حبك طريقي

الفصل الأربعون

علاء:بتقول ايه يا جاسر
جاسر :الطلبيه غير مطابقه للمواصفات اللي مكتوبه في العقود
حسام :حالا يا علاء عايز اجتماع مجلس اداره الشركه وكل المسؤلين عن الطلبيات والمشتريات
علاء :حاضر يا بابا
حسام :يلا يا نورين تعالي معانا انت شريكه في الشركه معانا
نورين :حاضر يا انكل
توجهوا جميعا الي الشركه
في الشركه في غرفه الاجتماعات
حسام :انا عايز اعرف مين المسؤل عن الطلبيات والمشتريات
علاء :شيرين هي اللي كانت مسؤله عن قسم المشتريات بس
حسام :بس ايه
جاسر :علاء طرد شيرين من الشركه
حسام :ايه طردتها ليه
علاء :لأنها كانت بتعامل الموظفين معامله مش كويسه وبعدين اساءت لنورين
ابتسمت نورين في داخلها وقالت لنفسها :طردها عشاني من آخر مره اتخانقت معاها
جاسر :انا دخلت على الميل بتاع الشركه لقيتها مغيره من مواصفات المعدات اللي طالبينها
حسام :حجم الخساير قد ايه يا جاسر
جاسر :للأسف الشرط الجزائي حوالي 50 مليون والمعدات اللي هترجع ثمنها 100 مليون
حسام :يعني مطلوب مننا 50 مليون
جاسر :ايوه بس احنا معندناش السيوله اللي تغطي المبلغ ده
حسام :يبقي لازم نبيع اي حاجه من الأصول
جاسر :او نشوف شريك يدخل معانا في الشركه
نورين :ممكن اقول رأي يا انكل
حسام :طبعا يا نورين انت شريكه في الشركه بنصيبك ونصيب ثريا
نورين :حضرتك لما عملت لي كشف حساب برصيدي في البنك عرفت انه حوالي 200 مليون جنيه
حسام :تمام
نورين :خلاص انحلت حضرتك هتدفع الشرط الجزائي من الفلوس اللي في البنك وبالباقي نجيب معدات تانيه بالمواصفات الصحيحه ونوردها للمستشفيات والشركات مع تسهيل في الدفع عشان نرجع نكسب ثقتهم فينا تاني
جاسر :حل كويس جدا وكده نقدر نرجع سمعتنا تاني للسوق وأننا اتحملنا الغلط وعوضناهم كمان
حسام :لا طبعا انا مش موافق علي الحل ده انت ملكيش ذنب في اللي حصل
لا يا انكل انا زي ما حضرتك قلت شريكه في الشركه يبقي شريكه في المكسب والخساره وحضرتك حافظت علي فلوسي وقت المكسب يبقي لازم اتحمل معاكم الخساره ولو حضرتك ما وافقتش علي الحل ده يبقي حضرتك مش بتعتبرني فرد من العيله
حسام :ايه رايك يا علاء
نظرت نورين لعلاء وابتسمت
علاء :هو حل كويس بس انا شايف اننا لو اخدنا الفلوس من نور يبقي نصيبها يزيد في الشركه
حسام :وانا برده شايف كده يبقي تكلم استاذ عزمي المحامي يعمل عقود لنورين بزياده حصتها في الاسهم
نورين :لا يا انكل انا مش موافقه
حسام :واحنا مش هناخد اي مبالغ الا لما يتنفذ اللي قولت عليه
علاء :وبكده هتبقي انت رئيس مجلس الإدارة
نورين :لا كله الا كده انا وافقت على كل اللي قولتوه بس انا هفضل سكرتيره رئيس مجلس الاداره
حسام:لا ازاي يعني
نورين :من فضلك يا انكل انا مبسوطه كده وبحب الشغل مع بشمهندس علاء
حسام وهو يغمز لعلاء :ماشي يا نور زي ما تحبي
نظرت نورين بخجل لعلاء
حسام :حلو اسم نور ده خلاص من النهارده هتقولك نور ولا ايه رايك يا بشمهندس
علاء :هه اه طبعا طبعا
حسام :إياد هيوصل امتي يا نور
نور :هو كلمني امبارح وقالي انه خلاص استقال من الشركه اللي بيشتغل فيها وهييجي هو وماما مديحه بعد يومين
حسام :طلع قرار يا بشمهندس بتعين المهندس إياد مدير اداره المشتريات بدل من شيرين وسيرين هتبقي مديره مكتبه
سيرين :لا يا بابا انا مبسوطه في مكتب جاسر
حسام :لا في واحده تانيه هتمسك مكتب جاسر
سيرين :بس يا بابا
حسام :خلاص يا سيري القرارات دي تطلعها النهارده وانت يا جاسر تتواصل مع الشركات والمستشفيات وتعرفهم اننا هندفع الشرط الجزائي وهنورد لهم معدات جديده وتسهيلات في الدفع ولما إياد يوصل يبقي بتابع مع الشركه اليابانيه والتوريد وطبعا مسؤول البرمجه لازم يغير الميل بتاع الشركه اظن كده كل حاجه واضحه
الجميع :تمام يا دكتور
حسام :حاجه اخيره يا بشمهندس علاء ياريت قبل ما تستغني عن خدمات اي موظف لازم تتأكد انه سلم كل متعلقات العمل وتغير كل الحاجات  هو يعرفها زي الميل او أرقام خاصه للشركه
علاء :هي فعلا غلطه اني طردتها ومعملتش حساب اللي هي تعرفه بس يوم ما طردتها تيته عزيزه اتوفت ونور تعبت وكلنا انشغلنا بيها وانا موقعتش انها تعمل كده بس واضح انها معملتش كده لوحدها
حسام :انت شاكك فيه برده
علاء:مفيش غيره ممكن يشتغل الشغل القذر ده عشان ياخد مكانا في السوق بس انا هعرفه هو بيلعب مع مين
نور :قصدكم علي مين
علاء :بعدين يا نور هبقي افهمك
حسام :اتفضلوا علي شغلكم وانت يا سيري لمي حاجاتك وانقليها مكتب إياد
سيري :تحت امرك يا دكتور
حسام :الانسه اللي كلمتني عنها هتيجي امتي يا جاسر
تنظر له سيرين بصدمه :انسه مين
جاسر :سكرتيرتي الجديده ان شاء الله هتيجي بكره تعمل المقابله مع علاء ولو وافق عليها تستلم علي طول
علاء :ايوه ولو معحبتنبش مش هعينها مفيش مجاملات
جاسر :ان شاء الله هتعجبك
حسام :تمام يا اساتذه اتفضلوا علي شغلكم وانا رايح المستشفي
انصرف الجميع وظلت نور وسيرين
نور :مالك يا سيري
سيرين:مش عارفه قلقانه يا تري مين اللي هنشتغل مع جاسر دي وليه بابا خلاني اسيب مكتبه والبنت دي مشغلهاش في اي مكان في الشركه ليه
نور :حاسه بايه يعني تفتكري فيه حاجه بينها وبين جاسر
سيرين :ايه معقول يا نور ممكن يكون بينهم حاجه انا اموت لو جاسر طلع بيحب واحده تانيه
نور :بعيد الشر عنك يا حبيبتي ماتقوليش كده احنا مانعرفش حاجه والايام هتبين لنا
سيرين :عندك حق انا هروح ألم حاجاتي واجهز مكتب الاستاذ إياد
نور :تسلمي لي يا سيري والله هترتاحي في الشغل مع إياد أصله طيب اوي
سيرين :ربنا يسهل يلا سلام
مرت الايام واستقر العمل بالشركه
دلفت سيرين الي مكتب جاسر ولكنها لم تجد سكرتيرته علي مكتبها فدلفت داخل مكتب جاسر دون استاذان ولكنها صدمت عندما وجدت مروه سكرتيره جاسر تجلس وجاسر يجلس أمامها ويضع الطعام في فمها
جاسر :احم تعالي يا سيري اتفضلي كلي معانا
سيرين :لا شكرا انا بس فيه حاجات في المكتب كنت عايزاها
مروه :تعالي يا سيري انا هاجي معاكي المكتب انا كنت جمعت لك حاجات كنت ناسيها
سيرين :تمام اتفضلي
جاسر :لا يا مروه روحي انت انا عايز سيري ثواني
خرجت مروه وظلت سيرين
جاسر :اقعدي يا سيري اللي شفتيه ده ماتفهميهوش غلط مروه كانت زميلتي في الجامعه واحنا مرتبطين وانا كنت مستني ان المشاكل اللي في الشركه تخلص ونور حالتها تتحسن وافاتح بابا ونروح نخطبها
سيرين :انت بتقولي الكلام ده ليه
جاسر :عشان ما تفهميش حاجه غلط او تظني في مروه حاجه مش كويسه
سيرين :ما تقلقش يا بشمهندس ربنا يوفقكم عن اذنك
وخرجت سيرين تجري وهي تبكي حتي انها لم تسمع لنداء مروه عليها وتوجهت الي مكتب نور ولكنها لم تجدها فذهبت الي مكتبها وظلت تبكي حتي خرج إياد من مكتبه وهتف
إياد :انسه سيرين
نظرت له سيرين وهي تحاول مسح دموعها :افندم يا بشمهندس
إياد :خير يا انسه سيرين حاجه حصلت
سيرين :لا ابدا مفيش حاجه
إياد :امال بتعيطي ليه
سيرين :بعد اذنك ممكن استأذن
إياد :هتروحي لوحدك وانت كده
سيرين :انا كويسه انا بس عايزه ارتاح شويه عن اذنك
إياد :اتفضلي
خرجت سيرين خارج الشركه وهي تبكي
قام إياد بالاتصال بنور لكي تطمأنه علي سيرين فهو من يوم ان شاهدها في المستشفي وهو قلبه تعلق بها وسعد كثيرا عندما علم انها سوف تعمل معه في الشركه
كانت نور داخل مكتب علاء تعرض عليه بعض الورق حين رن هاتفها برقم إياد
نور :بعد اذنك يا بشمهندس هرد علي إياد
علاء :اه اتفضلي
نور :ايوه يا اياد
إياد :نور كلمي سيرين شوفيها مالها
نور : مالهاسيرين
علاء :مالها سيرين
إياد :لو علاء قدامك ماتعرفيهوش حاجه
نور لعلاء :هه لا هو كان طالب مني اعرفها حاجات وانا نسيت
نور لاياد :حاضر يا اياد هكلمها
علاء :تقدري تتفضلي انا خلاص خلصت
خرجت نور وهي تحدث إياد
نور :مالها سيري يا اياد انت زعلتها ولا ايه
إياد :ابدا يا نور ما انت عارفه انا لقيتها قاعده علي المكتب وبتعيط وبعدين استأذنت انها تمشي انا خايف عليها تمشي لوحدها وهي كده
نور :طيب انا هكلمها وهطمنك
أغلقت نور الهاتف :ياعيني عليك يااياد بتحبها وهي متعلقه بجاسر
كانت سيرين تسير في الشارع ولا تعلم الي اين تذهب ولايوجد أمام عيونها سوي مشهد جاسر ومره معا ولايتردد في اذنها سوي كلمات جاسر لها انه مرتبط بمروه وسوف يخطبها خرجت من شرودها علي رنين الهاتف ووجدت نور هي من تتصل بها
سيرين :نور
نور :سيري حبيبيتي انت فين انا جيت لك المكتب ملقتكيش
سيرين وهي تبكي :انا في الشارع تحت الشركه
نور :مالك يا حبيبتي انت بتعيطي
سيرين :انا هموت يا نور
نور :خليكي مكانك انا هاجي لك حالا
أغلقت نور الهاتف ودلفت داخل مكتب علاء
نور :بعد اذن حضرتك انا عايزه استأذن
علاء :خير انت تعبانه ولا حاجه اخدتي العلاج
نور :ماتقلقش انا كويسه انا بس حاسه اني مرهقه ومنمتش كويس امبارح
علاء :تحبي اجي اوصلك
نور :لا انا هاخد تاكسي عن اذنك
وانصرفت نور علي عجاله وسط اندهاش علاء
نزلت نور الي الاسفل وجدت سيرين تجلس أمام الشركه وهي تبكي وعندما اقتربت منها نور ارتمت في حضنها وازدات في البكاء
نور :مالك يا قلبي ايه اللي حصل
سيرين :بيحبها يا نور وهيتجوزها
نور :هي مين دي
سيرين :مروه يا نور جاسر بيحبها وهيتجوزها
نور :اهدي يا حبيبتي انت عرفتي منين
سيرين :دخلت عليهم المكتب لقيتهم قاعدين قريبين من بعض وبياكلها وبعدين قالي انهم مرتبطين من ايام الجامعه وهيتجوزوا
نور وهي تملس علي شعرها :اهدي يا سيري خلاص يا حبيبتي انت عارفه من الأول أن الحب من طرف واحد مفيش منه فايده وبعدين انت لسه صغيره وممكن يكون احساسك بيه ده مش حب ممكن يكون إعجاب تعود واكيد هتنسيه وهتلاقي نفسك بتقولي انك مكنتيش بتحبيه
سيرين :مش قادره يا نور حاسه اني هموت
نور :بعيد الشر عنك مفيش حد يستاهل انك تموتي عشانه واللي ماحبكيش انت ما تفكريش فيه يلا أمسحي دموعك ويلا نروح
سيرين :هنروح ازاي من غير ابيه علاء
نور :انا استأذنت منه عشان تعبانه وانت مهانش عليكي تسبيني اروح لوحدي يلا بقي شكلنا وحش في الشارع
وذهبت نور وسيرين الي المنزل فاستقباتهم نورا
نورا :خير يا بنات جايين بدري و لوحدكم ليه
نور :مفيش يا عمتي انا بس حسيت بشويه تعب وسيري مارضيتش اروح لوحدي
نورا :مالك يا حبيبتي حاسه بايه عمرو هنا اخليه يشوفك
كان عمرو ينزل الدرج
عمرو :انا جاهز هه مين اللي تعبان
نور :هو انت عايز تعمل دكتور عليا انا كويسه يا دكتور
عمرو :ماشي يا نور امال مين اللي لحقك ايام ما الباشا كدرك وقعدك في الشركه
نور :حسام اللي لحقني
عمرو :حسام مين دا عبيط ثم نظر لسيرين :مالك يا سيري عيونك حمرا ليه انت كنت بتعيطي
نور :لا بتعيط ايه دي بس مانامتش كويس هي هتطلع معايا ننام شويه علي ما انكل حسام يرجع ونتغدي سوا
عمرو وهو يغمز لنورا :انكل حسام برده
نور :بقولك ايه انت قاعد ليه ماروحتش المستشفي
عمرو :هستني انكل حسام والباشا عشان نتغدى سوا
نور :مش هرد عليك يا موري
عمرو :موري طب استني بقي وركض خلف نور التي صعدت الي الغرفه مع سيرين
سيرين :انا هنام يا نور
نور :انا عارفه انك عايزه تقعدي لوحدك بس عشان خاطري هوني على نفسك
سيرين :حاضر يا نور
خرجت نور من غرفه سيرين
سيرين في حجرتها ارتمت علي الفراش وانهارت في البكاء

حبيته سنين طوال و اليه القلب مال
و حلمت يكون معايا لو مهما العمر طال
حبيته سنين طوال و اليه القلب مال
و حلمت يكون معايا لو مهما العمر طال
اتاريني كنت عاشقة قلب عمره ما كان عاشقني
اتاريني كنت شارية قلب كان همّه يفارقني
اتاريني كنت عاشقة قلب عمره ما كان عاشقني
اتاريني كنت شارية قلب كان همّه يفارقني
ده دوام الحال محال و هواه ده كان خيال
لكن لحظة فراقه كانت فوق الاحتمال
اتاريني كنت عاشقة قلب عمره ما كان عاشقني
اتاريني كنت شارية قلب كان همّه يفارقني
ازّاي يقدر يخون ويسمّي هوانا كذب
هوّ كلام العيون مش برضو بيبقى حب
ازّاي يقدر يخون ويسمّي هوانا كذب
هوّ كلام العيون مش برضو بيبقى حب
مخدوعة انا كنت فيه و أسيرة لحبي ليه
وسألتوا باعني ليه ردّ عليّ بسؤال