خرجات لينا ديك الساع من مكتب محمد و الدموع نازلين من عينيها ... وقفات واحد الشوية .. وخدات نفس عميييق و عاودات زفرات .. مسحات عينها من الدموع .. و مشات ناحية بيتها .. مع الحلة ... لقات رغدة واقفة .. شافت فيها لينا ب نظرات قاتلة .. و مشات ل ناحية فراشها .. و كاتهز مخدتها و الكوڤر لي ديالها ... جات حداها رغدة و كاتسولها ..
رغدة : لينا.. فين غادة
لينا ( شافت فيها و غوتات ) : و نتي ما ا ا ا ا ا لك ؟؟؟ هاه ؟ مالك شغلك
رغدة : واش اتخليني بوحدي ؟؟ مانقدرش نبات بوحدي
لينا ( شافت فيها بشفقة مصطنعة ) : مسكيييييييييينة ... ماتقدريش ... وا ا ا سيييييري من داك التبوهيل ديالك شوفي على من ديريه من غيري .. ههه على باش كنتي معاه قدرتي تنعسي ياك ؟؟
رغدة ( هضرات على نيتها ..) : ماخلانيش .. بات معايا ..
كانت لينا عطاتها بالظهر و منين سمعات هضرتها تبلوكات ف بلاصتها .. حسات بحال شي سطل د الما سخون تخوا علينا .. دارت ديك الساع شافت ف رغدة .. و الدموع بداو كيعمرو ليها عينها ..
لينا : ب..بات معاك ..
رغدة ( هزات كتافها ) : اهم .. عارفاني ماكانقدرش ننعس بوحدي .. هو نعس ف الارض باش مايخلينيش بوحدي ...
تنهدات نوعا ما بأريحة ... لكن مع ذلك بقات واحد الغصة ف حلقها و قلبها .. ابتلع ريقها و وجهات كلامها ل رغدة ..
لينا : كيفاش قدرتي ديري فيا هاكا ا رغدة .. !! كيفاش .. انا ختك ختك .. ماشي عدوتك .. علاش سرقيه مني ..
رغدة ( حركات راسها من اليمين لليسار ) : ماسرقتوش لك ا لينا... هو لي جا .. نتي ماعارفة والو . .
لينا : لا عارفة .. عارفة ختي الصغيرة خدات مني الراجل لي كانبغي .. الشخص لي كنت كانبغيه من صغري .. خديتيه ليا ب كل برودة .. واخا طلبت منك تبعدي منو ..
رغدة ( تنهدات و غمضات عينها ) : لينا.. عافاك ا ختي ... خليني نكون فرحانة ل مرة وحدة ف حياتي .. اه انا ماكانعرف والو ف هاد الحياة. . عارفة راسي غي بهلة و مكلخة و لي جا كايضحك عليا و كايعيطو ليا حمقة ..و برهوشة .. و لكن آدم كانحس براسي .. كانعرفو من شحال هادي .. علاش كلكم كاتبعدوني عليه .. انا عارفة شي حاجة كاينة ف شكل .. عارفة .. ( بقات ساكتة و تفكرات كلام آدم ف انهم خصهم يعرفوهم بعدو على بعضهم ) و لكن ... انا غانسمع كلامكم كي ديما... ماغانعاودش نشوفو مرة اخرى .. اصلا ماعندي فين نشوفو ...
بقات لينا كاتشوف فيها ف صمت ماجاوباتهاش .. عارفة كلامها على صواب .. و ف قرارة نفسها متأكدة انهم بينو و بين رغدة شي حاجة قوية .. و لكن هي كانت متيقنة انها غاتغيرها ... قالت مايمكنش يسمح فيها و هي من صغرها و هي معاه .. على وحدة عاد ايعرفها .. و لكن سمح فيها .. خلاها على قبل وحدة عاد عرفها هادي اسبوع .. خلات لينا رغدة واقفة .. و خرجات من الغرفة ... و مشات للغرفة د الضياف و سدات عليها تماك ..
رغدة .. جلسات ف الارض بحزن و هي مربعة يدها ... علاش كاتحس كأن العالم كامل .. باغي يوقف ف طريق سعادتها .. علاش كلشي متافق باش يبعدها على اول شخص كاتحس براسها حداه طايرة فوق السحاب .. علاش باغيين يبعدهم على بعضهم .. شنو المشكل لي فيهم ... تنهدات .. ونزلات من عينها دمعة و مسحاتها داك الساع .. طلات عليها هداية و لقاتها على وضعيتها الاخيرة ... ميلات شفايفها ب حزن على حال بنتها لي ما كانتش باغا يوصل بيها ل هاد الدرجة .. بعدتها على آدم قدر المستطاع و لكن .. ماقدراتش ... كلشي تضرب ليهم ف الصفر .. ظهورها ف حياتو و ظهوره حتى هو ف حياتها .. غلط .. قلبو الموازين ل بعضياتهم .. تنهدات هداية بصوت مسموع و هي كاتشوف ف رغدة حتى سمعاتها .... و التفتت ناحيتها ..
رغدة : ماما ........
هداية ( ابتسمت ليها ) : حبيبتي .. امم .. نوجد ليك باش تعشاي ؟
رغدة ( حركات راسها برفض ) : تت .. مافياش ..
هداية ( حنات عليها و دوزات يدها على شعرها ): اتباتي بالجوع ؟؟
رغدة (تنهدات و هزات كتافها ) : ما..ماعنديش الشهية د الماكلة .. غير تعشاو نتوما بالصحة ..
هداية : على خاطرك ا حبيبتي ..
طبعات قبلة على جبينها و جات نايضة
رغدة : ماما ...
هداية ( شافت فيها ) : نعام ا بنتي ؟
رغدة : امم ( ابتلعت ريقها و دارت يدها على عنقها كاتحكو ) و...واش تقدري تباتي معايا اليوم ..
هداية ( هزات حاجبها بتسائل ) : علاش .. مال لينا ؟
رغدة : هزات مخدتها و مشات .. ماعرفت فين اتنعس واش ف الصالة و لا بيت الضياف
هداية بقات ساكتة كاتشوف ف فراش لينا .. و تنهدات.. انتقلت بنظراتها ناحية رغدة ... و ابتسمت ليها ..
هداية : واخا ا حبيبتي ...
رجعات هداية من بعد و نعسات حدا رغدة ... ماتقدرش تخليها بوحدها ... اليوم الموالي ... مشات رغدة للكلية ... من بعد ماحطها محمد و كانت اجلال كاتسناها قدام الباب ... غير شافتها اجلال حلات ليها يديها و مشات رغدة كاتجري و عنقاتهاااا بجهد ...
إجلال : اووووووووف يا ختي الحمد لله تووووحشتك تووحشتك كون ماعيطتيش ف الصباح كون مت ....
رغدة : تا انا توووحشتك يا ختي .. توحشتك ....
إجلال ( بعدات عليها و شافت فيها ) : عااااودي لياا ... عاودي لي كللللشي ...
رغدة : شنو غانعاود ليك .. ؟؟
إجلال : رغدة ... حرشك عليا ياك ... انا عارفاه ايكون حرشك عليا و قالك ماتعاوديش ليها .. ياكي انا صاحبتك و ختك ياكي ياكي ...
رغدة : ناااري باش عرفتيها ...
إجلال : يااااااكي ... ولد الحرااام
رغدة ( دارت يدها على فمها ) : 😳😳
إجلال( جراتها من يديها و دخلو للداخل. و جلسو ): يالاه يالاه ... والله ما مفاكة معاك ..
رغدة : لا لا لا مانقدرش نعاود ليك ... ايعرفني عاودت ليك و انا قلت ليه مانبقاش نعاود ليك ...
إجلال : منين ايعرفك عاااودتي لياا اويلي ...
رغدة : راه عرفني قلت ليك راه باسني ..
إجلال : هااااا 😳 ماقالكش باش عرفها ... دابا يا لالة... تعقلي باش قلت ليك شفت شي حوايج .. فشكل
إجلال : اممم
رغدة : صدق آدم تا هو كيشوفهم ... المهم المهم ... انا ويااااه بيناتنا شي حاجة فشكل ... معرفتش كيفاش نفسر ليك ..
إجلال : فهمت فهمت ... دابا عاودي لياا شنو طرا منين مشيتي معاه شنو دار لك ..
رغدة : داني ل طنجة ... عرفتي ... الصراحة احسن يوماين دوزت ف حياااااتي ا اجلال .. ( هزات يد اجلال و حطاتها على قلبها ) نااري .. شحال توحشتو ... بزاف بزاف بزاف .... كانفكر فيه غير هو ... واش هذا هو الحب همممم ...
إجلال : اااااا بنتي. ... هذا ماشي غير الحب ... نتي راك فتي الحب الهيه ... طحتي فيه طيحة وحدة ... ايييوا كملي ...
رغدة : عرفتي ... صدق هو كيتسابق ب الطوموبيلات ... و ركبني ف واحد الطوموبيل د السباق ديالو ... و ضرب بيا دووورة ...
إجلال ( هزات تيليفونها) : سميتو سميتو نقلبو عليه ..
رغدة : آدم ...
إجلال : عرفناه آدم مالي قلت لك حواء ..الاسم كاامل، كنيتو زعماا ...
رغدة : ماعرفتش ...
إجلال ( ضربات على وجهها ) اويييلي ... اويلي معامن عايشة ... تسناااي ... انقلب ف نامبر بوك ... تقدر طلع ليا سميتو كاملة ..
رغدة : جربي جربي ....
إجلال ( دارت نمرتو و طلعات ليها ) : آدم فابراي ... زعما تكون كنيتو ..
رغدة : امم ماعرفتش ... قلبي عليه ف گوگل ... ايلا كان متسابق واعر اطلع لك شي حاجة عليه ...
إجلال : هممم ... واخا ... هاي هاي ... شوفي شوفي السيد كاتبين عليه ف ويكيپيديا گاع ... شوفي .. قالك اول مغربي فاز بلقب بطل العالم ف سباق السيارات ... شوفي شوفي شحال من لقب بعدا واخد ... ولكن ماكاين تا واحد فيه هنا ف المغرب ... داكشي علاش مامشهورش هنا ...
رغدة : قلبي علييييه ف الانستاا ..
إجلال : وااااخا ... هااا هو ... هاي هاي ... سيد عندك مجهد .. شوفي شحال د الفولورز .. ( بقاو كيدوزو على تصاورو ) شوفي .. هاد ثلاثة د البنات ... يسرى و هاجر و زينب ... ويلي ..
رغدة : اشنووو .... شكون هادو ؟؟
إجلال : ماعرفتش ... كيتعنبو عليه ف گاع التصاور ...
رغدة ( شافت فيها ) : و كيجاوبهم ؟؟؟
إجلال : لا لا كييطلع لهم ل ڤي . . ( ديديكاس لينا ب ثلاثة ا اليهود 😂)
رغدة : لااااا غااا يجاوبهم نحيد ليهم عينيه من بلاصتهم ...
إجلال ( نغزاتها ) : هاي هاي .. على الغييييرة ...
رغدة ( عقدات حواجبها ) : شمن ..( صوت الهاتف ) تيليفووني .. تيليفوني. . هذاا آدم ..
إجلال : جاوبي ا الزمر ...
رغدة( ويدها كيترعدو) ... وو... واخا ... احم ... آلو !!!!
آدم : خرجي دابا ... انا كانتسناك قدام لافاك ... دااابا .. ماتعطليش ...
——-
رغدة ( ويدها كيترعدو ) ... وو... واخا ... احم ... آلو !!!!
آدم : خرجي دابا ... انا كانتسناك قدام لافاك ... دااابا .. ماتعطليش ...
رغدة : هاااا 😳😳
آدم : خرجي ا رغدة
رغدة : امم ... واخا ....
قطعات و شافت ف إجلال و هي كاتلعب بصباعها ..
رغدة : يالاه وصليني ...
إجلال : فين غادة ؟؟؟؟
رغدة : كيتسناني على برة ..
إجلال : بنتي ... راه قارييين يمكن .. او لا ؟؟
رغدة : واااا ... تت ( هزات كتافها ) ماعندي ماندير خصني نخرج عندو ..
إجلال : اوييييييلي على البنت .. صافي اتولي تسمحي ف القرايا على ودو ...
رغدة : راه .. مانقدرش ا إجلال ... راه آدم .. و اصلا اشنو عندنا .. غاااا LC ماشي شي حاااجة .. ( شدات ف يدها و دارت ليه عيون البرائة ) وا يالاه عافاك وصليييني .. عافاك عافاك عافاك ..
إجلال : الخراا... صافي صافي .. نوضي تگعدي
رغدة طارت عليها و باستها فحنكهاا ..
رغدة : تااامبغيك وحق الله ..
إجلال : كثر من آدم ياك .. راه هاه ( هزات ليه صبعها ك نوع من التهديد ) عنداك تعطيه بلاصتي ...
رغدة : زيدي زيدي انتعطل ...
إجلال : دخلو معاك التحرميات مابقيتيش رغدة البهلة عام الله اش علمك فداك اليوماين ...
خرجات إجلال معاها ... و هوما يلقاو آدم واقف قدام الباب .. شافت إجلال ف رغدة لقاتها ترسمات ابتسامة عريييضة على وجهها ... و شيرات ل آدم ب يدها ..
إجلال : جري جري ... قبل ماتموتي ... يخخخخ
رغدة ماتسوقاتش لهضرة د إجلال و مشات ناحية سيارة آدم ... و حلات الباب و طلعات ... إجلال شافت ف آدم و هو يحرك ليها راسو ... رغدة بقات كاتشير ليها ب يدها و دير ليها باي باي ... ديمااراا آدم ديك الساع ... مشا طااااير .. و بعد على لافاك ... و خرج على المدينة مرة اخرى ... حتى وقف ... مع سكت السيارة ... دار عندها و جرها بدووون سابق انذار .. و طار عليها بقبلة عنييييييفة ... بغج ليها فمهااا ههه و هو كيتنفس ب صوت مسموع ... بعد عليها و هي كانت كاتلهت .. حيت خنقهاا... حط جبهتوو على جبهتها و هضر .. بنفس الطريقة تنفسه غير منتظم و كيتسمع صوتو ...
آدم : توحششششتك ... توحشتك ..
رغدة ( مغمضة عينها و قلبها كيضرب بجهد و كاتنفس حتى هي بصوت مسموع و صدرها كيطلع و يهبط ) : هممم ... ح..حتى انا ...
بعد آدم عليها و يديه فوق وجهها ... و ابتسم ليها ...
آدم : ههه .. مابقيتش عارفك اش درتي فياا .... مابقيتش نقدر نبعد عليك ...
حنات رغدة راسها و ابتسمت بخجل .. زادت ابتسامة آدم لخجلها ... و منظرها الطفولي و كيفاش كاتحني راسهاا ... و كيفاش كاضعف قدامو ... و ماكاتقدر دير حتى حاجة ... مخلياااه هو كيدير فيها لي بغااا ... تكاا آدم على الكوسان و هو كيضحك ... بقات رغدة على وضعيتها كاتشوف فيه و ف ضحكته .... حتى دور وجهو و شاف فيها ... و غمزها ب عينيه ...
آدم : ااايه !!؟؟
رغدة ماعرفاتش ماتجاوبو و هزات كتافها و ضحكات .. بقا ساكت كيشوف فيها ... باغي يشبع عينيه منهاا ... حتى كسرات هي داك الصمت ..
رغدة : شنو غانديرو دابا ...
آدم : انديييرو الولاد ..
رغدة ( بعدم فهم ) : ها!!!
آدم : شبغيتيناا نديرو ... خليني غا نبقا نشوف فيك ..
رغدة : عنيت زعما ف هاد الوضع ... انا و نتا .. و شنو هادشي لي بيناتنا .. و علاش كانشوفو نفس الحوايج ..
آدم ( حط يديه على شعرها و كيلعب ليها ببعض خصلاته ) : هادشي لي بيني و بينك ماكيتسمااش ... نتي ديالي و انا ديالك. .. مفهموم ؟
رغدة ( ابتلعت ريقها و حركات راسها بالايجاب ) : اهمممم ...
آدم (تنهد ) : و... بالنسبة ل داكشي لي كانشوفو ... عندو تفسير ... و لكن ... خصناا الوقت باش نفهموو اش هو ... بغيت غير نوصل ل هادوك لي قالو ل واليديك ... شي حاجة عليناا .. باش نفهمو كلشي ...
رغدة : امم ... فهمت .. فهمت .. آدم ... كانحس براسي كانعرفك من آلاف السنين ..
آدم ( ابتسم ) : حتى انا ...
رغدة : اححححم ... ب..بغيت نهضر معاك ..
آدم : اهاه ... هضري انا كانسمعك ...
رغدة : نن...نتا .. و لينا
آدم عقد حواجبو و بقا ساكت ...
رغدة : واش كاتبغيها ؟؟؟
آدم : رغدة ... واش باغا تطلعي ليا الدم ؟؟
آدم عقد حواجبو و بقا ساكت ...
رغدة : واش كاتبغيها ؟؟؟
آدم : رغدة ... واش باغا تطلعي ليا الدم ؟؟
رغدة ( دارت يدها على صدرها ) : ا..انا 😳 .. ننن لاا لا. علاش انبغي نعصبك ..
آدم : اذن من الاحسن نسدو هاد الموضوع .. اوكاي .. ؟
رغدة : آدم .. ( تنهدات و مييلات شفايفها ) انا ماقاداش نبقا نحس ب هاد تأنيب الضمير ... قالت ليااا خديتك منهاا ..
آدم ( غمض عينيه بقوة و زفر ) : رغدة ... مااخديتينيش ليهاا ... سمعي ... واش عارفة النهار قلت ليها نتفارقو .. بلا مانقولها السبب او علاش و شكون هادي لي باغي .. نيشان قالت ليا واش شفتيها .. عارفة اش كيعني هادشي ا رغدة ...
رغدة ( حركات راسها ب نفي ) : تت ..
آدم : كيعني انهم كاااااااملين ... سمعتي كاملين عارفين شي حاجة علينا قبل ماتكون اصلاااا ... قالت ليا انا كان يحساب ليا داكشي تخربيق ... مافسراتش ليا مزيان ولكن انا ماشي مكلخ و لا حمار باش مانفهمش ... هي كانت عاااارفة ايجي النهار لي غادي تكوني ليا و غانكون ليك . . هي لاحت راسها ف العافية .. انا النهار شتك مابقيت كانحس من جيهتها ب حتى حاااااجة . . واااالو ا رغدة ... انا ماكانبغيهاش ... ليناا ماكاتعني ليا حتى حاجة. .. و هي اكثر وحدة اتكون عارفة هادشي لي بيناتنا .. عارفة شي حوايج حنا ماعرفينهاش ... i won't give up on you ( مااغانتخلاش عليك ) واخا ماعرفت اش يقولو ليااا ... ايلا كنتي نتي ليااا و انا ليك ماااكاينة حتى قوة ف هاد الدنيا تقدر تغيير هاد الحقيقة ... و الدليل على هادشي من صغرنا بعدونا على بعضنا ... و لكن ف آخر المطاف هانتي كانشوفي .. انا ونتي مع بعضياتنا ... حتى حاجة ماقدرات تبعدنا على بعضياتنا ....
رغدة بحالا ودنييييها كانو مصمكيييين ماداتها ف الهضرة كاع لي قال ... منين سكت .. حطات يدها على مقود السيارة و هي كاتلعب بصباعها و تكلمات بلا ماتشوف فيه ...
رغدة : امم .. هي دابا ماكاتبغيهاش ... ياك ...
آدم ( ضحك بسخرية و حرك راسو بخفة من اليمين لليسار ) : هادشي لي سمعتي ... واااخا ا لالة .. ماكانبغيش لينا. .
رغدة : اممم ( عوجات فمها ) و شكون كاتبغي ...
آدم : كاضحكي ؟؟؟
رغدة ( شافت فيه ) : كاتبغي شي وحدة اخرى .. شكون دوك لي كيتبو لك ف الانستا ؟؟؟
آدم ( خرج فيها عينيه ) : شكون هادو ؟؟؟
رغدة ( هزات كتافها ) : شي .. وحدات .. شفناهم
آدم : ايااااه ... شفتوهم شكون نتوما ؟؟
رغدة : انا .... اناا و انا 😳 ... ( شاف فيها دوك الشوفات د شوفي و كان ) انا و اجلااااال ...
آدم بدا كيضحك و هو يرجع الكوسان للور و اشار ليها ب يديه ...
آدم : اجي اجيي ...
رغدة : فين 😳...
آدم ( اشار ليها بين رجليه ) : اجي جلسي عندي ...
رغدة ( ابتلعت ريقها ) : هممم ...
آدم ( بدل نبرة صوته ) : رغدة
رغدة : واااخا واخا 😳😳
حطات صاكها .. جلسات عندو ... بقات كادور ف عينها و هي ماقادااااش تشوف فيه و وجهااا حمر ... ابتسم ل خجلهاا .. و قادها ف الجلسة و دار راسها على صدرو ... و بقا كيلعب ليها بيديه ف شعرها ... كانت ف الاول كاتحس بتوتر ... لكن من بعد بدات تحس برااحة ... تكاات بأريحة على صدره .. و هو كيلعب ليها ف شعرها ... حتى جاب ليها النعاس ... و عينها بدات تغفى. .
خرجهم من المود غير صوت هاتف آدم ... هزوو لقا ماماه كاتعيط .. جاوبها ل الحين ...
آدم : الو..
رغدة ( الام ) : آدم ... فين نتا ..
آدم : اممم ... انا عندي شي شغل الوالدة علاش ...
رغدة (الام) : اي حاجة كانت عندي خليها و اجي عندي داااابا. .
آدم ( بقلق) : شنوو واقع ... واش شي حاجة خايبة ..
رغدة (الام ){بنبرة صارمة} : آدم ... هضرت معاك بلا هضرة خاوية .. اجي دابا. . انا ف الدار
آدم ( تنهد بعمق ) : اهمم .. واخا انا جاي ..
قطع عليهاا .. و شاف ف رغدة لي كانت كاتشوف فيه . بقلق حتى هي ..
رغدة : شنو واقع ؟؟
آدم : خصني نمشي دابا ...
رغدة : همم .. ( ميلات شفايفها بحزن ) ياك لاباس
آدم ( هز يديه ) : الوالدة ... عيطياات ... معرفتش يمكن كاين شي مشكل قالت ليا نجي ضروري ...
رغدة ( حركات راسها بالايجاب ) : اهمم ...
آدم ( هز يديه و شاف ف الساعة ) : باقي الحال على باش دخلي الحصة ديالك ؟؟
رغدة ( شافت ف الساعة ) : مازال خمسة دقايق ...
آدم : اوكاي ... عيطي ل إجلال تسناك على برة ...
حركات راسها بالايجاب و رجعات لبلاصتها و عيطات ل إجلال ... ماكاملاش حتى خمسة دقايق و كان آدم نزلها قدام الباب .. شاف فيها ... و حنا لعندهاا و قبل ثغرها قبلة خفيفة .. و ابتسم ..
آدم : التيليفون ما بيناتناا .. اوكاي ؟؟
حركات ليه راسها بالايجاب و نزلات عند إجلال ... لقاتها حاالة فمها و كاتشوف فيها ...
إجلال : لاااااا مننننن نيييييتكم 😨 ؟؟؟؟
رغدة ( هزات كتافها ) : شنووو شنو ؟؟؟
إجلال : كاااايبوسك ... ف فمك ا رغدة .. ف فمك .. نقولو اللولة واااخا ... ولفتوووهاا ..
رغدة : وااااا تت ... وا شنو بغيتيني ندير ... ماقدرش نقول لاا. .. راااه اووووووفففف ...
إجلال : ايييييه عااام الله اش درتو باش كنتو بوحدكم ... خصني ندي يماك للطبيب مابقيتش نتيق فيك
رغدة : علاش اديني للطبيب ...
إجلال : اقسم بالله ايلا نتي رااااه عندك الخراااا ف مخك ماشي عقل ... سمعتي ( كاضرب ليها ف راسها ) الخرا ... دوزي. دوزي قدامي ..
_____
آدم قلع فور ما وقفات رغدة مع اجلال ... مشا طااااير و شد لوطو روت للرباط. .. و بالو مشغول اش ممكن يكون علاش عيطات عليه ماماه بديك العجلة ... ماحبس غير قدام العمارة ... طلع بزربة ... و حل الباب ب السوارت .. مع الدخلة سمع صوت د البكا .. عقد حواجبو بقلق ... و بقا متبع الصوت لي كان غادي بيه ناحية المطبخ ... و مع الدخلة ... كيشوف لينا جالسة فوق كرسي و دايرة يدها على وجهها و كاتبكي ... و رغدة كاتشوف فيها ...
قبل دقائق ..
سمعات رغدة الدقاان ف الباب .... و هي تمشي تحل .. من الحلة تلاحت عليها ليناا كاتبكي ...
لينا : اهئ اهئ اهئ .... طاااااطااا رغدة اهء ...
رغدة : آو ماي ... ( بعادت عليها و نزلات يدها على وجهها ) ليناااا !!! مالك ا بنتي. .. شنو واقع ليك ...
لينا : اهئ طااطااا .. نتي لي بقيتي ليااا ... نتي بوحدك ...
رغدة ( قبطات ليها فيدها ) : دخلي دخلي ا حبيبتي ...
سدات رغدة الباب ... و لينا دخلات و جلسات ف الصالة .. مشات رغدة حداها و السيدة كاتشهق بالبكاا ..
رغدة : لينا ... ( خدات يدها كادوزها على شعرها ) شنو واقع ؟؟
لينا ( مسحات دموعها ب يديها و تكلمات ب صوت مخنوق ) : كللللشي كلشي ضدي .. كلشي ... ماما و بابا كيفضلووو عليا رغدة حيت هي بنتهم ... و انا غييييير غير غير ( رجعااات تبكي ) اهئ اهئ غيييير بنت الحرام ...
رغدة ( نزلات يدها على فمها ) : لييييينااااا ششششش شش .. اش هاد الهضرة ا بنتي ... حشووومة تقولي هاكا ...
لينا : آآه ا طاطااا ... هادشي لي كاين ... واش دابا انا كانبان لك قد لي يضربوني هاا ؟؟؟ هاديك البرهوووشة كاتبقا تشري ليا الصداع معاهم ... باااسلة ا طاطا .. باسلة دايرة كيف الشيطااان ... كيتيقوها و يكذبوني ... شوووفي ( عطاتها حنكها ) شو بابا اش دار ليا البارح .. ط
رغدة ( شافت اثار الطرشة ) : محمد ضربك ؟؟
لينا : ااااممم .. اه ضربني ... كيحگرو عليااا حيييت ماعنديش مامااااا
رغدة : بنتي ... والله حتى عيب هاد الكلام لي كاتقولي .. ماعارفاش شحال هداية كاتبغيك و تحماق عليك ... كون تشوفيها شحال هادي راه كانت اتموت على قبلك و باش ماتمسك حتى حاجة .. الغلط كيوقع بعض المرات ... لكن عمررك تشكي ف حب واليديك ليك ... ايلا ضربوك كيبقاو واليديك ... ماعندك ماديري ... و لكن كيبقاو واليديك ..
لينا : و مااااشي غير هادشي ... اهئ اهئ آدم ... آدم تفارق معااااايااااا اهئ اهئ طااااطااا انا من صغرييي و انا معاه حليت عليه عيني ... فلخر اهء ... سمح فياااا ا طاطا سمح فيا على قبل وحدة عاد عرفها ..
رغدة ( نزلات يدها على صدرها ) : آ...آدم ...
حركات ليها راسها من اليمين لليسار و هي كاتشهق ب البكاا و وجهااا حمرررر مع هي شهبة ... دغيااا كاتبان فيهاا ... بقات رغدة ساكتة و كاتفكر حوارها مع آدم نهار قاليها تلاقيت بواحد البنت .. بقات كاتعض على شفايفها و هي تنوض هزات تيليفونها و عيطات ل آدم ....
الوقت الحالي ...
آدم : ل..ليينا !!!
ليناا ( هزات عينيها فيه و هي طرطق بالبكاا مرة اخرى ) : اااااا اهء اهئ اهئ ....
آدم عقد حواجبو و شاف ف ماما .... لقاها مخرجة فيه عينيها ...
رغدة : دوز نهضر معاك ..
دخل ل بيتها د النعاس و تسناها دخل ... بقا غادي ماجي ف الغرفة و هو معصب .... حتى دخلات رغدة و هي مخنزرة فيه ...
آدم ( تنهد بعممممق ... وهز راسو للاعلى و محاول يتحكم فأعصابه على قبل ماماه ... نزل راسو و شاف فيها بلوم ) : هاادشي لاش معيطة لياا ؟؟ هادشي لاش ؟؟؟؟
أنت تقرأ
الفينيكس - the Phoenix | مكتملة
خيال (فانتازيا)الى من يمتلك افاق فكر لا محدود ... ماذا لو كانت رؤيتنا للواقع الحياتي مجرد رؤية سطحية ؟ هل من الممكن حقا اننا ننتمي الى عالم مليء بأشياء خارقة للعادة ام انها تعد فقط اسطورة و خرافة ؟؟؟ ... لقد ظنت حبهم مجرد خرافة اعتادت قرائتها في الروايات...
