نورين :انت
ثريا وهي تقترب منها :حمد الله على سلامتك يا حبيبتي
نورين :انت إللي كنت معايا في الحلم كنت بتمدي لي ايدك وعايزه تقربيني ليكي
اقتربت منها ثريا وملست على شعرها ماتتصوريش يا نور انا استنيت اليوم اللي اشوفك فيه واخدك في حضني قد ايه
نظرت نورين لها :نور ثم نظرت لعلاء
ثريا :حد قالك قبل كده انك حلوه اوي وفيكي شبه كبير من نورا مامه علاء
نورين :شكرا لحضرتك اه بشمهندس علاء وسيرين دايما بيقولوا لي كده
ثريا :طب حد قالك ان عيونك زي عيون والدك الله يرحمه
نورين بدهشه :حضرتك تعرفي بابا
ثريا بابتسامه بسيطه :علاء قدري حسين المنياوي
نورا تنظر لعلاء بتساؤل
علاء :دي بقي يويا حبيبتي اللي مش بخبي عنها حاجه هي مرات خالي وعمتي في نفس الوقت قاطعته ثريا :وابقى مرات علاء الله يرحمه
نورين :حضرتك مرات بابا
ثريا :ايوه انا وكنت عارفه ان علاء متجوز والدتك وطلبت منه انه يجيبكم تعيشوا معانا بس مات وانا دورت عليكم كتير لحد ما الصدفه شغلتك مع علاء وماعرفناش انك بنت علاء الا بعد وفاه عزيزه الله يرحمها
نورين :حضرتك مرات خال علاء قصدي بشمهندس علاء يعني بابا يبقى خال بشمهندش علاء يعني
علاء :يعني انا ابن عمتك وانت بنت خالي يا نور عرفتي بقى السر في انك شبه ماما
نورين :انا مش مصدقه معقول يعني سيري بنت عمتي
ثريا :وانا مامتك وهعوضك عن كل الحزن اللي عشتيه
سمعوا طرقات علي الباب
علاء: اتفضل دلفت دكتوره نورا وهتفت نورا حمدلله علي سلامتك يا حبيبتي
نورين: الله يسلم حضرتم يا دكتوره نورا
نورا:حضرتك ايه ودكتوره نورا ايه هو انتم ماقولتلهاش ولا ايه انا عمتك يا نورين
نورين:عمتي انا مش مصدقه انا ليه عيله وانت عمتي وسيرين بنت عمتي
علاء:وانا ابن عمتك
نظرت له نورين بخجل
ثريا:وانا بتمني انك تعتبريني مامتك انا هعوضك عن كل الحنان والحب اللي اتحرمتي منهم
نهضت نورين وقامت باحتضان ثريا واخذتها ثريا في حضنها ونامت نورين علي صدرها
نورا:علاء مش يلا بقي علي الشركه تشوف شغلك
علاء:اه طبعا بس انا مش هعرف اشتغل كتير من غير السكرتيره بتاعتي
ثريا:سكرتيره ايه نور ليها نص الشركه
نظرت لها نورين بتعجب
ثريا:ايوه يا حبيبتي انت شريكه في الشركه بنصيب والدك ونصيبي غير الاربحاء اللي كنا بنحطها في البنك من ٢٠ سنه
نورين:انا مش فاهمه حاجه
ثريا:مش وقته يا حبيبتي اما تخرجي من هنا حسام هيفهمك كل حاجه
هنا دلف اياد ومديحه
نورين:ماما مديحه وارتمت في حضنها تيته عزيزه ماتت يا ماما تيته عزيزه سابتنا ومشيت
مديحه:الله يرحمها يا حبيبتي اهدي احنا ما صدقنا انك فوقتي
نظرت نورين وهتفت:اياد حبيبي وحشتني
امتعظ علاء ونظر خلفه وجد شاب يقف خلفه واقترب من نورين وامسك يدها وحضنها
نظرت ثريا الي علاء وجدته في قمه غضبه
ثريا:اياد اخو نورين في الرضاعه
علاء:اهلا وسهلا بيك
اياد:وهو ينظر لعلاء اهلا بحضرتك يا بشمهندس
ثريا:هو عمرو فين عايزين نعرف نور هتطلع امتي
علاء:انا هروح انده لخالي
ثريا:انا وضبت لك احلي اوضه في الفيلا الاوضه اللي جنبي
نورين:لا انا هروح مع اياد وماما مديحه
نورا:لا طبعا ماينفعش انت لازم تروحي معانا ده بيتك وبيت والدك الله يرحمه
هنا دلف علاء وعمرو
علاء:اتفضل يا خالي
ثريا:هه يا عمرو نور هتخرح امتي
عمرو:نور مين
ثريا:نورين
عمرو:هي ممكن تخرج بكره ان شاءالله ولو سمحتوا كلكم اتفضلوا من غير مطرود لانها لازم ترتاح
ثريا:انا هفضل معاها
عمرو:مفيش حد هيفضل معاها
ثريا:ليه يا عمرو
عمرو: ممكن تتفضلوا معايا بره
خرج الجميع
عمرو:لازم نسيبها لوحدها الليله دي تراجع نفسها وتستوعب اللي حصل وحياتها الجديده
ثريا:بس مش غلط انها تبقي لوحدها
عمرو:لا ده احسن يلا بقي
ذهب الجميع وظلت نورين في غرفتها
سمعت طرق علي الباب
نورين:اتفضل
دلف علاء:ممكن ادخل
نورين بابتسامه سعاده:طبعا يا بشمهندس اتفضل
علاء:عامله اية
نورين:متلغبطه مش فاهمه اي حاجه حاسه اني لسه نايمه وبحلم
علاء:ايه اللي انت مش فاهماه وانا افهمهولك
نورين:انا مشاعري متلغبطه مش عارفه انا مين ولما هخرج من هنا ايه اللي هيحصل
علاء:انت نورين قدري حسين المنياوي بنت عمتي ولما تخرجي من هنا هتعيشي في بيتنا اللي هو بيتك وهتلاقي احن قلب تيته ثريا تعرفي هي اللي ربتنا كلنا حتي هي اللي ربت بابا دكتور حسام وهتلاقي لك اخوات بنات سيري ونورا وثريا انت لسه ماقبلتيهمش وطبعا اخواتك الاولاد عمرو وحسام انت تعرفيهم وطبعا جاسر غير بقي انكل مصطفي وخالي عمرو وطنط سو وطنط ياسمين وعمتك نورا انا متاكد انك هتحسي معانا بالحب والحنان
نورين:لما تيته عزيزه كانت بتحكي لي عن بابا الله يرحمه كانت بتقولي برده ان عيلته عيله كبيره واني لو لقيتهم هعيش معاهم في حب وسعاده وان ماما ثريا حنينه وهتعتبرني بنتها
تيته ثريا تبقي عمتي بس هي بتحبنا نقول لها تيته لانها شايفه انها مامه بابا مش اخته هي وخالي علاء الله يرحمه اللي ربوا بابا بعد ما جدي اتوفي وبابا عنره ٣سنين تعرفي انا مش بخبي عنها حاجه دايما كل يوم بعد الشغل لازم اقعد معاها واحكي لها عن يومي كله ومقدرش انام من غير ما اتكلم معاها
نورين:اه عرفت مهي بتقولي نور زيك
مرت الليله وعلاء ونورين يتحدثوا حتي نامت نورين وخرح علاء
عمرو:رايح فين يا بشمهندس
علاء:مفيش يا خالي نورين نامت وقلت اطلع اشرب فنجان قهوه
عمرو:تعالي معايا الكافتريا نشرب قهوه ونتكلم شويه
ذهب علاء مع عمرو الي الكافتريا
عمرو:بص بقي يا علاء انا عملت اللي طلبته مني وخليتهم يروحوا كلهم وانت بس اللي قعدت معاها ممكن اعرف انت ناوي علي ايه
علاء:مش فاهم قصدك ايه يا خالي
عمرو:انت بتحبها يا بشمهندس
علاء بتلعثم:ايه بحبها
عمرو:امال تفسر اللي بتعمله بايه
علاء:والله يا خالي مش عارف حاسس اني مشاعري متلغبطه انا لسه بحب سمر ومش قادر انساها
عمرو:امال بتعلقها بيك ليه
علاء:انت هتقولي زي حسام يا خالي
عمرو:اسمع يا علاء نورين بنت طيبه وحالتها النفسيه ما تسمحش انها تتصدم او تدخل قصه حب فاشله انا بقولك من دلوقت ما تدخلهاش دنيتك لو مش قادر تنسي اللي فات بس من راي انك تنسي وتحاول تبدا من جديد ومشاعر نورين مشاعر بكر
نظر علاء لعمرو وصمت
عمرو:فكر علي مهلك ولما توصل لقرار نفذه يا اما تنسي الماضي او تعيش فيه طول عمرك ويلا بقي قوم روح عشان النهار قرب يطلع ومش عايزهم يشفوك هنا
علاء:تصبح على خيريا خالي
ذهب علاء الي المنزل وصعد غرفته وجد ثريا بانتظاره
علاء:يويا انت لسه صاحيه
ثريا:مستنياك عشان اطمن علي نور
علاء:تطمني علي نور مني انا طب مكلمتيش خالي ليه
ثريا:اوعي تكون فاكرني صدقت حجه خالك واننا لازم نسيبها لوحدها انا كنت عارفه انك عايز تقعد معاها لوحدك
حك علاء مؤخره راسه ونظر لها
ثريا وهي تمسك اذنه عيب عليك يا واد انا اللي مربياك المهم هي عامله ايه
علاء:تمام هي نامت وانا قعدت شويه مع خالي وبعدين روحت
ثريا:ماشي يا حبيبي انا هروح انام واسيبك تانم انت كمان
ذهبت ثريا وتركت علاء يفكر في كلام عمرو له حتي استسلم للنوم
في الصباح ذهبت ثريا ونورا وحسام الي المستشفي وقامواباصطحاب نورين الي الفيلا وعندما وصلوا وجدوا الجميع بانتظارهم وقام حسام بتعريفهم لنورين ووجدت فيهم العائله التي حرمت منها طول حياتها
جلس حسام مع نورين واطلعها علي حقها في الشركه
ورصيدها في البنك الذي بلغ الملايين
في المساء اصر اياد ومديحه علي الرجوع الي الاسكندريه علي وعد بالعوده مره اخري حيث اصر حسام علي تعيين اياد في الشركه مع نورين وعلاء
ذهب الجميع الي غرفتهم ولكن نورين لم تستطيع النوم ذهبت الي غرفه ثريا وطرقت الباب
ثريا:ادخل
دلفت نورين:انا اسفه يا ماما ثريا بس انا مش عارفه انام اصلي كنت بنام في حضن تيته عزيزه
ثريا بابتسامه حب:تعالي يا حبيبتي نامي في حضني ومن النهارده دي اوضتك تنامي معايا وانا هنقل حاجتك بكره هنا
نامت نورين في حضن ثريا وفي ثواني دخلت في ثبات عميق
طرق الباب علاء ثم دلف ولكنه توقف عندما وجد نورين تنام في حضن ثريا
ثريا:تعالي يا علاء
علاء:هي نور نايمه هنا ليه
ثريا:مش بتعرف تنام لوحدها هتنام معايا علي طول واهو فرصه تبقي تشوفها كل يوم قبل ما تنام
علاء:تصبحي علي خير يا يويا
في الصباح كان الجميع يجلسون يتناولون الافطار ونورين تشعر بالسعاده لانه وجدت عائله تحبها
فجأه دخل عليهم جاسر وهو يهتف
جاسر:مصيبه يا علاء
حسام:فيه ايه
جاسر:المعدات اللي وصلت من اليابان بعد ما وردناها للمستشفيات والشركات رجعت لانها غير مطابقه للمواصفات واصحاب الشركات والمعدات بيطالبوا بالشرط الجزائي
علاء:ايه
أنت تقرأ
حبك طريقي
Roman d'amourقاصر عانت كثيرا ترفض الحب والزواج قبل أن تتم السن كي لا تعيد الماضي وهو مجروح من حبيبته رافض للحب ولكن ظهرت له فجاه فاحبها رغم عنه
