صباحكم عافيه 🌹
حبايبي البارت بدون تعديل لأن انحذف ورجعت عدت نصه
…… ..
مرات ياخذنة الضعف ..
بس نبقة نحجي بقوة
…………… ..
رحت الفرقد احاجي گاعد مخلي ايده ع راسه
..فرقد هالمره اني ماردت احرجك كدامها وخفت هي تنحرج اذا رفضت انطيك الملابس
زوجتك عدها حق ع اي اساس تخدمني خواتي موجودات ..اني اكوي النفسي
لتخليني بهالموقف مره ثانيه البنيه صح بت عمي بس مبينه هواي تحبني وحقها مالومها متعرفنه ولا شايفتنه عمام بس مابينه تواصل اكيد ماخذه غير صوره عنه واني بالذات بسبب اخر مشكله صارت تروح تكرهه بيه ازيد ؟
زين هذا اول اسبوع تمد ايدك لعد بعدين شلون انت واخوك ليش متعرفون تتصرفون
..ابهر اسكت اني روحي طالعه والسانها السبب هي الي هانت نفسها مو اني
الموضوع حاجين بي وشارح الها كلشي وكتلها انسي السامعته ابيت اهلج وادخلي انسانه جديده اتعرفي عليهم بنفسج واتعاملي وياهم باحترام
بعدين اني روحي طالعه هذا اخوك هسه يصير بي شي والله وبالي يمه وهي اطبق نصائح امها يمي
شصار لو كوتلك الخاطري ع الاقل متفشلني انوب السانها شطوله
عوفك منها
راح اصعد ارتاح لتخلي يطول بنومته ليصيرله شي حاجي ابويه بصعوبه قنعته يدخل يرتاح واحنه يمه
..ليظل بالك ماعليه شي بس خلي يختلي وي نفسه يرتاح اكثر وانت هم لااتعبه الابويه بمشاكلك من اولها
رحت للبنات متمددات بس كاعدات من دكيت الباب كعدن حاجيت رؤى تكوي قمصاني وردت من سرى
فونها كتلها
..سراوي جيبي فونج
..ليش ؟
..شنو ليش اريد اخذ رقم ساره اتصل بيها
..شتريد منها الاتصال بشنو يفيد بعد
..شعليج انتي انطيني وبس
اخذت الرقم
وطلعت الغرفتي شكد علاقتنه حلوه قبل شنو تريد تحتاج اني معتبرها اختي وهي كذلك تشوفني اخ الها وبقى احترامها بداخلي بس من صار طلاقهم شفتها صعبه ابقى ع تواصل وياها وحاليا واني اريد اتصل دا اشوفها صعبه الرابط الي بينه ماعاد مثل اول
راسلتها
..السلام عليكم
ام علي اني ابهر
ميحتاج اشرحلج مكانتج عدنه ولايحتاج اذكر وكفاتنه الج او وكفاتج النه
اخت طيبه سنين ماشفنه بس الخير منج
الي اريد احجي اعتبري كلام من اخ مو لأن احمد اخويه الله شاهد
بس زواجج بهالطريقه غلط
ومحد يدفع ثمن اغلاطكم بس جهالكم
هسه يمكن دتكولين انت مو احن مني وتفكر بيهم
عندج حق اني مو احن منج بس انتي حاليا بفتره صعبه تعيق تفكيرج وعقلج يعني الي بداخلج ميخليج تفكرين زين واجبي كأخ الج والاحمد وعم للاطفالج انصحج
ابتعدي عن هذا الزواج مو بصالح اطفالج والله
أنت تقرأ
عرين ألذكريات ذنبي
Romanceحياتي جميله لو انها تخلو من ذكريات موجعه لمن أفنت حياتها من اجلي كان همها حمايتي من اوجاع مرت بها سابقاً حاولت ان اكون كما تريد واكون كما تريد ان اكون ولكن هل يدوم هذا ؟ وهل تنجح محاولاتي ؟ امي سعادتي وجزء من احزاني
