السلام عليكم حبايبي
اسفه ع التأخير نبهت عندي خطار محافظات واستقرارهم يمي اليومين الفاتو مكدرت التزم وياكم والظاهر ماكو التزام بوقت محدد لأن تعرفون مو بأيدي
الشغلة الثانيه هسه عوفو العتب واسوني شورتو بيه البارحه كلت ماانزل بارت بالفين كلمه وبس احداث هواي ومااريد البارتات اطوول
تالي كتبتلكم اليوم 5 الاف احس ايدي اتشنجت والله.
طلعت حتى احفظ البارت واسوي تعديل علك البارت ورجع للالف كلمة حتى ضغطي صعد هسه من القهر
رجعت اكتب من جديد صار ساعه سويته 2500
وهم الاحداث مكدرت اكملها الي ناويتها بهالبارت
ع العموم انتظروني انزل الكم باقرب فرصه احتمال باجر اذا كدرت انزل واحد من وقت
اسفه ع الاطاله بس من قهري كتبت هالجريده 🤦♀️🤦♀️💔💔
..………… .
أريج..
طول هالفتره الي مرت حسيت بروحي انولدت من جديد شفت الحياة صح
احساسي صار يتجدد ،افرح ،احزن ،اشتاق ،
اتغيير هواي من روتين حياتي كان ممل الى درجه
صرت افقد وانفقد !
حسيت بروحي عايشه النفسي ارضي نفسي والي يحبوني
اي حسيت هواي يحبوني مو اني وبس مو وحيده
ابويه اخوتي اعمامي خالتي وبيبي وخالوو
وامي!
الكل حبهم يختلف عن حبها
هي تحبني حد التملك حد المرض
هالحب يوم عن يوم يخنگني
بس ماأگدر بدونه
أمي بگد ضيقي من تصرفاتها ويايه
بگد تحكمها بيه احبها واحس حياتي بدونها مالها طعم
بس بديت اتمرد ع الاحساس الي بداخلي بديت اعاند واثبت رأيي واناقش واطالب بحقوقي واكثر
وهي عجزت لحتى تفهم سبب تغييري
اعترف تعبتها ولما تتعب اتعب اني اكثر
حياتي ابد مو ممفهومه
من اذيها اتأذه اضعاف اذيتها
وماعدت اكدر ارجع اريج القديمه مااكدر انفذ كلشي ماأكدر اتجاهل تصغيرها الي ،وتحكمها بيه
حاولت اغيير طريقتي واصادقها
نفتح هواي مواضيع نتناقش بيها حتى لو مسلسل نتابعها ونحلل حلقاتها
شفت هالطريقه نجحت وزادت ثقتي بنفسي اكثر
اكو شي كدرت انجح بي حتى لو فكره بسيطه
بس كدرت اغيير بيها شي من روتينه اليومي وتعاملنه مع بعض
كل ذولي الي يحبوني صرت احبهم اكثر لما حبيت نفسي
ابويه على تواصل وياه ع طول هو وعائلته
اكتشفت نفسي مااكدر بدونهم هواي اشتاق الهم
لكن بقت مساحه من قلبي الشخص
هالشخص هو الي غيرني هو الي خلاني احس بكل هذي الامور ومازال مستمر يغير بيه للأحسن
لكن هالمساحه مو كادره اقدر حجمها ولا كادره اصنفها
هي صداقه لو شي اكبر
أنت تقرأ
عرين ألذكريات ذنبي
Любовные романыحياتي جميله لو انها تخلو من ذكريات موجعه لمن أفنت حياتها من اجلي كان همها حمايتي من اوجاع مرت بها سابقاً حاولت ان اكون كما تريد واكون كما تريد ان اكون ولكن هل يدوم هذا ؟ وهل تنجح محاولاتي ؟ امي سعادتي وجزء من احزاني
