أيديكم
عمرو :وشكلها مش هتبقى اخر مره
مرت الليله على نورا وسو وياسمين طويله من القلق على أولادهم
في الصباح قام حسام بالاتصال بالمحامي الخاص به لكي يذهب إلى أولاده
حضر المحامي معهم عرض النيابه وأتى والد مهاب عز الدين وقام بالتنازل عن المحضر
خرجوا جميعا من القسم وكل منهم اتجه الي منزله
وصل عمرو وعلاء الي منزلهم وجدوا حسام في انتظارهم
حسام :اهلا وسهلا بالبلطجيه
علاء :ارجوك افهمنا يا بابا الواد ده قل أدبه وكان لازم يتربى
حسام :انا كلمت دكتور عمر وقالي انه حل الموضوع ليه تعملوا بلطجيه وتضربوا الناس دا لولا أن والد الولد ده معرفه كان زمانكم في السجن دلوقت
عمرو :احنا اسفين يا بابا بس لما جاسر حكي لنا اللي حصل ماقدرناش نسكت
حسام :والبلطجه هي الحل مش كده
صمت عمرو وعلاء ونظروا للأسفل
نورا :يلا يا حبايبي عشان تفطروا
حسام :مفيش وقت كل واحد يروح على شغله يلا يا دكتور علي المستشفى وتكلم حسام تقوله على الله اوصل المستشفى ومالقهوش هناك
علاء :انا هطلع اخد دش وأصبح على ناناه ثريا واروح الشركه
دخل علاء الي غرفه حيث تجلس ثريا فهي بعد وفاه علاء وهي تجلس في غرفتها ولا تخرج منها
علاء :يويا حبيبتي عامله ايه
ثريا :حبيبي يا علاء واحتضنته وهو قبل يدها
بس انا زعلانه منك
علاء :وانا عمري ما اقدر على زعل يويا حبيبتي
يويا :كنت فين امبارح طول النهار
علاء :دا موضوع طويل اوي يا يويا انا كنت في الحجز واخوكي رئيس العصابه على رأي حسام سابنا بايتين في القسم
ثريا :ازاي يا حبيبي
سرد لها علاء كل ما حدث
في غرفه سيرين سمعت طرقات على الباب
سيرين :ادخل
ثريا الصغيره :ازيك يا سرسور
سيرين وهي تقذفها بالوساده :انت عارفه اني مش بحب الاسم ده
ثريا :ليه دا حتى حبيب القلب هو اللي بيقوله لك
سيرين :مهو عشان كده محسسني اني طفله
ثريا :مهو انت طفله يا سيري
سيرين :لا احنا بينا ٤ سنين بس يعني مش حاجه
دخل عليهم عمرو
سيرين:عمرو حبيبي كفاره
عمرو :ماشي يا لمضه مهو كله بسببك ثم نظر لثريا الواقفه تنظر له :ازيك يا يويا
ثريا :الحمد لله حمد الله على السلامة
عمرو :الله يسلمك عن اذنكم انا رايح المستشفى
ثريا :مع السلامه
سيرين :اه ياعيني على اللي حب ولا طالش
ثريا :يا ختي الحال من بعضه
سيرين :على رأيك دي عيله غريبه انا بحب جاسر وانت بتحبي عمرو ونورا بتحب حسام ولا واحد فيهم بيحس بقولك ايه انا عندي فكره هتخليهم ييجوا يعترفوا بحبهم
ثريا :ازاي
سيرين :اتصلي بنورا وهنعمل اجتماع وهعرفكم الخطه ويا صابت واتجوزنا وعيشنا في تبات ونبات يا خابت واتعلقنا كلنا على ايد دكتور حسام