يسعد صباحكم حبايبي اسفه ع التأخير المفروض ينزل قبل هالوقت بس خطاري شغلني
اني الصراحه الوقت مااكدر التزم بي الشي الوحيد الي مو ملكي وقتي مو منظم ساعات يجون خطار فجأه ساعات ماعندي شي يعني اذا اتأخرت مضطره واذا بيوم افرغت اعوضكم اول من يجي على بالي انتم حبايبي ❤❤
… ..
لا شيء يمنعك أن تكون طموحًا في حياتك، اصنع قوتك دون أن تظهرها ، إن تعثرت اليوم فانهض غداً ، تخطَّ كل هزائمك وخيباتك وارفع سقف أحلامك للأعلى فأنت خلقت لتعيش لا لتموت بجسد يتنفس
………………………… .
انتظرتها تطلع حتى افهم منها سبب زيارة والدتها
شي بداخلي يجبرني أهتم بيها وفضولي يدفعني اعرف عنها كلشي واحاول اساعدها
عيونها بكد حلاتهم اتمنيت اشوف بيهن فرحه تبدد الحزن الي مطفي جمالهن
شنو الشي الي بيها خلاني اهتم الها مااعرف بدون غايه بدون تخطيط مني بليه شعور صار اشهر واني كل عقلي مخلي وياها وكل هدفي انو اغيرها النفسها وبس
رايدها تشوف الدنيا تشوف الناس تغيير نظرتها للحياة
ليش وشكو اني هالكد مهتم مااعرف هواي اسأال نفسي وجوابي نفسه مااعرف مااعرف
الي اعرفه ابد معندي غايه غير اشوفها مرتاحه وتتحرر من افكار والدتها الي مرسوخه بدماغها
كانت هي وروان ومجموعه من البنات كاعدين انتبهت كلهن يتشاركن الحديث الا هي عيونها وتركيزها مو يمهن اصلا
ياترى بشنوو تفكر
وشنو تريد تشوف عيونها ادوور منوو
انتبهتلي ابتسمت ابتسامه خجوله بادلتها الابتسامه واتراجعت
مبيين مرتاحه
مااريد اعرضها الموقف ولا اريد اجذب النظر الها او العلاقتنه الي بيها نوع من الخصوصيه اني ميهني شي خوفي عليها هي بدون شي والخوف والقلق ملازمها
قررت مراح اكلمها بداخل الجامعه من نرجع اتواصل وياها
رجعت من الدوام تعبان بس عقلي متعبني اكثر احسها اخذت حيز من تفكيري شغلتني عن هواي امور كانت شاغلتني
دخلت للبيت امي موجوده وسرى ورؤى بالدوام
سلمت عليها صعدت اغير ملابسي واخذ حمام نزلت
لكيت الوالد موجود سألني ع دراستي ويومي ورجع سأل فرقد ع وضعه وخطيبته وانو راح يباشر ابناء المشتمل هذا الاسبوع گله حتى تستعجل بالعقد
وبس يكمل اتزوج مااريدها اطول وتجر خلي نتجنب المشاكل
حسيت فرقد متوتر وخجلان من ابويه
من كام الوالد سألته
..شبيك مو على بعضك
اتنهد بضيق وجاوب
..احاول أهدأ وامشي هالأيام بخير والا وداعتك الوضع مينطاق بس قابل شأحجي اعرف الوضع من. قبل بس كلشي لعيونها يهون خل تجي يمي وبعد كلشي يخلص
أنت تقرأ
عرين ألذكريات ذنبي
Romanceحياتي جميله لو انها تخلو من ذكريات موجعه لمن أفنت حياتها من اجلي كان همها حمايتي من اوجاع مرت بها سابقاً حاولت ان اكون كما تريد واكون كما تريد ان اكون ولكن هل يدوم هذا ؟ وهل تنجح محاولاتي ؟ امي سعادتي وجزء من احزاني
