حبك طريقي

الفصل الواحد والأربعون

في الأسفل يجلس عمرو بجوار والدته
عمرو :نورا يا نوري
نورا :ولد وبعدين معاك ابوك لو سمعك مش هيحصل كويس
عمرو بجديه مصطنعه :خلاص انورين هانم
نورا :عايز ايه يا موري اخلص
عمرو :هي حصلت موري ماشي موري موري بصي بقي يا ماما يا حلوه انا قررت وانا في كامل قوايا العقليه اني اكمل نص ديني
نورا :بجد يا حبيبي هتخطب انا مش مصدقه مين بقي
عمرو :هيكون مين يعني يا دكتوره مفيش غيرها وأمري للله يلا اهو اكسب فيها ثواب ثريا
نورا :ياه يا عمرو اخيرا نطقت
عمرو :وعلي فكره حسام زمانه بيفاتح طنط سو عشان عايز يخطب نورا بنت خالي
نورا :اخيرا دا انا كنت فقدت الأمل فيكوا والبنات كانت خلاص هيوافقوا علي أقرب عريس
عمرو :مايقدروش يا نوري دول بيحبونا وبيموتوا فينا واحنا هنكسب فيهم ثواب يلا بقي
نورا :طب واخوك مش ناوي هو كمان يخطب
عمرو :ما انت عارفه ياماما علاء مش قادر ينسي
نورا :نفسي يريح قلبي ويتجوز نور وابقي اطمنت عليهم الاثنين
عمرو :انا واخد بالي ان نور بتحبه بس انا خايف يظلمها معاه
نورا :ربنا يهديه وينسي بقي ويشوف حياته يمكن لما يلاقيكم بتتخطبوا بالجمله كده يغير رأيه
عمرو :ماقولتش بقي يا نوري هتفاتحي البوص امتي
نورا :انت مستعجل بقي
عمرو :مش عايزه تفرحي بيا ولا ايه يا نوري
هنا دخل حسام
حسام :ولد ايه نوري دي
عمرو :ابن حلال يا بوص والله كنا لسه في سيرتك
نورا :حمد الله على السلامة يا حبيبي
حسام :الله يسلمك انت ازاي تسمحي للولد ده يقولك يا نوري
عمرو :سماح النوبه يا بوص انا طالع فوق واما الغدا يجهز ابعتولي
صعد عمرو الي غرفته وجلس حسام بجوار نورا
حسام :وحشتيني يا نوري
نورا :وبعدين يا سمسم العيال فوق يسمعونا
حسام :ايه يعني تحبي انيمهم من دلوقت
نورا :لا عايزين نتكلم بجد
حسام :خير
نورا :عمرو عايز يخطب ثريا
حسام :اخيرا نطق
نورا :لا مش بس كده دا حسام هيخطب نورا
حسام :طب والباشا اخباره ايه
نورا :انت عارف انه مش بيفكر في الموضوع ده
حسام :وهيفضل كده لحد امتي انت عارفه ان ثريا كلمتني اني اخطب له نور
نورا :انا عارفه ان ثريا نفسها ان علاء ونور يتجوزا بس معقول هنغصب عليه ونجوزه غصب عنه
فجأه سمعوا صراخ نور
نور :ألحقيني يا عمتي سيرين مغمي عليها ومش بتفوق
فزع حسام ونورا واتي عمرو علي صوت نور وصعدوا الي غرفه سيرين وجدوها ملقاه علي الارض فاقده الوعي قام حسام بحملها ووضعها علي السرير
حسام :هات الشنطه بتاعتي من المكتب يا عمرو
عمرو :حاضر يا بابا
ركض عمرو علي الدرج وتوجه الي غرفه المكتب وعند خروجه منها وجد علاء
علاء :في ايه يا عمرو بتجري ليه كده
عمرو :سيري مغمي عليها وكنت جايب الشنطه لبابا
علاء :ايه سيري مالها وركض علاء وعمرو الي غرفه سيرين
علاء :مالها سيري يا ماما
نورا :مش عارفه
قام حسام بفحصها وافاقتها
فتحت سيرين عيونها ببطء :اه ايه في ايه
حسام :الف سلامه عليكي يا قلبي
اقترب علاء منها وامسك يدها وقبلها :الف سلامه عليكي يا حبيبتي كده تخوفيني عليكي
حسام :الحمد لله مفيش عندها حاجه بس شكلك كده ما اكلتيش حاجه من الصبح
نور :فعلا احنا ما فطرناش ومشينا من الشركه قبل معاد البريك وقلنا نتغدى معاكم هنا
نظر علاء لنور :نعم يعني انت كمان ما اكلتيش وطبعا نلاقيكي ما اخدتيش العلاج لا بقولك ايه كفايه علينا خضه واحده
نورا :تقدري يا سيري تنزلي تتغدى معانا ولا اجيب لك الأكل هنا
سيري :انا كويسه يا مامي هنزل اكل معاكم
علاء :طب يلا بسرعه قبل التانيه ما يغمي عليها هي كمان
حسام :يلا بينا كلنا ننزل تحت
علاء :ايه يا حبيبتي حاسه بحاجه هتقدرى تنزلي ولا اشيلك
سيرين :انا كويسه يا حبيبي بس لو مصمم تشيلني شيلني معنديش مانع
علاء :اشيلك طبعا يا روحي حتي نفتكر ايام زمان لما كنت تصممي تنامي جنبي وانا استني لما تروحي في النوم واشيلك انيمك في اوضتك
نظر علاء الي نور :ايه يا نور اوعي تعمليها مش هقدر اشيلكم انتم الاثنين
نور :ما تخافش عليا يا بشمهندس انا تمام انا هنزل اساعد عمتي علي اما سيري تغير هدومها
نزلت نور من غرفه سيري وظلت سيرين وعلاء بمفردهم
علاء :سيري حبيبتي مالك فيكي ايه
ارتمت سيرين في حضن علاء وبدأت بالبكاء
علاء :ايه اللي حصل
سيرين :انا حاسه اني هموت يا ابيه
علاء :بعيد الشر عنك يا روحي اوعي تقولي كده
سيرين :انا تعبانه اوي قلبي بيوجعني
علاء :ليه يا قلبي ايه اللي حصل
سيرين :انا مش هخبي عليك انا كنت بحب واحد
علاء :هه وبعدين
سيرين :حبيته اوي يا ابيه وهو بيحب واحده تانيه وهيخطبها
علاء :قصدك مين جاسر
سيرين :انت عرفت منين
علاء :انا عارفك اكتر من نفسك يا سيري وكنت حاسس بيكي بس انا عايزك تعرفي ان ده مش حب الحب اللي من طرف واحد وجع قلب وعذاب
سيرين :مش بأيدي يا ابيه
ضمها علاء لحضنه :حاولي تنسي يا سيري اوعي تعملي زي وتسجني نفسك جوه حب ملوش امل وحاولي تدوري على اللي بيحبك وانت ساعتها هتعرفي ان ده مكنش حب ده كان مجرد إعجاب
سيرين :وانت ليه مش بتدور علي اللي بيحبك وهو موجود قدامك بس انت مش شايفه او جايز شايفه بس مش عايز تعترف
علاء :لا دا انت فوقتي وهتفوقي عليا انا يلا يا سيري ننزل نتغدى وحملها علاء ونزل بها الدرج ووضعها علي كرسي السفره
نورا :عامله ايه دلوقت يا سيري
سيري :الحمد لله يا مامي انا كويسه
نورا :بارك لعمرو يا علاء
علاء :خير
نورا :عمرو هيخطب ثريا وحسام هيخطب نورا
سيري :بجد يا موري الف مبروك
عمرو :انا مش هحاسبك علي موري دي عشان انت تعبانه ومع ذلك الله يبارك فيكي عقبالك انت ونور واللي في بالي
علاء :احم احم الف مبروك يا حبيبي
حسام :ان شاء الله يوم الخميس هنروح نتقدم لثريا
انتهوا من الطعام
حسام :الحمد لله ما تخرجش يا بشمهندس انا عايزك في اوضه ثريا نشرب القهوه سوا
علاء :تمام يا بابا اتفضل
حسام :كمل اكلك
علاء :انا تمام اتفضل حضرتك
صعد حسام وعلاء ونورا الي غرفه ثريا
في الأسفل
سيرين :ياتري ايه الاجتماع المغلق ده
نور :مش عارفه انت تعرف حاجه يا عريس
عمرو :هعرف ايه يعني هو لو كنت اعرف كنت حضرت معاهم الاجتماع
قطع حديثهم رنين هاتف نور
نور :الو ايوه يا اياد
إياد :ايه يا نور مش تطمنيني
نور :اطمن اوي
إياد :يعني ايه
نور :يعني هي اكتشفت ان جاسر بيحب مروه مديره مكتبه
إياد :وبعدين هي عامله ايه
نور :هي طبعا انهارت وعيطت واغمى عليها
إياد :ايه اغمي عليها
نور :اطمن هي بقت كويسه دورك جه بقي يا ديدو
إياد :ازاي يعني
نور :تقرب منها حسسها بمشاعرك خليها تنسى جاسر خالص
إياد :انا مش عارف هعمل ايه
نور :سيب قلبك ومشاعرك هي اللي تحركك وانا متأكده انها هتحس بحبك ليها
إياد :يعني هي هتيجي بكره الشركه ولا مش هتقدر
نور :لا ان شاء الله هتيجي ما تقلقش مش هوصيك بقي
إياد :ربنا معانا
نور :سلام يا ديدو سلم لي علي ماما مديحه
إياد :سلام يا حبيبتي
تنهدت نور وقالت لنفسها اه ياني منك يا سيري انت واخوكي
في الأعلي في غرفه ثريا
علاء :انت عارف يا بابا اني مش بفكر في الموضوع ده دلوقت
حسام :مش بتفكر فيه دلوقت ولا هتفكر فيه بعدين امال هتفكر فيه امتي
نورا :يا حبيبي احنا نفسنا نفرح بيك
علاء :ارجوكي يا ماما انا مش عايز اظلمها معايا
حسام :هو مين اللي عرفنا علي نور ومين اللي سماها نور مش انت وانت برده اللي علقتها بيك وكلنا شايفين وعارفين انها بتحبك
ثريا :ممكن يا حسام تسيبوني مع علاء لوحدنا
حسام :حاضر يا ثريا يلا يا نورا
علاء :انا مش موافق يا يويا
ثريا :طب اقعد يا لولو واقف ليه
علاء :حاضر يا يويا
ثريا :من 28 سنه الموقف ده حصل بين ابوك وخالك علاء الله يرحمه لما خلي ابوك يتجوز نورا وقاله انه مش هيبقي مطمن عليها الا معاه وابوك برده مكنش عايز يتجوز وفاكر انه مش بيحب نورا ونورا برده عاندت كتير عشان ما تتجوزش بس اكتشفوا في الاخر انهم بيحبوا بعض ومايقدروش يعيشوا من غير بعض وانا بقولك يا حبيبي ادي لنفسك فرصه وافتح قلبك وانت متأكد ان نور بتحبك وانا عارفه انك بتحبها بس مش مدي لقلبك الفرصه وقولك برده يا علاء انا مش هطمن علي نور غير معاك وعارفه ان مفيش واحده هتقدر تسعدك غير نور فكر علي مهلك ومحدش هيغصبك علي حاجه بس انا بتمني انك توافق تتجوزها نفسي اطمن عليها وعليك قبل ما اموت
فزع علاء لكلامها :بعيد الشر عنك يا يويا
ثريا:الموت مش شر يا حبيبي ده عمر ومكتوب ونفسي لما اقابل علاء اقوله يطمن علي بنته وانها اتجوزت اللي هيحافظ عليها ويصونها
علاء :انا موافق يا يويا
ثريا :بجد يا حبيبي
علاء :بجد يا حبيبتي ربنا يطول لنا في عمرك وقبل يدها
ثريا :طب انزل يلا فرح نورا وحسام
نزل علاء الدرج وهو في نفسه :هتجوزك يا نور بس عمري ما هنسي سمر ولا هخونها
علاء :ماما فين بابا
نورا :في المكتب يا حبيبي
دخل علاء المكتب و دلفت نورا خلفه
علاء :انا موافق يا بابا اخطب نور
نورا :الف مبروك يا حبيبي
وهتفت :سعيده سعيده
سعيده :افندم يا دكتوره
نورا :زغرتي يا سعيده
سعيده :لولولولولولولولولي
نزل نور وسيرين وعمرو علي الصوت
عمرو :ايه يا ماما بتزغرطوا ليه
نورا :حسام طلب ايد نور من بابا وبابا وافق مبروك يا نور
خجلت نور :الله يبارك فيكي يا عمتي
نظر علاء لهم :عن اذنكم انا لازم امشي عندي شغل مهم
حسام :ماشي يا باشا هنعمل الخطوبه مع خطوبه عمرو وثريا وحسام ونورا اعمل حسابك علي الاسبوع الجاي
علاء :حاضر يا بابا عن اذنكم
نور :عن اذنكم انا كمان وصعدت نور لغرفتها وهي في منتهي السعاده

خلاص يادنيا هتبقى حلوه
لاقيت لقلبى فى الحب نايب
والناس قالولى دا الحب غنوه
والعيشه حلوه ويا الحبايب
خلاص يادنيا يادنيا خلاص يادنيا
قبل النهارده كان قلبي خالى
من نظره وحده غيرلي حالى
وشفت تانى نور الامانى
والقلب غنى والكون صفالى
خلاص يادنيا هتبقى حلوه
لقيت لقلبى فى الحب نايب
والناس قالولى ده الحب غنوه
والعيشه حلوه ويا الحبايب
خلاص يادنيا خلاص يادنيا