مساء الخير والمحبه ❤
حبايبي مشتاقه الكم اشكركم كلكم ع مباركتكم الي وصبركم وياي
البارت بي تعويض عن بارتين وهم ماموفيتكم حق انتظاركم
احبكم احلى متابعين ❤
…………………… .
ما بين هوسة عرف
و وجوه متطشرة ,,
بس انت وجهك بقة
يستاهل اتـذكرة ،،
انا القطار المشه
ومخنوك كلش اجه
من الناس الـبصدرة ،،
من گتلك اگدر چذب
محبس بـ اصابع طفل
يـفراكك شـكبرة ..!
............... ........
عيوني تتفحص احمد وهو ينطي الابويه الخبر احس عيونه بيهن لمعه فرحته طاغيه على ملامح وجهه
اول مره اشوفه مرتاح من فتره طويله
امي ابويه ،احنه الولد ،والبنات الكل فرحان حسينه ساره بتنه ورجعت النه
ردنه نفهم هو متأكد هي موافقه سألناه
گال اكيد بدون موافقتها مااكدر احجي بهيج موضوع باركناله واكثر فرحتنه للجهال كبار وصارو يفهمون كلشي ويعرفون اكو خلاف بين اهلهم ودائما يتمنون يعيشون وي ابوهم وامهم
ابويه گله مدام متفقين ماكو داعي نتأخر اليوم اتصل بأبوها ونحدد موعد باجر او بعده للمشيه ونگعد ونتفق على كلشي وانت رتب بيتك. وامورك واعقد
فرقد شويه وگام. ماطول هذا الثاني هم گلبه مليان هموم..متأكد مرته يحبها ومشتاقلها اكيد ويتمناها ترجع اليوم قبل باجر بس هو يگول لازم يصير الها درس
واني همي غير عن الكل
منتظر تخلص هالفتره على خير واتخرج وابدي اشتغل بين مايطلع تعييني واحاول اشوفلي مختبر هم استفاد منه خبره تصير عندي وهم احس بقيمة تعبي واشتغل بالاختصاص الي احبه
وبعدها افكر شلون اجيب الحلوه اليمي وتصير الي وبين احضاني
أيمن علاقتي بي رجعت وعلن الخطوبه بالجامعه وعزم جماعته بناسبة خطوبته والكل عرفوو صار نسيبي
منتظر يتخرج اول اسبوع بالعطله يتزوجون
رغم هذا اني متخووف من سرى تگدر ادبر زواج ومسؤولية وعائله ودراسه بنفس الوقت لو راح تتعب وتاليها تتندم مااعرف خايف عليها واحسها هوايه استعجلت وأيمن طبيعتهم تختلف عنه عدهم الولد يتزوج عدهم ويخلف وتكبر اطفاله وبعدها يقرر يطلع ويمكن الاب يوافق يمكن يعارض حسب موافقة الاهل
عكسنه احنه ابويه ميعارض عنده اهم شي مرتاحين ووين منكون رغم يضوج وينقهر هو وامي بس ابد ميعارضون ضوجتهم لأن يتوحشون عليهم وبس
بعد ما عمتي سعاد طلبت بخطوبة فرقد انو لازم يعزل شفت القهر واضح ع ابويه بس كال حقهم
قررت اني ابقى وياهم ومااطلع مهما كان بأعتباري اصغر واحد ابقى يمهم
اجه ابالي اريج تتحمل لو هم تريد تستقل وحدها
ضحكت ع عقلي الي صاير يشخبط وين اني وتفكيري وين خل افكر شلون اتزوج اول وشلون احصلها وبعدها احير بمكاني
أنت تقرأ
عرين ألذكريات ذنبي
Romanceحياتي جميله لو انها تخلو من ذكريات موجعه لمن أفنت حياتها من اجلي كان همها حمايتي من اوجاع مرت بها سابقاً حاولت ان اكون كما تريد واكون كما تريد ان اكون ولكن هل يدوم هذا ؟ وهل تنجح محاولاتي ؟ امي سعادتي وجزء من احزاني
