علاء :فرحي انا ونور يوم الخميس الجاي
دكتور حسام :ايه بتقول ايه
علاء :بعد اذن حضرتك يا بابا
دكتوره نورا :وليه السربعه دي يا بني
علاء :تيته ثريا مش عايزه تعمل العمليه قبل ما تطمن على نور وهي مش هتطمن الا لما انا وهي نتجوز ومش هينفع انها تأجل العمليه اكتر من كده بعد اذن حضرتك يا بابا توافق عشان خاطر تيته ثريا
دكتور حسام :احنا كده مش هنلحق نجهز للفرح ونور مش هترضي تعمل فرح عشان داده عزيزه الله يرحمها
علاء :مفيش داعي للفرح احنا نكتب الكتاب ونعمل حاجه صغيره زي الخطوبه
دكتوره نورا :ازاي يا علاء هتتجوز من غير فرح
علاء :مفيش وقت يا ماما المهم ان تيته ثريا تعمل العمليه بسرعه
دكتور حسام :ونور هتوافق علي كده
علاء :نور موافقه ومستنيه موافقتكم وموافقه إياد وطنط مديحه وأعتقد انهم لو عرفوا الظروف مش هيمانعوا
دكتور حسام :خلاص يا علاء جهز نفسك علي الخميس الجاي وانا هحجز لكم كام يوم في شرم الشيخ بعد الفرح ولما ترجعوا نكون وضبنا لكم الجناح اللي في الدور الثالث
حسام :تمام يا بابا انا هدخل افرح يويا وابلغ نور
مرت الايام وتحسنت حاله ثريا وتم عقد قران نور وعلاء وسط فرحه من الجميع وكانت نور في منتهي السعاده تشعر ان سعادتها لو وزعت علي العالم لفاضت وكانت ثريا سعيده لأنها اطمأنت علي نور وكانت تحدث نفسها
ثريا :الله يرحمك يا حبيبي ارتاح نور خلاص اتجوزت اللي هيصونها ويحميها انا مبقاش فيه حاجه تشغلني ولو قابلتك دلوقت هقدر ابص في عيونك
انتهي الحفل الصغير وقام العرسان بتوديع الجميع وتوجهوا الي المطار واقلهم إياد واصرت سيرين علي الذهاب معهم ووصلوا الي المطار واستقل نور وعلاء الطائره المتجهه الي شرم الشيخ
في طريق العوده كانت سيرين مع إياد وكانت سيرين تبكي
إياد :ممكن اعرف لزمتها ايه الدموع دي دلوقت
سيرين :اول مره ابيه علاء يبعد عني ونور كمان هتوحشني اوي
إياد :هما يعني هيسافروا العمر كله ده هما كام يوم وهيرجعوا تاني ادعي ربنا يسعدهم
سيرين :يارب يسعدهم ويوفقهم
إياد :عقبالك
سيرين :لا لسه بدري
إياد :ليه كده يا سيري
سيرين :انا حبيت قبل كده وانجرحت ومش عايزه انجرح تاني
إياد :يمكن مكنتيش بتحبي بجد يمكن كان مجرد إعجاب او تعود افتحي قلبك ودوري حواليكي هتلاقي اكيد حبك الحقيقي
سيرين :تفتكر
إياد :اكيد الحب بيكون قدامنا بس احنا مش بنكون شايفينه
سيرين :انت بتحبني يا بشمهندس
إياد بصدمه :ايه
سيرين :انا اسفه من صراحتي بس انت اللي قلت لي ادور علي الحب حواليا
إياد :انا مش بحبك انا بعشقك من اول يوم شفتك فيه وبتمني انك تحسي بيا
سيرين :انا هدي لقلبي فرصه تانيه
إياد :بجد
سيرين :ايوه بجد
إياد :وانا اوعدك انك عمرك ما هتندمي علي قرارك ده
وامسك يدها وقبلها وبدأ يغني
يا جميل يا جميل يا جميل
علي حبك بان لي دليل
وانا خايف قلبي يميل
يا محير قلبي معاك
يا مجري الفكر وراك
خايف لالروح تهواك
تشغلني وتحيرني ملقاش اللي يصبرني
(ملحوظه) دي اغنيه فريد الأطرش اغنيه جميله اسمعوها علي اليوتيوب
عند نور وعلاء
وصلت الطائره الي شرم الشيخ واستقلوا سياره أجره اوصلتهم الي الفندق وطوال الطريق كان يسود الصمت بينهم حتي صعدوا الي غرفتهم
فتح علاء الباب ودعا نور للدخول اولا ودلفت نور وخلفها علاء وأغلق علاء الباب
كانت نورا تقف بخجل وتنظر الي الأرض
وقف أمامها علاء وهتف:نور
نظرت له نور :نعم
علاء :ممكن تقعدي نتكلم مع بعض شويه
نور :حاضر
جلست نور علي طرف الفراش وجلس علاء بجوارها
علاء :انا اسف يا نور
نور بدهشه :اسف على ايه
علاء :انا مش هقدر
نور :انا مش فاهمه حاجه
علاء :ممكن تسمعيني للآخر
نور :اتفضل
علاء :انا كنت مرتبط بواحده زميلتي في الجامعه اسمها سمر وكنا متفقين اننا نتجوز بعد ما نتخرج
بس للاسف ماتت
نور :ايه
علاء :ماتت بين ايديا خبطتها عربيه قدام الجامعه واحنا في آخر سنه لينا وقبل ما تموت وعدتها اني عمري ما هحب غيرها ولا هخونها حتي بعد ما ماتت
نور بصدمه :انت بتقول ايه انت مستوعب احنا دلوقت ايه احنا اتجوزنا فرحنا كان النهارده وجايبن هنا نقضي شهر العسل
علاء :نور ارجوكي افهميني
نور :افهم ايه انك جاي النهارده تقولي انك بتحب واحده تانيه ومش قادر تخونها وانك شايف ان جوازي منك خيانه ليها امال اتجوزتني ليه علقتني بيك ليه خلتني احبك ليه
علاء :انا اسف يا نور
نور :اسف اسف علي ايه علي حبي ليك علي خداعك ليا اتجوزتني ليه
علاء :عشان تيته ثريا أصرت انها ما تعملش العمليه الا لما تطمن عليكي ونتجوز ومكنش ينفع نأخر العمليه اكتر من كده وانا تحت امرك بس برجوكي نستني لحد ما تيته ثريا تعمل العمليه وصحتها تتحسن وبعدين اللي عايزاه هيحصل عايزه نطلق هنطلق عايزه نفضل مع بعض سنه وبعدين نطلق ونقول اننا ما اتفقناش براحتك برده اللي انت عايزاه هعمله لك
وقفت نور أمامه :اطلع بره
علاء :نعم بتقولي ايه
نور :بقولك اطلع بره مش انت بتقولي هتعمل لي اللي انا عايزاه انامش عايزه اشوفك الا لما نرجع
علاء :يعني ايه انا هنام فين
نور :مش مشكلتي نام علي الكنبه في الريسبشن بره واتعود تنام علي الكنبه لأننا حتي لما هنرجع برده هتنام علي الكنبه
علاء :ماشي يا نور انا هسيبك دلوقت عشان مقدر اللي انت فيه واخذ علاء حقيبته وخرج خارج الغرفه وجلست نور علي الارض تبكي حالها ثم قامت وأخذت من حقيبتها مذكراتها ونظرت لها بابتسامه سخريه حيث انها كانت احضرتها معها لتقوم بكتابه لحظاتها السعيده مع علاء ظلت تكتب وتبكي حتي غلبها النعاس فنامت
ليه خلتني احبك لا تلومني ولا اعاتبك
فين اهرب من حبك روح منك لله
بدموعي الحيرانة وعيوني السهرانة
بدعيلك بأمانة روح منك لله
كان حبك عذاب وقسية وهواني ما بعده هوان
لو كان الغرام بايديا مكانش جرى اللي كان
يا خاين ملكش امان وريتني العذاب ألوان، ليه ليه
ليه خلتني احبك لا تلومني ولا اعاتبك
فين اهرب من حبك روح منك لله
بدموعي الحيرانة وعيوني السهرانة
بدعيلك بأمانة روح منك لله
بكتني في ليلة عيدي يا خسارة غرامي فيك
وطفيت شمعتي بتنهيدي ودعيت ربنا يهديك
نسيتني ابتسامة فرحي وريتني مرارة جرحي، ليه ليه
ليه خلتني احبك لا تلومني ولا اعاتبك
فين اهرب من حبك روح منك لله
بدموعي الحيرانة وعيوني السهرانة
بدعيلك بأمانة روح منك لله
ياما غيري هيشرب كاس سقتهولي السنين بايديك
والحب الجميل احساس مش ممكن يمر عليك
انا وحدي اللي ليا فيه وانا وحدي فضلت اقاسيه، ليه ليه
أنت تقرأ
حبك طريقي
Romanceقاصر عانت كثيرا ترفض الحب والزواج قبل أن تتم السن كي لا تعيد الماضي وهو مجروح من حبيبته رافض للحب ولكن ظهرت له فجاه فاحبها رغم عنه
