حبك طريقي

الفصل العشرون

حسام بصدمه وهو ينهض من علي الأرض:انت بتخرف بتقول إيه
مصطفي:بقول إللي سمعته عمرو يبقي اخو نورا من الأم
حسام بسخريه:أه ودي بقي حكايه جديده من حكايات الست انورين ودكتور عمرو زي الحكايه إللي ضحكوا علينا بيها
مصطفي:كنت عارف إنك مش هتصدقني وألقي في وجهه بعض الأوراق:ده تحليل الd n aإللي بيثبت إن نورا وعمرو اخوات
التقت حسام الأوراق وقام بفتحها فدهش مما رآه :حسام مستحيل إزاي ثم جلس علي الأرض ووضع يده علي وجه:أنا مبقتش فاهم حاجه
مصطفي وهو يجلس بجواره:انت إيه إللي دخل في دماغك إن نورا وعمرو بيخونوك
قام حسام والتقت هاتفه وفتحه علي الرسائل والصور:الصور والرسايل دي كانت بتيجي لي من فتره ثم اخرج الميداليه من جيبه:الميداليه دي لقيتها تحت مخده نورا
مصطفي:الصور دي فعلا حقيقه بس نورا كانت داخله بيت عمرو وإحنا كنا كلنا هناك انا وسو وأبيه علاء ودكتوره ثريا وعمرو ووالدته والصوره التانيه دي لما نورا عرفت أن عمرو اخوها حصل لها صدمه واغمي عليها  وعمرو اخدها المستشفي وإحنا روحنا وراهم ولو كنت دورت في سجلات المستشفي كنت عرفت إنها دخلت وخرجت في نفس اليوم
حسام:ومين اللي بعت لي الصور دي
مصطفي:أكيد حد عايز يفرق بينكم ويبعدكم عن بعض
حسام:ياسمين
مصطفي:إيه ياسمين
حسام:مش وقته المهم نورا
مصطفي:نورا عندها إنهيار عصبي
حسام:لو نورا حصل لها حاجه عمري ما هسامح نفسي
مصطفي:يلا يا حسام تعالي روح لمراتك
قام حسام واحتضن مصطفي :ربنا مايحرمنيش منك يا صاحبي
مصطفي:بس إيه رأيك في البوكسين إللي اخدتهم
حسام:لأول مرة أبقي مش عاريز اضربك لما تطول إيدك عليا يمكن عشان فوقتني
ذهب حسام ومصطفي وتوجهوا الي المستشفي
في المستشفي أمام غرفه نورا
عمرو بغضب:إيه هو حسام اتجنن إزاي يتهم نورا الاتهام الحقير ده
علاء:أنا مش عارف هو إيه إللي وصله لكده هو كان مسافر ورجع فجأه ولقيناه عامل المصيبه دي
دخل حسام مع مصطفي
حسام:أبيه علاء
قام عمرو بغضب واتجه نحوه وقام بلكمه بقوه أنت إيه إللي جابك هنا
ارتد حسام إلي الخلف من قوه اللكمه التي وجهها عمرو إلي حسام
حسام:أنا عارف إني مهما أقول مش هتسامحوني أنا كنت ضحيه لمؤامره اتعملت عليا وعليك يا عمرو وعلي نورا
عمرو:مؤامره إيه دي إللي تخليك تتهم نورا الإتهام الفظيع ده و تضربها بالشكل ده
اخرج حسام من جيبه الميداليه:تعرف الميداليه دي
نظر عمرو بدهشه إلي الميداليه:أيوه دي ميداليتي أنت لقيتها فين أنا كنت بدور عليها من فتره
حسام:تحت مخده نورا
عمرو:إيه إزاي
اخرج حسام الهاتف واعطاه لعمرو:الصور والرسايل دي كانت بتيجي لي من فتره
التقت عمرو الهاتف ونظر إلى الصور بغضب وقال :مش مبرر يا دكتور يعني لو مكنتش طلعت اخو نورا كنت هتفضل مصدق إنها بتخونك
حسام:انت تعرف ياسمين منين
عمرو:وإيه إللي دخل ياسمين في الموضوع وأنت تعرفها منين
حسام:ياسمين كانت خطيبتي واكتشفت إنها بتخدعني وبتخوني مع دكتور كان بيشتغل عندنا في المستشفي
عمرو:أنت إللي حكت لي عنه إللي سابها عشان يتجوز قريبته وعرضت عليها الجواز في السر او ترجعوا العلاقه من غير جواز
حسام بغضب:إيه الحقيره
عمرو:برده معرفتش  إيه علاقه ياسمين باللي حصل
حسام:لما نزلت المطار لقيتها مستنياني وقالت لي أنكم كنتم علي علاقه ببعض وبعدين هي بعدت عنك عشان اكتشفت أن فيه علاقه بينك أنت ونورا حتي قالت لي إن سلسلتها اتقطعت وانت اخدتها تصلحها واديتها الميداليه بتاعتك
عمرو:تبقي ياسمين هي إللي سرقت الميداليه مني اخر مره قابلتها لأني ملقتش الميداليه وبعدها بدأت تتهرب مني بس إزاي الميداليه وصلت لاوضه نورا
حسام وهو يضع يده علي وجهه:أنا مبقتش فاهم حاجة وازاي نورا تبقي اختك
علاء:عايز تفهم إيه يا دكتور حسام إزاي عمرو يبقي اخو نورا لسه عايز دليل لبراءه نورا
حسام:لا يا ابيه أنا
علاء مقاطعه:أنا هقولك إللي حصل مش عشان اثبت إن نورا بريئه لا عشان تعرف قد إيه أنت غلطان
وأنت مسافر ليلي هانم طلبتنا كلنا عشان نروح لها البيت وروحنا كلنا ونورا كانت في الفيلا عندي وعمرو إتصل بيها وقال لها تيجي علي البيت عنده
flash back
علاء:خير يا ليلي هانم
ليلي:أنورين فين
عمرو:جايه في الطريق
طرقت نورا الباب وقامت سو بفتح الباب
سو:خير فيه إيه يا سو
سو:مفيش حاجه يا حبيبتي تعالي كلنا جوه
دخلت نورا إلي الداخل
نورا:خير يا جماعه
ليلي اقعدي يا انورين
جلست نورا وجلسوا جميعا
ليلي:أنا هقول لكم كلام مهم أوي وحمل علي قلبي من حوالي ٣٠ سنه ونفسي ازيحه عني
الكل صمت ليستمع لما تقوله
ليلي:أنا ونورسين وناجي الله يرحمهم كنا زمايل في الجامعه وكانت نورسين وناجي جيران وكان بينهم قصه حب واتجوزوا بعد الجامعه وجابوا ولد وبعد فتره الخلافات زادت بينهم ومقدروش يكملوا مع بعض وانفصلوا واهل نورسين قرروا أنهم يسافروا تركيا وطبعا ناجي رفض أن نورسين تأخد الولد معاها وبعد فتره اتجوزت أنا وناجي وبقيت أنا امه إللي مايعرفش له أم غيرها الولد ده يبقي عمرو
عمرو بصدمه:إيه
ليلي:خليني أكمل كلامي للاخر
علاء:أتفضلي يا ليلي هانم
ليلي:بعد فتره نورسين رجعت ومعاها قدري وأنورين كانت تقريبا في عمر سو ونورسين طلبت مننا إن قدري ما يعرفش حاجه عن أن عمرو يبقي أبنها وطبعا وعدناها إن محدش يعرف حاجه لأن ناجي غير في شهاده الميلاد إسم الأم وكتب عمرو بإسمي وقبل ما قدري يموت بفتره صارحته بكل حاجه عشان ورث عمرو في أمه نورسين وعملنا تحليل ليهم هما الأثنين ثم التقتت ظرف كان بجوارها به التحاليل التي تثبت صحه كلامها ثم اعطته لعمرو وقالت فيه كمان عقد بيع الفيلا بتاعه نورسين بإسم عمرو وده نصيب عمرو من ورث امه ولما جه يكتب وصيته كان عايز عمرو يبقي الوصي علي انورين بس أنا رفضت لأنه كان حكي لي عن علاء وأنه ابنه الكبير وظابط قولت له هو إللي هيقدر يقف قدام زينات ويحمي أنورين ده السر إللي كنت مخبياه عنكم
عمرو:يعني إيه أنت مش أمي طنط نورسين هي امي
ليلي:أنت إبني أنا يا عمرو أنا نسيت إنك مش إبني
عمرو:وأنت خبيتي علينا كل المده دي ليه
ليلي:كنت خايفه عليك يا حبيبي إنك تنصدم لما تعرف الحقيقه
عمرو:ودلوقت مش هتصدم إني أكتشف بعد السنين دي كلها إن امي رمتني وسافرت
ليلي:مكنش بايدها تعمل حاجه يا بني ابوك هو إللي حرمها منك
عمرو:وبعد ما رجعت ليه ما اعترفتش بيا
ليلي:كانت خايفه من قدري وأنه يشك إن لسه فيه علاقه بينها وبين ناجي
علاء:هون علي نفسك يا عمرو إللي حصل خلاص حصل وده ماضي المهم تسامح وتنسي ومش لوحدك إللي اتربيت بعيد عن حد من اهلك علي الاقل ربنا عوضك بليلي هانم وبقت أم حقيقيه ليك
كانت ليلي  وعمرو وعلاء يتحدثون ونورا تجلس في صمت وفجأه سمعوا إلي صوت ارتطام علي الأرض فوجدوا نورا وهي فاقده الوعي أقترب منها عمرو:نورا نورا ردي عليا ثم وضع يده على يدها وقال:النبض ضعيف أنا هنقلها المستشفي
وحملها حسام ووضعها في السياره وذهب بها إلي المستشفي ولحقهم الجميع
وضعها عمرو في غرفه واوصل زراعها بالمحاليل حتي بدأت تفيق وتفتح عيونها وجدت عمرو أمامها
نورا ببكاء:أنا كنت حاسه إنك قريب مني مش مجرد صديق أنت اخويا وحضنته نورا
دخل الجميع ليطمأنوا علي نورا
ليلي وهي تقترب من عمرو:سامحني يا ابني
عمرو وهو يقبل يدها:سامحيني انت يا أمي أيوه انت أمي أنا معرفش ليا أم غيرك
علاء:والله وطلع لك اخ تاني هيشاركني في حبك
سو:أه اذا كان مايعرفش إنها اخته وكانوا متفقين عليا آمال دلوقت هيعملوا فيا إيه وبعدين يا ست نورا هو أنت كل سنه هيطلع لك اخ
مصطفي:بت يا سو تعالي نعمل التحليل لنطلع اخوات إحنا كمان
سو:لا خلينا علي عمانا أحسن فضحك الجميع
علاء:تعرفوا مين أكتر واحد هيفرح أوي من الموضوع ده
نورا:حسام طبعا
عمرو:ليه يعني
نورا:لأنه بيغير منك يا موري
عمرو:بغص النظر عن موري دي إللي هحاسبك عليها بعدين بس هو بيغير مني ليه
نورا:هو انت يعني مش عارف حسام دا بيغير من نفسه
علاء:هه يا عمرو نورا تقدر تطلع أمتي
عمرو:هي كويسه هتطلع علي طول لما المحلول يخلص هي بس اتخضت وزعلت لما عرفت أن الفيلا بقت بتاعتي
نورا:كده ماشي يا موري
back
حسام:أنا عايز أشوف نورا
عمرو:هي واخده مهدء ومش هتفوق إلا الصبح
حسام:أنا هدخل لها
علاء:ماشي يا حسام
نهض حسام ودخل إلي الغرفه دخل خلفه علاء
شعر حسام بغصه في قلبه عندما وجد آثار الضرب علي وجهها وعلي جسدها أقترب منها حسام وأراد أن يضع يده علي وجهها
هتف علاء:ماتلمسهاش يا حسام
حسام بدهشه:ليه يا أبيه
علاء:عشان مبقتش مراتك أنت ناسي إنك طلقتها
حسام:اه يا أبيه بس أنا هردها
علاء:لا مش هتردها
حسام:إيه ليه
علاء:أنت طلقتها بمزاجك ومش هتردها بمزاجك ويلا نطلع عشان مش هينفع نتكلم هنا
خرج حسام وعلاء من الغرفه
حسام:قصدك إيه يا أبيه بكلامك ده
علاء:تعالي معايا علي مكتبك
ذهب حسام وعلاء إلي مكتب حسام فدلفوا إليه وجلس علاء وجلس حسام امامه
علاء:زمان لما كنت بتغلط وأنت صغير كنت بعاقبك واضربك وكنت بتعترف بغلطك ومش بتكرره ودلوقت أنت كبرت وبقيت دكتور يمكن تكون كبرت علي الضرب بس مكبرتش على العقاب وعقابك أنت إللي اخترته
حسام:إيه إللي اخترته
علاء:إن نورا تبعد عنك
حسام:ارجوك يا أبيه أنا مقدرش أبعد عنها طب نستني لما تفوق ونشوف رأيها إيه
علاء:هي أصلا ماتعرفش إنك طلقتها
حسام:خلاص يا أبيه أنا هردها
علاء:وأنا قلت لا ولما تفوق هتقول لها إنك طلقتها ونشوف هتوافق تردها ولا لاء وده اخر كلام عندي وانصرف علاء وترك حسام في حزنه منتظرا للصباح ليعلم ما موقف نورا منه
ذهب علاء إلي ثريا
ثريا:قولت له إن نورا حامل
علاء:لا ومش هقوله إلا لما نشوف رأي نورا