حبك طريقي

الفصل الرابع والثلاثون

أغلقت نورين الهاتف وقامت باحتضانه
نورين :وبعدين بقى يا نوني معقول يكون لا طبعا انت فين وهو فين هو بس ممكن يكون حس بالذنب عشان تعبت امبارح ثم تنهدت وقالت اما اقوم اعمل الفطار عشان تيته واعملها حاجه حلوه
عند علاء :وبعدين يا نورين معقول اكون زي ما يويا بتقول اني حبيتك لا طبعا حب ايه انا بعد سمر عمري ما هحب حد ثم شرد بتفكيره في سمر زميلته في الجامعه حيث كان بينهم قصه حب وكان ينوي ان يتزوجها بعد انتهاء دراستهم ولكن كان للقدر رأي آخر حيث فقدها علاء نتيجه لحادث سياره أثناء ذهابها الي الجامعه حيث صدمتها سياره أمام عيون علاء ولكنه لم يستطيع أن يتقذها وتوفت على يده قبل نقلها الي المستشفى
افاق علاء من شروده على صوت طرق على الباب
علاء :اتفضل
دخل جاسر وهو مبتسم
جاسر :باشا صباح الخير
علاء :وهو على شروده صباح النور
جاسر :ايه يا باشا اللي واخد عقلك
علاء :مفيش حاجه افتكرت سمر الله يرحمها
جاسر بحزن عليه :وبعدين يا علاء هتفضل كده دي الحادثه بقى لها اكتر من ٧ سنين
علاء :ولو عمري كله مش هقدر انساها
جاسر :انا مش بقولك انساها انا بقولك عيش حياتك وزي ما بيقولوا الحي ابقى من الميت
علاء :بقولك ايه سيبك قولي انت جاي ليه
علاء :ابدا كنت فاكر ان عقدتك اتحلت
علاء :ازاي يعني
جاسر :يعني اصلي عرفت بموضوع موظفه الحسابات اللي انت وديتها المستشفى امبارح وغمز له بعينه
علاء :لا متخليش تفكيرك يروح لبعيد دي موظفه عاديه واغمى عليها عندي في المكتب وانا اضطريت اوديها المستشفى
جاسر :ياسلام وهي اي موظفه بتتعب بتوديها المستشفى بنفسك
علاء :انت مين اللي قالك اصلا
جاسر :حسام اللي قالي بتسأل ليه
علاء :كنت فاكر ان جلال موظف الأمن هو اللي قالك
جاسر :المهم الفاكس بتاع الشركه المورده هتبعت مندوبها  عشان نمضي العقود
وظلوا يتحدثوا في العمل
عند ثريا ونورا وسيرين في المول
نورا :والله يا بنات زي ما بقولكم كان مضايق اوي لما لقاني واقفه بتكلم وبضحك مع دكتور احمد
سيرين :حلو اوي ادي اول جزء من الخطه وانت يا ثريا
ثريا :انا هروح المستشفى بكره وادعوا لي بقى الاقي حد اشعلل بيه عمرو
سيرين :وانا كلمت ابيه علاء عشان اروح ادرب في الشركه ويا انا بقى يا جاسر
نورا :انا خايفه تطبل على دماغنا وفي الاخر ندبس في جوازات منيله
ثريا :مهي قالت لك في الأول يا إما نتجوز ونعيش في تبات ونبات يا إما انكل حسام يقلبها علينا كلنا
عند علاء وجاسر
علاء :خلاص كفايه انا دماغي تعبتني
جاسر :اخلي سلمي تطلب لك قهوه
هنا تذكر علاء طلبه القهوه من نورين وتذمرها منه ورغبتها في الانصراف فابتسم
جاسر :ايه يا باشا هي القهوه بتضحكك اوي كده
علاء :بقولك ايه انت وراك حاجه النهارده
جاسر :لا مفيش حاجه مهمه
علاء :طيب ايه رايك نكلم الواد حسام والواد عمرو ونخرج نسهر مع بعض زي زمان
جاسر :ايوه بقى يا باشا عايزين نرجع ليالي زمان
والتقى الشباب وخرجوا للسهر
ومر اليوم بدون اي أحداث جديده وأتى صباح يوم جديد
توجه الجميع الي عمله ووصل علاء الي الشركه ووقف ينتظر نورين حتي أتت ودلفت الي المصعد ثم فتح علاء المصعد ودلف فوجدها وابتسم
علاء :صباح الخير
نورين بخجل :صباح النور صدفه برده يا بشمهندس
علاء :بصراحه النهارده بالذات مش صدفه انا كنت مستنيكي عشان اطمن عليكي عامله ايه دلوقتي
نورين :الحمد لله
علاء :فيه حد يعمل كده
نورين بدهشه :يعمل ايه
علاء :ياخد دوا السكر من غير اكل
نورين :كنت عايزه اخلص التقارير بسرعه وقولت هبقي اكل لما اخلص
علاء :يعني مكنش فيه ١٠ دقايق تاكلي فيها
نورين :لا مكنش فيه وبعدين حضرتك متصور ان كشوف ٦ شهور هتتعمل في ساعتين
نظر لها علاء ورفع حاجبه :اه انت بترديها لي يعني
توقف المصعد وهمت بالنزول
علاء :رايحه فين
نورين :الدور السابع
ونزلت نورين من المصعد وصعد المصعد الي الدور التاسع حيث دخل علاء مكتبه وبدأ في عمله
في المستشفى يقف حسام وعمرو يتحدثوا وفجأه ينظر حسام بغضب
عمرو :في ايه يا بني مالك بتبص كده على ايه
حسام :استنى اما اشوف اللي بتهببه الهانم
نظر عمرو وجد نورا تقترب منهم ومعها دكتور احمد
ثم توقفت بجوارهم
نورا وهي تقصد أن يسمعها حسام :فرصه سعيده يا دكتور احمد وان شاء الله تتكرر
دكتور احمد :ياريت يا دكتوره نورا عشان عايزين نكمل كلامنا
حسام بغضب :دكتوره نورا لو سمحت عايزك
نورا :عن اذنك يا دكتور احمد
دكتور احمد :اتفضلي
ثم رحل احمد بعيد عنهم
حسام :كنت فين انت والافندي ده وجايه كده مبسوطه وتضحكي وكلام ايه اللي هتكملوه
نورا :ايه براحه شويه كل دي اسئله
حسام وهو يمسكها من زراعها :نورا مش عايز استهبال ردي عليا
نورا وهي تبعد يده عنها :سيب ايدي انت مالك اصلا  انا حره ومش هجاوبك على حاجه انت  باي صفه تسألني الاسئله دي
حسام :ايه اه بصفتي ابن خالك
نورا :برده مايديلكش الحق انك تعمل كده عن اذنك
وتركته وذهبت بعيدا عنه وهي على وجها ابتسامه
عمرو وهو يقترب منه :ايه يا بني
حسام :دي اكيد اتجننت ثم نظر أمامه وجد ثريا تتقدم منهم وهي تسير مع شخص آخر
عمرو :لا دي مش لوحدها اللي اتجننت مين ده بقى كمان
نظر حسام واقترب من ثريا :ايه انت كمان مين ده
ثريا :ده زميلي في الجامعه وهيقضي السنه الامتياز هنا وانا كنت بعرفه على أقسام المستشفى
عمرو :وانت بتعرفيه ليه هو صغير ما يكتشف بنفسه وبعدين يلا تعالي معايا في عمليه عايزك تحضريها معايا
ثريا :طيب ممكن مراد يحضر معانا
عمرو :امشي قدامي يا ثريا بدل ما اتغابي عليكي
وذهب عمرو وذهبت خلفه ثريا وهي تبتسم بداخلها والله والسناره غمزت
عند علاء في الشركه وقت البريك
نزل الي قسم الحسابات
ابراهيم :اهلا يا بشمهندس
علاء :انا اسف اني نزلت لكم وقت البريك بس كنت عايز كشوف مهمه
هدى :مفيش حاجه يا بشمهندس احنا اصلا مش هنطلع بريك الغدا نورين عامله كيكه تحفه واحنا قولنا هناكل كيكه وشاي وخلاص
نظر علاء الي نورين وجدها تنظر للارض بخجل ثم اخذ قطعه كيك واكلها
علاء :حلوه اوي فعلا تحفه تسلم ايدك يا انسه نورين
نورين بخجل :بالف هنا
ثم دخل موظف اخر يهتف دون علمه بوجود علاء
طارق :انا سامع ان نوني عامله كيكه حلوه من بتاعتها وانا جاي اكل ثم فوجئ بوجود علاء ينظر له
طارق :بشمهندس علاء
علاء :طيب معلش بقى يا جماعه انا هاخد الكيكه أصل طعمها حلو اوي وانا عازمكم كلكم على الغدا اطلبوا اللي انتم عايزينه والحساب عندي
واخذ كل الكيك وذهب الي مكتبه وسط زهول الجميع
هدى :نورين اللي شفته ده بجد بشمهندس علاء اخد الكيكه ومشي
نورين في ذهول :اخد الكيكه كلها
طارق :على فكره البريك هيخلص يلا نلحق نطلب الاكل
قاطعهم رنين هاتف نورين
نورين :الو
علاء :انا بشمهندس علاء
نورين :اه طبعا
علاء :ممكن تيجي مكتبي ثواني
نورين :اه حاضر
واغلقت الهاتف ونظرت أمامها بشرود
هدى :نورين ايه مالك
نورين :هه لا مفيش انا جايه حالا
وذهبت نورين وتوجهت الي مكتب علاء
سلمي :اهلا يا نورين
نورين :بشمهندس علاء
قاطعها سلمي :اه منتظرك جوه
طرقت نورين الباب وسمح لها بالدخول
وجدته يجلس على مكتبه وهو يتناول الكيك
علاء :اتفضلي اقعدي
جلست أمامه نورين
علاء :ازاي بتاكلي كيكه وانت عندك سكر
نورين :انا باكل حته صغيره مهو انا مش هحرم نفسي يعني وبعدين دي سكرها خفيف
علاء وهو يقترب منها :بصراحه دي احلى كيكه اكلتها في حياتي بس مش غريبه إنك بتعملي كيكه حلوه اوي كده ومابتعرفيش تعملي قهوه
نورين :ومين اللي قال لحضرتك اني مش بعرف اعمل قهوه
علاء :اه يعني انت قولتي لي انك مابتعرفيش عشان تروحي
نورين :بصراحه اه قولت لو لقتني ماعرفش هتخليني اروح
علاء :بصي بقى انا هطلب منك طلب
نورين :ايه اعمل لحضرتك قهوه
علاء :لا مش عايز اي راجل ياكل من الاكل اللي انت عملاه
ضحكت نورين بصوت عالي نسبيا تاه علاء في ضحكتها ثم تداركت الأمر وسكتت
علاء :بتضحكي ليه
نورين :اصل حضرتك بتقولي مفيش راجل ياكل من الاكل اللي انا عملاه وحضرتك بتاكل من الكيكه اللي انا عملاها
علاء وهو يجلس أمامها :اي راجل غيري وخصوصا اللي اسمه طارق ده وبعدين انت ازاي تسمحي له انه يقولك نوني ما تخليهوش يقولك كده تاني هو اسم  لزج زيه وبعدين هو مش في قسم المبيعات ايه اللي بخليه ييجي عندكم الحسابات
نورين :مش عارفه
علاء :الكلام اخدنا وانت ماكلتيش
نورين :لا انا اكلت لاني كنت جايبه اكل تاني غير الكيكه  انا كنت جايبه الكيكه عشانهم تحت بس هما بقى هيطلبوا اكل واهي فرصه ان حضرتك اللي هتحاسب فابشرك انك هتلاقي مبلغ وقدره
غمز لها علاء :مش مهم كله يهون عشان محدش ياكل من الكيكه غيري
هنا دخلت عليهم شيرين دون أن تطرق الباب وجدت علاء يقترب من نورين ويتحدث معها
علاء :مش فيه باب المفروض تخبطي عليه
شيرين :اسفه افتكرت حضرتك لوحدك وكنت جايبه اكل عشان نتغدى سوا
علاء وهو ينظر لنورين :شكرا انا اتغديت خلاص وهمس بجوار اذن نورين احلي مره اكل فيها
نورين :بعد اذن حضرتك
علاء :اتفضلي
نظرت لها شيرين بطرف عينها
شيرين :مش دي شغاله في الحسابات
علاء :اه بتسالي ليه
شيرين :ابدا اصلي اول مره الاقي حد من الحسابات هنا دايما بيبعتوا الحسابات على الميل
علاء وهو يتناول الكيك :ده نظام جديد وبعدين انت عارفه ان سلمي هتقعد عشان هتتجوز وتسافر وبفكر اجيب نورين مكانها
شيرين :لا مانصحكش انك تجيب واحده زي دي هنا في مكتبك
علاء بتجهم :واحده زي دي يعني ايه
شيرين :يعني مستواها الاجتماعي والمادي مش قد كده ودي هتبقى واجهه لمكتبك
علاء :اظن ان ده قراري انا وانا اللي اختار سكرتيرتي وياريت تبطلي النظره الدونية دي للناس
شيرين :طبعا ده قرارك عن اذنك
وانصرفت شيرين وتركت علاء يتناول الكيك وقبل ان تخرج عادت له
شيرين :انت من امتى وانت بتاكل كيكه في المكتب ومن امتى وانت بتحب الحلويات اصلا
علاء :من دلوقت وبعدين بقى يا شيرين انت مش عندك شغل اتفضلي يلا وقت البريك خلص
خرجت شيرين وهي تشعر بالغضب من علاء ونورين
وصل جاسر الي مكتب علاء
جاسر :باشا اخبارك ايه
علاء تمام تعالي
جاسر :ايه ده بتاكل ايه كيكه طب اعزم عليا
علاء :لا الكيكه دي ممنوع حد ياكل منها غيري وقام بوضعها في علبتها ووضعها في درج مكتبه
جاسر :ايه عشان يعني شيرين اللي جيباها
علاء :شيرين ايه هي شيرين تقدر تعمل كيكه بالحلاوه دي
جاسر :امال مين
علاء :ملكش فيه اه قبل ما انسى سيرين عايزه تيجي تدرب هنا وكنت عايزك انت اللي تدربها
جاسر :وانا تحت امر برينسس سيري
وظل جاسر وعلاء يعملوا
في المستشفى
خرج عمرو وثريا من غرفه العمليات
عمرو :ياريت تكوني ركزتي كويس لأن نوعيه العمليات دي هتتفعك
ثريا :اه طبعا ثم هتفت باسم مراد
مراد :يويا اخيرا خلصتي يلا عشان فيه سكشن مهم أوي
عمرو :لو سمحت يا دكتور هنا مفيش يويا هنا دكتوره ثريا ودكتور مراد واتفضل روح انت السكشن وانا هوصل دكتوره ثريا للجامعه
ثريا :مفيش داعي يا دكتور تعطل نفسك انا هروح مع دكتور مراد يلا يا مراد
وانصرفت ثريا أمام عمرو وهو يقف ينظر لاثارها في ذهول حتى قاطعه حسام
حسام :واقف كده ليه
عمرو :هي بنات العيله دي اتجننوا ولا ايه
حسام :وهو ينظر لنورا وهي تقف تتحدث مع احمد :تصدق عندك حق عن اذنك
عمرو :رايح فين
حسام :هجيب نورا من شعرها واجي
عمرو وهو يمسك به :بلاش تهور استنى انا حاسس ان فيه حاجه غلط
حسام :حاجه ايه
عمرو :مش عارف بس كله هيبان يلا انا همشي
حسام :وانا كمان همشي
في الشركه :انتهى وقت العمل وخرج علاء من مكتبه فوجد شيرين أمامه
شيرين :ممكن توصلني في سكتك عشان عربيتي اتعطلت وبعتها التوكيل
علاء :اه طبعا ولو تحبي اخصص لك عربيه بسواق
شيرين :لا لو مش هتقل عليك ممكن اجي واروح معاك
تذكر علاء نورين وانه لم يستطيع مقابلتها في المصعد
علاء :لا اخصص لك عربيه من بكره احسن لاني بوصل سيرين الجامعه ويجيبها ومش عايز اعطلك
شيرين :اه تمام بس النهارده توصلني
علاء :اه طبعا يلا اتفضلي
دلفوا الي المصعد ولكن توقف عند الدور السابع فوجد علاء نورين تقف مع هدى
شيرين :انتم ايه مابتفهموش انا قولت ميه مره الاسانسير لو نازل من التاسع ما توقفهوش
علاء :لا يا شيرين الاسانسير لو نازل من اي مكان اي حد يوقفه ويركب فيه لأننا كلنا هنا زي بعض وأشار لنورين وهدي :اتفضلوا
دلفت نورين وهدى ووقف علاء خلف نورين وهمس دون أن يسمعهم احد :تسلم ايدك على الكيكه نفسي بقى ادوق القهوه من ايدك
وقفت نورين في حاله ذهول ثم توقف المصعد ونزلت شيرين وعلاء ثم نظر خلفه وغمز لها بعيونه