حبك طريقي

الفصل السابع

دخل حسام الي غرفه العنايه حيث تنام نور وجلس بجوارها وظل ينظر إليها ويلمس علي شعرها ورأسها وينزل بيده علي وجنتها ثم أمسك يديها حسام ممسك بيد نورا:نورا ليه بتعملي فيا كده بتعندي معايا ليه أنت مش متصوره أنا كان ممكن يحصل لي إيه وأنا حاسس إنك ممكن تروحي مني أنا أول مره أحس الإحساس  ده من يوم وفاه ماما لما راحت مني في ثانيه نورا أنا مش هقدر أتحمل إنك تروحي مني أنا لو كنت بقسي عليكي فأنا بعمل كده عشان بحبك نورا أنا من سنتين وأنا قافل قلبي ومحرم عليه الحب أنا انجرحت أوي كان الكل شايف حقيقتها إلا أنا حبي ليها كان عاميني كنت شايفها ملاك ومفيش زيها بس مافوقتش إلا لما سمعت وشفت بعيني خيانتها عشان كده بقسي عليكي مش عايز أبقي ضعيف تاني مش عايز حبي يبقي نقطه ضعفي نفسي اخبيكي جوه قلبي واقفل عليكي عارفه لما شفت عمرو بره كان هاين عليا امسكه من رقبته واخنقه بأيدي أنت بتاعتي أنا يا نورا ملكي لوحدي وهتحبيني يا نورا وهتنسي عمرو ده خالص ثم قبل يديها وهتف بجوار إذنها بس ده مايمنعش إبني اعاقبك علي كذبك عليا في موضوع البخاخه ده بس لما تقومي بالسلامه
تململت نورا في نومها فهمست بضعف بكلام غير مفهوم
نورا:المحاضره  دكتور عمر البخاخه  فاضيه  حسام
شعر حسام بشعور غريب فهي أول مره تنطق إسمه بدون دكتور
أقترب منها حسام وقال:نورا نورا حبيبتي إنت سمعاني ولكن لم تجيبه نورا وراحت مره اخري في ثبات عميق
مر الوقت وظل حسام بجوار نورا ودخلت عليه ثريا وجدته غافي وهو ممسك يد نورا
نظرت له ثريا بابتسامه: فهمست بصوت خافت حسام حسام إصحي يا حبيبي
حسام بفزع:نورا مالك انت كويسه
ثريا محاوله تهدئته:أهدي يا حبيبي دا أنا قوم إرتاح شويه وأنا هقعد معاها
حسام:لا يا ثريا أنا مش هقوم من جمبها إلا لما تفوق
ثريا:يا حبيبي أنت لازم ترتاح
حسام:أنا مش هرتاح إلا لما تبقي مراتي
ثريا:ياه يا حسام قد كده بتحبها
إنهار حسام وإرتمي في حضن ثريا وبكي:بحبها أوي يا ثريا مش بحبها أنا بعشقها مش قادر أتخيل حياتي من غيرها نفسي أخدها في حضني نفسي تحبني زي ما بحبها
ثريا:أهدي يا حبيبي هي لسه صغيره وانت تقدر تخليها تحبك بالحنيه والتفاهم
حسام وهو يبتعد عن حضنها:أنا خايف يا ثريا خايف أنجرح تاني خايف تقابل حبي ليها بالكره مش عارف أعمل إيه أنا كنت عايزها وعقلي بيبعدني عنها بس لما أبيه علاء طلب مني أتجوزها حسيت إنها علامه ليا وإشاره إن حبي ليها قدري وإن حبها طريقي إللي لازم أمشي فيه
ثريا وهي تربت علي كتفه:سيب نفسك للحب وبس يا حسام الحب لوحده إللي هيخليها تقرب منك وتحبك وأبعد عن الشده والقسوة
حسام:خايف أضعف ويبقي حبها نقطه ضعفي
ثريا:الحب عمره ما كان ضعف وعايزه افكرك إن نورا مش ياسمين 
ثم اخذت حقيبتها وقالت:أنا همشي وأنت فكر في كلامي كويس وأنت ترتاح
ذهبت ثريا وظل حسام شارد في ذكرياته في الماضي
الم يفق من تفكيره إلا علي صوت نورا ووجدها كأنها تحلم
نورا:لا لا يا ماما زينات انا اسفه بلاش بلاش
حسام:نورا نورا حبيبتي إنت صاحيه  ولكن لم يجد رد
غفي حسام وهو ممسك بيد نورا
مر الوقت وطلعت الشمس لتعلن عن بدايه يوم جديد
نورا بتعب وهي تحاول فتح عيونها : اه أنا فين
حسام قام مفزوعا:نورا أنت كويسه
نورا:انا فين إيه اللي حصل
حسام:مفيش جات لك الأزمه والبخاخه طلعت فاضيه وبعدين خليتي سو تتصل بيا  عشان ألحقك  قولي لي  بقي ليه خلتيها تكلمني  مش أنت قولت لي إني ما ألحقكيش
نورا:أيوه أنا قولت لك كده لحقتني ليه ماسبتنيش امو
وضع يده على شفتاها وقال أوعي تكملي مش عايز أسمع الكلمه دي منك تاني
نورا:ليه
حسام:نظر حسام إلي عيونها واقترب منها وألتقت عيونها بعيونه
نورا في نفسها:أول مره اخد بالي إن عيونه حلوه كده
حسام:أنا بحبك يا نورا
نورا: وهي ننظر له وإللي بيحب واحده يتجوزها غصب عنها
حسام بضيق :ممكن ما نتكلمش في الموضوع ده دلوقت
نورا بغضب:ماشي يا دكتور  بس خليك عارف إن إللي إنت عايزه عمره ما هيحصل
حسام وهو ينظر لها بتحدي:أما نشوف يا أنسه نورا
آه نسيت أقولك مش أنا شفت اخو سو
نورا بفرحه:عمرو هو رجع أمتي
حسام وهو يمسك بذراعها بقوه:أوعي أسمعك تنطقي أسمه علي لسانك
نورا بغضب:أه ايدي بتوجعني سيبني
حسام:مش هسيبها عشان لما تفكري تنطقي إسمه تفتكري الوجع ده
نورا بصوت عالي:أنت إيه أنت فاكر إنك بطريقتك دي هوافق إني اتجوز ك
حسام بابتسامه: بمزاجك هتجوزك غصب عنك هتجوزك والزفت اخو سو ده تنسيه خالص ولو شفته قرب منك أو كلمتيه هيبقي حسابي معاكي عسير اوي يا نورا
نورا وهي تنظر للجهه الاخري:أنا عايزه أمشي من هنا
حسام:مش النهارده انت لازم تستني هنا كمان يوم لحد ما حالتك تستقر
نورا:ملكش دعوه بيا وبقولها لك تاني يا دكتور لو لقتني بموت قدامك ماتبقاش تلحقني تاني
حسام ببرود مصطنع:بعد الشر عليكي يا قلبي
اغمضت نورا عيونها وقالت لحسام
نورا:من فضلك انا تعبانه وعايزه انام
حسام:أستني لما ننقلك اوضه تانيه
نورا أغمضت عيونها في ضيق
تركها حسام وخرج من الغرفه وطلب من الممرضات نقل نورا الي غرفه عاديه وقام بالإتصال بثريا وأخبرها برقم الغرفه
وصلت ثريا ووجدت حسام يقف في الخارج أمام الغرفه
ثريا:حسام واقف كده ليه
حسام:نورا قالت إنها  عايزه تنام
ثريا باستغراب:طب وفيها إيه ماهي كانت نايمه طول الليل وأنت جمبها
حسام:مش عارف بقي
ثريا:انتم اتخانقتوا مع بعض
حسام:أنا صبري عليها بدأ ينتهي أنا لولا عامل حساب أبيه علاء كنت ضربتها علقه تمام تعرف إن الله حق
ثريا:عمرك ما هتتغير الله يكون في عونها عن إذنك
تركته ثريا ودخلت الي غرفه نورا فوجدتها مستيقظة
ثريا:نورا حبيبتي عامله ايه
نورا:الحمد لله يا يويا
ثريا:كده يا نورا ليه خبيتي علينا موضوع تعبك ده كنا اهتمينا بيكي عشان مايحصلش إللي حصل ده
نورا:أنا أسفه يا يويا إني قلقتكم وتعبتكم معايا
ثريا:لا يا حبيبتي ما تقوليش كده إنت ماشفتيش حسام كان خايف عليكي إزاي
نورا بتنهيد:خايف عليا ليه
ثريا:عشان بيحبك يا نورا
نورا بغضب:وأنا مش عايزه حد يحبني
ثريا :ليه يا حبيبتي كل بنت بتتمني إنها تتحب وتعيش قصه حب مع الإنسان إللي بيحبها وتكون معاه أسره ويجيبوا أولاد وأنا بصراحه نفسي أشوف أولاد حسام وعلاء كمان بيتمني يشوفهم
نورا:وهو لازم يعني  تشوفوا عياله مني أنا
ابتسمت ثريا بمراره:عشان انتم ولادنا أنا وعلاء إحنا اتحرمنا من الأولاد وعلاء اعتبر حسام إبنه ولما ظهرتي في حياته حمد ربنا إن رزقه بالبنت
ثم مسحت ثريا دمعه حارقه نزلت علي وجهها
نورا:أنا أسفه يا يويا
ثريا:لا يا حبيبتي أنت مالكيش ذنب إحنا إللي نفسنا نطمن عليكوا
ثم ابتسمت محاوله تغيير الموضوع:أنا هروح أشوف شغلي بقي
نورا:أتفضلي يا يويا
ظلت نورا تفكر ثم هتفت أنا مش هتجوز ثم اخذت هاتفها واتصلت بعمرو
كان عمرو يجلس بمنزله
ليلي:والده عمرو وسو :سو إنت رايحه فين
سو:رايحه لنورا يا مامي
ليلي:ماشي يا حبيبتي بس ما تتأخرش
سو لعمرو:مش هتيجي معايا يا ابيه
عمرو:لا طبعا إنت ماشفتيش حسام ده كان بيبص لي إزاي ده كان فاضل له شويه ويضربني أنا مش عارف أنا طاوعتكم إزاي في إللي أنتم بتعملوه ده
سو:خلاص بقي يا موري
عمرو وينظر لها بغضب:بت إيه موري دي
سو:يا سلام يا أستاذ هو حلو من نورا تقولك يا موري وأنا لا
عمر يقذفها بالوساده:أمشي يا بت بدل ما أقوملك
سو:ماشي يا موري
ثم ذهبت
سمع عمرو رنين هاتفه
نظر عمرو إلي هاتفه:أه وآدي المجنونه التاتيه
عمرو:أيوه يا همي الكبير
نورا:كده يا عمرو أنا همك
عمرو:أه طبعا همي أول أما أرجع من السفر الأقيكي في المستشفي و بتموتي وملبساني في حيطه وواحد عايز يضربني واحتمال يقتلني
نورا:مين ده إللي عايز يقتلك
عمرو:هيكون مين غير دكتور حسام إللي أنت مفهماه إننا بنحب بعض أنت ماشفتيهوش إمبارح كان بيبص لي إزاي
نورا:سيبك منه وخليك معايا
عمرو:ناويه على إيه يا نورا
نورا:بص يا عمرو أنا مش هستني لما يجوزوني حسام ده غصب عني
عمرو:والمطلوب
نورا:تساعدني إني أسافر تركيا
عمرو بدهشه:نعم بتقولي إيه
نورا:بقولك هسافر تركيا وأحطهم قدام الأمر الواقع ومش هرجع إلا لما أتم ٢١ سنه
عمرو:نورا بالراحه كده فهميني إزاي عايزه تسافري من غير ما يعرفوا
نورا:عادي هتحجز لي تذكره بعد بكره وأنا هقابلك توصلني للمطار وأسافر أنت ناسي إني معايا الجنسيه
عمرو:أعقلي يا نورا وبلاش التفكير ده
نورا:لو ماساعدتنيش يا عمرو انا ههرب برده ومحدش هيعرف مكاني
وهنا اتت لعمرو فكره
عمرو:خلاص يا نورا أنا هساعدك وهحجز لك التذكره
نورا:كويس أوي أنا هخرج بكره من هنا ولما تحجز التذكره كلمني
عمرو:حاضر يا نورا
اغلق عمرو الخط وهتف:أنا آسف بقي يا نورا ماتزعليش مني أنا هعمل كده عشان مصلحتك وأنت مجنونه ولازم نحط حد لجنانك ده
في المستشفي أمام غرفه نورا يجلس حسام وهو يضع رأسه بين يديه ويقترب منه مصطفي
مصطفي:مالك يا دوك
حسام :مش ناقصاك وحياه ابوك
مصطفي:مالك بس يا حسام
حسام في ضيق:خلاص جبت أخري من عنادها ده ومش عايزها تتجوزني غصب عنها وهي كرهاني
مصطفي:بص يا حسام إسمع كلامي أكتب الكتاب وحاول تقربها منك وتخليها تحبك
حسام:تحبني إزاي بس دي بتحب إللي إسمه عمرو ده
مصطفي:هو عمرو اخو سو ده إللي هي بتحبه
حسام:اه هو الزفت
مصطفي:بقولك إيه يا حس سو ملهاش دعوه بأخوها
حسام:وإيه إللي دخل سو في الموضوع
مصطفي:أصل ناوي أكمل نص ديني
حسام:نعم وأنت ملقتش حد تكمل نص دينك معاه غير سو
مصطفي:مالها سو
حسام:ملهاش بس ماعتقدش إنها هتوافق عليك لما تعرف إنك صاحبي
مصطفي:ليه يعني
حسام:لأني هضرب أخوها ومش بعيد اقتله
مصطفي:إيه التخريف ده
حسام:مش تخريف نورا لو فضلت علي عنادها كده هضربها واضربه
مصطفى:لا دا انت حالتك صعبه أوي
وهنا وصلت سو
سو:هاي ازيك يا دكتور حسام
حسام ببرود:أهلا أنسه سو
مصطفي ينظر لها بهيام:إزيك يا أنسه سو
سو:أهلا إزيك يا انكل
ابتسم حسام ونظر له يلا يا أنكل علي شغلك ونظر لسو:أتفضلي يا أنسه سو
دخلت سو إلي غرفه نورا
مصطفي:أنكل أنكل برده هتجوزها
مر اليوم بدون أحداث جديده
في صباح اليوم التالي كان يجلس حسام في مكتبه يفكر في نورا وعنادها معه ثم سمع طرقات على الباب
حسام:اتفضل
فتح الباب ودلفت منه فتاه :حسام وحشتني اوي
حسام بعيون متسعه من المفجأه:ياسمين
ثم نهض من علي مكتبه وأمسك زراعها بقوه:إيه إللي جابك هنا
ياسمين بتألم:اه يا حسام سيب ايدي
حسام بعصبيه:مش هسيب إيدك غير لما تقولي لي إيه إللي جابك تاني
ياسمين:اخس عليك يا حسام دي مقابله تقابلني بيها بدل ما تأخدني في حضنك وتقولي وحشتيني
حسام:تاركا يديها بعنف:أنت هبله ولا بتستهبلي حضني إيه إللي أخدك فيها انت عايشه في الوهم
ياسمين ببكاء مسطنع:أنت ظالمني يا حسام أنا لسه بحبك
حسام:ظلمتك إزاي يا أنسه ولا اقول يا مدام أنا سامعك وشايفك وأنت في حضن الكلب إللي إسمه أكرم
ياسمين:افهمني بس يا حسام أنا كنت بعمل كده عشان أكشف لعبه في حسابات الملحق الجديد
اقترب منها حسام ونظر في عيونها وأمسك زراعها بشده:أنت فاكره لسه هتقدري تضحكي عليا ولا الكلب أكرم ضحك عليكي وسافر وعرفتي اللعبه إللي لعبناها عليكي بتاعه  إن مصطفي يبقي نائب المدير وعرفتي إن أنا شريك في المستشفي والثروه قلتي ترجعي لي تاني أنت بتحلمي يا ياسمين
وهنا طرق الباب وفتح ودخلت نورا وتفاجات بوجود حسام بقرب تلك الفتاه
حسام:نورا إيه إللي قومك من السرير
نورا بدهشه وهي تنظر لحسام وهو ممسك ببد تلك الفتاه:أنا جايه أقولك إني عايزه أمشي من هنا
ياسمين تنظر لنورا:مش تعرفنا يا سمسم
نظر لها حسام بغضب:
وقالت نورا ببرود وهي تمد يدها لياسمين:أنورين قدري المنياوي اخت علاء باشا المنياوي صاحب المستشفي وخطيبته دكتور حسام
نظر لها حسام بصدمه ولكنه ابتسم واقترب منها
حسام:إرجعي دلوقت يا حبيبتي وأنا هبعت لك ممرضه تساعدك عشان تجهزي وأوصلك
نظرت نورا لياسمسن:طب مش تعرفنا الأول علي الأنسه
حسام بتوتر:دي الأنسه ياسمبن كانت ماسكه قسم الحسابات هنا بس هي سابت الشغل
نورا:اه وجايه عايزه ترجع الشغل أوك ممكن أكلم لك أبيه علاء
ياسمين:شكرا ليكي أنا مش محتاجه وسطه حضرتك
حسام:يلا يا نورا روحي وأنا هحصلك
نورا:اوك يا بيبي ما تتأخرش عليا وطبعت قبله علي وجنته وانصرفت وهي ترمق ياسمين بطرف عيونها
صدم حسام من فعلتها وظل ينظر إلي اثرها بعد إنصرافها
ياسمين بصوت عالي:حسام حسام
حسام:أنت لسه هنا أتفضلي أطلعي بره ومش عايز اشوفك هنا تاني
ياسمين:اه قول كده بقي انت لعبتها صح ورسمت على أخت صاحب المستشفي مهي إللي هتاخد الورث كله
حسام وعيونه تشع بالغضب:أطلعي بره مش انا إللي أفكر كده إنت فاكره كل الناس زيك ومسكها من زراعها وفتح الباب أطلعي بره وقذفها خارج المكتب
ياسمين:ماشي يا حسام هدفعك ثمن إللي إنت عملته ده غالي اوي
دخل حسام وصفق الباب بقوه خلفه وهو يظفر بغضب وجلس على المكتب ووضع رأسه بين يديه ثم قذف كل ما علي المكتب علي الارض وهو يصرخ بصوت عالي ليييييييييه فسقط على الأرض منهار وهو يبكي ويضع وجهه بين يديه
دخل عليه مصطفي
مصطفي:حسام مالك إيه إللي حصل
نظر له حسام وعيونه كلها دموع
مصطفي:ياسمين كانت بتعمل ايه أنا شفتها وهي نازله هي كانت عندك
حسام:انا تعبان أوي يا مصطفي
مصطفي:أنت لسه بتحبها يا حسام
حسام:مش عارف مش عارف أنا حاسس إني ضايع
مصطفي:لا لازم تعرف وتفوق لنفسك ياسمين دي ماضي وانتهي ولازم تنساه وتفكر في نورا إللي إنت بتحبها فعلا
وهنا تذكر حسام نورا وهي تعرف نفسها لياسمين على إنها خطيبته وعندما تذكر قبلتها له وضع يده مكان قبلتها وأبتسم ابتسامه صغيره
نظر له مصطفي:يا عيني يا حسام أنت اتجننت يا ضنايا
حسام:أنت بتقول إيه يا زفت انت
مصطفي:أنا كده أتاكدت إنك بقيت كويس
حسام:طب يلا غور بدل ما اتغابي عليك
مصطفي:لا يا عم أنا داخل علي خطوبه ومش عايز اتشلفط
خرج مصطفي وظل حسام يفكر حتي تذكر نورا
وضرب الجرس فحضرت له ممرضه
الممرضه:تحت أمرك يا دكتور
حسام:بعد إذن ممكن تروحي غرفه..........إللي فيها أنسه نورا وتساعديها عشان هتخرج النهارده
الممرضه:تحت أمر حضرتك
ذهبت الممرضه وساعدت نورا وذهب إليها حسام وطرق الباب
دخل حسام:جاهزه يا حبيبتي
نظرت له نورا بغضب:ما تقولش حبيبتي دي تاني
حسام بدهشه:أنت مجنونه يا بنتي أنت بتتحولي ولا إيه إنت مش كنت عندي في المكتب من شويه وقولتي إنك خطيبتي وقولتي يا حبيبي حتي بالأماره بوستيني
نورا:بسخريه أنت صدقت أنا كنت عايزه اغيظ السحليه إللي كانت عندك
حسام مصدوما:سحليه أفهم من كده إنك بتغيري عليا دا أنت بتحبيني بقي
نور بضحكه عاليه:أغير عليك أنت بتحلم يا دكتور
نظر لها حسام واقترب منها:تصدقي إن أول مره أسمع ضحكتك مكنتش أعرف أنها حلوه أوي كده
وأنا بحذرك لو ضحكتيها تاني قدامي أنا مش مسؤول عن إللي هيحصل
ظلت نورا تنظر لعيونه وتشعر بالرجفه بداخلها من قربه منها ثم فاقت عندما ضربها بخفه علي وجها
حسام:نورا نورا روحتي فين
رمشت نورا بجفونها عده مرات ثم ضربته علي صدره وهتفت:أبعد عني لو قربت مني كده تاني مش هيحصل لك طيب
حسام وهو يرفع حاجبه:هتعملي إيه يعني وأقترب منها وهنا دخلت عليهم ثريا فتنهدت نورا بإرتياح
ثريا:يلا بقي مش خلصتوا عايزين نروح قبل ما علاء يوصل من السفر وعندي ليكي مفاجأه يا نورا
نورا:مفاجأه إيه
ثريا:علاء عرف يوصل لبلد داده عزيزه وبعت يجيبها عشان تعيش معاكي
نورا وهي تحتضن ثريا:بجد يا يويا دا أحلي خبر سمعته في حياتي
وخرجت نورا وحسام وثريا وتوجهوا إلي الفيلا فعندما وصلوا تفاجئوا بوجود علاء
علاء:حمد الله علي السلامه