الفينيكس - the Phoenix | مكتملة

الفصل السادس و العشرون

آدم ( سد الكتاب بجهد و بعصبية ) : المرررض ... هادشي ضرني ف راسي خرا ...
رغدة ( شافت فيه و هي عاقدة حواجبها ) : آآآآدم !!!! 
آدم ( شاف فيها ) : شنوو آدم شنوو ؟؟؟؟؟
رغدة : ها هي مشات لييينا الصفحة هووووفففف ... علاش سديتيه ...
آدم : هاد الزمرررو ضرني ف راسي ... من الصباح و حنا كالسين قرا قرا قرا ... شحااال گاع قرينا ... هاه ! شحااال عشرين  صفحة دافااااك ماغانلقاو داكشي لي بغينااا تا نموت انا و لي عطى الله عطاه ..
رغدة نظراتها تبدلو .. و بقات ساكتة كاتشوف فيه من بعد مانطق كلمة الموت على فمو ... حتى خلعاتو ..
آدم : امم ... رغدة .. مالك ؟؟
رغدة ( بدات كاتصغر ف عينيها  و هي كاتشوف فيه و هضرات و هي ضاغطة على سنانها ) : تموووت !!!؟؟؟
آدم : غير .. غير الساركازم ا رغدة ... ماتعصبيش .. انا حداك ... ماغانخليكش
رغدة ( بنفس النظرات ) : مااااابغييييتش نخسرك مرة اخرى ...  مابغيتش ... مابغيتش ..
دارت يدها على  ودنيها  و حنات راسها و غوتات بججججججججهد حتى  شاف آدم  بحال واحد الخيال اسود باغي يخرج منهاا ... كيشبه للشكل ديالها بزاااف .... صرخات بأعلى صوتها و كثر يمكن ... حتى تهرسات اي حاجة د الزاج حداهم ... و النوافذ و كلشي
رغدة : مااااابغييييييييييييييييييييييييييتش ....
آدم بقا مصدوم و عينيه حالهم على مصرعيهم ...  مافهمش ... شنو وقع للتو .. هي بدات كاتنهج  و هزات راسها ... و شافت ف آدم و ف نظراتها ... خوف كبيييييير هلع ... نطقات اسمه  كأنها سخفانة
رغدة : ا..آدم ...
آدم ضمها ليه ديك الساعة بسرعة البرق ... و زييير عليها بجهد ... و بدا كيدوز يديه على ظهرها و كيحاول يهدنها ...
آدم : it's okay ... it's okay ...  ( بدا كيبوس ليها ف راسها ) ها انا حداك ا رغدة ...
رغدة : آدم ... ادم ... شنو كان هادشي ...
آدم ( بعد عليها و شد وجهها بين يديه ) : والو ا حبيبتي ... والو ... ماتعمريش راسك بيه ...
سمع رنين الهاتف ديالو و هو يدور و جهو و هزو ... لقاا الشاشة كاملة تشققات و لكن بقات عنده القدرة باش يبرك ...  لقا مكالمة من عند كريم و هو يجاوب ...
آدم : الو كريم ...
كريم : ادم ... الامور بخير ..
آدم : لا لا ... واخا تجي عندنا دابا ...
كريم ( نبرة صوته تغيرات ) : شنو واقع ...
آدم : حتى تجي ... امم ... شوف .. واخا. قبل ماتجي تجيب معاك اجلال و دوزها تاخد ل رغدة الحوايج ... راه ماعندها ماتلبس ... انا غانسيفط لك العنوان ...
كريم : صافي صافي ... كون هاني ...
قطع معاه ... و ارسلو آدم العنوان ... و دار كيشوف ف رغدة لي كان الرعب و الخوف بااااااين على ملامح وجهها ...  دوز لسانه على شفايفه بخفة ... و رجع حط يديه على حناكها و بدا كيدوز بالاصابع ديالو على خذوذها .. غمضات هي عينيها و تنهدات ب قوة ... و ميلات راسها كاتستشعر لمساته ل خذها ...
آدم : كلشي ايولي مزيان ا حبيبتي ... ماتخافيش ...
رغدة ( حلات عينيها و نزلات  دمعة من عينها ) : انا خايفة ....
آدم ( حرك ليها راسها و شاف ف عينها نيشان ) : رغدة ... ماااااعندك  مناش تخاافي ... انا حداااااك
رغدة ( حركات راسها من اليمين لليسار ) : تت ... انا خايفة نخسرك أ آدم ... ( غمضات عينها مرة اخرى ) نتا الهوا لي كانتنفس ... مانقدرش نتخيل حياتي بلا بيك ... ايلا كنتي اتموت انموت انا قبل منك ... عافاك ... كانحس ( حطات يدها على صدرها ) كانحس  براسي عايشة هاد الاحساس بزاف د المرات .. بزاااااف  و ... مابغيييييتش نعاود نحسوو ... مابغيتش نعيشو ..
____
دازت واحد المدة زمنية .... وقدر كريم يجي و معاه إجلال ... وصلو للموقع لي رسل ليهم آدم ... بقا كريم كيكلاكصوني ...  و هو يطل آدم من الفوق و شافهم ...
آدم : دخلووو دخلو الباب محلول ...
دخلات إجلال و كريم .. و اجلال هزات راسها ف السقف .. و كاتشوف  ف الاثاث و الديكورات ... و كاتحرك راسها باهتمام سمعو صوت آدم من الاعلى ...
آدم : إجلال ... طلعي الفوق عند رغدة باش انا نقدر ننزل ..طلعات اجلال بالخف .. و متبعة صوت آدم حتى وصلات ل عندهم ... د خلات للبيت لقاتو كاااامل عامر زاج...  دخلات و هي كاتزطم عليه و كيتسمع داك الصوت د الزاج كيتفرتت ...
إجلال : ااااو !!! شواقع هنا ...
آدم : اجلال بقاي مع رغدة ... اوكاي ؟؟
اجلال : اهم .. ( حركات ليه راسها بالموافقة ) هانا معاها...
خرج آدم  و هي هزات عينها ف رغدة و لقاتها لابسة بينوار ... مييلات شفايفها وبدات كاتحرك راسها ب شكل دائري ...
إجلال : هاااااي هاي هاي هاي ... بشااااج ... الناس لابسة البنوااار ...
رغدة ( ربعات يدها و  ضحكات ضحكة صفرا ودورات وجهها ناحية النافذة ) : هيهي ...
إجلال ( مشات گلسات حداها ) : مالك ا الخرية ..
رغدة ( هزات كتافها ) : والو ..
إجلال : هضريي ا الخراااا يااااه تعصبيييي فيا
رغدة : صافي ا إجلال ماتحكريش عافاك ...
إجلال : واااا على خاطرك ... شوفي يا لالة اش جبت لييييك ...
رغدة دارت كاتشوف فيها ... و هي تبدا تجبد إجلال من درك الاكياس الورقيك لي كانت هازة .. كانت كاتجبد لي شوميز دو نوي ...
إجلال : ايييي ... ااححح شوفي شوفي .. غزلاااان يا ختي شهوى  منهم .. غا برعي ليا سيدي آدم و متعيه ..
رغدة خرجو عينيها من بلاصتهن و نترات داكشي من. يديها و هزاتو. كاتشوفو مع الضو ..
رغدة ( دارت يدها على حناكها ) : اويييييييييلي اش هاد المسخ العظيم جايبة ليا اويلي
إجلال : هاء ... و شنو بغيتيني نجيب لك  ؟؟  لباس المنقبات ؟؟؟ و لا الخمار خخخخخخ تفووو الله يمسخك نتي نيت ... راك عروسة ...
رغدة : واش نتي حمقة شمن عروسة و لا خراااء 😡😡  انا مانقدرش نلبس هادشي قدامووو ..
إجلال : عاودييي ليااا ... شنو درتو
رغدة ( مخنزرة ف إجلال ) :  مادرنااااش 😡
إجلال ( نزلات لها القب و بدات تقيص ليها شعرها ) : اي اي اي ... الناس مدوشة و كاتقولي مادرنا والو ههههههههه معامن نتيييي
رغدة ( بدات تشوف فيها بنص عين ) : نتي باش كاتعرفي هادشي !!
إجلال : الثقااااااافة هاديك انا انسانة مثقفة اما نتي انسانة مُكَلَّخة ...
رغدة : و علاش ماعمرك قلتي ليا هادشي ؟؟؟
إجلال : شحال من مرة لمحت لك ا بنتي ا رغدة راه ما كيولدووش بالبوساان ...  ونتي غااادا كي الضبعونة انا حاملة آدم باسني ... ا فاااااك يو
رغدة : و دابا واش خص هادشي ضروري يبقا ديما يطرا بيني و بينو .. حيت ا ختي .. انا هادشي ماااااا عاجبنيش ... كيشوفني عريانة .. و تقصحت ... تت هادشي ماااااشي ديالي ا إجلال
إجلال ( ضربات على حناكها ) : هااااوييييلي .. هاويلي مع من عايشة انا ... ا الحمااارة يا بلحمااااارة ..  ديما اول مرة غاتقصحي .. حيت  كييتم فض البكرة ديالك  اي انك كادوزي من  مرحلة بنت بنوت  ل مراا .. سمعتي دابا نتي وليتي مراااا ... و عادي تقصحي ... من بعد ايعجبك الحال ... و عاد ادوقي الحلاوة ( غمزاتها)
رغدة : نتي باااااينة فيك مجربة مااافيهاااااش  ... هفف خلينا من هادشي ... واش غير هادشي لي جبتي ليا ..
إجلال : لا لا جبت ل لالة بنت سيدي بيجاماات سخاااان ... و سليبات و سوتيامات و ديباردورات غير رتاحي ليا مع راسك.. و تغلفي قدامو و   ديري الحجاب حتى هو ... عنداك تخليه يشوف شعرك
رغدة : 😒😒😒😒
_____
دورات رغدة وجها مرة اخرى ل ناحية النافذة ... و تنهدات ...  إجلال مييلات شفايفها بحزن و حطات داكشي لي ف يديها ... و دارتها  على كتف رغدة
إجلال : بب ... وا بب .. واااا ديك بب ... مالك ؟؟
رغدة ( زفرات ب عمق ) :  عييت ...
إجلال : واش ماغاتعاوديش ليا شنو وقع ؟؟؟
رغدة : نعاود شي حاجة ماعارفاهاش ؟؟ .. معرفتش ا إجلال... آدم ذكر الموت  بديت كانغوت بلا مانشعر ..  غوت حتى تهرس  كاع الزاج ...  ماعرفتش شنو هادشي ...
إجلال : ااااو ... حبيبتي ... اجي اجي ...
شافت فيها رغدة و كحزات ل عندها و حطات راسها على كتفها ... عنقاتها إجلال و بقات كاتربت. على  ظهرها ...
إجلال : رغدة سمعي ...
رغدة : همم ...
إجلال : انا عندي احساس انك نتي و آدم ... غادي تلقاو هاد المرة السعادة الابدية ... عندي احسااااااس قوي ... ولكن انا حاجة وحدة ضاراني ف خاطري
رغدة ( عقدات حجبانها حتى ترسم حرف v بيناتهم ) : شنو هي
إجلال : بقى فيا الحال حيت ماكنتش صاحبتك ف الحيوات السابقة تفووو عام الله شكون هادو لي درتيهم صحاباتك ف بلاصتي
رغدة ( ضرباتها ) : تفوووو خلعتيني ههههههه واخا نكون درت مليووووون صاحبة ... مايكونوووش بحالك نتي الحب و العمر و القلب و الكبدة  ههههههه
إجلال : هااحححح تااامبغيييك والله هاكا الحب الحب الحب كثر ما كيبغيك آدم
رغدة : اييييوا هداي عليا ماعرفت هههه
إجلال : خلينا من هادشي ... اجي اجي نعطيك نصائح 🌚🌚
______
رجوعا ل آدم لي خلا  إجلال مع رغدة ... نزل بزربة عند كريم .... تسالم معاه ... و خرجو بزوج على برة  و جلسو ف واحد الكراسى ...
كريم (بقلق ) : ياك لاباس !!!
آدم ( تنهد و تأفف بصوت مسموع ) : هوووفففف ... اش غانقولك ...  قبايلا كنت كانقلب انا ورغدة ف دوك الكتب ... حتى طلع ليا الدم و سديتو. ... قلت ليها مانلقاو لي بغينا حتى نموت انا ... غير ذكرت ديك الموت ... ولات فشكل ... و بقات كاتقول مابغيتش نخسرك .. و دارت يدها على ودنيها و غوتات بجهههد ... و الزاج د البيت كامل تهرس ... و بان  ليا بحال واحد الخيال كحل  باغي يخرج منهاا ...
كريم ( تنهد و بدا كيحرك راسو من الشمال لليمين ) : ت ت ت ... كلشي بسباب  واحد السحارة ...  يالاه جيت من عند هداية و محمد و عاودو ليا كلشي ..
آدم : وايلي ؟؟ فخبارهم تزوجنا؟  ...
كريم : اه قلتها ليهم ...
آدم : شنو عرفتي. اش عاودو ليك ؟؟؟
كريم : عاااودو ليا على كلللللشي ... و فهمت كلشي ... كلشي ب سباب واحد الساحرة سميتها تانيا ...  هي لي كانت عاطية العقد ل رغدة ... و هي لي  كانت دايرة التعويذة باش ترجعك للحياة اول مرة ...  { حكى لييه كلشي ... } .... و دابا داك السوار لي كانت دايراه رغدة و بالاضافة للسحر الاسود ... كبر فيها واحد الجانب مظلم بزاااااف ... جانب كايبان ف اي مرة  كاتحس انها غادي تخسرك ...  و لكن  بسباب ديك التعويذة لي درنا ليها حناا ...  بحالا تقمع ... داكشي علاش يمكن شفتي داك الخيال الاسود ...
آدم : تت .. مافهمتش ... علاش هاد تانيا غادي تعاون رغدة من الاول ... ياك كاع السحرة عارفين بلي السحر الاسود خايب ... رغدة ماعندها باش تضغط عليها ... يعني ماعندها لا قوة لا حتى حاجة ... ضروري كاين واحد السبب ...
كريم ( هز كتافو  بعدم دراية ) : ماعرفتش ...  المهم انا هادشي لي عاودي ليا هداية و محمد .. يمكن يكونو نساو ماقالوش ديا شي حاجة ... او مثلا ماعارفينش ...  ولكن غير صبر ... تانيا غادي تجي عندي بوووحدها  ... دابا تشوف
آدم : شنو لي مخليك متأكد ؟؟
كريم : منين هزيت السوار ... جاتني صورتها ف بالي ... و حيت هي  التعويذة لي دايرة اي واحد  لبسو  ولا قاصو ... كاتكون عارفاه ديك الساع شكون و فين ... و كيف ما انا شفتها ... حتى هي شافتني ... و غاتقلب عليا حتى تلقاني ...
آدم : اممم ... فهمت ...
كريم : كنت عيطت ليك  باش نقولك سمعت  محمد كيقول ايعيط ل زهير باش يلقاك ...
آدم : تت ماغايلقانيش .... كون هاني ...
بقا ساكت آدم و هو كيتفكر قبل ايام قليلة ...
مشا نيشان ل عند مت ماماه ... رَغَدْ ...
آدم : المييييييمة .... الحبيبة ديالي ...
رغد : اه اه اه ... زارتنااا البركة ... ماموالفاش لك ا الخانز
آدم ( حنى و قبل يديها و من بعد راسها ) : حاشى حاشى ... حشومة تقولي هاكا و الله غير مع الدهاوي ...
رغد : همممم الله يجعلني نتيق ...
آدم : جيت مزروب دابا و الله عندي تدريب خصني نمشي ليه ... و بغيتك تقضي ليا شي غرض ... ا الگيك ديالنا ... العبقرية د عائلة العمراااني كللللها  ههههه
رغد : هههههه  وا الله يمسخك ...
رغد كانت ف عقدها السادس ... لكن كانت باقا شادة ف راسها ... من بعد موت زوجها ... بقات ساكنة غير بوحدها .. و رجعات استقرت ف مدينة الرباط ... واخا اصرت عليها رغدة تجي تسكن معاها لكنها فضلت انها تبقى ف دارها و تبقى عايشة  وسط ذكرياتها القدام  د شبابها لي دوزاتو هي وغالي ( ههههه عارفاكم ادعيو فيا لي قاتلة غالي و لكن لا لا راه مات موت الله راه وصل للتمانينات باراكة عليه 😂)
رغد : يالاه طلقنااا نشوفو اش عندك. ..
آدم : تقدري تبلوكي ليا هاد زوج نوامر .. حتى حد مايعرف الموقع ديالهم واااخا ماعرفت اش يديرو ..
رغد: ساهلة ... و لكن ... ديالمن ؟؟
آدم : نمرتي و واحد النمرة اخرى ...
رغد : نمرة من ا المسخوط ؟؟؟؟؟؟
آدم : هاه ا عار الله ماتسوليش ... و بلا ماتقلبي على شكون مول هاد النمرة عاااافاك
رغد : هههههههههه واخا واخااا كلامك هو الكبير ...
كريم : المهم ... غير  نسااااو كلشي هاد الايام ... و ضحكو بزوج ..  حيت واخا هاكاك محمد ماراضيش على الوضع .. يعني غاينكدها عليكم غادي ينكدها ...
آدم : و داكشي د الكتب ؟؟؟
كريم : دابا منين عرفت تقريبا القصة كلها ... راه طاحت ف بالي واحد الفكرة  ... غير تايدوزو هاد الايام و نديرها انقدرو نجبدو من الكتوبة دغيااا داكشي لي بغينا ...
آدم (هز ليه راسو بالايجاب ) : اهممم ... صافي ... لي بغيتي ... بغيت نقولك واحد الحاجة ... علاش مانعاودش ل رغدة  على القضية د انها ماشي بنتهم و  بلي خالتي هداية خايفة لا منين تعرف راسها شكون تنكرها ...
كريم : لا لا ... من الاحسن خلي هداية و محمد هوما لي يفاتحوها بالموضوع ... واخا اما متأكد ... رغدة  الداخل ديالها مزيان ... هاداك غير تأثير السحر الاسود ... دمرهاا دمرهاااا ا آدم ...  ها علاش قلت لك هاد الايام  بعدو على هادشي ... خليها تضحك شوية و تنسى الهم ...
آدم : بصح ... اما متأكد رغدة  كيفما هي دابا طفلة ... ف الداخل ديالها طفلة بريئة ...  ذنبها انها بغاتني ل درجة ماتحملاتش الفراق ...اه فكرتيني ... انا و رغدة وليناا كانتواصلو  غير بالعقل . . يعني مثلا ... غير نركز عليها ف عقلي ... و نقول شي هضرة غادي تسمعني هي ...
كريم ( ترسمات على وجهو ابتسامة ) : هههه واو ... عرفتي راكم واصلين ل واحد الدرجة ديال الارتباط ... راه مايمكنش ... كأنكم روح وحدة ...  ايواااا عرفتي شنو قول قول ليها  تهضر مع اجلال باش نمشيو ههههه
آدم : ههههه واخا ...
خدا آدم نفس عميق ... و حوال يتواصل مع رغدة .... كانت هي جالسة هي و اجلال كيهضرو ... حتى سمعات صوته ف الداخل ديالها ...
رغدة : اجلال ... نزلي نزلي باباك قالك  اتمشيو ..
إجلال : فين سمعتيه ؟؟؟ ماسمعت والو ...
رغدة : تت دابا يا لالة انا و آدم ولينا كانقدرو نهضرو مع بعضنا غير ف خاطرنا ...
إجلال : نووووو وااااي ... كذااااابة
رغدة : تت والله ماكانكذب ... تسنااااي ..انا غانلبس و ننزل انا وياك ...
هزات رغدة بيجامة سخونة من هادوك لي جاب ليها اجلال ... و ملابس داخلية و دخلات للحمام لبساتهم بالخف و خرجات ...
رغدة : يالاه ..
نزلووو بزوج ... حتى وصلو للتحت ..
إجلال : بابا واش بصح  بغيتيني ننزل باش نمشيو ...
كريم : ااه ... آدم قالها ل رغدة ...
إجلال ( دارت يديها على فمها و شافت فيهم ) : لااااااا
كريم : هههههه زيدي زيدي تلقايهم كيهضرو فينا ف خاطرهم ...يالاه خليناكم على خييير ... رغدة .. بسلامة ا بنتي ...
رغدة ( هزات يديها و شيرات ليه ) : بسلامة ا عمي ...
مشاو ركبو .. و رغدة وقفات حدا آدم و هو دار يديه على خصرها وجرها ل عندو و طبع قبلة  على راسها ...
رغدة ( دارت كاتشوف فيه و هي هاااازة فيه راسها ) : علاش نتا طوييييييل ... بزاااااااااااااااااااف
آدم ( ضحك و حنى ل عندها و طبع قبلة على نيفها ) : نتي لي قصيرة بزااااااف ... )شد القب د البيجامة و دارو ليها على راسها ) شعرك باقي فازگ ...  غاتمرضي ...  بلاتي ( بعد عليها كيشوفها اش لابسة ) مالك ا بنتي مغلفة ليا هناا ؟؟؟
رغدة ( جمعات يديها و دارتهم على ذراعها ) : اااه ... البرد البرد. .. شوف قرب يطيح الظلام البرد تحرك ياك ؟
آدم : ايييييي ... دخلووو معاك التحراميات  ...
رغدة ( اشارت ل نفسها و هي مزال  كاتحرك يديها و تتحرك بحالا  فيها البرد ) : اناااا ؟؟؟
آدم : لااااا هووو 😒😒😒
رغدة : 😳😳 شكون ؟؟؟  فين ؟؟
آدم ( دار يديه على وجهو ) :  آخرتنا... يا نتي غادي ديري عقلك .. ولا انا لي غانحماق و نولي بحالك 🤦🏼‍♂️
______
رغدة : عاودتي ل عمي كريم اش وقع ؟؟؟
آدم : امم ... عاودت ليه ...
رغدة : وشنو قالك ..
آدم : قاااالي ا لالة ... ماتعمروش راسكم ب هادشي و ضحكو و لعبو مع راسكم ...
رغدة : امم .. ( بقات كاتمايل ف بلاصتها و  عضات على شفايفها ) ماما و بابا عرفونا تزوجنا ؟؟
آدم : آه .. عرفونا تزوجنا ..
رغدة : ناري ... ايكونو مقلقين مني بزاف ..
حنات رغدة راسها و تنهدات بعمق ... آدم دار ييديه على فكها و طلع ليها راسها
آدم : رغدة .. ياك هضرنا ف هادشي !! او لا ؟ 
حركات ليه راسها بالايجاب
آدم : هوما لي خلاونا ناخدو هاد د الطريق ... ماباغييناش نكونو بزوج ... واخا ماعاقلش ... و لكن  ماشي من بعد ربعالاف سنة و لا كثر ... ف اللخر  غادي نخصرو كلشي ..  كانبغيك كاتبغيني .. من اللخر يعاودوها ل *****
رغدة ( خرجات فيه عينها ) : آآآآآآآادم ...
آدم ( حتى هو خرج فيها عينيه ) :  شنو ؟؟؟
رغدة :  ماتخصرش الهضرة ...
آدم : طلعو ليا ف صحتي .. و حتى دابا ماتجبديهمش ليا الله يرحم باك...
رغدة : آدم .. ماتقولش هاكا على ماما و بابا ..
آدم : ماعارفاش  علاقتي ب ماماك كيف دايرة ... راه قبل ماتزادي نتي ب سنيييييييييين .. و لكن كفراتني هاد المرة ..  مابقيتش حاملهم لا هي لا باك ..
رغدة : هوووف... صافي صافي ... فيا الجوع ..
آدم : يالاه زيدي قدامي ...
ميقاتو و دخلات و هو غادي موراها ..
آدم : وا بقاي تدوري ف دوك العينين ...
بقات ساكتة هي ماجاوباتوش ... و دخلات للكوزينة ... جلسات على واحد الكرسي و هو دخل .. و تكا على الرخامة ... ربع يديه و هو مخنزر و كيشوف فيها ..
آدم : شبغيتي تاكلي ؟؟
رغدة ( هزات كتافها ) : لي كان
آدم : ماشي لي كان ... قولي اش بغيتي بالضبط و نديرو .. ماشي ندير شي حاجة و ماتكونيش كاتاكليها .. و لا ندير ف داكشي شي حاجة و تكون عندك منها حساسية  ..
رغدة ( نطقات بلا ماتشعر ) : عندك حساسية من الفريز !!
آدم ( هز فيها راسو ) : باش عرفتيها ؟؟؟
رغدة : م..ماعرفتش ... خرجات بوحدها .. 😳😳
آدم  : يمكن من ديما كانت عندي حساسية منو ههه .. حتى بابا  قالت ليا الوالدة كانت فيه ..
رغدة : ههه واو ...
آدم : يالاه اشنو بغيتي .. ؟؟
رغدة : اممم ... دير ليا لي باط ..
آدم : باش بغيتيها !! صوص طوماط ولا صوص بلونش .. و لا شنو
رغدة : واو !!! كاتعرف  ديرها ب هادشي كامل ؟؟
آدم ( شاف فيها ب نص عين ) : نقولك واحد الحاجة و ماضحكيش ..
رغدة : هههه تت لآآ
آدم : كانمووووووت على الطبخ .. منين كنت صغير ..هههههههههه الصراحة  تا حد ماعارفها من غير ماما ههه ماكانبغي حد يعرفها ...
رغدة ( دارت يدها على وجهها ) : نارررررررري ... شنو نقول انا لي بنت و ماكانعرف ندير حتى بيضة
آدم ( جا لعندها و جرها من يدها  ) : يالاه نوضي نوضي ...  دوزي باش تعلمي تطيبي شوية ..
ناضت رغدة ... و بداو كيوجدو بزوج .. و هو كيعلمها  ف جو زوييين  .... ماسكتوش من الضحك بزوج  حتى وجدات الماكلة ... و خرجو بزوج على برة ف الجردة باش ياكلو تماك ...  يالاه بداو ياكلو .. و دارت رغدة المعلقة الاولى ف فمها . .
رغدة : هممممم ... عطاني الله الصحة هادشي غير اول مرة انطيب
آدم : ههههههههههههه وا الله ينعل لي مايحشم ...
رغدة : هههههههه  ..
كلاو و سالاو ... و رغدة دارت يدها على على فكها .. وسهات ف آدم ..... و بدات كاتهضر ف خاطرها و نسات  بلي منين كاتركز ف آدم .. كايقدر يسمعها ..
رغدة ( ف خاطرها ) : الزين لي عطاك الله مثلو مانلقاه تيرارا
آدم ( شاف فيها ديك الساع ) : من نيتك ا رغدة ؟
رغدة : هاه !!!!! 😳😳😳 لا لا لا ماشي انا هاديك
ــــــــــــــــــــ
آدم : ههههههه لا لا نتيييي نتي ...
رغدة ( ابتلعت ريقها ) : آ... تت دابا ... غير كنت كانغني و صافي ...
آدم ( نزل يديه على الطبلة و ربعهم وبقا كيشوف ف عينيها بتركيز  ) :  كانعجبك ..
رغدة ( حركات راسها ب رفض ديك الساع) : لا 😳😳😳
آدم : لا ؟؟؟
رغدة : اه اه كاتعجبني 😳😳😳😳
آدم ( ترسمات على وجهو إبتسامة جانبية ) : هههه  دابا اه ولا لا ؟؟ قرري ...
رغدة ( تنهدات بشكل مضطرب و بدات كاتريح على راسها ) : هوووففف ... الصهد ...
آدم : واش شفتي راسك شنو لابسة ... هادو راه الحوايج د الشتا و البرد و الليالي ... راه حنا ف الربيع  ... ماشي ديال هاد الحوايج...
رغدة ( بدات كاتعوج فمها ) : تتت ... وا ...
آدم :  وا شنو ؟؟؟ طلعي طلعي بدلي هاد الحوايج ... راه الصهد ...
مييلات راسها وطلات  كاتشوف ف الباب ... بانت ليها الدار مظلمة ... و هي تسرط ريقها و شافت فيه ...
رغدة : امم ... صافي بلاش ...
آدم ( حرك عينيه بتسائل ) : مالك ...
رغدة : ااا ... تت والو ... والو ( هزات كتافها بشوية )
آدم ( طل حتى هو و شاف فين شافت و عاود رجع كيشوف فيها ) : خفتي تطلعي بوحدك ؟؟ راه غانبقا نهضر معاك . . "ف خاطرنا " زعما ...
رغدة : امم اه.. عرفت ...
آدم : ااااه .. ولا خفتي من الظلام ؟؟
رغدة ( مييلات شفايفها بحزن و حركات راسها بالايجاب ) : اممم ...
آدم : ههههه  يالاه يالاه ... زيدي ا بنتي زيدي ...
رغدة : اطلع معايا ؟؟؟
آدم : و شنو اندير !! هذا قدري ...
رغدة ( ترسمات ابتسامة على وجهها ) : يالاه ..
ناضو بزوج ... و دخلو هو شعل  الضواو د الدار ... حيت بدات تعاشى العشية ... و قرب يطيح الظلام ...  طلعو و هي غادة قدامو  حتى دخلو للبيت .... مشات رغدة هزات كاع دوك الاكسياس الورقية  لي جابت ليها اجلال ... وبدات تشوف ف آدم غير بنص عين .. و كاتسلت بشوية ل ناحية الحمام ... كان هو كيشوف فيها ... و مربع يديه ...
آدم : واااااو انا عمى انا ماكانشوفش رغدة ...
وقفات ديك الساعة وقفة مستقيمة و خرجات عينيها 😳...
آدم : فين داخلة ؟؟؟
رغدة ( هزات صبعها و كاتنييش للحمام ) : اممم ... للحمام 😳؟؟
آدم : عرفناك داخلا ليه ... زعما اش اديري تماك ... عادي بدلي قدامي ...
رغدة ( دارت يدها مور عنقها و كاتحكو ب توتر ) : اممم ...
آدم : دافااااك ا صاحبي ... وا شاايف كلشي ... لاش غادة تخباي تماك ؟؟؟ ...
رغدة ( عوجات فمها و هزات كتفها ) : بغيت ...
غمض عينيه و خرج زفير بصوت مسموع ... مابقاش باغي يزيد يحكر  عليها ...  عارف هادشي باقي جديد عليها وصعيب تأقلم مع الوضع ...
آدم : صافي .. صافي ، غير دخلي ...
دخلات هي للحمام ... و جبدات كاع داكشي  لي جابت لها اجلال و كاتشوف فيه .... كاينين غير بيجامات  سخوونين ... ولا لي شوميز دو نوي ... هزاتهم ... و عضات على شفايفها ب قلق و هي كاتشوف فيهم ... كلهم مشبكين ... كيبينو كثر ما كيسترو .. بقات كاتقلب واحد بواحد .. حتى لقات واحد بالبنوار ديالو .. عوجات راسها و هي كاتشوف فيه ...
رغدة : اممم ... هذااا  مستور شوية ...
حيدات البيجامة ... و لبسات  داك القميص ... كان مابين اللون الرمادي و البنفسجي ...  و واصل للنص د فخضها .... زادت عليه البنوار ... و كان زايد عليه شوية ف الطول تقريبا حتى ل ركبتها ..  جمعاتو و ربطاات بالحزام .... و قفات قدام المرايا كاتشوف ف راسها و كاتحس بقلبها كيضررررب بجهد ...  حاسة بالخجل قبل حتى مايشوفها آدم ... ابتلعت ريقها ... و حلات  الباب بشوية ....  آدم كان باقي متكي  على الحيط و مربع يديه ... و حاضي الباب ... حتى بدا يشوفو كيتشقق ... و يتحل ببطء .... طلات عليه غير ب عينيها  و هي تعاود ترجع ... عقد هو حواجبو بتسائل ... و عيط ليها
آدم : رغدة !!!! ساليتي ؟؟؟
رغدة ( كانت دايرة يدها على قلبها ) : اممم ...
آدم :  وا خرجي ...
رغدة ( تنهدات ) : و...واخااا ...
خرجات  بشوية ... و هي حادرة راسها ...
آدم فمو تحل ... و عينيه تحلو معاهم ...