عرين ألذكريات ذنبي

2

‏لا تقلق سوف يأتي اليوم الذي تقف فيه شامخًا، للشتات الذي انتثر منك ثم جمعته، ثم سوف يأتي اليوم الذي تقف فيه مبتسمًا، للماضي الذي أبكاك فنسيته، وسوف يأتي اليوم الذي تقف فيه قويًا، للضعف الذي لازمك كثيرًا فهزمته

……… .

أبهر ..

نزلت جوه الاصوات علت

امي موجوده تحاجيهم تهدئهم ولا واحد منهم يسمعها

..گول يالله يابه شالقصة دنيا الليل العالم شتگول
فرقد شبيك انت تخبلت بهالليل وكتها يعني

حاجاني ابويه وهو معصب

..  گله الهذا اخوك الميفهم اني شنو الهامني غير مصلحته

..ميخالف يابه هو هذا قراره شتسويله يعني وهو مقتنع ومصر ع الي يريده

حجه فرقد وهالمره جان اهدأ

..يابه انت ليش ماتفهمني اني رايدها ..متزوجها لو متزوج امها اني

..لك والله متخليكم ترتاحون تعلمني بسعاد انت مو گلبي مليان منها شفت المر ع ماوكفت ع حيلي واتزوجت وطلعت ابيت والله متخليك ترتاح وگول ابويه گال
اني العليه نبهتك ويطبك وجع شوف اذا موكلتك وحل

رجع فرقد يحجي وينتر جريته بخفه دفعته

..كافي اسكت لاتنتر حلها بهداوه اگعد اهنا واحجي مثل البشر گله اتحمل وخلص

حاجاني ابوي وهو يجر النفس بصعوبه

..خلي يصيح وبعد يوم يمد ايده رياضي الاستاذ محد يحاجي خلي يضرب ابوه

..لا يابه مايسويها  شالقصة تربيتك فرقد هو اكو اعقل منه اتفاهمو هسه الا بصياح

..ابني اگله بنات اخويه واحبهن الله يشهد بس اعرف تأثير امهن عليهن وامهن مراح تخلي يتهنه اني سنين عشت وياها جنت يوميه اتمنى الله يعطف عليه وياخذ روحي ولا عيشتي وياها انت شعبالك راح تتغير بعد هالعمر
زين لاعدها ولد ويتعاتب واكول اخوهن يحكمهن ويغير تربيتهن ولا اخويه عدل واكدر اعاتبه هو بحياته ماسيطر عليها اني علموده والا شلي علاقه بي الف مره گايل الكم اني الكم صديق مو اب نصحته نصيحة كصديق مااتقبلها مو بس هاي خبص الأمه يعلي صوته عليه يصير بعد هذا العمر عركه اني وياه ومنو صوته اعلى يسيطر
الله يعلم لو ماد ايدي عليه يمكن يطبق تدريباته بيه

اشرت الفرقد يجي يرضي

گام فرقد باس راسه

..مو هيج يابه والله تنكسر ايدي اذا رفعتها لو دافعت عن نفسي بوجهك مو انوب اضرب بس تدري بيه رايدها والله رايدها شسوي الحظي ماحبيت غيرها شلون يعني مااكدر انساها

..بالعافيه اخذها انمشيلك بس لابعدين تجي وتشكي وخلي ابالك شي لو صار ماصار وگلت اطلگها اكسر ظهرك والله من البدايه تاخذها تتحمل عواقب كلشي