هداية و محمد ... من بعد اتصال آدم بيهم ... ناضو ديك الساع لبسو حوايجهم بخفة ... و نزلو الگاراج ... يالاه محمد حط يديه على باب السيارة و هو يحس ب يد نزلات على يديه ...
- كانظن عندنا فاش نهضرو ... او لا ؟؟؟؟
محمد بقا جامد ف بلاصتو ... تعرف على الشخص لي تكلم غير من صوته .... دار ببطء .. و هو عاقد حواحبه و كيزفر .... هداية حطات يدها على قلبها و غمضات عينيها ....
تانيا ( هزات حواجبها و كررات سؤالها ) : او لا ا محمد ؟؟
ابتلع ريقه و بقا كيشوف فيها ... عاد تكلم ..
محمد : تانيا ...
ربعات تانيا يديها و تكات. على باب السيارك الخلفي ...
تانيا : راكم باقيين عاقلين عليا ... واخا دازت 16 لعام هههه واو ...
هداية : تانيا ... شنو بغيتي ؟؟؟
تانيا ( التفتت ل هداية و شافت فيها بتسائل ) : شنو بغيت ؟؟؟
هداية : عافاك ... هضري و قولي شنو عندك حنا مزروبين ... خصنا ...
تانيا ( قاطعاتها ) : خصكم تمشيو تجيبو رغدة من عند آدم هههه ياك ؟؟
محمد ( تنهد ) : تانياااا ... منين نتي عارفة .. شنو كاديري دابا ؟؟ خلينا نمشيو نجيبوها ..
تانيا ( غيرات نبرة صوتها من نبرة مستهزئة ل جدية و عقدات حواجبها ) : شنووو كاندير ؟؟؟ ياااك ؟؟ نتومااا لي شنو كاديرووو .... عطيييتكم فرصة ... مااابغيييتش نحرق قلبكم عليها .. قلت ليكم بعدووو .. ماتخليييوهااش تلاقا هي و آدم و رغدة ... و نتوما اش درتوو ..
هداية ( غمضات عينيها و جمعات يدها حدا فمها و تكلمات بصوت مخنوق) : تانيااا ... درررنااا جهدنا كااامل .. بعدنا .. و گاع داكشي لي قلتيه لينا كنا دايرينو .. ( رخات يدها باستسلام ) ولكن ... ( هزات كتافها )
تانيا : كون قطعتي علاقتك ب رغدة صاحبتك ماكانش ايوقع هادشي كاااامل ... واش عرفتي كيفاش و وقتاش تلاقات رغدة ب آدم ؟؟؟؟
حركات هداية راسها بالايجاب ..
تانيا ( حركات راسها ب نفي ) : تت لا ماعارفاش ... رغدة تلاقات بآدم قدااااام دارهم ف الرباط ..
محمد : الرباااااط ؟؟؟؟
تانيا ( شافت ف محمد ) : اه الرباط ... شنو مشات دير هي ف الرباط ... ؟؟ هاه شنوو ؟؟ قلت ليكم ايلا تجمعات هي و ياه ف نفس المدينة السوار غادي يدير عكس خدمته و غادي يجمعهم طط
محمد : لا لا .. تت مايمكنش .. رغدة مامشاتش للرباط ... ماغاديش تقدر .. و زايدون جيت عليها انا داك النهار كانت هنا ...
تانيا : ماعنديش تواصل بيكم نتوما ... ماغانقدرش نعرفكم اش كاديرو .. ولكن عندي تواصل ب رغدة و رغدة و آدم ... كانعرف اي تحرك داروه .. كأني معاهم ... ف ديك الوقت هداية كامن طالعة عند صاحبتها رغدة و قالت ل بنتكم رغدة مرك اخرى نديك ... و حيت ف كل مرة ماكاتبغيوش تديوها معاكم ... دخلهاا الشك ... و طلعات للرباط و تلاقات ب آدم ... و على شوية ... على شووووية و كانت غادي تلاقاا هي و رغدة ...
بقاو ساكتين ... هداية عاضة على فمهاا .. و محمد ساكت و صوت تنفسه الغير المنتظم كايتسمع بجهد ... حتى تكلم ..
محمد : اوكاي .. ايلا نتي كاتعرفي اي حاجة كيديروها كأنك معاهم ... علاش مامنعتيهمش ؟؟؟ منين مصييييييبة كبيرة اتوقع علاش ؟؟؟
تانيا ( حركات راسها من اليمين اليسار ) : لااااا لا لا ... نتوما ماااعااارفيييينش .. ماعارفينش اشنو واقع ... فنظركم .. علاش خطفنا رغدة و هي صغيرة .. و علاش مامشيناش عند رغدة صاحبتك و لا آدم ... ؟؟؟ علاش فنظركم ؟؟؟ هوما بثلاثة ف الداخل ديالهم السحر الاسود ... و ماحدهم كيكبروو و هو كيكبر فيهم ... رغدة كانت صغيرة ديك الساع .. و هي الوحيدة لي كان بإمكاننا نتخلصو منهااا و هي صغيييرة ... دابا .. تت لا الامر تعقد ... ماكانقدروش نقربو ليهم ... القبيلة ديالي ملعووونة ... مانقدروش السحر الاسود لي فيهم قوي بزااف ...
محمد : شرحييي ليييينا شررررحي ... ماااكانفهموو تا كلمة من هادشي لي كاتقولي ..
تنهدات و بقات ساكتة ل بضع ثوانٍ ... و هي تهضر ...
تانيا : وااخا .. انا غانعاود ليكم كلللشي ... و بالتفصيل ..
محمد : شرحييي ليييينا شررررحي ... ماااكانفهموو تا كلمة من هادشي لي كاتقولي ..
تنهدات و بقات ساكتة ل بضع ثوانٍ ... و هي تهضر ...
تانيا : وااخا .. انا غانعاود ليكم كلللشي ... و بالتفصيل ..
هداية : ها حنا كانسمعوك ... ل ربما تا حنا نلقاو معاك شي حل ل هادشي ...
تانيا : شحاااال هادي. ... قبل آلاف السنين ... كانو زوج د الممالك مملكة امازيس .. و مملكة افاريس ... انا كنت كاننتمي ل مملكة امازيس ... و رغدة كانت بنت الملك ... و المملكة الاخرى افاريس .. كانت نايضة الحرب بيناا و بينهم ... و آدم حتى هو كان ولد الملك .. و مع الاسف آدم و رغدة ... بغاو بعضياتهم ... بواحد الشكل جنووووني .... كانت الحرب اصلااا قايمة .. و حبهم غير مازاد الطين بلة ... كان كلشي عارفهم شحال كيبغيو بعضياتهم ... و لكن حبهم كان كأنه محرّم كان مرفووووض ... مايمكنش ليهم يتجمعو ... و الملك لي هو اب رغدة ... هددهااا ب حياااته .. داكشي علاش تخلات على آدم ... و قبلات تزوج ب واحد من السلالة الملكية ديالهم ... نهار عرسهم ... و الوقت لي كانو قايمين فيه مراسم عرسهم ... آدم جا ... و جاب الجيش ديالو و هجمو على مملكتنا باش يحبسو مراسم الزواج... كانو بزاف د القتلى .. من عندهم و من عندنا .. ومنهم الملك ديالنا حتى هو مات .. ولكن .. جيش آدم كان قليل .. و قدر جيشنا يغلبو .... و آدم تعدم قدام كللللشي .... و قدام عينين رغدة .... ( تنهدات مرة اخرى ) ماقدراتش رغدة تحمل فراق آدم ماقدراااتش ... بغات تحماااق ..
غمضات تانيا عينيها ... زفرات بعمق و رجعات بيها الذاكرة ل داك اليوم باش جات عندها رغدة ...
فلاش باك :
رغدة( تلاحت على رجلييين تانيا ) : تاااانيااااا عااااافاك عافااك ... عاااااونيني .. عاااونييييييني اهئ اهئ م... مانقدرشششش مانقدرش نعيش بلا بييييه عااافاك ...ديري شي حاجة
تانيا ( هزاتها من الارض ) : لالة ... ماا.. ماعندي ماندير .. باش انعاونك ...
رغدة شدات على شعرها كاتنتفوووو و طيييح للارض ...
رغدة : ااااانحمااااااااق اهئ اهئ انحماااااق ماااانقدررررش مانقدرررش .. تانياااااا ... عاونونيييي ... عاونوني عافاكم ... ( شافت ف ناريا ) ناااريا .. عاونيني .. انا ونتي .. ياك صحاباااات خواتات ياك ؟؟ .. عافاك .. لقاو شي حل ..
ناريا ( غمضات عينيها بقوة و نزلات من عينيها دمعة ) : مامااا ... غانرجعو آدم للحياة ..
رغدة ( سمعات كلامها و هي توقف كاتمسح دموعها ) : ترجعوه .. ا.. اممم .. ( ابتلعت ريقها ) اه .. ادم .. تانيا .. ردوه الحياة .. عافاك .. عاااافاااك
تانياا ( وقفات ديك الساع و شافت فيهم ) : شنووووووو ؟؟؟؟؟؟ وااااش .. واش حماقيتوو ؟؟ واش . . ( دارت يدها على راسها و هزات راسها للسما ) ااااااه ....... الصبر ... الصبر يا الهي .. ( شافت ف ناريا ) ناريا .. واش عارفة راسك شكاتقولي .. ؟؟؟
رغدة ( شدات ف يد تانيا ) : تانيااا ... عااااافااك نعطيييييييك اي حاجة بغيتي .. الفلووووس المااال الجاه ... تولي معانا ف القصر .. غير رجعيه ليااا.... ( ميلات شفايفها و رجعو عينيها كيعمرو دموع ) راه ... هو روحي ... م.. ماغانقدرش نعيش بلا بيه .. مانقدرش .. هو الهواا لي كانتنفس بيه ...
بعدات تانيا على رغدة و دارت يصابعها بين عينيها ... ودارت شهيق .. و خرجات زفيييير عمييييق ...... و بقات ساكتة ... و هزات عينيها ف رغدة ..
تانيا : مانقدرش ا لالة ... مانقدرش .. باش نرجعوو .. خصني ... خصني نستعمل السحر الاسود ... و انا مانقدرش ... يقدر يخرج ليا على حياتي ... انا الطبيعة عطاتني هبة ... مانقدرش نستعملها ف اشياء خايبة ..
ناريا : ماما .. واخا نهضرو بوحدنا ..
اومات ليها تانيا براسها ... و دخلو ل واحد البيت مجاور ... و خلاو رغدة ف البيت لاخر ...
تانيا ( هزات يدها ناحية بنتها ) : نااااريااااا عجباااتك هاد الموقف لي حطيتيني فيه ...
ناريا ( شدات ليها ف يدها ) : ياك انا بنتك !!! كاتبغيني .. ياك ا ماما .. واش باغاني نتعذب ؟؟؟
تانيا : نارياا مااافهمتش .. مافهمتش شنو دخلك ف هادشي كاااامل !! ااااه عرفنااا رغدة صاحبتك ... و لكن .. ا ناريا ماشي باش ديري هادشي كامل على ودها ..
ناريا ( ابتلعت ريقها و غمضات عينها و حركات راسها من اليمين لليسار ) : ماشي على ودها ا ماما ... على ودي انا ( نزلات يدها على صدرها ونزلو زوج دمعات من عينها ) ... انا ... انا كاانبغيي آدم ..
عينين تانيا تحلو على مصرعيهم و بان فيهم واحد البريق د دموع مسجونين ... هزات يدها و نزلاتها على فنها و حركات راسها من اليمين لليسار .. برفض ل هادشي لي كاتقول ناريا ..
تانيا : لا لا .. ( شهقااات و سدات فمها ) ك..كيفاش قدرتي تبغيه ا ناااااريااااا كييييييفاااااااش هااااه !!! ( شداتها من شعرهاا ) كاااان مع صاحبتتك ... كيفاش قدرتي ؟؟؟
ناريا : اهئ ااااااااي .. ماماااا ... غ.. غااا سمعي لياا ..
تانيا : اااااش انسممممع هااا ؟؟؟ شنو شنوووو ...
ناريا تنترات من مها ... و جلسات على واحد الكرسي .... و هي كاتبكي ..
ناريا : انا .. ( هزات كتافها بحزن ) ماشي ل خاطري ... م..ماكنتش باغا هادشي يطرااا ... انا غير الشوفة فيه .. كانت كاتخليني فرحانة ... ماكنت باغا من الدنيا والو ... غير نشوفو بيخييير ... ا ماما ... دابا .. اش ايطراااا فيااا مني مااات راه .. ( حطات يدها على عنقها ) كانحس براسي مخنووووقة ...
هزات عينيها ف تانيا بتوسل ... و هي كاتبكي .. و تابعت كلامها
ناريا : انرجعووه ا مامااا .. عافاك .. بإمكانااا ..
تانيا طاحت على وقفتها و جلسات على الارض ... و بقات دايرة يدها على راسها ... و كاتحركه برفض ... مامتقبلاش كلام بنتها .... هزات عينيها فيها ..
تانيا : غداااارة ... كيفاش قدرتي تطعني. صاحبتك ف ظهرها ...
ناريا : مااااطعنتهااااش ا ماااما ماطعنتهاااش ... واش حساب لك هي. دايراني صاحبتها غير هاكاك .... راه غير باش نحميها منين تكون مع آدم .. و ندير ليها تعويذات باش حتى حد مايشوفهم ... هادشي علاش كانت دايراني صاحبتها .... ( نزلات ل حداها و جلسات قدامها و شدات يدها ) ماما سمعي ...منها غادي نرجع آدم للحياة ... و غادي نكونو درنااا السحر الاسود .. و ولينا قوييين و نقدر ناخد آدم من رغدة ...
هزات تانيا عينيها فيها و هي تشدهااا من فكهاااا و زيرات عليها حتى مابقاتش قادة تهضرر ..
تانيااا : غااااانقتتتتلللك و نشرب من دمممك ا نارياااا ... اننننقتلككك .. هااااهعع ..
طلقات من فكهاا بنترررة و عصبية و شدات على راسها و بدات تبكي ...
تانيااا : دااابا اش نديييير معاااك اااااش ؟؟؟ اش .. واش عارفة لا عرفوناا استعملنا السحر الاسود اش غايوقع ... ( حركات راسها ) تت ... ماانقدرش ا ناريا .. مانقدرش ...
نارياا : ماما ... غاانبعدووو بزاااف باش حتى حد مايحس بيناا ...
تانيا : راكي عااارفة السحررر ممنووووع علينا نمارسوه الا بإذن من الملك او الملكة ... و راهم شاريين السحرة لاخرين .. غير شي واحد كيمارسو .. كيعرفووه شكوون .. و نتي ... غيييير كانو كيسكتو ليك حيت رغدة بنت الملك ... كون راه عدموك من شحال هااادي ...
ناريا : ماماا .. تبعي كلامي .. انا عارفة اش غادي ندير .... غادي نخرجوو على حدود المملكة .. ديك الساع ... ماغادي يحس بينا حد .. و منين غادي نستعملو السحر الاسود .. السحرة د گاع القبائل غادي يوليو بين يدينا حنااا ...
ضغطات تانيا على سنانها ... حتى تشنج فكها ...
خرجو من بعد عند رغدة لقاوها جالسة ف الارض و كاتشوف ف نقطة غير محددة .. و الدموع كينزلو من عينيهاا .. و كيطيحو ف الارض ... و كاتنطق اسم آدم بخفوووت .. بصوت هي بوحدها لي كاتسمعو .. حنحنحنا ناريا باش رغدة تنتابه ليها ..
ناريا : احم احم ... رغدة ...
هزات رغدة راسها و مسحات دموعها و وقفات و نفضات حوايجها ...
تانيا ( ابتلعت ريقها ) : غادي نحاولو نرجعو آدم من الموت ... (رغدة ترسمات ابتسامة كبيرة على وجهها ) ولكن ... ( بدات تختافي ابتسامها ) خصك تجبي لينا شي حاجة من حوايج آدم .. و شي زغبة من شعرو .. و لا ظفره و لا اي حاجة بحال هاكا ..
رغدة : امم .. كاينين شي حوايج ديالو عندي .. ولكن شعره . . و لا ظفره .. منين انقدر نجيب هادشي .. راه ( تنهدات ) حرقو الجثة ديالو ..
تانيا : غادي تجيبي لياا شوية من الرماد ديالو ..
رغدة : فيين انلقاها ؟؟؟
تانيا ( بدا صبرها كينفذ ) : انا عطيتك شنو خصك تجيبي لياا ... جيبي هادشي ... و الباقي عليا ... ايلا مالقيتيهش ... هاداك الشغل شغلك ...
ناريا ( حسات ب تانيا بدات كاتعصب ) : صافي صافي ا ماما ماعليش ... داكشي علينا حنا .. ( قبطات ف يد رغدة ) يالاه ... غادي تمشي ل عند شي ساحر ار ساحرة عندكم ف القصر .. و اطلبيه يدير لك التعويذة د التعقب .. باش نلقاو فين كاين آدم ..
رغدة : و علاش ماديريهاش نتي ؟؟؟
ناريا : رغدة .. عارفة السحر ممنوع .. و ايلا كانو كيسكتو قبل غير على ود باباك ... اما دابا راه مات ... و مرات باك ... كاتسنى غير الفرصة منين تشدك ..
رغدة ( ابتلعت ريقها ) : عندك الحق ....
دارت بكلامهم رغدة ... و جابت اي حاجة طلبوها منها .... خرجو على حدود المملكة ..جابت تانيا قبيلتها كااااملة ... باش تكون عندهم القوة باش يديرو هاد التعويذة الصعبة ... خداو من دم رغدة ... و خلاوها وسط من الدائرة لي دارو ... حيت هي اقرب حاجة ل آدم واخا ماشي نفس الدم .. لكن الترابط الروحي لي بينهم كبييييير و قوي..... خداو كيرددو على لسانهم ... تعويذات ...
فجأة ...
تتمة البارت :
فجاءة ... كيلقاو راسهم دايرين بين عدد لااااا يحصى و لا يعد من السحرة ... السحرة د المملكة كاااااملين تجمعو بيييهم .... و كانت كاتوسطهم الملكة ألارا زوجة الملك او بالاصح زوجة اب رغدة ... رمقات رغدة باتسامة مكر و انتصااار ... و عطات للسحرة اشارة ...
تماك هوما بداو يرددو تعويذاتهم .... تانيا و قبيلتها ... حااولو و حاولووو ماااا امكن باش يصدو التعويذة ... لكنهم كانو اقوى منهم ... كيفوقوهن عدد و قوة .. رغدة ماكانت فاااهمة والو .... بقات غير حالا عينيها و كاتشوف ف مرات باها
ألارا : ادفعي ثمن جرمك كااااااااامل ... و حتى نتوما معاها ... اتبقاي تعذبي حتى تفنى الدنيا ... و ف كل مرة غادي تشوووفي راسك نتي و آدم كاتموتو ... غاااادي تحررقوو كاااملييين و غاتعذبو ...
الوقت الحالي :
هزات تانيا عينيها ف محمد و هداية و هي مازال كاتحكي لهم ..
تانيا : تلعنا بالابدية و الخلود لكن ف عالم معاكس .. بحال المرايا ... كانشوفو الناس .. لكن هوما ماكيشوفوناش .. و ماكانت ف يدنا حتى حاجة ... مابقاش السحر ديالنا خدام ... و شهدنا على تكرر رغدة و آدم ... كايتزاد آدم ... و من بعد سنين ثاني كاتزاد طفلة و كاتكون اسمها رغدة ... كايعيشو قصة حب .. و فالاخير كيموتو بزوووج ... و ف كل مرة كيموتو ... كانتعذبوو كللللنا ... كاااانتحرقو .. كان هذا هو الثمن لي دفعناه بسبب رغدة .. كلشي ب سبب رغبتها باش آدم يرجع .. رماتنا كااااملين ف النااار .. كنا غادي نخلقو خلل ف الطبيعة .. و كانت هادي هي اللعنة لي نزلات علينا ... و رغدة و آدم بقاو فكل زمن كيتكررو ...
هداية (شداتها الدوخة و حطات يدها على السيارة ) : انا مافهمتش ... ش.. شنو هادشي .. علاش ماطراش هادشي ل رغدة صاحبتي ... علاش هي باقة حية ... و علاش آدم ولدهاا هي ؟؟ ..
تانيا ( ابتسمت بهدوء ) : آدم ماشي ولدها ... وقع خلل ف الطبيعة مرة اخرى .
__
أنت تقرأ
الفينيكس - the Phoenix | مكتملة
Fantasyالى من يمتلك افاق فكر لا محدود ... ماذا لو كانت رؤيتنا للواقع الحياتي مجرد رؤية سطحية ؟ هل من الممكن حقا اننا ننتمي الى عالم مليء بأشياء خارقة للعادة ام انها تعد فقط اسطورة و خرافة ؟؟؟ ... لقد ظنت حبهم مجرد خرافة اعتادت قرائتها في الروايات...