صباح الخيرات حبايبي . .
سؤال اكو اراء تكول القصه مابيها شي حلوو ويجذب ماله داعي اطوليها واني جوابي مااريد استعجل بيها مثل غيرها واندم ذكر التفاصيل مهم بس بانتقالات واضحه
انتو شتشوفون حبايب توافقون الرأي للي يكولون انهيها هي مباقيلها هواي بس هم رادو انهيها ابارت واني اشوفه ظلم الها
اناقشكم بي لان اعتبره نقد ولازم افكر بي واخذه على محمل الجد
. . . . . . . .
والماشي عني بلا سبب فد نوب ما هميتله !ومن گال متحنلي شعجب ؟
حِن وانه أحن غنيتله
. . . .
من وصلنه تعبانين الطريق كلش طويل وابهر بسيارته رايح ولازم احد يستقبله ويكون صديق اله او اقارب استقبلنه الولد رحب بينه ترحيب حلوو واصر بنفسه يكرمنه ويضيفنه ابيته استقبلونه احلى استقبال هو وعائلته
رغم تعبانين بس روحهم الطيبه وصدق مشاعرهم وصلت النه كنا مرتاحين محسينه بثقل بس التعب واضح علينه
بس خلصنه العشا والچاي اخذنه للفندق الي حاجزلنه بي بعدها رجع البيته واحنه استقرينه اول شي فكرت اسوي انام من التعب احس راسي حيطك والتفكير ذبحني هم
اتمددت ع السرير مريح ينطي واهس للنوم
اخذ ابهر ملابسه وفات للحمام متكسر من السياقه بالطريق
عرفت هو جاي اكثر من تلث مرات قبل بس مضابط شي من اللغة الكردية وكل جيه اله هو صديقه يستقبله ويساعده
وصار عندي فضول اعرف صداقتهم شلون صارت واتصادقوو بس تعبي ميخليني اكدر أسأل او استفسر شي
نمت حسيت عليه من طلع وهو يتعطر بعد الحمام شويه واجه يمي سحبني اله وصار ظهري ملاصق الصدره باس راسي وشم شعري ونمنه سوا
كعدت الصبح باقين على نومتنه وخرت عن ايده اكيد متكسر
حسيته يحرك جسمه وايده بتعب
بسته بخده وصبحت عليه ابتسملي
. . صباح الخير
. . تعرفين المقصود من الخير انتي . احلى صباح الاحلى زوجه وحبيبه . . شلون صرتي
. . الحمدلله زينه
كلتها وبعدت عنه اريد انهض
. . جهزي نفسج نطلع كل هالوقت نايمين حيصير العصر واحنه مشايفين شي
اخذت حمام بدلت لكيته مبدل رتبت نفسي وطلعنه
الاجواء حلوه المناظر تجذب كل مكان يأشرلي بي وشوكت جاي هنا
رحنه مطعم ورجعنه تعبانين ارتاحينه وسهرنه بالفندق وفاتحني بموضوع المراجعه جنت ضايجه حيل واحس ماعندي طاقه الكلشي
. . اروجه اكو هنا دكتوره معروفه تكدرين تبدين وياها وتركي دكتورنج غيريها يعني الا هي؟ تعالجين عدها وكل مره تكلج ماكو نتيجه وكلامها نفس الكلام خلينه نجرب هنا
أنت تقرأ
عرين ألذكريات ذنبي
Romanceحياتي جميله لو انها تخلو من ذكريات موجعه لمن أفنت حياتها من اجلي كان همها حمايتي من اوجاع مرت بها سابقاً حاولت ان اكون كما تريد واكون كما تريد ان اكون ولكن هل يدوم هذا ؟ وهل تنجح محاولاتي ؟ امي سعادتي وجزء من احزاني
