دلف علاء الي الغرفه وجلس بجوار نور
علاء :مش عارف اقولك اسف لاني قلتها كتير اوي في اليومين اللي فاتوا بس انا مش عارف ازاي نسيت اني قفلت الباب والوقت سرقني انا عارف اني ظلمتك بس لو كان حصل لك حاجه عمري ماكنت هسامح نفسي ياتري لما تفوقي هتقدرى تسامحيني حتي لو ماسمحتنيش حقك ثم تنهد ووضع يده علي وجهه ثم تذكر هاتفه قالتقته ونظر اليه وجد مكالمات فائته من نور وعمرو وثريا فقام بالاتصال بثريا
ثريا :لولو حبيبي
علاء :يويا وحشتيني
ثريا :مش بترد على التليفون ليه قلقتيني عليك ونور كمان
علاء :اه يا حبيبتي معلش اصل كنا في رحله بحريه وكنا سايبين التليفونات في الاوضه
ثريا :اه تمام امال نور فين
نظر علاء الي نور بحزن :نور نامت أصلها مكانتش نامت امبارح فنامت عشان ترتاح شويه
ثريا :ماشي يا حبيبي لما تصحي سلم لي عليها سلام
علاء :سلام يا يويا
أغلق علاء الهاتف وارجع راسه الي الخلف ووضع يده عليها
دلف عمرو الي الغرفه
عمرو :انا جبت لك اكل وميه كل وحاول تنام عشان ما تقعش من طولك انت كمان انا حجزت تذكره عشان هرجع ماما اتصلت بيا ومش لازم حد يعرف حاجه
علاء :عمرو
عمرو :نعم
علاء :شكرا
عمرو :راجع نفسك يا باشا وفكر في نور اللي كل ذنبها انها حبتك سلام
انصرف عمرو وجلس علاء يفكر ثم التقت هاتفه وقام بالاتصال بحسام
حسام :باشا وحشتنا يا عريس
علاء :عايزك تيجي يا حسام
حسام بدهشه :نعم اجي فين انت بتهزر ولا مش قادر علي بعدي وانت في شهر العسل
علاء :حسام انا عايزك تبقي هنا الليله دي
حسام :انت بتتكلم جد
علاء :ماتتاخرش عليا هتعرف تحجز تذكره ولا احجز لك من هنا
حسام :لا تمام انا هتصرف سلام
أغلق حسام الهاتف وتحدث مع نفسه :ياتري ايه اللي حصل
نهض حسام واتجه الي نورا
حسام :نوري حبيبتي
نورا :شكلك عايز تزوغ
حسام :احبك وانت فاهمني
نورا :هتروح فين يا سمسم دا حتي الباشا مسافر
حسام :مشوار مهم اوي وممكن ابات بره بس عايزك تغطي غيابي
نورا :مشوار ايه ده
حسام :اما ارجع هقولك
نورا :انا مش عارفه في ايه النهارده الأول عمرو يمشي وبعدين انت
حسام :هو عمرو مشي
نورا :اه جاله تليفون وطلع يجري
حسام :طيب بقولك ايه انا همشي بقي عشان مستعجل سلام
ذهب حسام وقام بالاتصال بعمرو
عمرو :ايوه يا حسام
حسام :انت فين يا دكتور
عمرو :انا في شرم الشيخ
حسام :انت عند علاء هو فيه ايه هو اتصل بيك انت كمان
عمرو :هو كلمك
حسام :اه وعايزني ابقي عنده الليله هو فيه ايه
عمرو :طبعا لازم يتصل بيك تروح له عشان المصيبه اللي عملها يلاقي اللي يواسيه ويقف جنبه ويحسسه انه مش غلطان بس المره دي مش هينفع يا حسام
حسام :مصيبه ايه يا عمرو
عمرو :الباشا كان هيموت نور
حسام :ايه ازاي ضربها ولا ايه
عمرو :لا هحكي لك
سرد عمرو لحسام ما حدث
عمرو :انا مش قادر اتخيل لو مكنتش نور اتصلت بيا كان ممكن يحصل ايه كان ممكن تموت
حسام :انا مش عارف هو بيفكر ازاي
عمرو :اسمع يا حسام نور دلوقت مش مراته بس دي بنت خالي وزي سيرين اختي وانا مش هستني لما يموتها ولا يجيب لها انهيار عصبي
حسام :اهدي يا عمرو انا رايح له اهه وهتكلم معاه
عمرو :ماشي يا حسام انا هركب الطياره سلام
أغلق حسام الهاتف وقال لنفسه :وبعدين يا علاء مش هينفع كده
وصل حسام الي شرم الشيخ وقام بالاتصال بعلاء
علاء :ايوه يا حسام
حسام :انا راكب تاكسي اسم الفندق ايه عشان اقوله للاسطي
علاء :احنا في مستشفي....... الدولي
حسام :مستشفي ليه نور حصل لها حاجه
علاء :تعالي يا حسام وبعدين هفهمك اوضه.........
وصل حسام الي المستشفي وتوجه الي غرفه نور وطرق الباب فسمح له علاء بالدخول
حسام :في ايه يا علاء مالها نور
سرد له علاء ما حدث
حسام :وانت خلتني اجاي هنا عشان اقولك انك مش غلطان وانك لازم تحافظ على وعدك مع سمر لا يا باشا انت بتضيع منك الحقيقه عشان وهم نور لو راحت منك هتندم لآخر عمرك الفرصه جات لك عشان تخرج من الماضي اللي انت حابس نفسك فيه ويا تستغل الفرصه يا إما هتروح منك وهتفضل عايش في وهم الحب الاول ده وانا مش هقف ساكت نور دلوقت مش مراتك بس دي اختنا وعمرنا ما هنرضي باللي بيحصل ده
تململت نور وفتحت عيونها ببطء
حسام :حمد الله على السلامة يا نور عامله ايه
نور :حسام انت جيت شرم ولا احنا اللي رجعنا
حسام :لا انا اللي جيت
علاء :حاسه بايه
نور :الحمد لله يا حبيبي انا كويسه انا اسفه اني قلقتك معايا
نظر علاء لحسام بدهشه
نور :اصل انا نسيت اخد الأنسولين فتعبت
حسام :الف سلامه عليكي خدي بالك من نفسك يا نور اكتر من كده
نور :علاء انا هطلع امتي من هنا
حسام :انا هروح اتكلم مع الدكتور واعرف هتخرجي امتي
خرج حسام ونظرت نور لعلاء
نور :ماتستغربش اني عملت كده انا مش عايزه حد يعرف اللي بينا انا عند وعدي عشان ماما ثريا
علاء :انا اسف يا نور انا
قاطعته نور :ما تعتذرش يا بشمهندس عشان لو اعتذرت هتعتذر كتير اوي
دخل حسام :انا اتكلمت مع الدكتور بس قال انك لازم تقعدي هنا كمان يومين عشان نطمن عليكي
نور :انا عايزه لما اطلع من هنا نرجع
حسام :ليه لسه بدري
نور :انا قلقانه علي ماما ثريا
علاء :حاضر يا حبيبتي ارتاحي بس وانا هعمل لك اللي انت عايزاه
حسام :انا بقي بعد اذنكم هروح الجناح بتاعكم عشان انام وهبقي اعدي عليكم وبعدين اسافر
مرت الايام وخرجت نور من المستشفي وعندما وصلوا للفندق أصرت نور علي الرجوع وعادوا الي القاهره
مرت الايام ولا يوجد تعامل بين نور وعلاء الا في حدود العمل فكانت تنام قبل حضوره وتستيقظ قبله وتذهب للشركه قبله حتي اتي يوم عمليه ثريا في المستشفي تجلس نورا ونور في حضنها وعلاء جالس علي الارض وبيده المصحف يقرأ منه وسيرين تجلس بجوارهم واياد يقف ممسك بيد سيرين مرت الساعات طويله ومتعبه علي الجميع حتى خرج حسام
نورا :ايه يا حسان الاخبار
حسام بابتسامه :الحمد لله العمليه نجحت وهتخرج علي العنايه يومين ان شاء الله وبعدين هننقلها اوضه عاديه
حضنت نورا نور وهتفوا الحمد لله ونزل علاء يسجد لله شكرا علي سلامه ثريا
إياد :الحمد لله علي سلامتها يا انكل
حسام :الله يسلمك يا حبيبي ثم توجه الي نور
حسام :نور حبيبتي قومي ارتاحي
نور :انا تمام يا انكل عشان ماما ثريا بقت كويسه
علاء :تعالي معايا يا نور انت وسيرين عشان اروحكم
نور :لا انا مش هسيب ماما ثريا
حسام :انت مش هتقدرى تشوفيها الا بعد يومين يلا اتفضلي انت وسيرين من غير مطرود وبكره يا علاء تكونوا في الشركه علي مكاتبكم
علاء :تحت امرك يا بابا
مر اليوم في سلام وفي الصباح كالعاده ذهبت نور الي الشركه ثم علاء
تجلس نور تعمل علي مكتبها دلف الي مكتبها شاب وسيم
الشاب :يخرب بيت جمال عيونك
نور :افندم مين حضرتك، ايه اللي انت بتقوله ده
الشاب :اهدي بس انا مش بعاكس انا بس بحب اقول للجميل يا جميل في عيونه علي رأي الكنج
خرج علاء ووجد الشاب يجلس مع نور فهتف :مراد
مراد :باشا وحشتني اوي
علاء :رجعت امتى
مراد :من يومين وقلت لازم اشوفك واشوف القمر ثم نظر الي نور
نظرت نور اليه وابتسمت
مراد :يالهوي احلي ضحكه
علاء بغضب :ما تتلم بقي وانت بتضحكي علي ايه
نظرت له نور بابتسامه :عادي
علاء :ماشي يلا يا استاذ
مراد :مش اعرف الأول اسم القمر
علاء :مراد ماتخلنيش اتغابي عليك
نور :نورين وممكن تقولي نور
مراد :طبعا لازم تبقي نور ونورين و3 كمان
ضحكت نور بصوت عالي نظر لها علاء بغضب :مراد اخلص وادخل المكتب
دلف مراد الي المكتب وخلفه علاء ثم عاد الي نور :عجبك اوي الكلام والمعاكسات دي مش كده
نور :بتقول حاجه يا بشمهندس
علاء :ماشي حسابنا فى البيت وتركها ودلف الي المكتب
ابتسمت نور وقالت لنفسها :معقول يكون بيغير عليا ثم اختفت الابتسامه وقالت :ماتعيشيش الوهم يا نور
بعد فتره خرج مراد واقترب من نور
مراد :فرصه سعيده يا قمر
نظرت نور وجدت علاء خلفه يعتصر قبضته من الغضب
نور :انا اسعد يا مراد
مراد :احلي مراد ثم انصرف
اتجه علاء لها وامسك زراعها وركض وهي خلفه وكادت ان تسقط اكثر من مره حيث انها لا تستطيع مجاراته علي السير حتي وصل الي سيارته
علاء :اركبي
نور :لا
فتح علاء باب السياره ودفعها الي الداخل
نور :ايه ده انت اتجننت
علاء :مش عايز اسمع صوتك لحد ما نوصل وده لمصلحتك ثم صرخ بصوت عالي :سامعه
انتفضت نور من صوته :سسامعه
وصل علاء الي المنزل ونزلت نور قبله تركض الي الداخل فقابلت نورا
نورا :ايه يا حبيبتي جايين بدري النهارده فيه حاجه
نور :لا يا عمتي مفيش حاجه مفيش عندنا شغل مهم
دلف بعدها علاء
علاء :ماما تيته ثريا عامله ايه
نورا :الحمد لله الحاله مستقره وان شاء الله هتخرج بكره من العنايه كويس انكم جيتوا بدري عشان تتغدوا معانا
نور :معلش يا طنط انا ماليش نفس انا هطلع ارتاح
امسك علاء زراعها :اقعدي كلي انا مش كل شويه هجري بيكي علي المستشفيات
نورا :علاء
نور :معلش يا بشمهندس نصيبك كده وقعت في واحده مريضه بس ما تشغلش بالك لو تعبت مش عايزاك تجري بيا علي المستشفي عن اذنكم
صعدت نورا الي الغرفه وهي تحاول أن تخفي دموعها
نورا :مش هعيط قدامه انا مش هسكت له تاني
نورا :ايه اللي انت قولته ده
علاء :انا اسف
نورا :الأسف مش ليا اطلع اعتذر لمراتك وصالحها وتعالوا عشان نتغدى
صعد علاء الي الغرفه ودلف إليها وجد نور تجمع ملابسها في حقيبه
علاء :بتعملي ايه
نور :زي ما انت شايف
علاء :بتلمي هدومك ليه
نور :هقعد في اوضه ماما ثريا لحد ما تخرج من المستشفى
علاء :انت اكيد اتجننتي وهنقول لهم ايه لما يعرفوا
نور :قولهم اللي انت عايزه
امسكها علاء من يدها :كل ده ليه عشان معجبنيش اللي حصل النهارده مع مراد
نور :ايه اللي حصل
علاء :يعني مش عارفه الضحك والهزار وتقولي له مراد
نور :وانت ايه اللي يضايقك في كده
علاء :انا جوزك يا هانم لو نسيتي
نور :اه قولت لي انت اللي نسيت يا بشمهندس انك جوزي علي الورق وبس وبينا اتفاق ولما يخلص كل واحد هيروح لحاله
علاء :انا برده جوزك قدام الناس جوزك وماسمحش بالمسخره دي
نور :انت مش جوزي وانا مش مراتك واحنا مش متجوزين ولا نشبه المتجوزين باي حاجه
علاء :يعني ده اللي فارق معاكي عايزه تبقي مراتي بجد وانا جوزك تعالي تعالي ابقي مراتي بجد ومسكها من زراعها وشدها لتقع علي الفراش
شعرت نور بالاهانه لما فعله علاء فنهضت من الفراش وقامت بصفعه
تفاجأ علاء من تصرف نور ووضع يده علي وجهه مكان الصفعه ونظر لها وانصرف
خد بالك عليا دي مش معامله تعاملني بيها
وابقا افتكر ليا ايام تعبت عشانك فيها ..
ياريتك بس تفهمني وماتستهونش بوحدة
تبقى مجروحة ومابتبينش دي الوحدة
قد متضحي وتستحمل
اول ما بتفكر تنسى ما بتستأذنش
كان في حاجات نقصاك وانا كملتها
وحاجات كتير مش حلوة فيك جملتها
انا فرصة لو ضيعتها هـ تزعل عليها
مين غيري عايشة تخاف عليك طول عمرها
مين غيري هتسيب روحها ليك لو سبتها
مين غيري لوتحتاج لها واما تلاقيها
أنت تقرأ
حبك طريقي
Romanceقاصر عانت كثيرا ترفض الحب والزواج قبل أن تتم السن كي لا تعيد الماضي وهو مجروح من حبيبته رافض للحب ولكن ظهرت له فجاه فاحبها رغم عنه
