يسعد صباحكم حبايب . .
البارت خمس الاف وثمان مئة وخمسه وخمسين كلمه هم كولو قصير كتبتها مو ارقام حته تحسون بيها 🤣
. . .
رؤى . .
من يوم الي عرف ابهر بموضوعي ورسائلي واني احس نفسي اموت ع البطيء اصعب شعور . . الشعور بالذنب عذابه اقوى من اي عذاب
بيومها ميته خوف اتخيلته يبسطني بس الي صار اجه وكعد يمي وابد ماباوعلي كان يبعد نظره عني يحاول يحجي بهدوء بس ماگدر يخفي عصبيته. .
بأيده جكاره عيني عليها ترجف ايده ابد مكانت ثابته وعروقها بارزه بشكل مخيف هالشي خله الخوف يعذبني زياده انتظار العقاب اسوأ من وقوعه
نصيت عيني ودموعي تتسابق من شفته باوعلي بنظره معرفت افسرها بالضبط بس كانت تعبر خذلان وانكسار وصدمه والقهر واضح على ملامحه
حاجاني
و عمري مراح انسى نظراته وانفاسه التصعد وتنزل وتنهيداته الي كان يطلقها بين كلمه والثانيه
. . الي سويتي غير نظرتي عنج وخلاني اعيد حساباتي
رغم زواج سرى بس ظلت ابالي شغلتها وكلت اسوي وياج الي مسويته وياها رغم علاقتنه هم كانت قوية بس وياج انطيت من نفسي اكثر بديتي بالدوام وكعدت وياج وحجيت الج عن الوضع الجديد والحالات الي تصير بي والاستغلال وشلون تحمين نفسج وكومه امور على طول نتناقش بيها
كل هذا مجاب نتيجه ولا فهمتي منه شي
كانت عندي قناعه البنيه الي تلكه من يحتويها ويشاركها تفاصيل حياتها من اهلها متروح اتدور عن من يفهمها وتسمع ويسمع منها شخص بعيد عن عائلتها
اريد افهم بشنوو مقصرين وياجن زين ليش اني بالذات ليش تخلني بهيج موقف
ليش اني بالذات وحده صديقي وحده نسيبي اريد افهم شلون تخلن عينجن بعيني وانتن تراسلن نفس الوقت وتتواصلون عادي!
تعرفين احساسي هسه شنوو تعرفين الضيق الي بگلبي لو تعرفين البيه وكسري وخذلاني منج جان مفكرتي تسوين السويتي . .
مكان يطلع مني صوت غير صوت شهگاتي وعبرتي المتكسره بصدري
كمل كلامه بعد مااتنهد بضيق
. . اعرف راح تكولين اني مو وحد عنك وعن زوجتك ومن حقي احب وانحب
كلشي حقج بس اختيارج يحدد احقيتج
مااقبلج لان اخاف عليج مو كل واحد يستاهل تسلمي نفسج اسمج واسم اهلج وسمعتهم وهذا الطريق بالذات طريق ذهاب وبس . من تمشين بي متكدرين ترجعين ماكو رجوع النفسج القديمه وخوفي من تبقين بنصه تايهه لا انتي العابرته ولا انتي الكادره ترجعين
يجوز اني غلطت من خليتجن تعرفن بعلاقتي لان هالشي خلاجن تتمادن وياي بالذات !
بس خلي ابالج اني قاتلت واتحديت الظروف وكنت واثق من نفسي لو اعرف بنفسي ممكن اتخله واحد بالمية مااورط بنيه وياي مستحيل اذا عبد الله فعلا رايدج وعرف بيه عرفت وردت خطوبه بعد الاربعين يخطب بدون ميتردد ويثبت صدق قوله
أنت تقرأ
عرين ألذكريات ذنبي
Romanceحياتي جميله لو انها تخلو من ذكريات موجعه لمن أفنت حياتها من اجلي كان همها حمايتي من اوجاع مرت بها سابقاً حاولت ان اكون كما تريد واكون كما تريد ان اكون ولكن هل يدوم هذا ؟ وهل تنجح محاولاتي ؟ امي سعادتي وجزء من احزاني
