حبك طريقي

الجزء الثامن والثلاثون

مديحه والده إياد هي سيده في منتصف الخمسينات من عمرها وهي تشبه عزيزه والدتها
إياد :هو شاب في ال٢٦ من عمره فهو وسيم ويعمل مهندس ويعيش هو ووالدته في الاسكندريه حيث ان والدته قامت برعايه نورين مع والدتها عزيزه بعد وفاه صفيه والده نورين
إياد وهو يهتف باسم والدته
إياد :ماما ماما
مديحه :ايه يا حبيبي مالك ايه اللي حصل
إياد :في واحد اتصل من تليفون نورين وقال انها في المستشفى وان تيته عزيزه اتوفت
مديحه بصدمه :ايه امي امي ماتت انت بتقول ايه يا اياد ومين اللي اتصل بيك
إياد :مش عارف انا مفهمتش منه حاجه انا اخدت منه عنوان المستشفى إللي فيها نورين يلا احنا لازم ننزل مصر حالا
في المستشفى
نورا تدخل غرفه نورين
نورا :ايه يا يويا الاخبار
ثريا :زي ما هي يا نورا بس عمرو طمني وقالي انه هيقلل المهدئ عشان تبدأ تفوق
نورا :ان شاء الله تقوم بالسلامة امال علاء فين مش كان هنا
ثريا :علاء وحسام بيجيبوا تليفون نورين من شقتها عشان نكلم اي حد من قرايب عزيزه يمكن نوصل لبنتها مديحه
هنا دخل علاء وحسام
نورا :ايه الاخبار يا علاء وصلتوا لحاجه
علاء :ايوه كان فيه واحد بتكلمه إسمه إياد واحنا كلمناه وهو في الطريق
نورا :طيب تمام انا في مكتبي لو حصل جديد كلموني ثم نظرت لثريا :مش هتقومي ترتاحي يا يويا انت بقى لك كام يوم ما قومتيش من هنا
ثريا :مش هرتاح الا لما تفوق واخدها في حضني
نورا :إللي يريحك يا حبيبتي ثم نطرت لعلاء :يلا يا علاء على شركتك انت رامي الحمل على جاسر
علاء :هه اه طبعا انا رايح اهه بس لما إياد ده يوصل بلغوني
في شركه أخرى منافسه لشركه علاء
عمار :هو مهندس يبلغ من العمر ٢٩ سنه وهو منافس لعلاء ويكرهه كثيرا حيث انه كان زميل له في الجامعه وكان يحب سمر التي يحبها علاء ولكنها فضلت علاء عليه فهو من دبر لحادث وفاه سمر ولكنه كان يقصد علاء ولكن كان للقدر رأي آخر حيث أن السياره صدمت سمر وتوفت أمام عيون علاء وعمار الذي اذداد كرهه لعلاء حيث انه اعتبر ان علاء هو السبب في وفاه سمر
عمار ينظر لشرين التي تجلس أمامه :وايه بقى اللي غير رايك فجأه وخلاكي وافقتي على العرض بتاعي
شيرين :لانه طردني عشان حته بت سنكوحه انا مرضاش اشغلها عندي خدامه رسمت عليه الطيبه والمسكنه وهو وقع في شباكها
عمار :معقول علاء باشا ممكن يحب تاني غير سمر انا كنت عارف انه مكنش يستاهلها
شيرين :المهم انا جبت لحضرتك كل الأوراق الخاصه بصفقه اليابان والأسعار اللي هو عارضها ومواصفات المعدات وكل حاجه وكمان اقدر اخاطب الشركه اليابانيه واخليهم يلغوا الصفقه معاه ويدوهالك
عمار بابتسامه جانبيه :ومين قالك اني عايز اخد منه الصفقه
شيرين :امال عايز ايه
عمار :هي مش المعدات دي هتوردوها للمستشفيات والمراكز الطبيه
شيرين :اه طبعا ده عامل اتفاقيات وعقود بملايين
عمار :ولما المعدات دي توصل بس بمواصفات تانيه
شيرين :يعني ايه
عمار :احنا هنخاطب الشركه اليابانيه ونغير في مواصفات المعدات وبدل ما تبقى معدات درجه اولى تبقى معدات درجه ثالثه وطبعا محدش من المستشفيات ولا المراكز الطبيه هيرضي يستلم منه معدات بمواصفات غير اللي هما متفقين عليها
شيرين :وبكده هو يدفع الشرط الجزائي اللي يوصل لملايين
عمار :وغير كده سمعته في السوق هتقع وأصحاب المستشفيات والمراكز الطبيه هيوقفوا التعامل معاه
شيرين :حلو اوي عشان يعرف انه يوم ما طردني عشان السنكوحه دي غلط غلطه عمره
عمار :تمام انت هتبعني ايميل للشركه وتغيري المواصفات
شيرين :بس ممكن الشركه ترفض لان السعر هينزل
عمار :وليه السعر ينزل السعر زي ما هو المواصفات بس اللي تنزل
شيرين :ياه ده كده ضربه معلم
عمار :احكي لي بقى ايه حكايه البنت اللي بتقولي عليها دي
شيرين :ليه يعني
عمار :عشان هيبقى لي معاه سكه تانيه غير الشغل ولو بيحبها زي ما بتقولي احرمه منها واحرق قلبه عليها زي ما حرمني من سمر
سردت له شيرين ما حدث معها ومع نورين
في المستشفى
وصل إياد ووالدته مديحه الي المستشفى وذهب إياد الي مكتب الاستقبال
إياد :من فضلك الانسه نورين اوضه كام
عامل الاستقبال :غرفه.......... الدور الخامس
إياد :شكرا
ثم ذهب إلى والدته
إياد :يلا يا ماما
توجهوا الي المصعد ودلفوا اليه حتى وصل إلى الدور الخامس وبحثوا عن الغرفه فوجدوها وطرقوا على الباب
ثريا :ادخل
دلف إياد ووالدته الي الداخل
ثريا :مديحه
مديحه :دكتوره ثريا
وارتمت مديحه في حضن ثريا وبكت
ثريا :البقاء لله يا حبيبتي
مديحه :ونعم بالله ثم نظرت الي نورين النائمه
مديحه :نورين مالها حصل لها ايه
ثريا :ما تخافيش هي كويسه بس الصدمه كانت جامده عليها هي نايمه عشان المهدئ وان شاء الله هتقوم وتبقى كويسه
مديحه :انتم وصلتوا ليها ازاي
سردت ثريا لمديحه ما حدث معهم منذ لقاء علاء بنورين وحتى الآن
مديحه :انا مش مصدقه معقول الصدفه تعمل كده تخلي نورين تشتغل في شركه ابن عمتها وهي ما تعرفش
نورا :هي لسه ما تعرفش انه ابن عمتها
مديحه :هي بقى لها قد ايه كده
نورا :بقى لها ٤ ايام
مديحه :وهي تفوق امتى
ثريا :مش عارفه بس لما مفعول المهدئات يروح ان شاء الله تقوم بالسلامة
ثم نظرت الي إياد
مديحه :ده إياد ابني ويبقى اخو نورين في الرضاعه
ثريا :اهلا يا ابني بس باين انه اكبر منها
مديحه :اه مهي صفيه الله يرحمها لما ولدت نورين كانت تعبانه اوي ومقدرتش ترضعها وبنتي غاده كانت عندها ٤ شهور فرضعتها مع غاده وبقت نورين اخت إياد وغاده في الرضاعه
ثريا :انا مش متصوره ان بنت علاء يحصل لها كل ده وهي بعيده عني
مديحه :الحمد لله انكم قابلتوا بعض
إياد :هو انا ممكن اقابل الدكتور اللي بيتابع حالتها
ثريا :طبعا دكتور عمرو رئيس قسم الأمراض النفسيه
إياد :تمام عن اذنكم
خرج إياد من الغرفه وتوجه الي احدي الممرضات ليسالها عن مكتب دكتور عمرو ولكنه صدم في فتاه كانت تسير بسرعه وهي سيرين
إياد :انا اسف جدا
سيرين :ولا يهمك حضرتك بتدور على حاجه
إياد :اه دكتور عمرو
سيرين :دكتور عمرو الكبير ولا الصغير
إياد :مش فاهم
سيرين بابتسامه :فيه دكتور عمرو رئيس قسم النفسي وفيه قاطعها إياد :اه هو ده
سيرين :مكتبه في الدور الرابع
إياد :شكرا لحضرتك
سيرين :ولا يهمك
ذهب إياد ثم نظر خلفه على سيرين فهي ذكرته بنورين نزل على الدرج ووصل الي مكتب دكتور عمرو وطرق الباب
عمرو من الداخل :اتفضل
دخل إياد
إياد :حضرتك دكتور عمرو
دكتور عمرو :تحت امر حضرتك
إياد :انا إياد اخو انسه انورين
عمرو :اهلا وسهلا بيك حمد الله على السلامة والبقاء لله في وفاه جدتك
إياد :ونعم بالله انا كنت عايز اعرف من حضرتك حاله نورين
عمرو :نورين اتعرضت لصدمه عصبيه ودخلتها في انهيار عصبي حاد خلاها رافضه الواقع ورافضه اللي حصل واحنا بنديها مهدئات عشان اعصابها تهدي وترتاح وتقدر تتقبل الواقع بس انا من امبارح قللت جرعه المهدئات والنهارده ماخدتش اي مهدئ وان شاء الله متوقع انها تفوق بكره
إياد :انا عرفت ان دكتوره انورين تبقى عمتها وان انتم أهل والدها الله يرحمه يا ترى معرفتها لموضوع زي ده هيأثر عليها تاني
عمرو :بالعكس ده هيساعدها كتير لأن اللي حصل خلاها تحس انها بقت لوحدها في الدنيا
وظل إياد يتحدث مع عمرو
في غرفه نورين
أتت نورا ووجدت مديحه
نورا :مديحه
مديحه :دكتوره نورا وارتموا في أحضان بعض وبكت نورا
ثريا :خلاص يا بنات كفايه عياط البنت ممكن تفوق في اي لحظه ماتفوفش تلاقيكم بتعيطوا
نورا :خلاص يا يويا
هنا دخل إياد ومعه عمرو
عمرو :نورا حبيبتي انت ودكتوره ثريا واستاذ إياد ومدام مديحه لازم تروحوا
نورا :ليه
عمرو :نورين هتفوق بكره ان شاء الله وانا عايزها لما تفوق علاء يبقى لوحده إللي معاها ويفهمها الموضوع بالراحه
نورا :وليه علاء مش انا ولا ثريا او حتى مديحه
عمرو :لا مدام مديحه واستاذ إياد ماينفعش تشوفهم الا لما تفوق وتعرف الحقيقه عشان ما ترجعش تزعل وتفتكر جدتها الله يرحمها اما بخصوص علاء انا من كلامي معاه حسيت انها بترتاح في الكلام معاه وانه قريب منها
إياد :قريب منها ازاي يعني
عمرو :هي كانت بتشتغل معاه في الشركه
إياد بامتعاظ :اه ماشي لو ده في مصلحتها
نورا :خلاص يلا بينا كلنا نروح على الفيلا
مديحه :لا يا دكتوره نورا احنا هنروح على شقه ماما الله يرحمها
ثريا :ما يصحش يا مديحه انتم لازم تيجوا معانا حتى على الاقل لحد ما نورين تقوم بالسلامه واحنا بكره ان شاء الله هنيجي مع بعض
ومرت الساعات وأتى علاء الي المستشفى
عمرو :انت هتدخل لها دلوقت لأنها ممكن تفوق في اي وقت
علاء :تمام يا خالي
عمرو :انت عارف هتعمل ايه
علاء :ربنا يسهل ان شاء
عمرو :لو حسيت في اي لحظه انها تعبت او اعصابها هتنهار تنادي عليا على طول انا سمعت كلامك ومشيتهم كلهم عشان انت طلبت انك تكون معاها لما تفوق
علاء :ما تقلقش يا خالي
عمرو :يلا اتفضل
دلف علاء الي غرفت نورين وهي نائمه فجلس بجوارها وامسك يدها
علاء :نور تعرفي ان دي اول مره ابقى معاكي لوحدك بعد اللي حصل انا اسف انا قريت الكلام اللي كنت كتباه انا مكنتش اعرف انك بتحبيني انا مش عارف انت وخداني ورايحه على فين انا قلبي مقفول ومتعلق بسمر الله يرحمها بس مش عارف ايه اللي بيشدني ليكي يمكن عشان بنت خالي مش عارف ليه وانا بعيد عنك ببقى مشغول بيكي انا خايف اجرحك انا تايه يا نور حاسس بالذنب انك اتعلقتي بيا انا مكنش قصدي اعلقك بيا
ومرت الساعات واشرقت الشمس لتعلن عن يوم جديد وكان علاء ينام بجوارها وممسك بيدها
وهنا بدأت نورين تتململ في نومها وفتحت عيونها ثم اغلقتها 
نورين :علاء ما تسبنيش خليك معايا هات ايدك
فاق علاء على صوتها :نور نور انت سمعاني
فتحت نورين عيونها ونظرت له
نورين :علاء
ابتسم علاء ونظر لها: حمد الله على السلامة
نورين : اسفه قصدي علاء باشا
علاء :اول مره تقولي لي علاء باشا على طول بتقولي لي يا بشمهندس
أمسكت نورين راسها :اه انا مش بحلم صح تيته عزيزه ماتت
علاء :هي اكيد حاسه بيكي ربنا يرحمها وعايزاكي تقومي
ابتسمت نورين ونظرت لعلاء
علاء :بتضحكي على ايه
نورين :مفيش اصل كل ما افتح عيوني الاقيك قدامي
علاء :اه صحيح تصدقي بس انا ماخدتش بالي بس اللي اخدت بالي منه إنك برده بتقعي في حضني
نورين :بجد
علاء :اه والمره دي برده مرتين وكل مره انا اللي بشيلك
خجلت نورين واغمصت عيونها
علاء :مالك حاسه بحاجه
نورين :لا بس حاسه اني كنت بحلم اني في مكان بعيد اوي ومش عارفه ارجع منه وانت كنت قدامي وبتنادي عليا وانا مش عارفه اوصل لك بس كان فيه واحده بتحاول تساعدني انا حاسه اني عارفاها وبتمد اديها ليا وعايزه تحضني
طرق عمرو الباب
علاء :اتفضل
دلف عمرو الي الداخل :صباح الخير حمد الله على السلامة اخبارنا ايه النهارده
علاء :ده خالي دكتور عمرو وهو اللي كان بيتابعك الايام اللي فاتت
نورين :الله يسلم حضرتك انا الحمد لله بخير
عمرو :الحمد لله فيه واحده عايزه تشوفك وتطمن عليكي
نورين :مين دي
عمرو :هخليها تتفضل وهي هتعرفك على نفسها
خرج عمرو
نورين :مين دي يا ترى
علاء :هنعرف دلوقت
دلفت ثريا الي الغرفه
نورين :إنت