مساء الورد 🌹
..................
كانَ ذنبي اني ثمرة لحب كان مزعوم بيين أثنين
لم يعوو وجودي
الأب تخلى وباع دون ثمن
والأم حاولت ان تبعدني عن هذه الأوجاع حسب ماكانت تدعي لكنها كانت وجعي الأكبر
أمي سعادتي وجزء من احزاني
حبها لي وخوفها علي جعلها تتخبط بين طرقات الحياة الملتويه
تاهت بينهن وكادت أن تتيهني
............ .
الأسبوع الأول الي بالدوام كلي نشاط وحيويه وأخيرا صرت طالبه جامعية
قبل لا اباشر بالدوام اخذتني ماما الواحد من اكبر واحسن مراكز التجميل الي هي زبونته ع طول ماما من النوع الي تهتم بنفسها بزياده هي دكتوره جامعية بس كل همها سعادتي والأهتمام بنفسها الي يشوفنه ابد ميگول أم وبنتها راح يفكر انو اني وهي خوات
وفعلا احنه بيناتنه شايلين الحواجز الا بموضوع واحد مستحيل نتناقش بي وهو دخول الرجال الحياتنا اذا الها واذا الي من يمها وترفض رفض قاطع
الغريب امي رفضت وجودي بنفس الجامعه الي هي اداوم بيها رغم هي اداوم اهليه كذلك
دخلتني كلية المأمون الأهليه قسم التحليلات المرضية
قبل فتره من الدوام غيرت ستايلي من شكل بناتي الى انثوي جميل بحكم انتقلت انتقاله من الأعدادية الى الجامعه وطبعا مااسوي شي بدون علم امي وتشجيعها
كان التغيير حلوو واله وقع جميل على نفسيي زادني ثقه بنفسي اكثر او حبيت التغيير والتمست منه التغيير داخل روحي للاحسن
اول يوم رحت متشووقه رغم الكلية صغيره بالنسبه الباقي الكليات اماكنها معدوده
بس الي بيها ناس راقين وحلوين حسيتهم كلهم متفائلين اذا كانو الشباب او البنات
اول يومين اتعرفت على بنوته حلوه وجهه بشوش
اسمها روان
وعدها بنت خالتها بمراحل متقدمه
وقررت نتعرف اني وهي عليهم
بالبدايه كانو كروب مغرورين بشكل لأن هم مراحل متقدمه ويعرفون كلشي عن الجامعه والبيها واحنه بعدنه جدد ويضحكون علينه ع اساس هم ممرو بهذي المرحله
تركتهم وماحبيت اختلط بيهم وظلت روان بيني وبينهم
اني بطبيعتي ماعندي علاقات كثيره علاقتي بماما وخالتي الصغيره هذي اختي اعتبرها الي هي وسناء
وسناء عمرها 27
شكد امي حاولت تبعدها عن زوجها الحالي عد ماكان بينهم علاقه بس منجحت والحقيقة امي اهتمامها بيه وبس الباقي مجرد تنصح اخذو نصيحتها لا متهتم
دائما خالو سرمد يگللها لتعكسين حياتچ ع بنتج لدمريها اختيارها مو شرط حيكون نفس اختيارج
تتعصب هي وتدخل بنقاش طويل عريض ومتسمح الأحد يوضح فكرته ويناقشها وادخل اني واكلهم الي تريده اسوي
أنت تقرأ
عرين ألذكريات ذنبي
Romanceحياتي جميله لو انها تخلو من ذكريات موجعه لمن أفنت حياتها من اجلي كان همها حمايتي من اوجاع مرت بها سابقاً حاولت ان اكون كما تريد واكون كما تريد ان اكون ولكن هل يدوم هذا ؟ وهل تنجح محاولاتي ؟ امي سعادتي وجزء من احزاني
