قنعتها انو اني راح اسوي الي تگوله وانو هي ترفض وجوده بحياتي عن لساني وانو اني مااريد اسمع اي شي عنه
بيومها ظلت طول اليوم تراقبني مااعرف شاكه بيه عندي اتصال وياه لو خايفه عليه وتريد تحاوطني بعيونها
وصلت الخبر البابا ولح كومه بأتصالاته خفت انكشف وتروح تنتكس صحتها زياده قفلت الفون
وردتلي فرصه اكلم بابا وع الأقل افهم منه
طلبت مني اليوم مااتركها وانام يمها وثاني يوم ظلت تراقب وتتبعني الاي مكان اروحله
صراحه اكو خوف دخل قلبي هو اما هي تشك بيه وحاسه
او حالتها متطوره ويمكن صدك دتعاني من ازمه نفسيه مثل مگال عنها ابهر وياخوفي هالحاله تطور وتزيد
ظليت احاول الكيلي فرصه طلبت منها انروح انشوف بيبي او نطلع انغيير جوو مقتنعت ويمكن خافت بابا يتعرض النه
يومين مرت وفوني مغلق ظل بالي يم بابا صراحه صح حقدت على طلاقه الها بهالطريقه بس تعامله وياي حلوو وتعودت عليه وخفت افتقده
ثالث يوم طلبت مني اطلع وياها نتعشه مطعم هي وزميلاتها
زميلاتها مااحب كعدتهم عدهم المظاهر والفوارق الطبقيه من مميزات جلستهم ولازم يتحدثون عنها
كتلها اني تعبانه واستغل وقتي اقرأ الكتب الي اشتريتهم ويمكن انام
اول مطلعت وسمعت صوت سيارتها ابتعدت عن بابنه قفلت البوب ورحت افتح الفون
اتصلت على بابا
نزلت دموعي من سمعت صوته شلون تعبان مبيين مقهور وتعبان وديضغط على نفسه ويخفف حدية صوته
جاوبني
..ليش بابا.. ليش دتعذبيني ليش
نزلت دموعي بحراره على خدي محد متعذب غيري ودي هيج اجاوبه
هو عنده حياته وزوجته واولاده الكل عايش واني بسجن
حكمت عليه ذكرياتهم واخطائهم
سمع صوتي ابكي اتحولت نبرة صوته الخوف وقلق
..اروجتي بابا شبيج ليش دتبجين شنو ماما كشفت بيناتنه تواصل وعاقبتج اذا هذا صح مراح اسمحلها بهالشي كلشي ولا اذيتج روح ابوج انتي بس اهدأي وفهميني
تعرفين صار يومين مشايف طعم الراحه اتصورت تكذب وردتلي عن لسانج بس القلقني فونج مغلق
زاد بكائي وزاد قلق بابا وبده صوته يعله
..اجيج بابا والله اجيج هسه وبعد مااحسب الاي شي حساب لا العشرتها قبل ولا المحبتها ولا الكل شي كان يربطنه هالمره اطلع قهري كله بيها اذا متعرضتلج
..لا بابا مو هيج محد متعرضلي
..لعد شبيج باباتي أريد افهم اني تعبت والله تعبت وتفكيري كله يمج
..بابا ماما من سمعت انت تريد تتواصل وياي من جديد واني وافقت انهارت وظلت متاكل ولا تشرب شي وتبكي بهستريا تلث ايام منقطع بكائها
أنت تقرأ
عرين ألذكريات ذنبي
Romanceحياتي جميله لو انها تخلو من ذكريات موجعه لمن أفنت حياتها من اجلي كان همها حمايتي من اوجاع مرت بها سابقاً حاولت ان اكون كما تريد واكون كما تريد ان اكون ولكن هل يدوم هذا ؟ وهل تنجح محاولاتي ؟ امي سعادتي وجزء من احزاني
