السلام عليكم حبايبي ..
اعتذر عن التأخير بسبب عطل الراوتر عندي وصار يمين احاول انشر بس النت كلش ضعيف ع السيم كارت …
الإهتمام لا يعني كثرة الاسئلة !
ولا يعني أن نعرف كل تفاصيل حياة من نهتم بهم ،
الاهتمام أحساس صادق ينبع من قلب صافي يلامس روح من نهتم بهم
في الخفاء يجعلنا نفكر , نشتاق , ندعي , نبحث ,
نقلق ولو من بعيد !
…………
شنوو شصاير شكوو
الكل مشغول محد جاوب سؤالي مخبوصين يسكتون مرت احمد وجهالها يبجون على بجيها عيوني اتدور احمد وين ماكو شنو شصاير لحظات اتملكني الخوف على اخويه
حاجيت ابويه الي يسمع الكلام من ساره وبجيها مضيع كلشي نحاول نفهم
حاجيتها اني
..ساره شنو الموضوع شصاير
بچت بحرگه وگالت
.. اني هذا حدي كلشي سويت حتى محد يعرف الي بينه بس هذي طاقتي وبعد مااكدر
احمد يطلع من الصبح يرجع من الشغل يبدل ويطلع عشاه بره ويرجع متأخر انصاص الليالي واني وحدي اني وجهاله مجرد يسووك ويروح وهاي صار شهرين ع هذي الحاله مليت كلشي سويت حتى احافظ على بيتي بعد مابيه شوفو ابيش الساعه هسه اتصل بي ترد عليه وحده
ليش اني شبيه شنو ناقصني بشنو مقصره
..اهدأي جهالج اتخبلو يمعوده طاح حظه اذا صدك كل هذا هو مسوي.. يجي هنا ونحجي ونشوف حل ارتاحي
اتوجه عليها ابويه باس راسها وكلها اصبري ولتنطي علم انتي هنا روحي وي البنات واني اعرف شلون اجرها الاذنه
دار علينه
..ممنوع احد يكله ساره والجهال عدنه خلوو خل يقلق ويعيش بقلق خلوه يصحا على نفسه من مخلي بنيه شابه واطفال بهذا العمر ابيت وحدهم وهذي الدنيا التعبانه شنو بعقله اريد افهم !
بعدها انت وفرقد تسألون عنه وين يلتقي بالجديد وي منو وتجون تكلولي اريد اعيد تربيته هذا الجبير الينشد بي الظهر لا هواي ارتاحيت بهذا العمر هواي انتكلت عليه
..يابه على كيفك كلشي ينحل
روحي ساره ارتاحي وخلو هالحلوين يمي مشتاقلهم
اخذنها البنات وامي ضايجه عليها وعلى احمد تكل الابويه لتتصرف اسمع منه اول يجوز طلعاته يم شباب لو عنده شغل صاح عليها ابويه بصوت سكتها
امي خطيه تحاول تحاميله حتى وهو غلطان
الجو بعده مشحون صعدتهم وياي الجهال وفرقد يمي يريد يحجي اشرتله ع الجهال يفتهمون
الحد مرادو ينامون صحت البنات اخذنهم نص الليل واتصل عليه احمد
صوته تعبان مرتبك
..هلوو ابهر
..هلو أحمد كول
أنت تقرأ
عرين ألذكريات ذنبي
Romanceحياتي جميله لو انها تخلو من ذكريات موجعه لمن أفنت حياتها من اجلي كان همها حمايتي من اوجاع مرت بها سابقاً حاولت ان اكون كما تريد واكون كما تريد ان اكون ولكن هل يدوم هذا ؟ وهل تنجح محاولاتي ؟ امي سعادتي وجزء من احزاني
