حبك طريقي

الفصل الواحد والثلاثون

وصل حسام الي منزله وجد والده في انتظاره
مصطفى :حمد الله على السلامة يا دكتور ولا اقول كفاره
حسام :من فضلك يا بابا
مصطفى :من فضلي ايه اللي انتم عملتوه ده من امتى واحنا بتستخدم اسلوب البلطجه ده من امتى وانتم بتمدوا ايدكم على حد
قاطعهم رنين هاتف حسام
حسام :ايوه يا عمرو
عمرو :حالا تكون في المستشفى ابويا مستحلف لك لو راح المستشفى وملقكش هناك
حسام :ادي آخره اللي يمشي وراكوا هغير هدومي واطلع على المستشفى يا عالم يا مفتريه
سو :حبيبي حسام حمد الله على السلامة
حسام :امي الله يسلمك ما تيجي نهرب من العيله المفتريه دي
مصطفى :يلا على اوضتك تغير هدومك وتطلع على شغلك
حسام :اعملي لي اي سندوتش يا ماما هموت من الجوع
سو :حاضر يا حبيبي ثواني ويكون الاكل جاهز
في منزل عمرو وياسمين
يدخل جاسر ويتستقبله عمرو
عمرو :اهلا وسهلا بيك
جاسر :بابا انا
عمرو :انا مش عايز اسمع اي كلام عن الموضوع ده انا رايح شغلي
ياسمين :حمد الله على السلامة يا حبيبي احضرلك الفطار
جاسر :لا يا ماما انا هغير هدومي واطلع على الشركه على طول
ياسمين :ليه كده يا عمرو
عمرو :لازم يتعلم الأدب وخلاص يا ياسمين ما تفتحيش في الموضوع ده تاني انا رايح المستشفى هتيجي معايا
ياسمين :اه ثواني واجهز
في الشركه
يصل علاء الي الشركه وينتظر أمام الاسانسير حتى تاني الفتاه التي قابلها امس وبعد لحظات تأتي الفتاه
وتدلف الي المصعد لتجد علاء به
علاء بابتسامه :ايه الصدف السعيده دي
الفتاه :حضرتك متأكد انها صدف
علاء :طبعا صدفه انت شايفه غير كده
ظفرت الفتاه ونظرت الي الجانب الاخر
علاء :انت جديده في الشركه اصلي ما شفتكيش قبل كده
الفتاه :وحضرتك بقى لازم تشوف كل اللي شغالين في الشركه ثم نظرت له :عن اذنك وخرجت من الاسانسير
علاء :الثقل صنعه برده
وصل الاسانسير الي الدور التاسع ودلف الي مكتبه ثم سمع طرقات على الباب
علاء :اتفضل
شيرين :صباح الخير يا بشمهندس
علاء :صباح الخير
شيرين :انا جبت لك الفاكس امبارح بس انت كنت مشيت
علاء :اه كان فيه مشوار مهم
شيرين :لو معندكش مانع انا عزماك النهارده على الغدا في وقت البريك
علاء :مش عارف والله يا شيرين
شيرين وهي تقترب منه :ارجوك ما ترفضش انا عايزه اتكلم معاك في موضوع مهم بعيد عن الشركه
علاء :طيب هحاول النهارده
شيرين :انا هعتبره وعد
خرجت شيرين وظفر علاء ولا يوجد أمامه سوي صوره فتاه الاسانسير
عند سيرين
قامت بالاتصال بنورا
نورا :سيري حبيبتي عامله ايه
سيرين :احنا عاملين اجتماع تعالي نتقابل النهارده في النادي
نورا :طيب بصي انا هخلص شغل الساعه ٣ نتقابل في النادي
سيرين :تمام
مر الوقت وذهبت كل من سيرين ونورا وثريا الي النادي
سيرين :بصوا بقى اللى بيحصل ده كتير
ثريا وهي تاكل السندوتشات :عندك حق يا سيري انا من كتر همي مش عارفه ابطل اكل
نورا :كفايه اكل يا ثريا هتفرقعي يا ماما
سيرين :بصوا بقى احنا هنعمل خطه وهنفذها
نورا :خطه ايه
سيرين :خطه جرب نار الغيره
ثريا :يعني ايه
سيرين :يعني هما مش حاسين بينا عشان احنا قدامهم وعارفين اننا هنستناهم بس لو حسوا اننا ممكن نروح منهم هيتحركوا
نورا :حلوه الفكره دي بس هعملها ازاي
سيرين :بسيطه انت بتشتغلي مع حسام في المستشفى تشوفي بقى دكتور حليوه كده وتتكلمي معاه قدام حسام وانت يا ثريا امتياز في نفس المستشفى برده شوفي لك برده دكتور وتكلميه قدام عمرو وانا هكلم ابيه علاء واروح ادرب في الشركه وطبعا اللي هيدربني جاسر وهناك بقى انا هعرف اخليه يولع
ثريا :وافرضي هما محسوش ولا همهم واللي احنا هنكلمهم دول اتعلقوا بينا
سيرين :يبقى قدرنا كده بقى ونتجوزهم وخلاص
ضحكت نورا وثريا
ثريا :تمام يلا بينا ننفذ الخطه
في الشركه وقت الغداء ذهبت شيرين الي مكتب علاء
شيرين :مش يلا بينا بقى ولا ماجوعتش
علاء :هه لا يلا بينا
دلف علاء وشيرين الي الاسانسير ثم توقف في الدور السابع وجد علاء فتاه الاسانسير تقف امامه ومعها فتاه أخرى
شيرين بتكبر :ايه قله الذوق دي مش شايفنا نازلين لما ننزل ابقوا انزلوا
علاء :لا مالوش لازمه الاسانسير كبير اتفضلوا معانا
الفتاه :شكرا احنا هنستعمل السلم وأخذت صديقتها وتوجهت الي الدرج
اغلقت شيرين الاسانسير
علاء :مكنش ليه لازمه اللي عملتيه ده
انا منبهه عليهم الف مره لما الاسانسير يبقى نازل من الدور التاسع محدش يوقفه هما اللي اغبيه
علاء :معلش يا شيرين انا افتكرت ان عندي شغل مهم ومش هينفع اطلع بره الشركه انا هرجع المكتب وانت روحي اتغدى
شيرين :اه طبعا الشغل اهم تمام انا هطلب اكل واجي اكل معاك
علاء :لا ملوش لازمه انا هاكل اي حاجه لاني هروح اتغدى في البيت
شيرين بضحكه صفراء :خلاص ماشي بس انت عليك ليا عزومه على الغدا
علاء :اه طبعا اكيد
عاد علاء الي مكتبه ومر الوقت وعاد الي منزله
في منزل حسام ونورا
عاد علاد الي المنزل وجد نور وسيرين في الأسفل
علاء :السلام عليكم ورحمة الله وبركاته
نورا وسيرين :وعليكم السلام ورحمة الله وبركاته
علاء وهو يقبل يد نورا :عامله ايه يا حبيبتي
نورا :الحمد لله
علاء وهو يقبل راس سيرين :سيري حبيبتي عامله ايه النهارده
سيرين :تمام يا حبيبي بس كنت عايزه منك طلب صغير اد كده
علاء :عايزه ايه يا حبيبتي
سيرين :كنت عايزه اجي ادرب عندكم في الشركه
علاء :بس كده تحت امرك يا سيري هانم انت تامريني انا هكلم جاسر واخليه بدربك
سيرين :حبيبي يا لولو
علاء وهو يمسكها من اذنها:تعرفي مفيش حد مسموح له يقولي كده غيرك مش عارف ليه ساكت لك
سيرين :عشان بتحبني يا لولو
نورا :ايه يا حبيبي مش هتاكل
علاء :هطلع الأول ليويا
صعد علاء الي غرفه ثريا
ثريا :حبيبي عامل ايه
علاء وهو يقبل يدها :مش عارف يا يويا حصلت حاجه غريبه ومش عارف افسرها
ثريا :احكي لي يا حبيبي
حكي علاء لثريا عن فتاه الاسانسير
ثريا :ايه حبتها ولا ايه
علاء :لا مش لدرجه حب هي بس شغلت بالي عشان الشبه الكبير بينها وبين ماما
مرت الساعات وأتى الصباح باحداث جديده
ذهب علاء الي الشركه وظل ينتظر فتاه الاسانسير
أتت الفتاه ودلفت الي الاسانسير دلف علاء الي الاسانسير معها
علاء :صباح الخير مش عايزه تعرفيني اسمك ايه بقى
نظرت له الفتاه ولكن قطعها رنين هاتفها
الفتاه :الو حبيبي يا اياد
علاء لنفسه :إياد مين بقى ده أن شاء الله
الفتاه :وصلت امتى
..........………
الفتاه :اه طبعا لازم اشوفك انا بخلص شغل الساعه ٥
……………
الفتاه :تمام ٥ونص هكون موجوده
…...................
الفتاه :وانت كمان يا حبيبي
ثم توقف الاسانسير ونزلت منه
علاء لنفسه :يطلع مين ده بقى ولما هي كده امال عامله معايا كده ليه ماشي
ضغط علاء على ازرار الاسانسير ونزل الي الدور السابع ودلف الي الحسابات
ابراهيم رئيس الحسابات :بشمهندس علاء اهلا وسهلا
وقف الجميع عندما دخل
الفتاه لزميلتها :مين ده
زميلتها :ده البشمهندس علاء رئيس مجلس الاداره
اتسعت عيون الفتاه من الصدمه
علاء :استاذ ابراهيم لو سمحت عايز كشوف بالحسابات النص سنويه عشان اراجعها ونورد الجزء المخصص للبنك
ابراهيم :تحت امرك يا بشمهندس هتكون عند حضرتك النهارده
علاء وهو ينظر للفتاه :انا شايف ان فيه وجه جديد
ابراهيم :اه دي الانسه نورين متعينه هنا بقى لها تقريبا شهرين
علاء وهو ينظر لها بابتسامه انتصار :اهلا بيكي يا انسه نورين ثم نظر الي ابراهيم :ياريت الانسه نورين هي اللي تطلع لي الكشوف عشان اراجعها
نورين :تحت امر حضرتك يا بشمهندس
غمز لها علاء دون أن يلاحظه احد ثم خرج
ابراهيم :بصي يا نورين سيبي اي شغل في ايدك وخلصي الكشوف المطلوبه دي
ظلت نورين تعمل حتى جاء وقت الاستراحه
هدى زميلتها في المكتب :نورين يلا مش هتيجي نتغدى
نورين :لا مش هينفع انا عايزه اخلص الشغل ده عشان اروح في معادي
هدى :طيب انا هروح اتغدى وهجيب لك معايا
انتهي وقت العمل
هدى :ايه يا نورين مش هتروحي
نورين :لا لسه هطلع الشغل أعرضه على البشمهندس علاء وبعدين اروح
هدى :ربنا يعينك يا حبيبتي معلش بقى انا لازم امشي عشان العيال
نورين :مع السلامه يا حبيبتي انا خلاص قربت اخلص
انتهت نورين من عملها وجمعت الأوراق واتجهت الي الاسانسير وصعدت الي الدور التاسع
دخلت الي مكتب سلمي السكرتير
سلمي :افندم
نورين :بلغي البشمهندس علاء ان الكشوف اللي كان طالبها من الحسابات جاهزه
سلمي :ثواني
دخلت سلمي الي علاء ثم خرجت واخبرتها :البشمهندس منتظرك جوه
دخلت نورين الي المكتب
نورين :الكشوف إللي حضرتك طلبتها
علاء :حطيها على المكتب
وضعتها نورين على المكتب وهمت بالخروج
علاء :رايحه فين يا انسه نورين
نورين :همشي حضرتك تأمر بحاجه تانيه
علاء :اه طبعا ماينفعش تمشي الا لما اخلص مراجعه الكشوف عشان لو فيه اي حاجه غلط
نورين :حضرتك لو فيه اي غلط ممكن اصلحه بكره
علاء :لا مش هينفع الكشوف دي لازم تخلص النهارده عشان نورد الفلوس للبنك بكره
نورين :والمطلوب
علاء :تستنى لحد ما اخلص مراجعه لو تحبي تستنى هنا أو في مكتب الانسه سلمي براحتك
نورين :لا هستني في مكتب الانسه سلمي
خرجت نورين وجلست في مكتب سلمي
سلمي :معلش بقى يا نورين انا خلصت شغل ولازم امشي
نورين :اتفضلي ما تعطليش نفسك
جلست نورين تنتظر علاء ومرت الساعات ونظرت الي الساعه وجدتها الساعه ٩
خرج علاء إليها
علاء :انسه نورين بتعرفي تعملي قهوه
نورين بدهشه :ايه قهوه
علاء :اه اصل نادر قفل البوفيه ومشي وانا دماغي مصدعه ومش عارف اركز
نورين :هو حضرتك لسه هتشرب قهوه انا اتاخرت قوي ولازم امشي
علاء :هو انت متصوره ان مراجعه كشوف ٦شهور هتخلص في ساعتين
نورين :وحضرتك فاضل لك قد ايه في ال ٦ شهور دول
علاء بابتسامه بارده :شهرين واسبوعين هه مقولتليش بقى بتعرفي تعملي
نورين :اعمل ايه
علاء :قهوه
نورين بامتعاظ :لا
علاء :خلاص هعمل انا اعملك معايا
نورين :شكرا
علاء :ليه متخافيش انا بعرف اعمل قهوه حلوه
نورين :مش بشرب منبهات بعد الساعه ٧
علاء :تمام براحتك
ذهب علاء وحضر لنفسه القهوه ودلف الي مكتبه مره اخرى
شعرت نورين ببعض التعب ونظرت الي الساعه وجدتها ١٠ والنصف
نورين :لا كده كتير اوي انا لازم ادخله
دخلت نورين الي مكتب علاء
نورين :لو سمحت يا بشمهندس انا لازم امشي انا ماينفعش اتأخر اكتر من كده فجأه شعرت بالدوار وامسكت راسها
علاء وهو يقترب منها بقلق :انت كويسه
نورين :اه انا كويسه انا بس لازم امشي دلوقت
علاء وهو يقف أمامها :تمام انا هلم حاجاتي واجي عشان اوصلك
نورين وبدأت الدنيا تدور بها والرؤيه بدأت تشوش :لا شكرآ لحض
فجأه وجدها علاء بين زراعيه وفي حضنه نظر لها بفزع وجدها فاقده الوعي