فزع الجميع عندما سقطت مره اخرى فاقده الوعي بين زراعي علاء
دكتور حسام :هاتها يا علاء نيمها تاني على السرير وانت يا عمرو ركب لها المحلول
حملها علاء ووضعها على السرير واقترب منها عمرو وقام باعاده تركيب المحلول مره اخرى في يدها
نورا :اكيد أهلها قلقانين عليها دلوقت هو تليفونها فين
علاء :يا خبر ده تليفونها وشنطتها في الشركه
دكتور حسام :تروح حالا يا باشمهندس تجيب حاجتها وتيجي تكون المحلول خلص وهي فاقت
علاء :حاضر يا دكتور
خرج علاء من غرفه نورين وتوجه الي سيارته وذهب الي الشركه
في المستشفى في غرفه نورين
نورا :اخدت بالك يا حسام منها لما فتحت عيونها
دكتور حسام :قصدك ايه
نورا :عيونها بتفكرني بعيون ابيه علاء الله يرحمه
حسام :البنت دي غريبه اوي الشبه اللي بينك وبينها وكمان إسمها قريب من اسمك وعيونها زي عيون ابيه علاء الله يرحمه
نورا :لو مكنتش متأكده ان ابيه علاء وثريا ماخلفوش كنت قولت انها بنته
شرد حسام في كلام نورا ثم نظر لعمرو
دكتور حسام :ايه يا عمرو هتفوق امتى
عمرو :المحلول هيخلص كمان ربع ساعه وان شاء الله تفوق على طول
وصل علاء الي المستشفى وتوجه الي غرفه نورين
علاء :انا جبت الحاجه بتاعتها بس تليفونها فصل شحن
تململت نورين وفتحت عيونها مره اخرى ووجدت نفسها في نفس الغرفه
نورين :انا لسه هنا انا لازم امشي
عمرو :خمس دقايق بس والمحلول يخلص وبعدها تقدري تمشي
علاء :ما تقلقيش انا هوصلك للبيت
نورين :متشكره لحضرتك انا مش بركب عربيات مع حد غريب وانا هعرف اروح
علاء :حد غريب ايه انت وقعتي في حضني مرتين وانا شيلتك وجبتك لحد هنا
نظرت له نورين بحزن :انا مكنتش في وعي ساعتها ولو كنت في وعي مكنتش سمحت لده انه يحصل
كاد علاء يرد عليها ولكن قاطعه والده
دكتور حسام بصوت عالي :علاء
علاء :افندم يا دكتور
دكتور حسام :اطلع بره
علاء :حاضر وخرج علاء من الحجره
نورا :متزعليش يا حبيبتي وماتقلقيش دكتور حسام هيوصلك وانا معاكي
نورين :شكرا لحضرتك بس مش عايزه اتعبكم معايا انا بس عايزه تليفوني عشان اكلم تيته زمانها هتموت من القلق عليا
نورا :تليفونك فصل شحن بس ممكن تاخدي تليفوني طمنيها وانا هساعدك انك تجهزي عشان نمشي
اخذت نورين الهاتف من نورا وقامت بالاتصال بجدتها
جدتها عزيزه :الو
نورين :تيته انا نورين
عزيزه :نورين انت فين يا حبيبتي قلقتيني عليكي
نورين :ما تقلقيش يا تيته انا كويسه هو بس كان فيه شغل كتيير وتلفوني فصل شحن بس انا جايه على طول
عزيزه :طيب يا بنتي انا هستناكي
اغلقت نورين الهاتف واعطته لنور :شكرا جدا لحضرتك
قام عمرو بنزع المحلول من يدها ثم قال :ماينفعش يا انسه نورين ناخد دوا السكر من غير اكل
نورين :اصل كان عندي شغل كتير وقولت هاكل لما اخلصه
نورا :لا يا حبيبتي الشغل يستنى بس صحتك أهم
عمرو :ياريت ترتاحي بكره وماتنزليش وتاخذي بالك من نفسك اكتر من كده
نورين :حاضر
حسام :يلا عشان اوصلك
خرجت نورين ونورا وحسام وعمرو ووجدوا علاء يقف في الخارج
علاء :انسه نورين انا اسف لو كنت ضايقتك
نورين :مفيش حاجه يا باشمهندس انا اللي اسفه لو كنت تعبت حضرتك
دكتور حسام :احنا هنوصل نورين ونرجع على البيت ياريت ماتنامش يا باشمهندس
علاء :حاضر يا دكتور
توجهت نورين ونورا وحسام الي سياره حسام وجلست نورين في الخلف وجلست نورا بجوار حسام وقامت نورين بوصف طريق المنزل فهو في حي بسيط
التفتت نورا الي نورين :ده الكارت بتاعي فيه كل أرقامي لو احتاجتي اي حاجه اوعي تترددي انك تكلميني
دكتور حسام :ياريت ترتاحي بكره وماتنزليش الشركه
نورين :انا مش عارفه اشكركم ازاي
نورا :مفيش شكر ولا حاجه انت زي سيرين بنتي
أوقف حسام السياره أمام منزل نورين ونزلت نورين من السياره وصعدت الي منزلها وتوجه حسام الي منزله
نورا :مش عارفه ليه حاسه بحاجه غريبه للبنت دي
حسام :حاجه زي ايه
نورا :مش عارفه حاسه اني اعرفها قبل كده حاسه انها مش غريبه عليا
حسام :يمكن بس عشان الشبه اللي بينك وبينها او عشان فكرتك بسيرين عشان من سنها
نورا :مش عارفه يا حسام
وصل علاء الي المنزل وصعد الي غرفه ثريا فوجدها مستيقظه
علاء :يويا حبيبتي انت لسه صاحيه
ثريا :هو انا بعرف انام الا لما تيجوا من بره اتاخرتوا كده ليه ونورا وحسام فين
علاء :بيوصلوا نورين
ثريا :نورين مين
علاء :هحكي لك يا يويا
سرد علاء لثريا ما حدث
ثريا :وانت عملت كده ليه
علاء :مش عارف ومش عارف ايه اللي خلاني اضايق لما سمعتها بتكلم حد في التليفون
ثريا :انت حبتها يا لولو
علاء :تفتكري يا يويا لا معتقدش انا يمكن اضايقت عشان بتعاملني ببرود وبتصدني وبتعامل اللي بتكلمه في التليفون ده كويس مش عارف يا يويا
قطع حديثهم صوت طرقات على الباب
يويا :تعالي يا حسام
حسام :كنت متأكد اني هلاقيك هنا
علاء :بعد اذن حضرتك انا هسيبكم لوحدكم
حسام:تمام يا باشمهندس بس ماتنامش عشان كلامنا ما خلصش
خرج علاء وأغلق الباب خلفه
حسام :يويا حبيبتى عامله ايه دلوقتي
ثريا :الحمدلله بخير
حسام :طبعا الباشا حكي لك على اللي عمله
ثريا :بصراحه هو كان حكي لي عن البنت دي من فتره بس مكنتش اعرف انه مشغول بيها كده
حسام :وقالك ان البنت دي فيها شبه كبير من نورا
ثريا :اه وده اللي شغله بيها من الاول
حسام :عموما خلينا في المهم جزء الأرباح بتاعتك والجزء الثاني هنورده للبنك بكره مش عايزه منهم حاجه
ثريا :لا يا حبيبي
حسام :واخرتها يا ثريا هتفضلي تعيني الفلوس دي لحد امتى
ثريا :لحد ما تظهر
حسام :وان ما ظهرتش
ثريا :قلبي حاسس انها هتظهر قريب وهلاقيها
حسام :ان شاء الله ربنا يسهل انا هقوم عشان تعبت النهارده وقبل رأس ثريا وذهب الي غرفه علاء
طرق حسام الباب
علاء :اتفضل
دخل حسام ووجد علاء مستلقي على الفراش وهو ينظر لسقف الغرفه بشرود وعندها احس بدخول والده وقف
جلس حسام على الاريكه الموجوده في الغرفه وقال :تعالي يا بشمهندس
اقترب منه علاء :بابا انا
قاطعه حسام :انا مش عايز اسمع منك مبرر للي حصل النهارده انا بس عايز اقولك حط اختك سيري مكان نورين وانها تتعرض للي هي اتعرضت له النهارده ويغمي عليها وتقع في حضن واحد غريب ويشلها وينقلها المستشفى وتتاخر عن معاد رجوعها ٧ ساعات انا مش عارف انت عملت كده ليه او ايه مبررك بس احب اقولك انك غلطاتك كترت اوي يا علاء وانت اه كبرت وبقيت راجل أعمال كبير ومهم بس ماكبرتش على العقاب وانا عقابي هيكون صعب عليك اوي اتمنى انك تعامل الموظفين اللي في الشركه على أنهم بيشتغلوا معاك مش بيشتغلوا عندك وقتها هتحس بالفرق وانكم كلكم زي بعض تصبح على خير
ثم نهض حسام وترك علاء
علاء :انا مش عارف عملت كده ليه انا مشاعري متلغبطه
عند نورين
كانت تجلس على الفراش بجوار جدتها فهي مريضه منذ زمن
عزيزه :المهم انك بخير يا حبيبتي
نورين :ايوه يا تيته بس انا زعلانه اني ملحقتش إياد وجه وسافر على طول
عزيزه :هو جه واستناكي بس انت اتاخرتي وهو اضطر يرجع اسكندريه عشان شغله ومديحه ما تباتش لوحدها
ماما مديحه وحشتني اوي كان نفسي اشوفها
ان شاء الله إياد ياخد اجازه من الشغل وييجوا يقضوا معانا كام يوم
نورين :خلاص هبقي اكلمهم الصبح لما اصحى من النوم وان شاء الله بكره هقعد معاكي طول اليوم
عزيزه :ليه انت مش هتروحي الشغل
نورين :لا مهو احنا اشتغلنا النهارده كتير فبكره بقى راحه
عزيزه :ماشي يا حبيبتي روحي ارتاحي بقى تصبحي على خير
نورين :وانت من اهل الخير
وتركتها نورين وذهبت الي غرفتها وقامت بتغير ملابسها وذهبت الي المرحاض لتنعم بحمام دافئ ليزيح عنها إرهاق اليوم ثم توجهت الي الفراش وحاولت النوم ولكن تردد في اذنها كلمه علاء :انت وقعتي في حضني مرتين احمرت خدودها خجلا ثم تنهدت :يلا يا نورين نامي وارتاحي
مر الليل وأتى الصباح واستيقظ علاء وارتدي ملابسه وتوجه الي الاسفل فوجد والده ووالدته واخته
علاء :صباح الخير
ردوا الجميع :صباح النور
نورا :انا قولت لنورين ترتاح النهارده
علاء :اه تمام
سيرين :هه يا ابيه هاجي امتى ادرب في الشركه
علاء :وقت ما تحبي بس اصبري عليا عشان اقول لجاسر عشان يعمل حسابه بعد اذنكم انا همشي يلا يا سيري عشان اوصلك
سيرين :لا النهارده معنديش محاضرات مهمه مش هروح
علاء :طيب سلام
سيرين :ممكن يا بابي اروح مع ثريا ونورا المول نشتري شويه حاجات
حسام :طبعا يا حبيبه بابي بس ما تتاخروش
قامت سيرين وطبعت قبله على وجهه
نورا :انت ماتكلمتش مع علاء خالص
حسام :خليه يحس بالغلط اللي عمله
نورا :انت مكبر الموضوع اوي
حسام: لا يا نورا مش مكبره لانه كبير تفتكري عامل الأمن هيقول ايه على البنت دي وابنك شايلها وهي مغمي عليها بعد ما كانوا لوحدهم في الشركه تفتكري مش هيقول لباقي الموظفين
نورا :صحيح عندك حق
حسام :قفلي على الموضوع ده لاني لما بفتكره بتعصب يلا نروح المستشفى
وصل علاء الي الشركه واقترب من عامل الأمن :اللي حصل امبارح مش عايز حد يعرف عنه حاجه فاهم ولو عرفت ان حد عرف حاجه هتعرف شغلك
عامل الأمن :تحت امرك يا بشمهندس
استقل علاء المصعد وعندما وصل إلى الدور السابع تذكر نورين وظهرت على وجه ابتسامه صغيره
ثم توجه الي مكتبه ورفع سماعه الهاتف:سلمي وصليني بالحسابات لو سمحتي
سلمي :تحت امرك يا بشمهندس
رن الهاتف في الحسابات وقامت هدى بالرد عليه
هدى :الو قسم الحسابات
سلمي :البشمهندس علاء معاكي على الخط
علاء :لو سمحت هي انسه نورين وصلت
هدى :لا يا فندم نورين اتصلت وقالت إنها تعبانه النهارده ومش هتقدر تيجي
علاء :طيب ممكن رقم تليفونها لو سمحتي
هدى :اه طبعا ثواني يا فندم ثم أخبرته بالرقم :٠١٠..........
علاء :اشكرك سلام
التقت علاء هاتفه قام بالاتصال بنورين
نورين بنعاس :مين اللي هيتصل دلوقت :الو
شعر علاء بشعور غريب عندما سمع صوتها الناعس
علاء :احم انسه نورين
نورين :ايوه مين معايا
علاء :انا البشمهندس علاء
نورين بنوم :بشمهندس علاء مين ثم تداركت الأمر بشمهندس علاء انا اسفه اهلا بحضرتك
علاء :عامله ايه دلوقت
نورين :تمام الحمد لله شكرا لسؤال حضرتك
علاء :انا بتصل بيكي عشان افكرك انك تاكلي وتاخذي الدوا
نورين :حاضر وشكرا لاهتمام حضرتك
علاء :طيب ارتاحي النهارده واشوفك بكره
نورين :هه اه ان شاء الله
علاء :مع السلامه
نورين :مع السلامه
أنت تقرأ
حبك طريقي
Lãng mạnقاصر عانت كثيرا ترفض الحب والزواج قبل أن تتم السن كي لا تعيد الماضي وهو مجروح من حبيبته رافض للحب ولكن ظهرت له فجاه فاحبها رغم عنه
