عرين ألذكريات ذنبي

٣۰

مساء الورد ..

العمر ضل بي عمر لو كافي لهنانة ..؟♡

.......

صعدت اشوف الكل متوجهين للدرج يصعدون على صوت التكسير
بخطوات سريعه بعدتهم عني وصعدت
والكل يسأل شكوو شصار ..فرقد يكل الميلاد انتي طرف بالموضوع شسويتي ؟

تركو كلشي وصعدوو ورايه

الباب مقفوله دكيتها كل قوتي متفتح صحت

..اريج افتحي الباب لج افتحي الباب لتخوفيني عليج
اريج افتحي.. يابه افتحي الباب شبيج بس نتفاهم
راح اكسر الباب ..راح اكسره تسمعين

ابتعدت عنه وبكل قوتي دفعته محاول كسره وياي فرقد ساعدني انفتح الباب شفت عينها وارمه ولون الزراگ واضح داير مدايرها وهي مستمره تضرب على وجهه وعينها شكو شي ع الميز مشمور عطور مكياج كلشي مشمور بالكاع الغرفه تخنك من قوة العطور الي منتشره بيها

متهستره منتبهت الي ولا الاهلي كلهم صعدوو يردون يعرفون شصاير ابويه يسأل وامي

فرقد واحمد

اشرت الفرقد

..اطلع انت مااريد اشوفك لا انت ولا مرتك اخذها واطلع منا

حاجاني مترجي يريد يفهم

..ابهر خليني افهم شصاير

بصوت عالي صحت

..أطللع لتظل واكف يمي اطلع منا

بعده احمد يحاول يطلعه ويكلي اصبر اخوك اكبر منك لاهيج وياه

حضنتها اريدها تهدأ حالتها والهستريه الي بيها مخليه عدها قوه صعب السيطره عليها بسهوله!

بأيد حددت ايديها من الحركه وبأيدي الثانيه اعدل شعرها باعد خصلاته عن عينها المتأذيه احس الاذيه اتضاعف بروحي وگلبي.. اساسا صار فتره مبتعده حتى عني واحاول وياها بطرق متبين الها احساسي بضعفها

اشرتلهم يتركونه وهي على نفس الصرخه والبجي

تعاتب وتحجي بس ممفهوم كلامها

شددت حضني ودي ازرعها بين اضلوعي وابعدها عن كل انسان حاقد ومؤذي

همستلها بتعب

..كافي ارحمي نفسج لتسوين هيج

دفعتني اتمسكت بيها اكثر

..احجي عاتبي بس لتصيحين هيج بلاعيمج راحن
شبيج فهميني شسوتلج ميلاد شحجت هي

بصوت مخنوك من اثر بجيها

.. انت مو وعدتني ..مو كتلي محد يعرف مو كتلي

..حقج والله اعرف وعدتج وابد محاجي الغير فرقد حاجيته بموضوع جان لازم اتدخل بي واسترسلنه بالكلام لكيت نفسي شاكيله همي اني تعبان لتشوفيني هيج اكابر .
بعدين واذا عرفت ميلاد ليش تضعفين هيج ليش ..
شي مو بأيدج لامسويه عيب لاحرام لا شي انتي سبب بي موضوع يخصنه اني وانتي وبس والف مره كتلج لتخلين هالشي يأثر علينه اني مؤمن بقضاءالله وانتي روحي وكلشي غير وجودج ميهمني