آدم ( تنهد ) : خصنا نلقاو شي حل ف اقرب وقت .. انا ماكايهمني والو... انتزوج بيك ف اقرب وقت ممكن .. و لكن شحال قدني نبقى مخبيك على ماما ..
يالاه جات رغدة تهضر و حسات بالتيليفون ف جيبها ڤيبرآ ... جبداتو و لقات رسالة من إجلال
إجلال : اجي عندي دابا نتي و آدم ...
رغدة ( هزات راسها ف آدم ) : إجلال ..
آدم ( بنظرة تساؤل ) : مالهاا ؟؟
رغدة ( هزات كتافها بعدم إدراك ) : ماعرفتش قالت ليا اجي عندي نتي و آدم ..
آدم : انا وياك ؟؟ عيطي ليها عييطي ...
دوزات رغدة رقم اجلال و تسناتها حتى جاوبات
إجلال : رغدة ...
رغدة : إجلال شنو واقع ؟؟
إجلال : اجي عندي دابا ... و ها انا انعيط ل آدم يجي حتى هو ...
رغدة : ها انا معاه ..
إجلال : كيدرتي خرجتي ؟؟
رغدة : قصة طوييلة دابا نعاود لك ...
إجلال : هااه ... ايوا صافي شوفي منين توصلوو طلعي عندي بوحدك و آدم حتى نعيطوو ليه باش يطلع
رغدة : علاش بعداا ؟؟؟
إجلال : حتى تجي و تعرفييي ...
قطعات عليها و هي تشوف ف آدم .. حركات راسها و ميلات شفايفها بمعنى انها مافهماتش ...
آدم ( كام كيسمع الهضرة حيت مجهدة ) : صافي ... دوزي نمشيو ...
ناضت رغدة من فوق رجلين آدم و هو وقف و مشى حل البلاكار ديالو باش يلبس ... جبد سروال و لاوحو فوق الفرشة ... و دار يديه على الشورط .... و هي تغوووت رغدة بجهد
رغدة ( و هي دايرة يدها على عينها ) : اييييه .... صبببر ....
عطااتو بالظهر و بدات تسمع قهقاهته ...
آدم : ا هاااانية حتى نتي. ههههههه
رغدة : تتت لالاا لا حشووووومة
بقى آدم كيضحك و ف نفس الوقت كان كيبدل .. حتى سالاا . . و هو يقرب ليها بشوية بلا ماتسمعو او تحس بيه و لولااا يديه على خصرهااا و طبع قبلة ف عنقهاا ...
حسات هي بواحد القشعريرة سرات على جسدهاا ... و دارت عندوو . .
رغدة ( و اللون الاحمر طاغي على وجهها ) : امم ساليتي ..
آدم : امم ... ههه ساااليت
رغدة : نمشيو ؟؟
آدم ( كيتكلم و هو مازال مدور يديه على خصرها و كيشوف ليها ف عينها مباااشرة ) : لي بغيتي
رغدة ( كاتحاول تتهرب بعينها ) :اممم صافي .. يالاه ...
قضم شفته السفليية و هو يشد ليها ف يديها ... و خرجوو و هوما مقابطين ...حتى ركبو ف السيارة ... و قلع آدم ب نفس سرعته المعهووودة ... حتى شد طريق السيار ... ما هي الا دقائق ..و كان وصل للبلاصة د الخلاص ... بقا مبعددد على على السيارة لي قدامو ... غير هي دازت .... وهو يتبعهااا طااااير و خلا موراه العجاج ... شافت فيه رغدة و هي مقوسة حواجبها
رغدة : قلت راه غير جاب ليا الله و لكن ديما فينما كانكون معاك ماكاتخلصش ...
آدم ( شاف فيها و هو كيضحك ) : هههههه اه ماكانخلصش ...
رغدة ( خرجات ليه لسانها ) : زقراااام
آدم : زقرام ؟؟؟؟ ههههههه ا بنتي انا غييير كيعجبني نهرب و صافي .. اما شحال على عشرين و لا 15 درهم ؟؟؟
رغدة : ههههه واااا زقراااام ...
بقات كاتخرج ليه ف لسانها ب مرح حتى شاف فيها و هضر و خلاها تندم لاش خرجات لسانها ...
آدم : داااك اللسااان ... خصني ناكلووو لك .. و راكي عارفة الماكلة ديالي كيدايرة ...
ختم آدم جملته ب ابتسامة ماكرة و غمزة .... خلاهاااا تسرط لسانها بلا هواها .. وجهها تززنگ ... شافهااا و بداا كيضحك ب خفوت .... حتى وصلوو قدام بيت إجلال ... ووقف آدم ... هزات هي هاتفها و اتصلت بيها ...
رغدة : الووو اجلال انا وصلت ..
إجلال : صااافي ... تسناي انا نازلة عندك ..
نزلات عندها إجلال .... و خرجات رغدة من السياارة ... ومشات كاتجري و تلاااحت على إجلال و هومااا بزووووج معنقيين بعضياتهم ... ومغمضين عينيهم
إجلال ( و هي كاتشم ريييحة د رغدة ) : اوووووف شحال تووووحشتك
رغدة : حتتتتتى اااااااناااااااااا
إجلال ( بعدات على رغدة و شدات ف يديها ) : نطلعوو ؟؟
رغدة ( دارت شافت ف آدم و شيرات ليه ) : اهم يالاه ...
إجلال حتى هي شافت ف آدم و شيرات ليه و طلعو بزووج .... دخلو و هي تشوف رغدة مت إجلال و هي تحبس و رجعات زوج خطوات للور ...شافت فيها اجلال بقلق
إجلال : مالك ؟؟ (دورات و جهها و شافتها فين كاتشوف ) ا دخلي دخلي ...
بقات رغدة مسمرة ف بلاصتها و مساعمها كاتردد رغدة شيطان شيطاااان ... شيطااان ابتلعت ريقها و حركات راسها من اليمين لليسار
رغدة : تت لاء ... انا ... انا انمشي حسن ....
إجلال ( بتأفف ) : هووف .... رغدة .. رغدة
رغدة عطاتها بالظهر و تمات خاارجة ... حتى وقفها صوت بشرى ...
بشرى : رغدة حبسي ا بنتي ...
إجلال( شداتها من يديهآا ) : دخلي ا رغدة
رغدة ( ضغطات على سنانها ) : إجلا ا ا ا ل ... صافييي ..
بشرى : رغدة .. حنا هنا باش نعاونوك ...
رغدة شافت فيها و من بعد شافت ف إجلال ... هاد الاخيرة لي حاولات تطمنها ب عينها ..
إجلال : دخلي ا رغدة .. و غادي تفهمي كلشي ...
بقات رغدة كاتشوف فيهم ... حتى حركات راسها بالايجاب ... و هي ترسم ابتسامة على وجه إجلال ... و جراتها و دخلو للداخل ... جلسات رغدة .. و بقات كاتشوف فيهم و كاتسناهم يهضرو ... بشرى قربات ل رغدة ... وشدات ف يدها ..
بشرى : بنتي ... اه بنتي كبرتي قدام عيني ... عارفة راسي غلطت داك النهار ... و لكن ..
رغدة : و لكن آش ا خالتي بشرى ؟؟ علاش كلكم كاتقولي ليا شيطان ؟؟ علاش شنو درت ؟ باش آذيتكم ؟
بشرى ( بتعجب ) : شكون قالها لك ؟؟
رغدة ( تنهدات ) : امم .. ماكيهمش ..
بشرى : تت لا انا كيهمني ا رغدة شكون قالها لك ؟؟
رغدة ( حنات راسها ب حزن ) : لينا ...
بشرى : لينا ؟؟؟؟
رغدة : اهمم ...
رجعات بشرى للور و تنهدات ..
بشرى : رغدة .. إجلال عاودات ليها على داكشي لي كايوقع ليك .. نتي وو ...
إجلال : آدم ..
بشرى : اه .. آدم
رغدة خرجات عينها ف إجلال ... و هي تبدا تهز كتافها ... بمعنى مادارت تا حاجة ... جمعات رغدة شفايفها و صغرات عينها فيها .. بحالا كاتحلف فيها ..
بشرى : ماتقلقيييش منها .. حنا بغينا نعاونوكم .... ها هو دابا شوية غادي يجي كريم .. و غادي نلقاو حل
رغدة : بحالاش هاد الحل ؟؟ مافهمتش ...
إجلال : رغدة رغدة .... شوفيي ..
حيدات إجلال ديك القلادة من عنقها .. و هزات يدها و غمضات عينها و هي مركزة ... بقات رغدة حاضياها ... حتى كاتشوف الصاك دياها كيطييير ...
رغدة : نووووووووو !!!!
حلات رغدة عينها ب ذهول ... مامتيييقاش هادشي لي كاتشوف ...
رغدة : تت ... ما ا ا يمكنششش .. إجلال ...
دارت يدها على فمها ... و إجلال حلات عينها و هبطات يدها و هو يهبط الصاك ...
إجلال ( بابتسامة ) : كي جيتك ...
رغدة : هههههههه كاضحكي عليا لا ؟؟
بشرى : يقدر يجيك هادشي فشكل ... و لكن حنا سَحَرة ...
رغدة : اوييييلي على سحارة ؟؟؟؟
بشرى ( ضحكات بخفوت ) : هههه ماشي فين مشى بالك هههه ... المهم هادشي حنا كنورتوه من جدودنا ... انا و عمك كريم .. بزوجنا سحرة ... و إجلال حتى هي .. غير انا ماكنتش باغاها تعرف ... و هاد القلادة كانت حامياها ... انا بدوري ... اي حاجة كاتكون فشكل كانحس بيها ... مافهمتش .. ينعني كبرتي قدامي .. و لكن تال داك النهار عاد وقع داكشي ... نتي فيك السحر الاسود ...
رغدة : السحر الاسود ؟؟؟؟؟
بشرى : اهممم .. نتي و داك الولد آدم ... و منين كاتكونو مجموعين .. كيكون السحر قوييييي ... قوي ل درجة خلا القلادة لي حامية انا بيها إجلال تهرس ... قوي لدرجة ... خلاها تفقد الوعي ..
رغدة : و...ولكن انا ..( دارت يدها على راسها و حركاتو برفض ) تتت انا .. مافهمت والو ..
بشرى غادي تفهمي كلشي ... غير صبريي ...
رغدة ( حنات راسها و دارتو بين يدهااا ) : علااااش انا لي كيوقع ليا هاكااا ...
بشرى : ماعرفتش .... قلبت ف الكتوبة ... و واالو ... بقاو لينا دوك الكتب لي بالهيروغليفية حتى نعطيهم ليك ... المهم دابا انا بغيت غير باش نصنع ليك سِوار لي غادي يقدر يحميك و ماغاديش يخلي داك السحر الاسود يسيطر عليك ... انا ماعارفاش اشنو وقع ليك .. و مانقدرش نقول ... تقدري نتي تكوني عارفة ...
رغدة : راه كان عندي واحد البراصلي ... و واحد النهار حرقني ... و حيدتو ..
بقات بشرى ساكتة و كاتشوف فيها ... بقات كاتفكر ...
بشرى : من وقتاش و هو عندك هاد السوار ؟؟
رغدة : اممم ... منين كنت صغيرة ... د الذهب .. عمري حيدتو و ماما ماكاتخلينيش نحيدو .. و لكن مؤخراً باش طرا ليا هادشي .. و حرقني ماما خباتو ..
بشرى : همممم .. واش من مور ما تلاقيتي آدم ؟؟؟
رغدة : اه ..
بشرى : فهمت ... داك السوار كان كيحميك من شي حاجة و فيه شي تعويذة ... داكشي لي كنت اندير انا ... ولكن مزيان منين قلتيها .. غادي نحاولو نديرو لك تعويذة لي ماتكسرش بهاد السهولة .. المهم نتي منين تقراي الكتوبة .. تقدري تلقاي فيهم شي حاجة ديك الساع تقدري تقولي ليا ... حيت مايمكنش ليا مثلا .. نحيد منك هاد السحر الاسود و انا ماعارفاش شنو السبب ... و شكون مولاه ...
رغدة : فكرتيني ا خالتي ... اليوم آدم قال ليااا بعد المرات كانبدا نقول شي هضرة ف شكل و كاننسى ... يعني ماكانعقلش على راسي منين قلت داكشي
بشرى : اممم ... هاداك التأثير دالسحر الاسود اتكوني منين تحت من واحد الظروف معينة هو فين كيوقع لك هاكا ... و كيحضر الجانب المظلم فيك ... داكشي علاش ماكاتعقليش على راسك ...
و هي مازال كاتهضر و هو يدخل اب إجلال .. رجل ف أواخر الاربعينيات ... كاتبان فيه صغر من عمرووو حيت مهلي فراسو بزاف .... دهل وهو هاز معاه كيس ورقي صغييير .. دخل و سلم عليهم و على رغدة .. و جلس ...
بشرى : كريم .... خصنااا نديرو ل رغدة تعويذة قووية ... على حساب مافهمت ... مها و باهاا عارفين شي حاجة و كانو دايرين ليها شي سوار .. داكشي علاش حنا عمرناا حسيناا ب شي حاجة فشكل فيها ... حتى حرقها داك السواار ...
كريم ( دار يديه على لحيته ) : حرقهاا ... حيت السحر الاسود لي فيها ولا قوي بزاف ل درجة ديك التعويذة مابقاتش خدامة .... ( شاف ف إجلال ) بنتي ... خصناا ب ثلاثة نتعاونو باش نديرو لها تعويذة قوية ....
إجلال : ولكن ... ا بابا ... انا ماكانعرفش ... لي كانعرف غير نطيير الحوايج من بلاصتهم
بشرى ( شدات ل يد إجلال) : حتى حد ما تزاد معلم ... نتي بنتناا .... و كيفماا حنا قوييين .... متأكدة انك نتي اقوى مناا ... و كلشي ساهل .... غادي ترددي معانا الكلماات لي غانقولو ليك ...
إجلال ( هزات كتافها ببطء وحركات راسها بالايجاب ) : اممم ... صافي .. مادام هادشي على قبل ختي ... انا مستعدة ...
كريم ناض و جاب كرسي ... و شاف ف رغدة ...
كريم : رغدة ... اجي جلسي هنا
اشار نحو الكرسي و رغدة ابتلعت ريقها و جلسات فيه .... ناضت بشرى ووقفو كان كريم قدامها و بشرى موراها ... نزلو يديهم على راسها ... و غمضو عينيهم بزوووج ... و بدا كيرددو بعض التعويذااات بشوية .... حتى حسووو بحالا شي حد حبسهم و فنفس الوقت بحال شي قوة دفعاتهم من بلاصتهم. .... ... و هوما يحبسوو ... و بزوج بيهم شافو ف بعضياتهم ف دقة وحدة ب قلق ....
نظرات اجلال بقاو محصورين بين مها و باها .... شافت فيهم حتى هي ب قلق و هضرات ..
إجلال : ماما ... بابا مالكم ...
بشرى ( حركات راسها من اليمين لليسار برفض تااام ) : تت لا لا ... مانقدرش نديرهاااا
كريم : بشررررى ...
بشرى ( خرجات فيه عينها) : كرييييييم ..صااافي
رغدة ( هزات عينها فيهم بعدم فهم) : شنوو واقع ؟؟؟؟
كريم : بشرى ... علاش كاتصعبي الامور ؟؟؟ راه حنا ثلاثة دابا ماشي غير انا وياك ... معانا اجلال ...
بشرى : انااا ... ( غمضات عينها و حطات يدها على راسها و حناتو و زفرات بعمق ) انا ماظنييييتش السحر قوي ل هاد الدرجة. .. اه اه .. عرفتو قوي ولكن ماشي هاااكا ... هادااا سحر الااااف السنين مااايمكنش يكون سحر تزاد فيهااا ...
رغدة ( شداتها الخلعة و دارت يدها على قلبها ) : خالتي ... عمي قولو ليا اش واقع ...
ماجاوبووش رغدة و هي تهضر إجلال ...
إجلال : مااما .. ياك قلتي لياا غادي تعاونيها ... عافاك ماتخليهاش ف نص الطريق ... عافاك ا ماما ...
شافت فيها بتوسل ...
كريم : رغدة بحال بنتناا ... مانقدرش نخليهاا هاكا ا بشرى ... على الاقل نحاولو ... تعويذة مؤقتة ... باش رغدة ماتآذيش راسها و تآذي الناس لي حولها .... راكي عارفة إجلال ماتقدرش تعيش ب لا رغدة .. و رغدة ماتقدرش تعيش بلا إجلال .. ف عاااافاك. .. خليناااا غير نحاولووو ...
زفرااات بشرى بعممممق ...
بشرى : هووووفففف .. اووووف صاااااافي ...
إجلال مشات عند رغدة و شدات ليها ف يديها ...
إجلال : كلللشي ايولي مزيااان ...
ابتسمت ليها رغدة واخا مافهماتش اش واقع ....
دخلو كاملين للصالة و كريم جبد داك الكيس الورقي لي كان مدخلو معاه ف الاول و جبد منو سواار ذهبي .... حطو مخدة ف الوسط ... و داروه فوق منها هبطو الشراجم حتى ولات الدار مظلمة و شعلوو واحد الشمعااات ... و جلسو بثلاثة ف الارض و تقاابطووو ... كانو خبروو إجلال ب كلمات الخاصين ب هاد التعويذة باش ترددهم .... داكشي لي كان ... بقاااو كيرددوهم .... حتى ل واحد اللحظة ... إجلال بداا كينزل الدم من عييينها .... بشرى شافت ف كريم و هوما مازال كقولو ف التعويذة ... و خرجات فيه عينيه ... ضغط على يديهم بزووووج و كأنهم زاد عطى قوة اكثر هو و بشرى ... باش متآداااش إجلال ... حيت التعويذة كانت صعييييبة عليها بزااااف كانت قوية ... لكن بقااات كاتقاوم واخا حسااات بنفسهاا بدات تشدهاا السخفة ... لكن كل ماكاتفكر ف أنها من اجل رغدة ... كاتزيييد تقاااوم .... بشرى قواهااا بدات كاتنفذ هي الاخرى و الدم نزل ليها من عينيها .... خدا كريم نفس عميييييق ..... و بقااا متمسك بيهم بزووووج حتى سالااات التعويذة ... و طاااحت بشرى و إجلال على ظهرهم سخفاااانين ...
شافت فيهم رغدة و نزلات يد على صدرهااا و يد دارتها على فمهاا كاتمة بيها شهقتها ..
رغدة : هءءءء .... ش .. شنو وقع ليهم ؟؟؟ مالهم ؟؟؟
كريم ( كينهج ) : ها هوماا غادي يفيقو دابا شوية .... دارو مجهوووود كبييير ... ماقدراتش الطاقة ديالهم تحملوو ...
رغدة ( عضات على شفايفها و غمضات عينها ) : سمحووو لياااا بزااااف ... ا..انا ماكنتش باغا هادشي يطراا ...
كريم ( وقف و دار يديه على راس رغدة ) : ماكاينش الفرق بينك و بين إجلال ... راكي بحااال بنتي كبرتي قدام عيني .. و بالنسبة ليااا نتوما بزوج ف مقام واحد .... ماغاديش نبغي ل بنتي الاذى كيما ماغانبغيهش لييك ...
رغدة علااقتهاا قوييية ب أب إجلال فعلاااا ف المقااام د باااهاااا و مضاااصرة معاه بزااف ... يعني بحال علاقة اي بنت ب الاب ديالها ... و خاصة انه هو كووول بزاااف و قريب ل إجلال كيخرج. معااهم شي مراات بحال صديقهم و نظرا ل انشغال محمد ف بعض الاحيان منين كيبغيو رغدة و إجلال يمشيو ل شي بلاصة ... كايديهم هو. .. لواات يديهاا على خصره و عنقاااتو ...
رغدة : شكراااا ا عميييي بزاااف ...
دوز يديه على شعرررها بحنااان ..
كريم : قولي ليااا واش هاداك الولد لي جا معاك .. باقي لتحت ؟؟؟
رغدة : ااه .. مازال واش نقولو يطلع ...
كريم : تت .... انا غادي ننزل نهضر معاه ... دابا إجلال و بشرى مايقدروش يديرو تعويذة اخرى ....
كريم : المهم .... ( ربت على راسها ) انا غاننزل عندو ...
رغدة : كاتعرفوو ف وجهو بعدا ؟؟؟
كريم : تت .... و لكن غانعرفو ...
نزل كريم .... و حل باب العمارة و وقف تماك .... غمض عينيه و حاول يصنع تواصل مع الطبييييعة .... حتى مابقا كيسمع وااالو ... من غير صوت الريااح ... و الشجر كيتحرك ... ولكن ف وسط هاد الاصوات ... سمع بعض الهمسات حل عينيه .... و شاف منين جاي الصوت .... شاف سيارة مركنة ف الناحية الاخرى .... و هو يقطع الشانطي و مشى ل عنده مقصد .. كان ف ديك اللحظة آدم داير يديه و راسو على مقود السيارة ... حتى سمع واحد الدقات خفاف على باب السيارة .... هز راسو ... و شاف راجل غريب واقف عقد حواجبه بتسائل ... و نزل الشرجم ..
آدم : السلام عليكم !!
بقا كريم سااااكت كيشوف فيه ... و هو يبتسم ...
كريم : و عليكم السلام، انا كريم بابات إجلال
آدم ( بقا ساكت كيشوف فيه عاد تكلم ) : ا...ااه اه ... متشرفين
كريم : اممم يمكن نهضر معاك .. شوية ...
آدم ( هز راسو ب موافقة ) : yeah .. sure ... ( اه اكيد ) طلع ...
حل ليه آدم الباب و مشى كريم للجهة لاخرى و طلع .... جلس و بقا كيشوف قدامو و هو راسم على وجهو ابتسامة هادئة ... مرر لسانه على شفايفو ب خفة و دور وجهو شاف ف آدم . .
آدم : اممم ... فين رغدة ؟؟؟
كريم : الفوق ...
آدم : امممم ...اذن !! ماغاتقولش ليا شنو واقع ...
كريم : كانظن شفتي اشنو وقع ل إجلال داك النهار ..
آدم : اه .. شفت و ... كانظن يمكن هادشي عندو علاقة بيناا ... حيت من نهار تلاقيت انا ورغدة و شي حوايج فشكل ولاو كيطراو .. يعني ماغاديش نستغرب ايلا قلتي ليا اه حنا السباب ...
كريم : المهم ... ندخلو صلب الموضوع ... حناا سَحَرة ...ماشي بمعنى شوااافين و لا مشعويدين كيف معروف ... حنا عندناا هبة من الطبيعة ...عندنا واحد القوة لي تعطات لينا باش نستعملوها ف مسائل مزيانة و لي تمادى فينااا ... و دار شي حاجة لي تقدرر تسبب خلل ف الطبيعة ... هي بنفسها كاتنتقم منوو .. و كاتصيفط ليه شي حدث لي كييييرجع عليه كاااع داكشي الخايب ...
آدم بقاااا موسع عيييينيه و هو سااااكت ... عاد حرك راسوو من الاعلى للاسفل ببطء ...
كريم : مافهمتيش ولا ماتيقتيش ؟؟؟
آدم : لا لا ... فهمت .. و تيقت ، يعني دزت من حوايج فشكل و وليت نتيق اي حااااجة ... كون جيتيني ف واحد الوقت انقولك اش كاتخربق علياا ...
كريم ( بإبتسامة ) : مزيان ... لا انا لا بشرى عندنا نفس القوة .... و حتى اجلال ... غير هو ... امم كيفاش نشرح ليك ... بغينا نبعدوهااا على هادشي ... و كنا دايرين ليها قلادة باش تكبت قوتها السحرية .... حيت لا ماكنتيش عارف ف أي لحظة تعصبتي تقدر تفقد السيطرة على نفسك و يوقعو شي حوايج خايبين ...
آدم : نفسها القلادة لي تهرسات ليها ف عنقها ؟؟
كريم : اه ... نفسها ... على حسب ما استنتجت ... حيت رغدة و اجلال من صغرهم و هوما صحاب ... عمر وقعات ليها شي حاجة هاكا ... حتى بنتي نتاا و كنتي نتا و رغدة معاهاا ...
آدم : فهمت ولكن ... انا فايت كنت معاهم بزوج واحد النهار ...
كريم : كنتي يالاه تلاقيتي ب رغدة ؟؟
آدم : امممم ... تقريبا كانت ثاني مرة انشوفها فيها ...
كريم : عادي ... نتوما ماحدكم كاتلاقاو ب بعضياتكم ... و السحر الاسود لي فيكم غادي و كيكبر
آدم : السحر الاسود ؟؟؟؟
كريم : اه ... نتا وياها بزوج بيكم فيكم سحر اسود ... و لكن رغدة .... فيهااااا بزااااااف ... حاليا درنا ليها واحد التعويذة لي تقدر تحبس داك السحر الاسود لي فيها مؤقتااا ... و كناا باغيين نديروها ليك حتى نتاا و لكن ... إجلال و بشرى ... دارو مجهووود كبير ... و حاليا مايقدرو يعاودو يديرو شي تعويذة جديدة تا دوز شي اسبوع ...
آدم : امم اوكاي ... ولكن واش ماعارفش السبب د هادشي لي كيوقع لينا ؟؟؟
كريم : تت ... ماعندي حتى فكرة ... تقدرو نتوما تكونو عارفيين اشنو بيكم .. شي حاجة تكونو شفتوها بزوج ... على حساب ما حكات لنااا اجلال داكشي ... كان مبهم شوية مافهمتش مزيان و لكن جاتنا احتمالية ف راسنا يقدر يكون التقمص ...
آدم : التقمص ... اه فايت قرييت عليه ... الروح ديال شي وحدين ميتين كاتزرع ف ناس اخرين ... ولكن علااااش رغدة كاتشبه ل ماما ... و نفس الاسم ... و انا كانشبه ل بابا و حتى انا وياه نفس الاسم ... بعد المرات كانديرو انا و رغدة شي حركة .... و كانشوفو بعض الرؤى ... بحال بعد المرات كانشوفو راسنا ف الاهرماات و لابسين لباس فشكل و كانقول و لا نديرو نفس داكشي .. بعد المرات. كانشوف انا وياها و ماماا نفس الحاجة ... و لاحظت واحد الحاجة اليوم انه رغدة مرتبطة ب الوالدة بزاااااااااف منين كاتسخف وحدة كاتسخف لاخرى ... و منين كيفيقو، كيفيقو ف دقة وحدة ... واحد المرة الثاني جربت انا ورغدة سديناا عينينا و خدينا نفس عميييق و بقينا مركزين غير ف بعضياتنا .... و حنا نشوفو راسنا ثاني ف الاهرامات ... شفت راسي بحالا كانقود واحد الجيش و غادي ل حرب ... و رغدة كانت ف عرس ... كانو مراسم عرسها يمكن ... شوية هي بدا كيضرها راسها و كاتغوت ... كاتقول مابغييتش نتعذب مرة اخرى كانتحرق ... منين رجعنا قالت ليا شفتك كاتعدم قدام عيني ... و حسيت ب إحساس خايب .... حسات بحال الروح كاتسلب منها و كأنها كاتحرق ... و ثاني شفنا راسنا ف بزااااااف د الامكان لكن بنفس الوضعية لي كنا عليها ... بحالا غير المكان و الحوايج كيتبدلوو ... بزااااف ...
كريم كان حال عينيه بصدمة و كيحرك راسو من اليمين اليسار ...
كريم : اااو ... ا..انا ماظنيتش انه بهاااد الحدة ... عرفت شي حاجة بينكم فشكل داكشي علاش وقفت بجنبكم ... و كون كان وضع اخر . . ماكنتش انقبل حيت رغدة ماشي غير صاحبت بنتي ... لااا بنتي .. كبرات قدام عيني .. و قضية نشوفها مع شي راجل ... راه نقدر نضربها انا قبل مايضربها باها .. ولكن .. فهمت بلي هي تخلقات غير باش تكون ليك نتا بوحدك ... نتا السبب الوحيييد ف وجودها ف هاد الدنياا و هي سببك الوحيد ... نتا تخلقتي ليها و هي تخلقات ليك .... ( غمض عينيه ) رغدة ل آدم و آدم ل رغدة .
أنت تقرأ
الفينيكس - the Phoenix | مكتملة
Viễn tưởngالى من يمتلك افاق فكر لا محدود ... ماذا لو كانت رؤيتنا للواقع الحياتي مجرد رؤية سطحية ؟ هل من الممكن حقا اننا ننتمي الى عالم مليء بأشياء خارقة للعادة ام انها تعد فقط اسطورة و خرافة ؟؟؟ ... لقد ظنت حبهم مجرد خرافة اعتادت قرائتها في الروايات...
