مساء الورد حبايبي ..
كتبتلكم بارتين سوا
"معذور يا موطني حتى بنشيدك حزن
ما ردنه منك خبز
و لا ردنه منك حلم
بس ردنه منك وطن"
#نريد_وطن
......
شفته ضاج حيل ماادري عليه لو على الطفل الي متمنيه اني وهو لو لأن امي اجت
اشرتله بعيوني مترجيته الخاطري اتحمل اعرف امي مراح تسكت بدون متذبلها حجايه بس بلكي الخاطري هي هم تسكت
اشرلي براسه لتخافين
سلمت ماما عليه اتجاهلت وجوده وهو هم مابدر منه شي ولا حاول يسلم عليها اجه زوجها سلم عليه واتجه الابهر يسلم عليه
رجع الالم يزيد بعد مرتاحيت منه فتره مشيت خطوتين ومگدرت اكمل وگفت سانده نفسي ع الحايط
ماما لزمتني وهي تحجي وتلوم نفسها وحظي
.. سوده عليه ماما هسه شكو حملتي مو مسقطه قبل انتي عرفتي نفسج عالجتي لو بس تردين جهال بدون متحسبين حساب التعب والمسؤولية
..ماما هذا وكته هسه تلوميني الوجع موتني استعجلوو عفيه
..لعد شوكت وكته متكليلي خو موو يوميه حامل ومسقطه ادمرين نفسج انتي اني غير خايفه عليج ياامي
اتقرب عليه ابهر لزم ايدي
..اروجه اتحملي بس اخذي سونار والطبيبه تشوف شلون تعالجج حبيبتي صيري قويه ولتهتمين
نزلت دموعي واشرتله براسي وبأيدي مسحت الدمع
دخلت للسونار وماما ويايه
الطبيبه گالت ماما الطفل بعنق الرحم ونحاول انزله بعلاج بدون تنظيف لأن رحمج ميتحمل وانتي مسويه قبل مو بصالحج نسويها بس راح تتأذين والاوجاع تستمر وياج لحدما ينزل ترتاحين
وبعدها تسوين مجموعة تحاليل اكتبهم الج
اني اصلا اعرفهن كتبتهن الي اخذت الورقه مال التحاليل والراجيته بيها العلاج وطلعت
كتله ميسون شي تكول مو زين عليج
شفته اتوتر اكثر مني
..اشلون يعني مو زين عليج اكو مشكله لو شنو مافهمت
..مااعرف تكول بالعلاج احسن
جر نفس براحه
..ياعيني كولي من الاول الحمدلله خفت غير شي ..العلاج ناخذه من بره هسه نطلع يعني ميحتاج تبقين
..لا نطلع
..هاي بعدج تتوجعين وجهج صار اصفر شلون نطلع وانتي بهالحاله
مغمضه عيني بقوه من الالم كتله بصوت فاقده سيطرتي مكدرت اكتم اكثر
..مااعرف شمعرفني اني تكول اتحملي
أنت تقرأ
عرين ألذكريات ذنبي
Romanceحياتي جميله لو انها تخلو من ذكريات موجعه لمن أفنت حياتها من اجلي كان همها حمايتي من اوجاع مرت بها سابقاً حاولت ان اكون كما تريد واكون كما تريد ان اكون ولكن هل يدوم هذا ؟ وهل تنجح محاولاتي ؟ امي سعادتي وجزء من احزاني
