Haske writers association💡
Bayan rasuwar amnah sosai suhailat tashiga damuwa shikuma gashi bai iya ya ake lallashi ba bare
Iyakacinsa idan zai fita yanasaka yin breakfast idan yadawo suyi dinner sbd bai cika lunch agidaba.
Hakadai ta dangana tacigaba da rainon sabon cikinta.
Sultan yayi yayi yaqara aure yamaqi dawowa qasar shiyasa yadauki mataki kaitsaye akansa.
Sultana tashiga damuwa matuqa jin amnah ta rasu batareda sun ta6a ganinba saidai a hoto kawai gashi tanason zuwa amma sultan yasa doka.
Jakadiya kuwa sosai tafara shirya shiryen na kullum tana sashe sashe duddubawa cikin dubara sbd sotake saita ringa fahimtar halayyarka sbd kar asamu magaji ta macenda batada nutsuwa ko ma'ana.
Kullum cikin kwantarwada suhailat hankali sultana take hardai taga ta warware itama hanakalinta ya kwanta.
Lurada jakadiya sultana tayi ta kalleta bayan ta kori dukkanin bayinta dake sashen sbd maganar datakesonyi da jakadiyar.
Rumanah ce kawai a bedroom din ammyn tana aikinta hankali kwance.
Cikin muryar bada umarni tace,
Inason sanin hukuncin da sultan ya yanke akan maheer sbd nasan me shirunsa yake nufi.
Sunkuyar dakai jakadiya tayi wani zufa ya tsatsafo mata cikin sanyin jiki da sanyin murya tace,
Sultan yabada umarnin atanadarwa yarima sa dakoki har biyar akillacesu zai dawo bazai komaba yanxu sai ansamu qaruwa daga garesu.
Tashi zaune sultana tayi cikin wani irin yanayi na tsananin damuwa da takaici taringa maimaita innalillahi.
Kallon jakadiya tayi tana qoqarin ganin damuwarta bata rinjayetaba murya amatuqar sanyaye tace,
Har kin tanadesu 'din?
Tukunadai ranki ya Dade saidai nima ina cikin tsananin fargaba da tsoron yanda zata kaya sbd aurensa ma ta yaya akasamu yayi bare yanxu mata har biyar.
Rintse idanu sultana tayi tareda budesu jajir tace,
Idan kin zabesu kafin ki gabatarwada sultan su ki gabatarmin dasu inason naga matanda wasu daga cikin jikokina zasu fito ajikinsu.
Jakadiya na fita ta bada umarnin abuga qararrawa atara mata dukkanin wata kuyanga dake masarautar.
Nan tafara dubasu cikin layi harbasa qirguwa sbd yawansu amma takasa samun 'daya dazata ware duk wadda takalla saitaga komai gyara da kulawar daza'ayi mata batakai matsayinda yarima zai hada shimfida da itaba.
Da haka ta sallamesu tace gobe kowanne yayo wanka su sake zuwa subi layi.
Tana gama gyaran bedroom din tafito tazo gaban sultana ta durqusa cikin girmamawa tace,
Ammy nagama kinada buqatar wani abu?
Kallonta sultana tayi da idanuwanta dasukai jajir sbd baqin ciki ta girgiza mata kai.
Ganin halinda ammyn take ciki yabata tsoro ta miqe hartakai qofa ta waiwayo cikin damuwa murya asanyaye tace,
Saida safe ammy.
Asanyaye ta isa dakinsu ta tararda daga mamani har nuratu basu dawoba ta tube taso watsa ruwa amma jin batada gajiya kuma batai wani aikin wahalaba tayi kwanta.
Tana qoqarin juyawa nuratu tashigo amatuqar gajiye ta zauna bakin 'yar katifarta tana cewa,
Rumanah wlh tsufa da wuri zai kamani sbd wahala.
Murmushi rumanah tasaki ahankali kafin ta tashi zaune tace,
Me kike gudu da tsufa da wuri?
Harararta nuratu tayi tana zame kayanta tace,
Ke kuma mekike yiwa sauri da tsufa?
Nifa rumanah banason tsufa da wuri sbd bazan ta6a cire rai daga hangowa kaina wata irin kyakkyawar rayuwa,
Ke nifa har mafarki nakeyi nazama wadda tafi kusanci ga Wanda wai zai mulki masarautarnan anan gaba,
Kuma kinsan menene?
Mace nake gani amafarkina koda yaushe saidai adon zinarai dake jikinta tana hanani ganin fuskarta....
Mamani dake shigowa tayi saurin qarasowa ta riqota tana washe dukkanin haqoranta tace,
'Yarda zaki haifawa yarima ce......
Fusgewa nuratu tayi da qarfi tana cewa,
Barni da zancenki mamani koyaushe bakinki baya tsayawa mmatsayinsa..
Sake washe baki mamani tayi tace,
Nuratuna dama nasan tuntuni jikina nabani kece zaki fitardani cikin wannan qasqantacciyar rayuwar,
Jikina nabani kece za'a zaba amatsayin sa 'dakar yarima.....
Dariyace taxowa rumanah tayi saurin rufe baki sbd gudun masifa da balain mamani dazata iya kwana tana surfa mata.
Cikin takaicin halin mahaifiyarta nuratu takalleta tace,
Lallai mamani bakya sona tunda harkike fatar nazama baiwarda za'a riqa kwana dani ina haihuwa ana karbe 'yayan.
Cikin saurin mamani tace,
Kibar maganar baiwa daga ranarda kika hada shimfida dashi kintashi daga baiwa sbd duk Wadda ta haifo magaji sultan ya 'yantata daga ranar kuma ita za'a miqawa matsayi dakuma kujerar zaman uwar sarki sbd tariga ta haifo sarki,
Duk Wanda taso nadawa yayiwa danta riqon qwarya shi zata nada har 'danta ya girma abasa kujerarsa,
Idan kika haifi namiji nuratu babu Wanda zaki bawa riqon kwarya kece zakiyi mulkin da kanki,
Kece zaki hau kujerar sarauta da kanki,
Kece zaki mulki dubban 'daruruwan sarakuna da daulolinsu,
Kece zaki zama mace ta farko dazatayi mulkin wannan masarauta da aka tsani haihuwar mata.....
Kasa riqe dariya rumanah tayi tasaketa tana kallon mamani data watso mata mugun kallo tayi saurin hadiye dariyar.
Nuratu ma dariyar tasaki tana kallon mamani kafin takalli rumanah suka saki wata dariyar.
Mamani tayi mugun hasala tayo kan rumanah nuratu tayi saurin riqota tana cewa,
Haba mamani nah kece fa uwar sarauniya nuratu kuma kakar magajin sarautar dariyafa kawai mukeyi ta farin cikin wannan mafarkin naki mai dadin gaske kokuwa 'dayar mamar magajin sarauta.
Dariya suka qunshe suna kallon juna suna kallonta.
Ganin sun maidata mahaukaciya yasa qyaci ta fice ahasale.
#Mamuhgee
