اتوجهت وعيوني تحفظ كل تفاصيله وضربات قلبي اتسارعت
فرحه بداخلي مااعرف اوصفها بس أحس وجوده جرعة امل الي
شوفته تفرحني رغم يوميه نتخابر ونتراسل بس احساسي واني اشوفه غير
اتقدمتله بخطوات سريعه
انتبهلي وصارت خطواتنه تتسابق
عيوني بعيونه ابتسملي
بادلته الابتسامه وعيوني متقبل تغير مسارها عن ثغره مزينته الخطوط الجانبيه الي بارزه من خلال ابتسامته الي تحولت ضحكه هادئه ،حلوه ،
بانن منها اسنانه وبياضهن اللامع
بادرت اني بالسلام
..صباح الخير وعام دراسي سعيد يارب
ضحك مستغرب تحية الصباح والعام الدراسي مني
احسه يضحك ع تعبيري !
بس جاوبني بنبره حلوه كأنها تغريده بمسامعي
..ياصباح الورد ..احلى صباح بعمري
حك ذقنه بخفه وگال
..لو لا ..ان شاء الله يجي صباح اسعد واسعد من هذا الصباح الي محليته اشراقتج وطلتج الحلوه عليه
عيونه ع ملابسي يمكن عجبه التغيير
شفته يتلفت وعيونه ادور يباوع للطلاب
گال
..تعالي محلوه وگفتنه هنا ..واني دااتعذب يرضيج عذابي!
شنو هالشوق البعيونج اول مره اشوف كل هالاشتياق منج اني بدون هالنظرات مصبر نفسي بالقوه
ضحكت اريد اجاوبه انتبهوو علينه مجموعتنه
ايمن، روان، وباقي البنات ،وقيس
اتقدملهم بخطوات سابقني واني الارتباك بيين عليه هسه يلله انتبهت النفسي قبل اشتياقي غالبني
دار عليه عيونه تأشرلي اتقدمت الروان باوستها وللبنات وگعدت وياهم ضحك وشقه بعدها اتفرقنه للمحاضرات يوم جديد مرحله جديده
حياة جديده بالنسبه الي تفكيري اتجدد اليوم اني هنا اختلف عن اول يوم العام الماضي
وابالي هواي اشياء قبل كنت بدون هدف حتى بخيالي مراسمتلي مستقبل غير المتقرر الي
اتذكرت ماما
لشوكت نبقى اني وياها هيج عايشين ابيت واحد وبعيدين
هي امي ومو فاهمتني
ابويه ع تواصل مستمر وياي بس هي داتبتعد اكثر
واني هم وصلت مرحله اكره ضعفي كدامها رغم اشتاقلها هواي اتمنى تحس بيه
اتذكرت طلبها قبل المشكله الصارت كان ابالها فكره انسافر اني وياها ونستقر بالخارج ورفضت رفض قاطع بعد محاولت وياي بعد المشكله الأخيره
قريب النهاية الدوام گعدنه كلنه وكل واحد حجه عن الي صار وياه والولد اكيد ع لقاء دائم عكسنه احنه البنات
اتونسنه بضحكهم وشقاهم
أنت تقرأ
عرين ألذكريات ذنبي
Romanceحياتي جميله لو انها تخلو من ذكريات موجعه لمن أفنت حياتها من اجلي كان همها حمايتي من اوجاع مرت بها سابقاً حاولت ان اكون كما تريد واكون كما تريد ان اكون ولكن هل يدوم هذا ؟ وهل تنجح محاولاتي ؟ امي سعادتي وجزء من احزاني
