حبك طريقي

الفصل الخامس

علاء بجديه:حسام طلب مني إيد نورا وانا وافقت
نورا بصدمه:إيه طلب إيه إيد مين أنا مش فاهمه حاجه
ثريا:انت بتتكلم جد يا علاء
نورا بصوت عالي :جد إيه أنا طبعا مش موافقه
علاء بحده:أقعدي يا نورا ووطي صوتك
نورا بعصبيه:انا مش موافقه انا مش عايزه أتجوز
علاء:مره ثانيه بقولك أقعدي ومتعليش صوتك يا إما هتشوفي وش تاني انت ماتتمنيش إنك تشوفه
تجلس نورا وهي تنظر لحسام بغضب ووجها يصتبغ باللون الأحمر من الغضب والعصبيه
ثريا:محاوله لتهدئه الجو:مين قال إنه جواز علي طول يا حبيبتي دي هتبقي خطوبه
قاطعها علاء:لا يا ثريا هيبقي كتب كتاب علي طول انا هسافر شرم الشيخ بكره وهأرجع بعد يومين وهنكتب الكتاب لأني مسافر إيطاليا بعد شهر وهغيب تقريبا ٣ شهور
نورا بصريخ:انتم بيتكلموا في إيه أنا مش هتجوز
ونظرت إلى حسام أنت إزاي تطلب إيدي من غير ما تسألني
علاء:هو مطلبش يا نورا أنا اللي طلبت
نورا:يعني إيه حضرتك إللي طلبت
علاء:يعني انا مش هلاقي حد يصونك ويحميكي غير حسام
حسام ينظر لها في صمت
نور بغضب: يصوني ويحميني من إيه حرام عليكوا انا مش عايزه أتجوز أرجوكوا وتقترب من علاء ارجوك يا أبيه بلاش
علاء بحده:اسمعي بقي آخر كلام  عندي اللي قولته هيحصل
مورا:وأنا هموت نفسي قبل ما ده يحصل
شعر حسام بغصه في قلبه ألهذه الدرجه تكرهه
علاء بغضب:أخرسي وقام يحاول جذبها من زراعها ولكن وقف أمامه حسام
حسام :ارجوك يا ابيه سيبوني مع نورا شويه
علاء:ماشي يا حسام بس أي كلام هتقولوه مش هيغير في كلامي ولا قراري
ثريا :سيبهم مع بعض يا علاء شويه
خرج علاء وثريا وظلت نورا تنظر إلى الفراغ وهي شارده وتقوم بفرك يديها بعصببه
حسام جلس أمامها ثم قال:نورا ممكن تبصي لي
نورا تنظر له بعيون كلها دموع :ارجوك يا دكتور حسام انا مش عايزه اتجوز ارجوك اقنع أبيه علاء
حسام :وانا كمان مش عايزاتجوز
نورا بدهشه : إيه امال انت إزاي طلبت ايدي من أبيه علاء
حسام:بصي يا نورا أبيه علاء طلب مني أتجوزك وأنا وافقت
نورا:وافقت ليه وأنت مش عايز تتجوز
حسام:عشان انا مقدرش أرفض لابيه علاء أي طلب
نورا باندهاش:يعني هتتجوزني عشان هو طلب منك كده بس ليه أنت معندكش رأي قوله لا
حسام:مقدرش أبيه علاء هو إللي رباني وصرف عليا ومقدرش أول مره يطلب مني طلب أرفضه
نورا:يعني هتتجوزني رد الجميل
حسام لجنود عكس ما يشعر به:تقدري تقولي كده
نورا:انا مش بحبك
حسام:عارف
انت بتحبي واحد تاني عمرو مش كده
نورا  بدهشه عمرو :اه هو أنت عرفت منين
حسام:كنت بسمعك وأنت بتكلميه في الجنينه في التليفون ممكن أعرف هو مين
نورا:ويهمك في إيه تعرف
حسام بنفاذ صبر:ممكن تسميه فضول إني أعرف
نورا:اخو سو صحبتي
حسام:وبيشتغل إيه بقي وهو فين
نورا بتلعثم :هو ظابط بحري وهو مسافر وإحنا متفقين إننا هنتجوز بس لما اخلص دراسه
حسام:ومجاش خطبك ليه
نورا:أنا إللي رافضه الإرتباط الرسمي إلا لما أخلص دراسه
حسام بعصبيه ممسك يدها:يعني إيه رافصه الإرتباط الرسمي يعني تمشي معاه كام سنه وبعدين تبقوا ترتبطوا رسمي
نورا:أنت مالك
حسام:أقولك أنا مالي أنا هبقي جوزك والكلام الفارغ إللي قولتيه ده تنسيه وماسمعهوش منك تاني لإني لو سمعته مش هتقدري تستحملي غضبي
نورا:يعني إيه
حسام:اسف يا انسه نورا بس انا مش هقدر ارفض طلب أبيه علاء وكتب الكتاب في المعاد إللي أبيه علاء حدده
نورا:يعني هتتجوزني وأنت عارف إني بحب غيرك
مسكها حسام من زراعها بقوه لأخر مره بحذرك يا نورا الكلام   ده ما اسمعهوش تاني أنت فاهمه وانا هتجوزك برضاكي أو غصب عنك
نورا بتحدي:أما نشوف يا دكتور أنا عندي أموت ولا إني اتجوز واحد زيك يقبل إنه يتجوز واحده بتحب غيره
قاطع كلامها صفعه علي وجهها من حسام:الظاهر إن كلامي مش واضح
نظرت له نورا  وقالت بسخريه:تعرف مش متفاجأه عشان إللي زيك ممكن أتوقع منه أي حاجة وتركته وأسرعت الي غرفتها تبكي وأمسكت هاتفها وأتصلت بعمرو
عمرو:نينو حبيبتي ولا اقول نورا
نورا ببكاء:عمرو ألحقني أنا محتجاك أوي
عمرو:خير يا حبيبتي أهدي إيه إللي حصل
نورا:عايزين يجوزوني حسام يا عمرو وقصت نورا لعمرو كل ما حدث وأثناء حديثها معه طرق حسام الباب
نورا بصوت عالي وبعصبيه:مش عايزه أكلم حد سبوني لوحدي
فتح حسام الباب ودخل وجدها ممسكه بالهاتف
نورا رمت الهاتف من يدها:عايز إيه أطلع بره
حسام نظر إلي الهاتف:كنت بتكلميه
نورا بحده:ملكش دعوه بيا اطلع بره واتجهت إلي الباب وقامت بفتحه وأشارت لحسام بيديها:بره
اقترب منها حسام وأغلق الباب بيده وبدأت تتراجع حتي انحسرت بينه وبين الباب ونظر إلي عيونها التي يتوه فيها وقال:أنا آسف يا نورا أنا مش عارف أنا عملت كده إزاي
نورا وهي تنظر لعيونه وتشعر بالرجفه بداخلها فهذه أول مره تقترب منه هكذا:أبعد عني وأطلع بره
حسام بابتسامه:أول مره أخد بالي إن شفايفك حلوه اوي كده يا تري طعمهم إيه
أتسعت عيون نورا من الصدمه:انت قليل الأدب إطلع بره يا أما هصرخ وألم عليك كل إللي في البيت
حسام :ماشي يا قلبي هطلع بره بس بعد كده مش بس هدوق شفايفك أنا هدوق حاجات تانيه ثم غمز لها وفتح الباب وخرج
نورا:وهي ترتجف من قربه ومن كلامه وضربات قلبها تدق كالطبول جلست على الأرض وهي تبكي ثم ذهبت إلي الفراش ونامت وهي تبكي
خرج حسام إلي حديقه الفيلا وجد علاء وثريا يجلسون
علاء:إيه يا حسام وصلت لإيه معاها
حسام:لسه عند رايها يا أبيه أنا بقول بلاش تتسرع ونستني شويه
علاء مقاطعه:حسام مفيش تأجيل أنا هسافر بكره ان شاء الله وهرجع بعد يومين وبعد ما أرجع هنكتب الكتاب علي طول
حسام:إللي تشوفه يا أبيه بعد إذنكم
ثريا:هي نورا فين
حسام:في اوضتها
خرج حسام من الفيلا كلها واتجه إلى سيارته واتجه الى فيلته وجلس يفكر في نورا وحبه لها ورفضها له وحبها لهذا المدعو عمرو الذي عندما تذكره كور قبضته في عصبيه وقال ماشي يا نورا يا أنا يا أنت وهتجوزك وهتنسي عمرو ده
في غرقه علاء وثريا
ثريا:انت متاكد من اللي انت عايز تعمله ده
علاء:طبعا يا حبيبتي انا واثق ان حسام بيحب نورا وهو إللي هيحافظ عليها
ثريا:طب ونورا
علاء:نورا صغيره لسه وماتعرفش مصلحتها فين
ثريا:انا خايفه عليهم حسام مجروح وممكن يجرح نورا معاه حسام في عصبيته مش بيشوف قدامه ونورا صغيره وبتعند ومش هتقبل إنها تعمل حاجه غصب عنها
علاء:انا مش هطمن علي نورا الا وهي مع حسام
ثريا:ربنا يهديها وتوافق
علاء:هتعرف بعد كده إني بعمل لمصلحتها
ثم نظر لثريا إحنا هنقضي الليل كله نتكلم عن حسام ونورا
ثريا بخجل:انت عايز إيه
علاء:عايز أشبع منك قبل ما أسافر
ثريا:هتوحشني أوي يا حبيبي
علاء:وانت أكتر يا عيوني واخذها في حضنه وعاشوا ليله سعيده
في الصباح في غرفه نورا
يرن هاتف نورا تلتقطه نورا وهي مغمضه العيون
نورا:الو
سو:انت لسه نايمه يلا قومي عندنا محاضره دكتور عمر  وأنت عارفه هو مش بيدخل حد بعده
نورا بتأفف:انا  كنت ناقصه دكتور عمر ده كمان
سو:بتقولي إيه قومي بسرعه
نورا:خلاص أنا قمت اهه هتيجي تأخديني
سو:طبعا هو عمرو بيرضي إني اروح في حته لوحدي من غير عم سعيد السواق
نورا:أوكيه هلبس واستناكي
قامت نورا وأخذت حمامها وصلت فرضها فسمعت طرق علي الباب
نورا:ادخل
دخلت سعاد
سعاد:انسه نورا دكتوره ثريا بتقولك الفطار جاهز ودكتور حسام جه تحت مستنيكي
نورا بتافف:قولي لهم يا سعاد إني تعبانه شويه ومش هنزل افطر
سعاد:حاضر
نزلت سعاد وتوجهت إلي غرفه الطعام حيث يجلس حسام وثريا
سعاد:انسه نورا بتقول انها تعبانه شويه ومش هتنزل تفطر
ثريا بقلق:تعبانه مالها
شعر حسام بالقلق عليها
سعاد:مش عارفه هي قالت لي كده بس
ثريا:طيب يا سعاد روحي أنت شوفي شغلك
حسام:بعد إذنك يا يويا أجيب الشنطه من العربيه واطلع أكشف عليها عشان نطمن
ثريا:ماشي يا حبيبي وانا هطلع أقول لها
إتجه حسام إلي سيارته ليحضر منها حقيبته و
صعدت ثريا الي غرفه نورا
ثريا تطرق الباب
نورا: اتفضل
ثريا  بخضه:مالك يا حبيبتي حاسه ابيه
نورا:مفيش حاجه يا يويا أنا بس حاسه بشويه صداع
ثريا:عموما حسام طالع ورايا عشان يكشف عليكي ونطمن
نورا بلهفه:لا لا ملوش لازمة أنا هبقي كويسه
هنا دخل حسام وقال
حسام:معلش نطمن برده
يرن هاتف ثريا واستأذنت
ثريا:ثواني هرد على علاء عشان أحضر له شويه حاجات يأخذها معاه وهو مسافر
حسام:أتفضلي يا يويا
وأنصرفت ثريا
نورا بحده وهي تنظر لحسام:إطلع بره
حسام ببرود يلا نامي عشان أكشف عليكي
نورا:أنت إيه بارد بقولك إطلع بره
حسام:ماتعليش صوتك وما تغلطيش أحسن لك
نورا:اوكيه أنا مش هعلي صوتي ومش هغلط وأنت اطلع بره
حسام:هطلع بره
نورا:ياريت
حسام:بس بعد ما أكشف عليكي
نورا بعصبيه :أنا مش تعبانه أنا مكنتش عايزه أشوف وشك على الصبح فقولت إني تعبانه
حسام وهو يقترب منها وينظر لها:عيب يا قلبي لما تقولي كده لجوزك
نورا بغضب:ماتقولش جوزي دي تاني وأطلع بره وكفايه برود بقي يا اخي
حسام ممسكا بزراعها بقوه:قسما بالله يا نورا لو مانمتي على السرير لأكون مكتفك وكاشف عليكي غصب عنك وصرخ في وجهها يلا اخلصي
جفلت نورا من صوت حسام وتوجهت إلى الفراش لتنام
دخلت عليهم ثريا
ثريا:هه خلصت
حسام :لسه تصوري أنها مكسوفه أكشف عليها وأنت مش موجوده
ثريا بإبتسامه : كده طيب انا جيت اهه
نامت نورا علي السرير وأقترب منها حسام وقام بفك الازرار العلويه لملابسها ونظر إليهما وجدها مغمضه العيون وهي ترتجف من قربه منها وهو شعر بشعور غريب من قربه منها ولمسه لها ولكنه استعاذ بالله من الشيطان وقام بالكشف عليها
حسام:خدي نفس
حسام:نفس طويل للاخر
تفاجأ حسام أنها مريضه فعلا حيث أنها لا تستطيع أن تاخذ نفسها بصوره طبيعيه
حسام موجها حديثه لثريا
حسام:ممكن يا ثريا تساعديني عشان اسمع ضهرها
نورا تفتح عيونها وتنظر له بغضب وهي تجز علي أسنانها:قليل الأدب قالتها بدون صوت ولكنه فهم ما تقوله فابتسم من برائتها
اقتربت ثريا من نورا وجلست نورا وقامت ثريا برفع قميصها إلي أعلي ووضع حسام السماعه علي ظهرها
حسام:خدي نفس طويل للاخر
اخذت نورا النفس ولكنه مقطوع
حسام بحده هو أنا كلامي مش واضح ولا أنت مش عارفه تاخدي نفسك
نورا بحده لكي تخفي خجلها:أعمل إيه يعني
حسام بحده :خدي نفس للأخر
اخذت نورا النفس وقالت:ده اخر ماعندي
انتهي حسام من الكشف وساعدت ثريا نورا علي ظبط ملابسهاونظر إليها حسام
حسام:انت بتحسي إن بيجي لك ضيق تنفس او بتحسي إنك مخنوقه
نورا:لا
ولا بتستخدمي بخاخه للنفس او استنشاق
نورا:برضه لا
هنا اتت سعاد
سعاد:دكتوره ثريا عم عزيز السواق جه تحت عشان ياخد الحاجه
ثريا:اوك يا سعاد انا نازله له
خرجت ثريا من الغرفه
نورا  وهي تقوم من علي الفراش وهي تنظر له بغضب:انت إيه إللي انت عملته ده
حسام:عملت إيه
نورا:أ ا  مش عارفه ارد عليك أقولك إيه بص بقي إطلع بره
حسام  : طيب  ممكن بس تيجي معايا المستشفي ربع ساعه نعمل أشعه صغيره
نورا:بقولك أطلع بره أنت ماصدقت أنا مش تعبانه أنا قولت لك إني عملت كده عشان ماشفش وشك وانت عملت لي فيها دكتور بجد
حسام ينظر لها:نورا انا خايف عليكي
نورا وهي تضع يدها حول صدرها:لا ماتخفش عليا أقولك حاجه لو لقتني بموت قدامك ماتبقاش تلحقني  وأقولك الأحلي كمان لو مت ماتبقاش تيجي تعزي
شعر حسام بنغزه في قلبه عند سماعه كلمه أموت ونظر لها بحزن وانصرف ولكنه رجع ونظر لها وقال
حسام:براحتك يا نورا وأنا هيبقي لي تصرف تاني
نورا:تظفر في ضيق:ربنا يخلصني منك وفجأه سمعت رنين هاتفها
نورا وهي تنظر للهاتف لتجدها سو
نورا:أيوه يا سو
سو:أنت مانزلتيش ليه كده هنتأخر
نورا:حاضر حاضر ثواني وهنزل
نورا بغضب:منك لله يا حسام أخرتني عن المحاضره وأكملت إرتداء ملابسها
نزل حسام ووجد ثريا في الأسفل فظفر حسام في ضيق
ثريا:إيه يا حسام مالك بتنفخ ليه ونورا عامله إيه
حسام:أنا متأكد إنها بتستعمل بخاخه نفسها مش مظبوط ومش عارف هي بتعند ليه
ثريا:أهدي يا حبيبي هي بس هتنكر ليه
حسام:مش عارف مهو ده إللي هيجنني
نزلت نورا علي الدرج فوجدت حسام وثريا
نورا لنفسها:اف بقي هو لسه قاعد
نورا:سلام يا يويا انا خارجه
ثريا:رايحه فين يا حبيبتي أنت مش تعبانه
نورا:لا يا يويا أنا بقيت كويسه وهروح الكليه عندي محاضرات مهمه
حسام:نورا أستني
نورا بتأفف دون أن تنظر له:أفندم
أقترب منها حسام وأمسك بزراعها وجعلها تنظر له
حسام:لما أكلمك بصي لي
نورا:عايز إيه
حسام:تعالي عشان أوصلك الكليه
نورا :لا شكرآ انا هروح مع سو
حسام:وأنا قولت هوصلك
ثريا:سيبها يا حسام سو مستنياها تحت ومعاها العربيه والسواق
حسام بضيق وهو ينظر لنورا:ماشي يا ثريا
نورا:انا ماشيه يا يويا سلام
ثريا:حسام خف عليها شويه البنت صغيره
حسام:عنديه أوي يا ثريا ومابتجيش غير بالشده
ثريا:يا حبيبي عمر الشده والعصبيه ما عملت حاجه الحب هو إللي هيخليها تقرب منك وتسمع كلامك
حسام:خايف يا ثريا اتوجع تاني عايز أحوط عليها لو أطول اخبيها في قلبي واقفل عليها
ثريا:هقولك برده العصبيه مش حل ومتبقاش ايدك سابقه عقلك
حسام:أنا رايح المستشفي
ثريا:ربنا يهديك يا حسام ويهديكي يا نورا
خرجت نورا ووجدت سو منتظراها في سيارتها
سو:يلا بقي هنتاخر كده
ركبت نورا السياره مع سو وتوجهوا إلي الجامعه ولكن رن هاتف نورا برساله
فتحت نورا الرساله ووجدتها من حسام
برضاكي أو غصب عنك هتسمعي كلامي ومن الأفضل ليكي يبقي برضاكي آه وعلي فكره نسيت أقولك حاجه مهمه  أوي بحبك
أغلقت نورا الهاتف وهي تقول بعصبيه:غبي ومشل ومعصب
نظرت لها سو بدهشه وقالت مين ده إللي بتشتميه علي الصبح
نورا:الزفت إللي إسمه حسام
سو:حرام عليكي يا نورا دا موز وكيوت وأمور أوي
نظرت لها نورا:عم سعيد وقف العربيه سو انزلي وتعالي علي الجامعه مشي
سو:لا يا عم سعيد  ماتقفش حرام عليكي يلا يا عم سعيد سوق وبعدين دي عربيتي انا
نورا:لا دي عربيه عمرو مش عربيتك وأنا اقدر انزلك منها في أي وقت
سو:أه طبعا هو أنا أقدر أدخل بينك وبين عمرو طبعا هطلع أنا إللي خسرانه أه نسيت أقولك هيرجع النهارده
نورا:اه عارفه قالي إمبارح
سو بجديه:بجد بقي بتشتمي حسام ليه مع إنك الأول كنت معجبه بيه وفرحانه إنه مهتم بيكي
قصت لها نورا علي ما حدث منذ الامس
سو:ياخبر دا طلع شقي أوي وغمزت لنورا
نورا بعصبيه:أنا مش عايزه هزار
سو:طب نتكلم بجد أنت مش عايزه تتجوزيه ليه
نورا:انا مش عايزه أتجوز إلا لما أتم ٢١ سنه
سو:اشمعني يعني
نورا: مش عايزه يبقي حد واصي عليا مش عايزه إللي حصل لي من زينات يتكرر تاني عايزه ابقي تحت وصايه ابيه علاء إللي متاكده إنه عمره ما هيطمع فيا أو يأذيني
سو:انت خايفه يعمل معاكي زي زينات ازاي
نورا:زينات كانت عايزه تجوزني مجدي أخوها وبعدين تدخلني المصحه وياخدوا هما الورث
سو:بس ماعتقدش إن حسام ممكن يفكر فى كده
نورا:مش عارفه انا خايفه حتي هما مايعرفوش حاجه عن موضوع المصحه ده ولا يعرفوا عمرو مفيش غير حسام ده إللي سمعني بكلمه وافتكرني بحبه
سو:ياخبر وانت قولتي له إيه
نورا:أكدت له إني بحبه عشان أخلص منه
سو:وهو ردفعله إيه
نورا:تصوري قالي إنه هتتجوزني برده
سو:يبقي بيحبك بجد يا نورا
نورا:وانا مش بكرهه أنا سعات كنت بحس بمشاعر حلوه ناحيته بس لما صمم إنه يتجوزني خفت
سو:ليه كده يا نورا انت كده بتعقدي الأمور اكتر
نورا:انا مش هقولهم حاجه مش عايزه اعيش إللي عشته تاني
سو:اللي يريحك يا حبيبتي يلا ننزل عشان وصلنا
نزلت نورا وسو من السياره وتوجهوا الي المدرج ولكنهم وجدوا دكتور عمر وهو يدخل ويغلق الباب خلفه