نزل علاء بسرعه علي الدرج وتوجه الي خارج الفيلا حتي انه لم يستمع الي نداء والدته وأثناء خروج اصطدم بعمرو
عمرو :ايه يا باشا علي فين كده
علاء :معلش يا عمرو سيبني دلوقت
عمرو :ماشي يا علاء
توجه علاء الي سيارته واتجه الي الخارج
دلف عمرو الي الداخل وجد والدته تقف في وسط الفيلا
عمرو :مالك يا نوري
نورا :.........
عمرو :ماما ماما انورين هانم
نورا :هه عايز حاجه يا عمرو
عمرو :مالك يا ماما
نورا :قلقانه علي علاء ونور
عمرو :ليه ايه اللي حصل
نورا :مش عارفه هما رجعوا بدري وتقريبا متخانقين وسردت له نورا ما حدث
عمرو :ما تقلقيش يا حبيبتي انا هطلع اشوف نور واعرف منها كل حاجه وهطمنك
نورا :ماشي يا حبيبي
صعد علاء الي غرفه نورا وطرقها فسمحت له نور بالدخول
عمرو :نونه عامله ايه النهارده
نظرت له نور بعيون كلها دموع
عمرو :مالك يا حبيبتي
نور :انا تعبت يا عمرو مبقتش قادره مش عارفه آخره ده كله ايه انا بفكر اسيب كل حاجه وابعد
عمرو :ازاي بس يا نور ده اللي اتفقنا عليه اننا لازم نطلع علاء من الماضي ماينفعش نسيب المريض في نص الطريق ونهرب
نور :انا خايفه مقدرش والاقي نفسي محبوسه انا كمان في ماضي
عمرو :بصي يا نور انا خلاص قربت اوصل للي انا عايزه وقريب اوي هكشف له الحقيقه اللي طول عمره بيهرب منها
نور :ياريت يا عمرو
مرت الليله بحزنها علي نور وعلاء حيث ظلت نور طوال الليل تكتب في مذكراتها وتبكي وعلاء كان يجلس في غرفه ثريا بالمستشفي حتي اتي الصباح دون أن يشعر فقام وقبل يد ثريا ثم خرج
استيقظت نور فوجدت نفسها نائمه علي المكتب في حضن مذكراتها ثم سمعت صوت هاتفها يرن بصوت رساله فقامت بفتح الرساله
علاء :انا عندي اجتماع مع الوفد الألماني وهتاخر
أغلقت نور الهاتف وقامت بتجهيز نفسها للذهاب إلى الشركه
طرقت سيرين غرفه نور ودلفت
سيرين :هو الباشا فين
نور :خرج بدري عشان عنده اجتماع مهم
سيرين :ياسلام ومين بقي اللي هيوصلنا دلوقت
نظرت لها نور :اه صحيح مين مين ياسيري
سيرين :قصدك ايه
نور :ممكن الباشمهندس إياد مثلا
سيرين :ايه إياد
نور :اه إياد يا سيري يابنتي حرام عليكي الواد هيموت حني عليه بقي
سيرين :خايفه يا نور
نور :خايفه من ايه بس
سيرين :خايفه انجرح تاني
نور :بصي يا سيرين في فرق بين إياد وجاسر جاسر مكانش بيحبك وكان حب من طرف واحد إنما إياد هو اللي بيحبك ونصيحه مني ما تضيعيش اللي بيحبك
سيرين :انا سعات بفكر واقول طب ما اجرب زي ابيه علاء مهو قدر يخرج من الماضي ويحب نور ويتجوزها
اختفت الابتسامه من علي وجه نور :يلا يا حبيبتي عشان مانتاخرش
ذهبت نور وسيرين الي العمل وكانت نور تجلس علي مكتبها فدلف مراد
مراد :صباح الجمال علي احلي عيون
نور :صباح الخير يا استاذ مراد
مراد :هو الباشا موجود
نور :لا الباشا في اجتماع بره
مراد :حلو يبقي من نصيبي بقي اشرب معاكي القهوه
نور :طبعا ثواني وهطلب لحضرتك القهوه
مراد :هتطلبيها بس انا شايف ان فيه عده قهوه هنا في المكتب
نور :اه دي
مراد :لايه ولا انت مش عايزانى ادوق قهوتك
نور :لا ابدا هعمل لحضرتك القهوه حالا
قامت نور بإعداد القهوه وجلست هي ومراد يتناولوا القهوه ويتحدثوا ويضحكوا حتي وصل علاء ودلف الي المكتب
علاء :مراد انت هنا من امتي
مراد :ايه المواعيد الفالصو دي يا عم مش متفقين نتقابل الساعه 1
علاء :معلش الاجتماع طول شويه اتفضل ممكن تطلبي لنا 2 قهوه يا نور
مراد :لا ملوش داعي نور عملت لي فنجان قهوه تمام
نظر علاء الي نور نظرت غضب وقال :تمام اتفضل معايا
دلف علاء ومراد الي الداخل وبعد فتره خرج مراد
مراد :ملحقتش اقولك تسلم ايدك علي القهوه
نور :شكرا لحضرتك ثم استمعت الي علاء وهو يهتف باسمها
علاء :نور تعالي هنا بسرعه
نور :عن اذن حضرتك يا مراد بيه
دلفت نور الي الداخل فامسكها علاء من زراعها :ممكن افهم ايه اللي حصل ده يا هانم
نور :مش فاهمه ايه اللي حصل
علاء :مش فاهمه ايه ازاي اجي الأقيكي قاعده مع الزفت ده وصوت ضحكم واصل لآخر الشركه وكمان تعملي له قهوه
نور :والله مش انا اللي اديته معاد واتاخرت وهو قال انه هيستناك هقوله ايه يطلع يستناك بره ولا ادخله مكتبك
علاء :والقهوه
نور :هو طلب قهوه كنت هطلبها من البوفيه شاف العده بره وطلب اني اعمله
علاء وهو يشعر ببعض التعب ويضع يده علي معدته :انا مش قولت لك قبل كده مفيش راجل ياكل او يشرب من حاجه انت عملاها
نور :كفايه بقي انا تعبت انت عايز مني ايه انت ملكش دعوه بيا وكلامك ده مبقتش اصدقه
وكادت ان تنصرف حتي مسك يدها علاء واقترب منها وكان يشعر بالالم يذيد
علاء :انا اسف يا نور
نور :اسف علي ايه يا بشمهندس علي دلوقت ولا امبارح ولا من يوم ما عرفتك
علاء :ارجوكي ثم قطع حديثه صرخه منه بألم :اه
ثم سقط علي ركبتيه
فزعت نور وجلست بجواره علي الارض :علاء مالك مالك
علاء :ألم فظيع في معدتي اه اه ثم فقد الوعي
نور :علاء علاء رد عليا علاء علاء ثم ركضت الي هاتفها وقامت بالاتصال باياد
إياد :نور حبيبتي
نور :الحقني يا اياد علاء تعبان اوي
إياد :علاء ماله
كان جاسر وسيرين يجلسون معه
سيرين :ابيه علاء ماله
إياد :طيب ثواني وهنكون عندك
جاسر :في ايه يا اياد
إياد :نور بتقول ان علاء تعبان اوي يلا بسرعه نشوف ماله
ركضوا جميعا الي مكتب علاء فوجدوه ملقي على الأرض فاقد الوعي ونور بجواره وتضع راسه علي قدمها وتحاول افافته وتبكي
جاسر :ايه اللي حصل
نور :مش عارفه هو كان كويس فجأه صرخ وقالي ان فيه وجع جامد في معدته وبعدين وقع مغمي عليه
قام جاسر واياد بوضعه علي الاريكه وحاولوا افافته ولكن دون جدوى فكان يتصبب عرقا ويده بارده
سيرين :انا هكلم عمرو يبعت لنا إسعاف مش هينفع نستني اكتر من كده
إياد :بسرعه يا سيري
قامت سيرين بالاتصال بعمرو
عمرو :سرسور
سيري :الحقنا يا عمرو ابيه علاء تعبان اوي ابعت لنا عربيه إسعاف حالا
عمرو :ماله علاء ايه اللي حصل
اخذ منها جاسر الهاتف :بسرعه يا عمرو مفيش وقت
أغلق عمرو الهاتف وركض الي حسام
عمرو :حسام سيرين اتصلت دلوقت وقالت إن علاء تعبان اوي انا هاخد عربيه إسعاف واروح ولو بابا سأل عليا قوله اني جالي حاله بره
حسام :علاء ماله
عمرو :مش عارف انا ماشي
حسام :ابقي طمني
ركض عمرو حتي وصل للجراج واخد سياره إسعاف واتجه الي المستشفى وصعد مع المسعفين حتي وصل الي مكتب علاء
عمرو :في ايه
جاسر :يلا يا عمرو نلحقه الأول
وضعوا علاء علي الحامله ونزلوا به الي سياره الإسعاف واصرت نور علي الصعود معه الي السياره وتبعهم جاسر وسيرين واياد وكانت سيرين منهاره واياد يحاول التخفيف عنها
وصلوا الي المستشفي ووجدوا نورا وحسام في انتظارهم
نورا :علاء ابني اخوك ماله يا عمرو
نظر عمرو الي حسام
حسام :مقدرتش اخبي عنهم يا عمرو
حسام :علاء ماله يا عمرو
عمرو :حاله تسمم يلا علي العمليات نعمل له غسيل معده
دلف الي العمليات عمرو وحسام وظلت نور في الخارج مع نورا وسيرين وجاسر واياد
نورا :هو اكل ايه يا نور
نور :مش عارفه يا عمتي هو كان في اجتماع بره الشركه مع وفد ألماني وبعدين رجع لقيته بيقول ان معدته بتوجعه
جاسر :يمكن اكل حاجه مش كويسه وان شاء الله بسيطه
بعد فتره خرج علاء من العمليات
نورا :ابني يا حسام
حسام :مفيش حاجه يا نورا الحمد لله عملنا له غسيل معده وهو بقي كويس
نور :انا عايزه اشوفه يا انكل
حسام :هو نايم ومش هيصحي الا الصبح
دلفوا جميعا الي غرفه علاء رجدوه نائم في عالم آخر
ثم انصرفوا جميعا عدا نور
عمرو :يلا يا نور
نور :لا يا عمرو انا هفضل معاه لحد ما يفوق
عمرو :براحتك يا حبيبتي وانا كل شويه هبقي اجي اطمن عليكي وعليه
نور :تمام
جلست نور بجوار علاء وامسكت يده وغفت في النوم حتي استيقظت علي صوته فهو يهذي أثناء نومه
علاء :سمر تعالي ما تزعلش مني انا معاكي لا يا سمر لا
نور :علاء علاء انت سامعني
علاء :سمر سمر
نور :حتي في أحلامك يا علاء مش ناسيها اظاهر اني انكتب عليا العذاب
ذنبي أنا
ذنبي أنا ذنبي بهواك و همي أنا يا حبيبي رضاك
و انت ولا بتسال على حدى هايم بمدى عايش على هواك
حظي أنا بعيوني دليل بتغفى و أنا اسهر لياليك
بقلبي بكي و بعيوني حكي و لا عم بشتكي و لا فيي جافيك
ذنبي أنا ذنبي بهواك و همي أنا يا حبيبي رضاك
و انت ولا بتسال على حدى هايم بمدى عايش على هواك
مافي عذاب متلك يا غرام بتمضى الليالي و الأيام
ناطرعلى بابوه راضي بعذابوه و لا عم بيفيدوه عتاب و ملام
مافي عذاب متلك يا غرام بتمضى الليالي و الأيام
ناطرعلى بابوه راضي بعذابوه و لا عم بيفيدوه عتاب و ملام
ذنبي أنا ذنبي بهواك و همي أنا يا حبيبي رضاك
و انت ولا بتسال على حدى هايم بمدى عايش على هواك
حظي أنا بعيوني دليل بتغفى و أنا اسهر لياليك
بقلبي بكي و بعيوني حكي و لا عم بشتكي و لا فيي جافيك
أنت تقرأ
حبك طريقي
Romantizmقاصر عانت كثيرا ترفض الحب والزواج قبل أن تتم السن كي لا تعيد الماضي وهو مجروح من حبيبته رافض للحب ولكن ظهرت له فجاه فاحبها رغم عنه
