عرين ألذكريات ذنبي

مقتطفات

يسعد صباحكم حبايبي

مشتاقتلكم هواي

راح ارجع وياكم بقصة جديده

ممكن ابدي بيها قريب

……………

متوتره وخايفه ونظرات امي تخوفني اكثر احسها تعرف شنو الي مغيرني

بعدت عيوني عنها اتظاهرت بأني مشغوله انظر للسنادين الي احبهم واراقبهم يكبرون وشوكت تتفرع عيدانهن الخضره الجميله

تخليني احس اكو أمل بهذي الحياة وتنطيني طاقه احس نفسي قوية وماله داعي شعور الضعف يغزيني

اسرق نظرات الأمي اشوفها متوتره احسها وبداخلها كلام الهسه مااعرف ليش متحجي وتخلص وتخلصني امي من النوع الصريحه ومتحب تلف وادور ولا تحب اداري عادي الي عدها تكوله

عيني صارت ع رجليها الي تهزهم بقوة شافتني انتبهت الها
بنبرة ماليها الشكوك حاجتني

..أريج ماما گولي شنو الي يخليج تتغيرين هيج وتغيرين بيج هوايه شغلات حتى صداقاتج والمستوى الأجتماعي الي يخصهم صايره تصادقين اقل من مستواج

..ممتغيره ماما ماكو شي مجرد فكرت انو الجمال والنزاكه مو معناه اظهر زينتي  ولا الثقافه تخليني اشوف الناس اقل من مستوايه او اني احسن منهم  ثقافتي تحددها كلامي ومنطقي وتصرفاتي والحجاب اتصور شي حلوو مابي شي حتى تقلقين

..الي قالقني تغييرج النفسج لو وراه شي؟

..تغيري نابع من قناعتي اتصور اني وانتي متفقين انو انخلي بينه مساحه شخصيه نفكر بيها ونطرح ارائنه ونتصرف مثل منريد

..كل هذا بشرط وانتي تعرفي

طولت واني اباوع الها معقوله امي الهذا عمري وهي مقتنعه تبعدني عن اي رجال وتحت اي مسمى علاقه، صداقه ،زواج .

جذبني صوتها وهي تكمل كلامها وشكها جاي يزيد

..تعرفين أني شنو اريد وكل هذا الدلال حتى اجنبج اي رجال على وجه الأرض ممنوع يوصلج وممنوع تمرين بالي مريت بي

حاولت اسايسها

..ماما ميحتاج هالعصبيه حبيبتي انتي منو كلج شايفه رجال اني لو اريد؟
مجرد تغيير للأحسن المفروض تباركين خطواتي وان شاءالله الهداني يهدي الجميع

..شنو تقصدين من كلامچ اني كافره وصرتي انتي تعلميني واطلبيلي الهداية لأنو حظرتج اتحجبتي واني لسه

..العفوو ماما مو هيج مو هذا قصدي

..تبقين بنت ابوج مهما سويت ميصير بعينج

..اذا تعرفين ابقى اني بنته ليش تمنعيني منه

..لأني ابساطه اكرها واخليج حسره بقلبه وهذا الي صار كل الجهال الي صاروله بعدج بس هو بقى متعذب على شوفتج وهذا ميرضي الا جزء قليل من داخلي الي حاب ينتقم منه شر انتقام

تنهدت بضيق

..حبيبتي ماما انسي

..ومنو كلج اني مهتمه انتي شدتخربطين تحسسيني متحسفته الوالدج وترديني انسى

..مو هذا القصد انسي حتى الوجع.  انتي قويه

..ولأن اني قويه مراح انسى

..اتعبين حبيبتي

..محد يتعبني غيرج اذا نسيتي وعدج الي وقررتي ترتبطين

…………… ..

في مكان اخر  وزمان اخر من قلب العاصمه بغداد

باكيت الجگاير بأيدي اريد جگاره وجداحتي مختفيه
مثل كل مره يمكن احد مسلطلي جني بس يخطف الجداحه ويروح

ادور حواليه  يمين ويسار دورت بجيوبي  ماكو

صوت ايمن نبهني

..لك شبيك شمضيع

..مضيع جداحتي اريد  اشعل هالجگاره اشتعل گلبي واني اذكرها وافكر بتاليتي وياها شنوو

..لك انت شغلتك ادووخ

..واني دايخ من ذاك الوقت الحد الأن اريدلي طريقه اطلع بيها بجواب وخطوه متقدمه مجاي اگدر دليني الطريق وارشدني

..أبهر انت تحبها صدگ لو مجرد اعجاب

..لك انت شتخربط يااعجاب واني غرگان بحبها

..لك شعاجبك بيها وهي منطويه

..اخ اخ اخ لك شعاجبني بيها تسألني هو اكو بيها شي ميعجب كلها تعجبني وكلشي بيه يريدها بس الغضب الي وراها شلون اتصرف وياه

يتبع… .