حبك طريقي

الفصل الثاني والثلاثون

فزع علاء عندما وجدها فاقده الوعي بين زاعيه
علاء :نورين نورين مالك نورين ردي عليا ولكنه لم يجد استجابه حملها علاء ووضعها على الاريكه الموجوده بمكتبه وحاول ان يفيقها ووضع الماء على وجها ولكن دون جدوى
علاء :طب وبعدين بقى هي مش بتفوق ليه اعمل ايه ثم فجأه هتف :حسام مفيش غيره
التقت علاء هاتفه وقام بالاتصال بحسام
حسام :علاء باشا
علاء :حالا تبقى عندي في الشركه يا حسام
حسام :تاني يا علاء مش هينفع انا لسه مستلم الشغل وابوك وابويا هنا ومن يوم اللي حصل وانا متراقب
علاء :اتصرف يا حسام ربع ساعه وتكون عندي ومعاك العده بتاعتك
حسام :عده ايه بس انت بتكلم سباك
علاء :اخلص يا زفت ما تتاخرش وأغلق علاء الهاتف
حسام :انا لازم اقطع علاقتي بالعيله دي ثم ذهب ليبحث عن نورا
وجد نورا تقف تتحدث مع شخص وتضحك معه
حسام :دكتوره نورا لو سمحتي عايزك
اعتزرت نورا من الشخص الذي تقف معه وذهبت الي حسام
نورا :خير
حسام :مين البني آدم الملزق اللي انت واقفه بتضحكي معاه
نورا :دا دكتور احمد متعين هنا جديد
حسام :وبتضحكي بقى على ايه
نورا :عادي يعني بنتكلم وهو قال كلام يضحك فضحكت
حسام :والله ماشي مش وقته الكلام ده المهم انت وراكي حاجه دلوقت
نورا :اه كنت هروح الكافتيريا اشرب قهوه انا ودكتور احمد
حسام بغضب :نعم يا اختي مفيش قهوه ومفيش احمد انا همشي علاء عايزني في الشركه دلوقت
نورا :تاني يا حسام
حسام :لا اطمني مش عمرو هنا
نورا :اه عنده عمليه
حسام :خلاص يبقى مفيش خناقات المهم انا هروح له وانت هتغطي عليا وعلى الله ارجع الاقيكي بتكلمي اللي اسمه احمد ده فاهمه
نورا :وانت ايه اللي يضايقك يعني مهو انا بكلمك وبقعد معاك في الكافتيريا
حسام :انا ابن عمتك وانت بنت خالي إنما هو مين نورا انا مش فاضي للكلام ده انا هروح اشوف علاء عايز ايه وارجع سلام
اتصرف حسام واتجه الي شركه علاء
نورا بابتسامه :باين كده خطتك هتنجح يا بت يا سيري اما اتصل بيها احكي لها
وصل حسام الي الشركه واتصل بعلاء
علاء :انت فين
حسام :انا تحت الشركه
علاء :طب اطلع على مكتبي حالا
حسام :حاضر
وصعد حسام الي مكتب علاء ودلف الي مكتب سلمي السكرتيره وجد علاء بانتظاره
حسام :امال فين الموزه اللي بتقعد هنا
علاء وهو يجذبه من زراعه داخل مكتبه :مش وقت هزارك ده تعالي معايا
صدم حسام عندما وجد فتاه مستلقيه على الاريكه داخل مكتب علاء
حسام :يخرب بيتك مين دي اوعي تكون خطفتها واغتصبتها البت ما استحملتش وفرفرت في ايدك
علاء بغضب :انت بتخرف بتقول ايه دي موظفه هنا في الشركه
حسام :والموظفه ايه اللي يقعدها لحد دلوقت في الشركه انت وهي وبس
علاء :اخلص يا حسام وشوفها مالها الأول
حسام :ماشي واقترب منها وقام بفك ازرار قميصها العلوي
علاء بغضب :بتعمل ايه يا زفت
حسام :ايه يا بني هكشف عليها
علاء بامتعاظ :طيب يلا اخلص
قام حسام بفحص نورين وقياس النبض والضغط
علاء :ايه مش بتفوق ليه
حسام :لا مهي مش هتفوق
علاء بفزع :ايه ليه هي ماتت
حسام :فال الله ولا فالك يا شيخ حرام الجمال ده يموت دي حتى شبه خالتي نورا اوي
علاء :امال ايه اخلص
حسام :هي عندها هبوط حاد والضغط واطي والنبض كمان وفيه حاجه كده انا شاكك فيها
علاء :والعمل
حسام :لازم ننقلها المستشفى نركب لها محاليل وهناك هتفوق وتبقى كويسه
علاء :لازم ننقلها المستشفي
حسام :اه قولت ايه اتصل بيهم يبعتوا عربيه إسعاف
علاء :لا مش هينفع انت بتقول ابويا هناك وانا مش عايز حد يعرف حاجه
حسام :امال هنعمل ايه
علاء :احنا هننقلها المستشفى بنفسنا وهنكلم عمرو يستنانا في الاستقبال ويدخلها اوضه بسرعه وتركبوا لها المحاليل من غير ما حد يعرف
حسام:مع اني مش مطمن بس يلا بينا وهم ان يحمل نورين
علاء بغضب :بتعمل ايه يا زفت
حسام :هشيلها مش انت قلت هننقلها المستشفى
علاء :حسام اقسم بالله العظيم أن ما اتلميت لاكون انا اللي لامك
وحملها علاء بين زراعيه :روح افتح باب الاسانسير ودلفوا الي الاسانسير ثم فتح له حسام الباب الخلفي للسياره ووضع نورين وجلس أمام عجله القياده وبجانبه حسام
حسام :ممكن تفهمني بقى ايه اللي حصل
قام علاء بسرد ما حدث بينه وبين نورين
في المستشفى كان حسام يمر فوجد نورا
حسام :ازيك يا دكتوره نورا
نورا :الحمد لله ازي حضرتك يا انكل قصدي يا دكتور
حسام :امال حسام فين
نورا بتلعثم :ايه اه هو كان بيلف او تقريبا في العمليات
حسام وهو ينظر لها :نورا
نورا :نعم يا دكتور
حسام :مش بتعرفي تكذبي يلا يا حبيبتي اعترفي حسام راح فين
نورا :بصراحه بقى هو قالي ان علاء طلبه يروح له الشركه بس انا مش عارفه ليه
حسام :تمام اول ما يرجع ييجي لي على مكتبي فورا
نورا :حاضر
وقامت بالاتصال بحسام
حسام:نونه حبيبتي انا جاي في الطريق
نورا :معلش بقى يا سمسم دكتور حسام عرف انك سيبت المستشفى ورحت لعلاء ويقولك اول ما توصل المستشفى تروح له مكتبه على طول
حسام :الله يخرب بيتك يا علاء ابوك عرف اني سيبت الشغل ورحت معاك ومستنيني اما اروح امال لو عرف بالمصيبه اللي معانا دي هيعمل ايه
علاء :اهدي بقى ان شاء الله هتعدي كلم عمرو خليه يستنى عند الاستقبال
اتصل حسام بعمرو
عمرو :ايوه يا حسام
حسام :كويس انك خلصت العمليه انا مع علاء ومعانا حاله وعايزينك تستنى في الاستقبال عشان ندخلها من غير ابوك ما يعرف
عمرو :ليه
حسام :لما نوصل هنبقي نفهمك
عمرو :ماشي يا حسام انا هستناكم في الاستقبال
أغلق حسام الهاتف ثم نظر لعلاء
حسام :وانت ليه عملت معاها كده
علاء :مش عارف لما سمعتها بتتكلم مع اللي اسمه إياد ده في التليفون وانها هتقابله بعد الشغل اتضايقت وعملت كده عشان تتأخر عن المعاد وماتقبلهوش بس مكنتش اعرف ان ده هيحصل
حسام :وانت اتضايقت ليه انت بتحبها
علاء :حب ايه لا طبعا
حسام :بس انت اتضايقت لما لقيتها بتكلم احمد ده وبتضحك معاه
علاء :احمد مين يابني بقولك إياد
حسام :اه إياد ثم شرد حسام وتذكر عندما وجد نورا تتحدث مع احمد وتضحك معه
وصل حسام وعلاء الي المستشفى ووجدوا عمرو في انتظارهم
نزل علاء من السياره وفتح الباب الخلفي وحمل نورين ووضعها على السرير المتحرك ودلفوا بها إلى أقرب غرفه
قام عمرو بفحصها
عمرو :دي غيبوبه سكر باين انها اخدت دواء السكر ومكلتش
حسام :انا برده كنت شاكك في كده
علاء :الله يخرب بيتك شاكك هو انت مش دكتور
عمرو :خلاص يا علاء انا هركب لها المحاليل دي وان شاء الله هتفوق
قاطعهم سماع صوت الميكرفون الداخلي للمستشفى
دكتور حسام عليه التوجه إلى مكتب الاداره للأهميه شكرا
حسام :اه جالك الموت يا تارك الصلاة على فكره يا علاء انا هعترف من اول قلم
ذهب حسام الي مكتب دكتور حسام الكبير
دخل حسام
دكتور حسام :تعالي يا سمسم
حسام :خير يا دكتور
دكتور حسام :كنت فين يا سمسم
حسام :اه كنت كنت
دكتور حسام :ايوه ومن غير كدب
هنا دخلت نورا الكبيره
نورا :فيه حاجه
دكتور حسام :اقعدي يا نورا هه يا سمسم
حسام :انا هقول لحضرتك على كل حاجه
عند نورين
علاء :ايه يا عمرو هي مش بتفوق ليه
عمرو :اهدي يا علاء انا لسه مركب المحلول من ١٠ دقايق
هنا دخل عليهم دكتور حسام ودكتوره نورا
دكتور حسام :مين دي يا علاء
علاء :دي موظفه في الشركه وتعبت فأنا جبتها هنا
دكتور حسام :وانت من امتى لما الموظفين عندك يتعبوا بتجيبهم بنفسك المستشفى
علاء :اصل
دكتور حسام :انت ازاي تعمل كده وتقعد البنت دي في الشركه لوقت متأخر كده وتبقى لوحدك معاها في الشركه اكيد أهلها قلقانين عليها دلوقت
علاء :انا
دكتور حسام :حسابنا بعدين يا باشمهندس ثم نظر لعمرو :ايه يا عمرو عندها ايه
عمرو :دي غيبوبه سكر وهبوط
نورا :يا حبيبتي دي شكلها صغيره اوي إن يبقى عندها سكر
عمرو :هو تقريبا عندها السكر ده وراثي يعني مولوده بيه
دكتور حسام :البنت دي فيها شبه كبير اوي منك يا نورا هي اسمها ايه يا علاء
علاء :نورين
بدأت نورين تتململ وتحاول فتح عيونها
نورين وهبي تمسك براسها :اه انا فين ايه اللي حصل
نورا :حمد الله على السلامة يا حبيبتي انت تعبتي شويه وباشمهندس علاء جابك هنا في المستشفى ما تقلقيش انا دكتوره نورا والدته وده دكتور حسام والده
نورين :انا لازم امشي انا اتاخرت اوي زمان تيته قلقانه عليا
حسام :ماينفعش تمشي يا بنتي لازم تستنى لما المحلول يخلص عشان تقدري تقفي على رجلك
قامت نورين بنزع المحلول من يدها :لا انا لازم امشي ونهضت من على الفراش وتوجهت الي الباب حيث كان يقف علاء وما ان اقتربت منه حتى سقطت مره اخرى بين يديه فاقده الوعي