حبك طريقي

الجزء الخامس والثلاثون

خرجت نورين من المصعد وهي مزهوله من همسات علاء لها ولكنها وجدت شيرين تركب معه السياره وتنظر لنورين بتكبر
نورين لنفسها :فوقي يا نوني وماتعيشيش في الأحلام واحلمي على قدك ثم ذهبت إلى منزلها
عند منزل مصطفى وسو
حسام :ثريا عايزك لو سمحت
ثريا :خير يا ابيه
حسام :مين اللي كنت واقفه معاه النهارده في المستشفى
ثريا :ما انا قولت لك ده زميلي في الجامعه وهيقضي سنه الامتياز معانا
حسام :اه طيب يا ريت تقللي الوقفه معاه في المستشفى وفي الجامعه كمان
ثريا :ليه يا ابيه ده زميلي
حسام وهو يقترب منها ويلمس علي شعرها :انا عارف يا حبيبتي وعارف كمان انت على ايه بس انا مش عايز حد يتكلم عليكي لا في الجامعه ولا في المستشفى
ثريا :حاضر يا حبيبي اللي انت عايزه
حسام وهو يتحدث لنفسه بصوت مسموع :اما نشوف الهانم التانيه دي كمان وموضوع احمد
ثريا وهي تبتسم وتحدث نفسها :جرب نار الغيره وقولي قولي
حسام :بتقولي حاجه
ثريا :لا يا حبيبي انا داخله اذاكر
في منزل عمرو وياسمين
ياسمين :والدكتور احمد ده عنده كام سنه
نورا :بتسالي ليه يا ماما
ياسمين :اصلي شيفاكي بتقفي معاه كتير اليومين دول
هنا دخل جاسر
نورا :عنده ٢٨ سنه وبصراحه بقى يا ماما هو كلمني انه عايز يتقدم لي بس انا لسه بفكر وكانت تقصد أن يسمع جاسر لكي يصل الكلام الي حسام
جاسر :مين ده يا نورا
نورا :دكتور احمد اللي متعين جديد
جاسر :وحسام يعرف بالموضوع ده
نورا :وحسام دخله ايه بالموضوع ده
جاسر :انتم بتلعبوا لعبه انتم مش قدها
نورا :لعبه ايه ومين انتم دول
جاسر :انت وثريا والله اعلم سيرين معاكم ولا لاء
نورا :انا مش فاهمه انت تقصدايه
جاسر :معلش بكره تفهمي
وصعد جاسر الي غرفته وترك نورا تنظر لوالدتها
ياسمين :لعبه ايه اللي جاسر قصده عليها
نورا :مش عارفه والله يا مامي انا هقوم انام عشان عندي عمليه الصبح تصبحي على خير
في منزل نورا وحسام تحديدا في غرفه ثريا
ثريا :واخدت الكيكه كلها
علاء :اه واتغديت واتعشيت منها
ثريا :وأخذتها كلها ليه
علاء :مش عارف والله يا يويا حسيت اني مش عايز حد ياكل منها خصوصا اللي اسمه طارق ده
ثريا :انت بتغيير عليها كمان
علاء :بتقولي ايه يا يويا اغير عليها ايه
ثريا :امال تفسر بايه اللي انت عملته
علاء :هتصدقيني لو قلت لك اني مش عارف حاجه ولا فاهم حاجه انا لسه بحب سمر ومش قادر انساها بس لما بشوف نورين بحس بحاجه غريبه بحس انها مش غريبه عني بحس انها قريبه مني يمكن عشان الشبه الكبير اللي بينها وبين ماما
ثريا :تصدق انا اتشوقت اني اشوفها
علاء :لو شفتيها يا يويا هتدخل قلبك على طول رقتها ضحكتها وكلامها وعيونها اللي تتوه
ثريا :كل ده وبتقول مش بتحبها
علاء :انت الكلام معاكي بقى صعب ليه كده يا يويا انا هقوم انام تصبحي على خير
ثريا :وانت من اهل الخير يا حبيبي
ومر الليل بسكونه وأتى النهار باحداث جديده على الجميع
في الصباح ذهبت سيرين مع علاء للشركه للتدريب وتنفيذ باقي خططتها وصلوا أمام المصعد فتح علاء الباب فوجد نورين تبتسم ولكن اختفت ابتسامتها عندما وجدته يدلف الي المصعد وهو يمسك بيد سيرين
علاء :صباح الخير
نورين بتجهم :صباح النور
شعر علاء أنها تشعر بالازعاج من وجود سيرين معه وأراد ان يزيد شعَورها بالضيق
علاء :سيري حبيبتي ايه رايك تتفرجي على الشركه الأول
سيرين :اللي تشوفه يا حبيبي بس انت ماقولتليش هدرب في اي قسم
علاء وهو ينظر لنورين الغاضبه :قسم الحسابات ولا ايه رايك يا انسه نورين
نطرت له نورين بدهشه ثم توقف المصعد في الدور السابع ونزلت منه نورين ونزل خلفها علاء وسيرين
علاء :انسه نَورين ما قولتيش ايه رايك
نورين :حضرتك انا ماليش رأي انا مش رئيسه الحسابات استاذ ابراهيم هو رئيس الحسابات
علاء :بس انا عايزها تدرب معاكي انت
نورين :تحت امر حضرتك
علاء :بس عايزك تاخدي بالك منها دي نور عيني وغاليه عليا اوي
نورين بابتسامه صفراء :اه طبعا عن اذن حضرتك
دلف علاء الي قسم الحسابات وتحدث مع ابراهيم رئيس القسم ثم توجه الي سيرين الوقفه بجوار نورين
علاء :عايزه حاجه يا سيري
سيرين :لا يا حبيبي
علاء :في البريك ابقى اطلعي لي عشان نتغدى سوا
سيرين :اهي دي احلى حاجه قولتها
خرج علاء من الحسابات وهو يبتسم لانه تأكد من غيره نورين عليه
نورين :اتفضلي يا انسه سيرين على المكتب اللي جنبي عشان اعرفك مبادئ الشغل
جلست سيرين بجوار نورين وبدءوا العملل
في المستشفى
تجلس نورا مع ثريا يتحدثوا
ثريا :يعني هو قالك اننا بنلعب
نورا :اه مش عارفه هو يقصد ايه
ثريا :تفتكري يكون حسام او عمرو حكوا له حاجه
نورا :مش عارفه
هنا دخل حسام واقترب منهم
حسام وهو يقف أمام نورا :الكلام اللي سمعته ده صحيح
نورا :كلام ايه
حسام :الدكتور اللي اسمه احمد ده متقدم لك
نورا :يفرق معاك يعني
حسام :نورا جاوبي على سؤالي
نورا:اه بس انا لسه بفكر
حسام :لا متفكريش عشان انا هخليه يسيب المستشفى
نورا :ليه يعني
حسام :عشان دي مستشفى مش كازينو اللي ييجي هنا يجي يشتغل مش
نورا :مش ايه يا دكتور
حسام :مفيش انا ماشي
وتركهم حسام
ثريا :ياه ده مستوى على الآخر
نورا :وياريته ينطق بقى
في الشركه
اتي وقت البريك
سيرين :ياه انا تعبت اوي انا هطلع بقى لأبيه علاء عشان اتغدى لاني جعانه اوي
نورين بدهشه :قولتي ايه
سيرين :ايه هطلع لأبيه علاء عشان اتغدى
نورين :ابيه علاء ده البشمهندس علاء
سيرين :اه ابيه علاء اللي شفتيه معايا الصبح
نورين :هو مش انت تبقى
سيرين :اخته الصغيره بس اللي يشوفنا يفتكر بينا قصه حب مشعلله
قامت نورين باحتضانها وسط استغراب سيرين
نورين :انا مبسوطه اوي انك هتشتغلي معانا انا حبيتك اوي اوي يا سيري
سيرين :طيب اسيبك بقى واطلع له
نورين :لا طبعا ودي تيجي انا جايبه معايا اكل انا اللي عملاه وانت بقى ما دوقتيش اكلي
سيرين :تمام انا هقعد اتغدى معاكي
نزل لهم علاء :ايه يا سيري ما طلعطيش ليه عشان نتغدى
سيرين :تعالي يا ابيه دي نوري عامله محشي ورق عنب تحفه مادوقتش زيه قبل كده
علاء وهو يبتسم وينظر لنورين :طبعا لازم يكون تحفه مش نورين اللي عملاه ومد يده وبدأ ياكل معهم
دخلت عليهم شيرين :انا لما سألت عليك وقالوا لي انك هنا مصدقتش وانت كمان هنا يا سيري
سيرين بامتعاظ :هاي ازيك يا شيري اتفضلي كلي معانا
شيرين :ايه ده انا مبكلش الاكل ده ونظرت لنورين بطرف عيونها :انا طالعه المكتب
سيرين :احسن انها ما اكلتش هي اصلا ما تستاهلش
علاء :يلا يا سيري علي الشغل البريك خلص خلاص ثم نظر لنورين :تسلم ايدك يا نوري انا كده هتعود اني اكل معاكي كل يوم
سيرين :وماله يا ابيه ابقى تعالى اتغدى معانا كل يوم
علاء :انتم لحقتوا تتصاحبوا
سيرين :طبعا نوري دي تتحب على طول
علاء :انت هتقولي لي يلا بقى انا طالع ونتقابل بعد الشغل عند الاسانسير وغمز لنورين وذهب
في المستشفى
كانت ثريا تقف مع مراد زميلها وشاهدها عمرو
عمرو :ثريا يلا عشان نروح
ثريا :انا هروح مع حسام
عمرو :حسام عنده عمليه ومش هيروح دلوقت
ثريا :اصلي كنت عايزه انا ومراد نقعد نراجع شويه
عمرو :تعالي وانا اراجع لك اللي انت عايزاه ويلا بينا بدل ما اتعصب عليكي
ثريا :تتعصب عليا ليه يعني وبعدين انت مالك بيا
عمرو :انا ابن خالتك
ثريا :انا مش هروح دلوقت عن اذنك
وذهبت ثريا
عمرو :لا ده كده بقى الموضوع فيه ان
في الشركه
انتهى وقت العمل وخرجت نورين وسيرين ووقفوا أمام المصعد انفتح المصعد ووجدوا علاء بداخله
سيرين :حبيبي
نورين :مساء الخير
سيرين :ما تيجي نوصلك يا نوري معانا
نورين :لا شكرا انا مش عايزه اتعبكم
سيرين :لا مفيش تعب ولا حاجه وبعدين ما تقلقيش انا معاكي
علاء :انا هستناكوا عند العربيه
سيرين :يلا بقى يا نوري
وافقت نورين وركبت معهم السياره وشاهدتهم شيرين :البنت دي مش سهله وشكلي كده هحطها في دماغي
سيرين :اف انا مش عارفه انت مستحمل اللي اسمها شيرين دي ازاي
علاء :مالها بس يا سيري انت مضايقه منها ليه
سيرين :مش عارفه مش قادره اقبلها
قام علاء بايصال نورين الي منزلها ومرت الايام وكان علاء يقوم بايصالها كل يوم واقتربت نورين من سيرين كثيرا وماذالت ثريا ونورا على خطتهم وهذا يذيد من غيره وغضب حسام وعمرو
في يوم كان علاء يقوم بايصال نورين
علاء :عندي ليكم خبر وحش
سيرين :خير يا ابيه
علاء :انا هضطر افرقكم عن بعض
سيرين ونورين في صوت واحد :ازاي
علاء :سلمي السكرتيرة هتقعد بعد اسبوع عشان هتتجوز عقبالكم وهو ينظر لنورين في المرآه فنظرت للاسفل بخجل
علاء :وانا قررت انقل نورين مكانها وانت يا سيري هتيجي مكتب جاسر
سيرين :انا موافقه جدا
نورين :بس انا مش بعرف في شغل السكرتاريه
علاء :ما تقلقيش هخلي سلمي تعلمك
وتم نقل نورين الي مكتب علاء وسيرين الي مكتب جاسر ومرت الايام وكانت شيرين تشتعل غيظا من قرب علاء لنورين وفي يوم خططت للايقاع بنورين
شيرين :لو سمحتي يا نورين الورق ده تخلصيه وتعرضيه على البشمهندس
نورين :حاضر تحت امر حضرتك
وبعد فتره دخلت عليها سيرين :نوري حبيبتي جاسر باعت لك الورق ده لازم يخلص قبل الاجتماع بتاع بكره
نورين :لا طالما لجاسر بيه يبقى اي شغل يستنى وغمزت لسيرين
سيرين :تصدقي انا غلطانه اني حكيت لك
نورين :اخص عليكي يا سيري سرك في بير
وخرجت سيرين وظلت نورين تعمل حتى دخل جاسر
جاسر :هه يا نورين الورق اللي بعته لكي خلص
نورين :ايوه يا فندم وسلمته الأوراق ودخل الي علاء
دخلت عليها شيرين
شيرين :فين الورق اللي قولت لك تخلصيه
نورين :لسه بشتغل فيه لان بشمهندس جاسر طلب مني شغل ضروري ومستعجل
شيرين بعصبيه :يعني ايه انا اوامري تتنفذ وشغلي يخلص انت حتى شويه ورق مش عارفه تخلصيهم انا مش عارفه علاء ازاي جابك تشتغلي هنا
نورين بنفاذ صبر :ممكن افهم من حضرتك ايه المشكله انا هخلص الورق ويشتغل فيه
شيرين :المشكله مش في الورق المشكله فيكي وفي امثالك
نورين :أمثالي قصدك ايه
شيرين :اه امثالك من تربيه الحواري اللي تلاقي نفسها فجأه في منصب زي ده وتشتغل في شركه زي دي
نورين :وحضرتك بقى الراقيه
شيرين :اه طبعا انا سيده أعمال من زمان من ايام ما كانت مامتك بتعلمك تعملي المحشي ولا انت مامتك معلمتكيش ده كمان ولا هي علمتك بس ترسمي على الرجاله الاغنيه عشان توقعيهم وابوكي يا ترى علمك ايه اه صحيح نسيت انهم ماتوا من غير ما يعلموكي اي حاجه وانك
فجأه قاطعتها نورين بأنها صفعتها بكوب ماء كان موجود على مكتبها
شيرين بصدمه :ايه اللي انت عملتيه ده صحيح تربيه حواري
فجأه قفزت نورين عليها واسقطتها أرضا ومسكتها من شعرها وسط صراخ شيرين
كان جاسر وعلاء في المكتب عندما سمعوا صراخ في الخارج
علاء :ايه الصوت ده
جاسر :في صوت حد بيصرخ
علاء :تعالي نشوف فيه ايه
خرج علاء وجاسر الي مكتب نورين وانصدم علاء عندما وجد شيرين على الأرض ونورين فوقها تكيل لها الضربات
قام علاء بحمل نورين من فوق شيرين وقام جاسر برفع شيرين من على الارض
علاء وهو يقف بينها وبين شيرين :اهدي يا نورين كفايه ايه اللي حصل
نورين :سيبني عليها ما تمسكنيش سيبني عليها
شيرين :الحقني يا علاء حوش عني المجنونه دي
نورين :محدش هيحوشك من ايدي سيبوني عليها
علاء : جاسرخد شيرين على مكتبك دلوقت
نورين :لا سيبها يا جاسر سيبني يا علاء خليها ترجع
امسكها علاء وكتف يدها في حضنه ونظر في عيونها لأول مره يسمع اسمه منها :بس بقى اهدي يا نورين
نورين :اهدي ليه خليها تيجي انا هموتها ثم أدركت انها داخل حضن علاء فنزعت يدها من يده والتقتت حقيبتها وخرجت من المكتب تركض
خرج علاء خلفها:استنى بس طب قولي لي رايحه فين اوعي تكوني رايحه وراها مكتب جاسر
نورين :انا مخنوقه هطلع اشم الهوا بره
علاء :تمام اذا كان كده ماشي انا كمان هطلع اشم الهوا بره واهو معاد البريك نتغدى سوا وخصوصا ان سيري مش هنا
نظرت له نورين ثم صعدت الي المصعد وصعد خلفها علاء:انا هعزمك على اكله سمك تحفه بس بشرط تحكي لي ايه اللي حصل
نورين :انا ماليش نفس اكل حاجه
علاء :لا ماينفعش لازم تاكلي بصراحه انا مش فاضي عشان اوديكي المستشفى النهارده ومش هسمح لحد انك تقعي في حضنه
نورين :ايه
علاء :ايه هو انت مش واخده بالك انك كل ما تقعي تقعي في حضني
نورين :لا طبعا انا بقع وانت اللي بتحضن
علاء :خلاص لو مش عايزه ده يحصل تاني لازم تسمعي الكلام وتاكلي
نورين :حاضر