مساء الحب ❤
حبايبي خجلانه منكم والله واعرف مقصره بس عذروني مااكدر انطي موعد حتى مااخلف بي
لأن وقتي مو ملكي مرات تجيني ظروف تجبرني ودائما مشغوله اني لذلك من البدايه نوهت الي ميتحملرانتظار ينتظرها تخلص ويقراها حتى ليشعر بالملل
شكراً الكل الي يعذروني ومقدرين ظروفي
وشكراً للمتحمسين اكيد يخلوني احس انو الاحداث حلوه وتعجبهم بس يعز عليه زعلكم
………
أصابني منكِ من الألم أكثر ممّا كنت أتوقعه من أي كائن، ولكن بهذا القدر من الضيق، يبقى وجهك لـي وجه السعادة والحياة.
_آلبير_كامو
…………… ..
..شنو اخطبج شكو شصاير
..انت متريد تخطبني شنو شصاير؟
..حبيبتي غير افهم منج طبعا ناوي اخطبج وانتي الي ومتصيرين الغيري اذا الله راد ..بس غير بالمعقول يعني امج هي تتحجج ورافضه مبدأ الزواج الج
اروح اخطب منها واني طالب ترديها تهيني مثلا
الاسبوع اليجي تطبيق وكم شهر واتخرج واداوم مختبر واتعيين ع شهر الواحد ان شاءالله يعني كلها كم شهر نصبر حتى متخلي حجه وابوج هم اكيد يتمنالج شخص متمكن وظروفه عدله لعد ترديني اخطب واني براس ابويه ومصرفي عليه
اني اخجل من نفسي والله مو بس منهم
صح الله امكنه الحمدلله بس كل واحد هو يحير بنفسه ومسؤوليته افضل
اني اشتغل وياهم بس شغلات بسيطه ومرات اشتغل مرات لا يعني مو ثابت كل همي دراستي هسه
اصبري عليه وتدللين يوم الهنا اليوم الي اطلبج بي
اختنك صوتها بعبره
..لعد شلون؟
..شكو حبيبي شصاير غير افهم شنو الي مخليج هيج اطالبين بشي وانتي جنتي خايفه منه
..ماما مصره ع السفر ودتجبرني اروح
..اريج عمرج قانوني ماكو سفر بالاكراه او تگدر تجبرج بالعكس هي هنا مسيطره عليج اكثر بحكم المجتمع وعاداته ميتيحلج حرية انو تصيرين ضدها هناك كلشي الصالحج معقوله متعرف هي وكل همها تحرم ابوج منج
..مااعرف والله تعبت كلش تعبت
..اريج احجي الصراحه الموضوع احسه مو سفر اكو شي غيره وينج ووين السفر بعدج انتي ممخلصه السنة امتحاناتج بعدهي
..لا والله بس هي دتحاول تذكرني كل متشوفني مرتاحه واضحك جابتلي سيرته وانو لازم اني وياها وهناك الدنيا احلى ونخلص من كلشي
..لعد ياعمري ع شنوو ضايجه انتي سايريها گليلها اتخرج ونسافر واني متشوقه اكثر وافرحي الموضوع السفر وبينيلها بي حريتج اكثر وترحين وترجعين ع الوالد لو يجي يمج وانتو تحجون سوي نفسج فرحانه اكثر ومتحمسه متأكد تنهي الفكره امج كل همها تفرض عليج حياة غير الي انتي اتخططين الها اذا شافت منج فرحه وتقبل واكو دخل للوالد مراح تبقى ع نفس الموقف صدكيني
اتصرفي بعقل حبيبتي مو كلشي بچي
واذا خطبت هسه الامور تسوء اكثر واسببلج مشاكل انتي مو بحاجتها
أنت تقرأ
عرين ألذكريات ذنبي
Romanceحياتي جميله لو انها تخلو من ذكريات موجعه لمن أفنت حياتها من اجلي كان همها حمايتي من اوجاع مرت بها سابقاً حاولت ان اكون كما تريد واكون كما تريد ان اكون ولكن هل يدوم هذا ؟ وهل تنجح محاولاتي ؟ امي سعادتي وجزء من احزاني
