مساء المحبه ❤
.....
ضعت ودروب المتيهين يطويهه الهضم مغزل
… ..
طلعت وياهم امشي محتار لابيه اكمل طريقي وياهم ولا بيه اتركها
مو كادر اخلصها
عيونها تتوسل عيوني
ونظراتي تكلها خليج قويه وصلت للسياره
حاجيتها الاخر مره وهي تصعد بصوت واطي همستلها مستغل انشغال امها بتشغيل سيارتها
..طمنيني لتخليني محتار
بقيت واكف اريد اخطيلي خطوه صح ..مااعرف شسوي عقلي اتشتت
عيون امها عليه تنظرلي بغضب وكأني قاتل الها احد
حركت سيارتها وطلعت
بقيت اني ع وكفتي ونفس حيرتي
احس المواجهه صارت وهذا وقتها بس شلون ومنين ابدي
اروح افاتح ابويه واطلبها من والدها لو انتظر خبر منها
رجعت للبيت مهموم اتصل بيها مترد
ساعه وانغلق فونها
اتوترت حيل
اتذكر رقم خالتها مسجله عندي مره اتصلت بيه منها
اجيت اتصل نهيت الاتصال قبل ليرن فونها
اصبر اخر حل اتصل بيها
الحد الليل ماكو شي مافكرت بي
مدام بعد وقت
اتصلت بخالتها سلمت عليها ومحتار كيف افتح الموضوع
معرفتني
جاوبتها
..اني ابهر زميل اريج بالدراسه مره اتصلت بيه من رقمج وحفظته اليوم اجت والدتها للدوام وشافتنه كاعدين سوه والصراحه ردة فعلها كانت مبالغ بيها لذلك ظل بالي يمها وفونها مغلق ياريت تشوفين وضعها وترديلي خبر
اسف اذا أزعجتج بس ماعندي غير حل وبالي يمها
انتبهت الخالتها بعد كلامي وياها حسيتها مرتبكه اكثر مني وباين هالشي من خلال نبرة صوتها وبعد ماكملت كلامي طولت وهي ساكته وكأنها مصدومه من الي تسمعه اخر شي كالت صار اتصل واشوف واردلك خبر
… .
أريج…
رجعت للبيت والطريق كله ماما تحجي وتعيد بنفس الكلام.
شنو علاقتج بي هذا ؟
وليش تخذليني
وشنو المرحله الي واصلتها انتي واني مو داريه تاليها عندج كومه علاقات
تركتها مجاوبت اعرف بس احجي تزيد واحنه. بشارع
بس احس صدري يحرگني النفس صار يصعب عليه ودموعي تزاحمت ع خدي
موقف محرج وسخيف كلش الي انحطيت بي
اتذكرت خوف ابهر عليه ونظرات عينه وهو محتار
مااعرف ليش احس نفسي رغم كلشي بس ممصدومه. متوقعه جيتها الي بكل وقت
ومتفرق عندي اذا عرفت واذا لا
مليت من الضعف مليت من حياتي مليت من كلشي
أنت تقرأ
عرين ألذكريات ذنبي
Romansaحياتي جميله لو انها تخلو من ذكريات موجعه لمن أفنت حياتها من اجلي كان همها حمايتي من اوجاع مرت بها سابقاً حاولت ان اكون كما تريد واكون كما تريد ان اكون ولكن هل يدوم هذا ؟ وهل تنجح محاولاتي ؟ امي سعادتي وجزء من احزاني
